অমৃত কলাস যাত্রাশিং লৈবাক শীনবা থুংনা পাংথোকপগা লোয়ননা “মেরি মাতি মেরা দেস” কেম্পেনগী অরোইবা তাঙ্কক য়ৌরক্লে। ভারত শীনবা থুংনা য়ৌনবা পান্দমদা পায়খৎলিবা থৌরম অসিনা লৈবাক অসিগী য়ুমথোং খুদিং য়ৌনবা পান্দম থম্লি। খুঙ্গংশিং অমসুং ব্লোক লেভেলশিংদগী য়ুমথোং খুদিংমক্তগী লৈবাক-লৈহাও খোমজিনবগী অচৌবা থবক অসিদা তোঙান-তোঙানবা মিনিস্ত্রিশিং, রাজ্য সরকারশিং, ইন্দিয়ান পোস্ত, নেহরু য়ুব কেন্দ্র সঙ্গথন, জোনেল কলচরেল সেন্তরশিং, সেন্ত্রেল আর্মদ পুলিস ফোর্সশিং শরুক য়াখি। অপুনবা থবক অসিদা শরুক য়াখিবশিংনা লৈবাক্কী থবক্কীদমক অমসুং লৈবাক শেমগৎনবা মখোয়না মখোয়গী থাজবশিং উৎখি। কেম্পেন অসিগী মরমদা মীয়ামদা খঙহন্নবা কলচর মিনিস্ত্রিগী জোনেল কলচরেল সেন্তরশিংনা লৈবাক শীনবা থুংবগী খুঙ্গংশিংদা নাৎকী থৌরমশিং পাংথোকখি। ব্লোক ৪৪১৯ হেনবদা মেরি মাতি মেরা দেস থৌরম পাংথোকখ্রে অমসুং মীয়াম থৱায় য়াওনা শরুক য়াখি।

কেপসন: মন্দ্যদা পাংথোকপা তালুক থাক্কী মেরি মাতি মেরা দেস থৌরম

কেপসন: গুজরাত, কাদানা ব্লোক

কেপসন: কুমতা, করৱার

কেপসন: অরুনাচল প্রদেসতা লোংদিং জিলাগী দি.সিদা অসাম রাইফলসনা কালাস খুৎশীন্নবা

লৈবাক্কীদমক মখোয়গী থৱায় কৎথোকখিবা ‘অথৌবশিং’ ইকায়খুম্নবা উৎনবা লৈবাক শীনবা থুংনা “মেরি মাতি মেরা দেস” কেম্পেন ওগস্ত ৯, ২০২৩দগী হৌদোকখি। মার্চ ১২,২০২১দগী হৌদোকখিবা অজাদি কা অমৃত মহোৎসব লোইশিল্লকপা ওইনা থৌরম অসি পাংথোকপনি অমসুং লৈবাক শীনবা থুংনা থৌরম ২০০,০০০ হেন্না পাংথোক্তুনা মীয়াম হুপ্না শরুক য়াবা(জন ভাগিদারি) উবা ফংখি।

মেরি মাতি মেরা দেস কেম্পেন হৌরকপগী তাঙ্কক্তা শিংথানিঙাই ওইনা মাইপাকখি অমসুং মীয়াম হুপ্না শরুক য়াখি। ঙসি ফাওবদা, রাজ্য/য়ু.তি ৩৬ শীনবা থুংবদা সিলাফালাকামস ২৩৩,০০০ হেন্না শাখ্রে। পঞ্চ প্রান ৱাশক্কা লোয়ননা লৈবাক-লৈহাও পায়দুনা নম্বা সেলফি মিল্লিয়ন ৪০ হেন্না ৱেবসাইত্তা থাগৎলে। লৈবাক শীনবা অথৌবশিং ইকায়খুম্নবা উৎনবা থৌরম ২০০,০০০ হেন্না পাংথোকখ্রে। বসুধা বন্দন থিমগী মখাদা, লৈবাক অসিদা মহৌশাদগী লৈরক্লবা উ চারা মিল্লিয়ন ২৩৬ হেন্না থাখ্রে অমসুং অমৃত বতিকাস ২৬৩,০০০ হেন্না শেমগৎলে।

ওক্তোবর ৩০ অমসুং ওক্তোবর ৩১,২০২৩দা কর্তব্য পথতা অচৌবা থৌরম অমা পাংথোক্তুনা অমৃত কালাস যাত্রা লোইশিল্লগনি। লৈবাক শীনবা থুংনা পাংথোকপা থৌরম লোইশিনবা অসিদা, লৈবাক অসিগী মফম কয়াদগী খোজিল্লকপা লৈবাক-লৈহাও, ঐখোয়গী লৈবাক্কী অপুনবগী শক্তমগী খুদম ওইনা অচৌবা কালাস অমা অমৃত বতিকা অমসুং অমৃত মহোৎসব মেমোরিএলদা থমগনি। মসিগী অখন্নবা থৌরম অসিদা নাৎকী থৌরমশিং অমসুং মঙাল অমসুং খোঞ্জেলগী থৌরমশিং পাংথোকখি। অজাদি কা অমৃত মহোৎসব ইকায়খুম্নবা উৎনবা চৎনবী অমা শেমগৎনবা অমসুং লৈবাক্কী অপুনবগী ৱাখল্লোন থাগৎনবা পুৱারি ওইরবা কেম্পেন অসিদা মীয়াম্না শরুক য়াবা য়াগনি।

****