ଦେଶ ପାଇଁ ଜୀବନ ବଳିଦାନ ଦେଇଥିବା ବୀରମାନଙ୍କୁ ସମ୍ମାନିତ କରିବା ପାଇଁ ଦେଶବ୍ୟାପୀ ଆୟୋଜିତ "ମେରି ମାଟି ମେରା ଦେଶ" ଅଭିଯାନ ଶେଷ ପର୍ଯ୍ୟାୟରେ

ଦେଶବ୍ୟାପୀ ଅମୃତ କଳସ ଯାତ୍ରା ସହିତ ‘ମେରି ମାଟି ମେରା ଦେଶ' (ଏମ୍‌ଏମ୍‌ଏମ୍‌ଡି) ଅଭିଯାନ ଶେଷ ପର୍ଯ୍ୟାୟରେ ପ୍ରବେଶ କରୁଛି । ଦେଶରପ୍ରତ୍ୟେକ ଘରେ ଏହାକୁ ପହଞ୍ଚାଇବା ପାଇଁ ଏହି ସର୍ବଭାରତୀୟ ପ୍ରଚାର ଅଭିଯାନଆରମ୍ଭ କରାଯାଇଥିଲା । ଏକ ଗୁରୁତ୍ୱପୂର୍ଣ୍ଣ ପ୍ରୟାସକ୍ରମେ, ଏକାଧିକ ମନ୍ତ୍ରଣାଳୟ, ରାଜ୍ୟ ସରକାର, ନେହରୁ ଯୁବ କେନ୍ଦ୍ର ସଂଗଠନ, ଜୋନାଲ ସାଂସ୍କୃତିକ କେନ୍ଦ୍ର, କେନ୍ଦ୍ରୀୟ ସଶସ୍ତ୍ର ପୋଲିସ ବାହିନୀ, ଭାରତୀୟ ଡାକ, ଇଲେକ୍ଟ୍ରୋନିକ୍ସ ଏବଂପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ଏବଂ କୋଇଲା ମନ୍ତ୍ରଣାଳୟ, ଗ୍ରାମ ଓ ବ୍ଲକ୍ ସ୍ତରରେପ୍ରତ୍ୟେକ ଘରୁ ମାଟି ସଂଗ୍ରହ କରିବାର ମହତ୍ୱପୂର୍ଣ୍ଣ କାର୍ଯ୍ୟରେ ସକ୍ରିୟ ଭାବରେଅଂଶଗ୍ରହଣ କରିଥିଲେ l

ମିଳିତ ପ୍ରୟାସରେ ଆୟୋଜିତ ଏହି ମହତ୍ୱାକାଂକ୍ଷୀ କାର୍ଯ୍ୟକ୍ରମ ଗୋଷ୍ଠୀ ସେବାଏବଂ ରାଷ୍ଟ୍ର ନିର୍ମାଣ ପ୍ରତି ଥିବା ପ୍ରତିବଦ୍ଧତାକୁ ପ୍ରତିଫଳିତ କରିଛି l ସଂସ୍କୃତିମନ୍ତ୍ରଣାଳୟର ଆଞ୍ଚଳିକ ସଂସ୍କୃତି କେନ୍ଦ୍ରଗୁଡ଼ିକ ଏହି ଅଭିଯାନ ବିଷୟରେସଚେତନତା ସୃଷ୍ଟି କରିବା ସହ ଉନ୍ନତ ପ୍ରଚାର ପ୍ରସାର ପାଇଁ ସମଗ୍ର ଦେଶରଗ୍ରାମାଞ୍ଚଳରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରୁଛନ୍ତି । ୪୪୧୯ରୁ ଅଧିକ ବ୍ଲକ୍ମେରି ମାଟି ମେରା ଦେଶ କାର୍ଯ୍ୟକ୍ରମ ଆୟୋଜନ କରି ସାରିଥିବା ବେଳେ ଏଥିରେବହୁମାତ୍ରାରେ ଜନସାଧାରଣଙ୍କ ଅଂଶଗ୍ରହଣ ଦେଖିବାକୁ ମିଳିଛି ।

ଦେଶ ପାଇଁ ପ୍ରାଣବଳି ଦେଇଥିବା ବୀରପୁତ୍ରମାନଙ୍କୁ ସମ୍ମାନିତ କରିବା ଉଦ୍ଦେଶ୍ୟରେଅଗଷ୍ଟ ୯, ୨୦୨୩ ରେ ଦେଶବ୍ୟାପୀ ‘ମେରି ମାଟି ମେରା ଦେଶ' ଅଭିଯାନ ଆରମ୍ଭହୋଇଥିଲା । ଏହି କାର୍ଯ୍ୟକ୍ରମ ଦ୍ୱାରା ୨୦୨୧ ମାର୍ଚ୍ଚ ୧୨ ତାରିଖରୁ ଆରମ୍ଭହୋଇଥିବା ଭାରତର 'ଆଜାଦି କା ଅମୃତ ମହୋତ୍ସବ'ର ସମାପ୍ତି ଘଟିଥିବା ବେଳେସମଗ୍ର ଭାରତରେ ୨,୦୦,୦୦୦ ରୁ ଅଧିକ କାର୍ଯ୍ୟକ୍ରମ ଆୟୋଜିତ ହୋଇଥିଲାଏବଂ ଏଥିରେ ବ୍ୟାପକ ସାର୍ବଜନିନ ଭାଗିଦାରୀ (ଜନ ଭାଗିଦାରୀ) ଦେଖିବାକୁମିଳିଥିଲା । ମେରି ମାଟି ମେରା ଦେଶ ଅଭିଯାନର ପ୍ରାରମ୍ଭିକ ପର୍ଯ୍ୟାୟରେ ବ୍ୟାପକପ୍ରଚାର ଦ୍ୱାରା ଅଧିକରୁ ଅଧିକ ଜନସଂପୃକ୍ତି ସହିତ ଉଲ୍ଲେଖନୀୟ ସଫଳତାମିଳିପାରିଛି l ବର୍ତ୍ତମାନ ସୁଦ୍ଧା ୩୬ଟି ରାଜ୍ୟ / କେନ୍ଦ୍ରଶାସିତ ଅଞ୍ଚଳରେ୨,୩୩,୦୦୦ରୁ ଅଧିକ ଶିଳାଫଳକ ନିର୍ମାଣ କରାଯାଇଛି । 

ଏହାବ୍ୟତୀତ ପଞ୍ଚ ପ୍ରାଣ ପ୍ରତିଶ୍ରୁତି ସହ ପାଖାପାଖି ୪୦ ନିୟୁତ ସେଲ୍ଫିୱେବସାଇଟରେ ଅପଲୋଡ କରାଯାଇଛି । ଏହି ଅଭିଯାନ ମାଧ୍ୟମରେଦେଶବ୍ୟାପୀ ବୀର ଯବାନମାନଙ୍କୁ ସମ୍ମାନିତ କରିବା ପାଇଁ ୨,୦୦,୦୦୦ ରୁ ଅଧିକସମ୍ବର୍ଦ୍ଧନା କାର୍ଯ୍ୟକ୍ରମ ଆୟୋଜନ କରାଯାଇଛି । ବସୁଧା ବନ୍ଦନ କାର୍ଯ୍ୟକ୍ରମଅଧୀନରେ ୨୩୬ ନିୟୁତରୁ ଅଧିକ ଦେଶୀଗଛ ଚାରାରୋପଣ କରାଯାଇଛି ଏବଂ୨,୬୩,୦୦୦ ଅମୃତ ବାଟିକା ସୃଷ୍ଟି କରାଯାଇଛି ।

ଅମୃତ କଳସ ଯାତ୍ରା ଆସନ୍ତା ଅକ୍ଟୋବର ୩୦ ଓ ୩୧ ତାରିଖରେ କର୍ତ୍ତବ୍ୟ ପଥରେଏକ ଭବ୍ୟ ସମାରୋହରେ ଆୟୋଜିତ ହେବ l ଦେଶବ୍ୟାପୀ ଏହି ମହାନସମାପନ ସମୟରେ ଦେଶର ଏକତା ଓ ବିବିଧତାର ପ୍ରତୀକ ଏକ ସ୍ମାରକୀ କଳସଦେଶର କୋଣ ଅନୁକୋଣରୁ ସଂଗ୍ରହ କରାଯାଇ ଅମୃତ ବାଟିକା ଓ ଅମୃତମହୋତ୍ସବ ସ୍ମାରକୀରେ ଆନୁଷ୍ଠାନିକ ଭାବରେ ସ୍ଥାନିତ କରାଯିବ । ମହାଆଡମ୍ବରରେ ଅନୁଷ୍ଠିତ ହେବାକୁ ଥିବା ଏହି ଉତ୍ସବରେ ସାଂସ୍କୃତିକ କାର୍ଯ୍ୟକ୍ରମସହ ଆକର୍ଷଣୀୟ ଲାଇଟ ଏବଂ ସାଉଣ୍ଡ ଶୋ' ମୁଖ୍ୟ ଆକର୍ଷଣ ରହିବ l  ସ୍ୱତନ୍ତ୍ରଭାବରେ ପ୍ରସ୍ତୁତ ଅଭିଜ୍ଞତା ଜୋନ୍ ଅଂଶଗ୍ରହଣକାରୀ ମାନଙ୍କୁ ଏହି ଐତିହାସିକଅଭିଯାନ ସମ୍ପର୍କରେ ବିସ୍ତୃତ ଭାବରେ କହିବା ସହ ଦେଶର ଏକତା ଏବଂ ଆଜାଦିକା ଅମୃତ ମହୋତ୍ସବର ସମ୍ମାନାର୍ଥେ ବାର୍ତ୍ତା ଦେବ l

****

SSP