Ka campaign "Meri Maati Mera Desh '' (MMMD) ka dang poi sha ka bynta kaba khatduh lyngba ki Amrit Kalash Yatra ha kylleng ka ri. Kane ka kam kaba pynlong ha kylleng ka ri ka thmu ban poi sha baroh ki longiing ha ka ri. Ka dei ka jingiatreilang jong ki tnat Sorkar Pdeng, ki Sorkar Jylla, ki Nehru Yuva Kendra Sangathan, Zonal Cultural Center, Ki Kynhun Pulit ka Sorkar Pdeng, ka Indian Post, Miety bad Coal ki iatrei lang ha ka jinglum ia ka khyndew na man ki longiing ha ki shnong bad ki block. Kane ka jingiatreilang ka pyni ia ka jingkut jingmut ban pynurlong ia kane ka thong kaba heh, kaba pyni ia ka jingieng skhem na ka bynta ka jingai jingshakri ia ka imlang sahlang bad ka jingtei ia ka ri. Ki zonal culture center jong ka tnat Deiriti ki dang pynlong ia ki prokram pyni deiriti ha ki jaka nongkyndong ha kylleng ka ri ban ai jingtip shaphang kane ka kam bad ban ai jingtip shuh shuh ia ki briew. Palat 4419 tylli ki block ki la dep pynlong ia ki prokram Meri Matti Mera Desh bad ka la bun bha ka jingiashim bynta ki paidbah.

Ka prokram Meri Maati Mera Desh ha Taluk ha Mandya

Kadana Block, Gujarat

Kumta, Karwar

Ka Assam Rifles ka la aiti ia ka Kalash ia u DC Longding District ha Arunachal Pradesh

Ia ka campaign "Meri Maati Mera Desh" kaba ha kylleng ka ri la plie paidbah ha ka 9 tarik u Nailar, 2023 ban ai burom ia ki riewshlur kiba ngi tip kum ki 'Veer,' kiba la aiti ia la ka jingim na ka bynta ka ri. Kane ka sienjam ka long ka dak jong ka jingkut ka 'Azadi ka Amrit Mahotsav,' kaba la sdang ha ka 12 tarik u Lber 2021, ha kaba la don ka jingiashim bynta kaba shitrhem da ki paidbah (Jan Bhagidari) lyngba ka jingpynlong palat 200,000 tylli ki prokram ha kylleng ka India. Ha ka por ba sdang ia ka Meri Maati Mera Desh campaign ngi la iohi ia ka jingseisoh ha kaba ka la bun ka jingai jingtip bad ka jingiashim bynta ki paidbah. Haduh mynta, la tei palat 233,000 tylli ki Shilaphalakam ha 36 tylli ki Jylla/UT. Shuh shuh, la upload jan 40 million tylli ki selfie jong ka jingbam smai Panch Pran ha ka website. Kane ka campaign ka la pynlong palat 200,000 tylli ki prokram pynkup burom ia ki riewshlur ha kylleng ka ri. Hapoh ka phang Vasudha Vandan, la dep thung palat 236 million tylli ki tynrai dieng bad la tei 263,000 tylli ki Amrit Vatika.

Ki Amrit Kalash Yatra kin poi sha kaba kut ha ka Kartavya Path ha ka prokram kaba heh ka ban long ha ka 30 bad 31 tarik u Risaw, 2023. Ha kane ka jingpynkut ia kane ka sienjam, yn buh ia u mot Kalash, uba long ka dak jong ka jingiatylli hapdeng ki jingiapher ha ka ri bad hangne yn khleh ia ka khyndew ba la lum na baroh ki bynta jong ka ri ia kaba ym buh ha ka Amrit Vatika bad Amrit Mahotsav Memorial. Kane ka jingrakhe kan don ruh ia ki prokram pyni deiriti bad ka jingthang sharak bad ki jingpynsawa na ka bynta kito kiba wan iashim bynta. Ki jaka ba la pynkhreh kyrpang kin plie lad ia ki briew ba kin sngewthuh kham bha ia kane ka campaign, ia ka jingtylli jong ka ri bad ka jingkyntiew ia ka jingburom ia ka Azadi Ka Amrit Mahotsav.

****