প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা নৌনা থবক খল্লবা মীওইশিংদা এপোইন্তমেন্ত লেত্তর 51,000 হেন্না য়েংন্থোকখ্রে। রোজগার মেলা অসি লৈবাক শিনবা থুংবদা লৈবা মফম 45দা পাঙথোকখি। রোজগার মেলাগী থৌরম অসিগী খুত্থাংদা গৃহ মন্ত্রালয়না সেন্ত্রেল রিসর্ব পুলিস ফোর্স (CRPF), বোর্দর সেক্যুরিতী ফোর্স (BSF), শাস্ত্র সীমা বাল (SSB), অসাম রাইফল্স, সেন্ত্রেল ইন্দস্ত্রিএল সেক্যুরিতী ফোর্স (CISF), ইন্দো তিবেতন বোর্দর পুলিস (ITBP) অমসুং নরকোতিক্স কন্ত্রোল ব্যুরো (NCB) লোয়ননা দিল্লী পুলিস য়াওনা তোঙান-তোঙানবা সেন্ত্রেল আর্মদ পুলিস ফোর্সেস (CAPFs)দা পর্সনেলশিং লৌরি। লৈবাক শিনবা থুংবদগী খনখিবা অনৌবা রিক্রুইৎশিংনা কোনস্তেবল (জেনরেল দ্যুতী), সব-ইনস্পেক্তর (জেনরেল দ্যুতী) অমসুং নন-জেনরেল দ্যুতী কেদর পোস্তশিং য়াওনা তোঙান-তোঙানবা ফমশিংদা গৃহ মন্ত্রালয়গী মখাদা তোঙান-তোঙানবা ওর্গনাইজেসনশিংদা চংলগনি।

থৌরম অসিদা ৱা ঙাংলদুনা প্রধান মন্ত্রীনা অনৌবা এপোইন্তীবু অমৃত কালগী ‘অমৃত রক্ষক’নি হায়না মখোয়গী সেলেক্সন অসিগীদমক নুংঙাইবা ফোঙদোকখি। মহাক্না মখোয়বু ‘অমৃত রক্ষক’ কৌখি মরমদি অনৌবা এপোইন্তীশিংনা লৈবাক্কী শেবা তৌবা খক্তা নত্তনা লৈবাক অসিবু অমদি ইরৈবাকচাশিংবু ঙাকশেনগনি। প্রধান মন্ত্রীনা হায়খি, “নখোয়না ‘অমৃত কাল’গী ‘অমৃত রক্ষক’নি”।

প্রধান মন্ত্রীনা হায়খি মদুদি হন্দক্কী রোজগার মেলা অসি লৈবাক্না চাউথোকচবা অমদি থাজবনা থনবা তানফম অসিদা পাঙথোক্লি। মহাক্না হায়খি চন্দ্রয়ান 3 অমসুং প্রজ্ঞান রোবরনা লেপ্পা লৈতনা থাগী খ্বাইদগী নৌবা মমিশিং ত্রান্সমিৎ তৌরক্লি। চাউথোকচবনা থল্লবা মীকুপ অসিদা প্রধান মন্ত্রীনা হায়খি মদুদি অনৌবা রিক্রুইৎশিংনা মখোয়গী পুন্সিগী খ্বাইদগী মরু ওইবা খোঙচৎ অমা হৌরি অমসুং অনৌবা এপোইন্তী অমসুং মখোয়গী ইমুং মনুং পুম্নমক্তা মহাক্না য়াইফ-মঙ্গোল পীখি।

প্রধান মন্ত্রীনা দিফেন্স নত্ত্রগা সেক্যুরিতী অমসুং পুলিস ফোর্সশিংদা সেলেক্সন ফংবগা লোয়ননা লৌগদবা থৌদাংগী মতাংদা ফোঙদোকখি অমসুং সরকারনা ফোর্সশিংগী মথৌ তাবশিংদা অকনবা মীৎয়েং চংখি হায়না ফোঙদোকখি। মহাক্না পেরামিলিতরী ফোর্সশসিংগী থবক লৌবদা চাউনা অহোংবশিং লাক্লে হায়না ফোঙদোকখি। এপ্লিকেসন থাজিনবদগী অরোইবা সেলেক্সন তৌবগী থৌওং ফাওবা অসি খোঙজেল য়াংখৎহনখি, মমাংদা ইংলিশ নত্ত্রগা হিন্দী খক্তা ওইরম্বা অদুগী মহুৎ লোকেল লোল 13দা একজামিনেসনশিং পাঙথোক্লি। কাংলোনশিং কোমথোক্তুনা ছত্তিসগরগী নক্সলনা শোকহল্লবা মফমশিংদগী ত্রাইবেল নহারোল কয়া লৌখিবগী মতাংদা মহাক্না পাউদমখি। মহাক্না ঙমখৈগী মফম অমসুং এক্সত্রিমিজমনা শোকহল্লবা মফমশিংদগী নহারোলশিংগীদমক থম্মিবা স্পেসিএল কোতাগী মতাংদসু পাউদমখি।

লৈবাক্কী চাউখৎ থৌরাংদা অনৌবা রিক্রুইৎশিংগী থৌদাংশিংগী মতাংদা পল্লদুনা প্রধান মন্ত্রীনা হায়খি মদুদি রুল ওফ লো লৈবা সেক্যুর ওইবা এনভাইর্নমেন্তনা চাউখৎ খোঙচৎকী খোঙজেল য়াংশিলহল্লি। উত্তর প্রদেশপু খুদম ওইনা পীদুনা প্রধান মন্ত্রীনা মতম অমদা চাউখৎ-থৌরাংদা শোত্থদুনা লৈরমখিবা ফীভম অমদি ক্রাইম তৌবদা মাংজিল থারিবা রাজ্যশিংগী মনুংদা অমা ওইরম্বা অদুগী মতাংদা ফোঙদোকখি। মহাক্না মখা তারদুনা হায়খি মদুদি উত্তর প্রদেশতা রুল ওফ লো লাকপদগী রাজ্য অসিনা হৌজিক চাউখৎ-থৌরাংগী অনৌবা পনখৈশিং য়ৌবা ঙম্লে অমসুং অকিবা লৈতবা অনৌবা খুন্নাই অমা শেম্বা ঙম্লে। মহাক্না মখা তারদুনা হায়, “অসিগুম্বা লো অমসুং ওর্দরগী এরেঞ্জমেন্তনা মীয়ামদা নৌহৌননা থাজবা পোকহল্লি”। মহাক্না হায়খি রাজ্য অসিদা ক্রাইমগী চাং হন্থরকপগা লোয়ননা ইনভেস্তমেন্তশিংদা হেনগৎলক্লি অমসুং ক্রাইমগী চাং ৱাংবা রাজ্যশিংদা ইনভেস্তমেন্তগী চাং য়াম্না নেম্মি অমসুং থবক্কী খুদোংচাবশিংসু লৈতে।

ভারতনা খ্বাইদগী খুমাং চাউশিল্লিবা ইকনোমী অমা ওইনা লৈরিবা স্তেতসকী মতাংদা পি.এম. মোদীনা দিকেদ অসিগী মনুংদা ভারতনা মালেমগী মকোক থংবা ইকনোমী অহুমগী মনুংদা চল্লগনি হায়না নৌহৌনা ফোঙদোকখি। প্রধান মন্ত্রীনা হায়খি, “মোদীনা অচৌবা থৌদাং লৌবগা লোয়ননা গরেন্তী পীজরি”। মীচম প্রজাদা চাউখৎলক্লিবা ইকনোমীনা পীরিবা শাফুগী মতাংদা মখা তারদুনা প্রধান মন্ত্রীনা হায়খি মদুদি ইকনোমী চাউখৎহনবদা সেক্তর খুদিংমক চাউখৎপা হায়বা অসি মরু ওই। মহাক্না লাইচৎ মনুংদা ফার্মা ইন্দস্ত্রীনা লৌখিবা থৌদাংগী মতাংদা ফোঙদোকখি। ঙসি ভারতকী ফার্মা ইন্দস্ত্রী অসি লুপা করোর লাখ 4 ওইরে অমসুং 2030 ফাওবদা মসি চাউরাক্না লুপা করোর লাখ  10রোম ওইরগনি। মসিগী গ্রোথ অসিগী ৱাহন্থোক্তি ফার্মা ইন্দস্ত্রীনা থবক্কী খুদোংচাবা কয়ামরুম পীদুনা লাক্কদৌরিবা চহি খরা অসিদা নহারোল কয়া মথৌ তারক্কনি।

ওতোমোবাইল অমসুং ওতো কম্পোনেন্ত ইন্দস্ত্রী পাকথোক চাউথোরকপগী মতাংদা পল্লদুনা প্রধান মন্ত্রীনা হায়খি ইন্দস্ত্রী অনিমক লুপা করোর লাখ 12 হেল্লে অমসুং লাক্কদৌরিবা চহিশিংদা মসি হেন্না খুমাং চাউশিল্লবা য়াই। মহাক্না হায়খি মসিগী গ্রোথ রেৎ অসি লেংদনা থম্বা ঙম্নবা ইন্দস্ত্রী অসিদা নহারোল কয়া মথৌ তাগনি মসিনা লৈবাক অসিদা থবক্কী খুদোংচাবশিং পীরগনি। মহাক্না মমাং চহিদা চাউরাক্না লুপা করোর 26 ওইরম্বা ফুদ প্রোসেসিং ইন্দস্ত্রীনা মথংগী চহি অহুম মখাইদা লুপা করোর  লাখ 35দা হেনগৎলকপা য়ানা লৈরে হায়বা ৱাফমসু থমখি। মহাক্না মখা তারদুনা হায়, “চাউখৎলকপগা লোয়ননা থবক্কী খুদোংচাবশিংসু হেনগৎলকই”।

ইনফ্রাস্ত্রকচর দিবেলপমেন্তগী মতাংদা পল্লদুনা প্রধান মন্ত্রীনা হায়খি হৌখিবা চহি মাপন অসিদা কেন্দ্র সরকারনা ইনফ্রাস্ত্রকচরদা লুপা করোর লাখ 30 হেন্না চাদিং তৌখি। মসিনা কন্নেক্তিবিতী লোয়ননা তুরিজম অমসুং হোস্পিতেলিতীদা শাহৌ অমা পীরি অমসুং অনৌবা থবকশিং পীরি।

প্রধান মন্ত্রীনা হায়খি 2030 ফাওবদা তুরিজম সেক্তরনা চাউরাক্না থবক করোর 13-14রোম পীদুনা ইকনোমীদা করোর লাখ 20 হেন্না শরুক তম্লগনি। মসি শুপ্নগী মশিং খক্তা নত্তে চাউখৎলকপশিং অসিনা থবক পীদুনা, ইজ ওফ লিবিং ফংহন্দুনা অমসুং ইনকম হেনগৎহন্দুনা মীচম প্রজাগী পুন্সিদা শাফু পীগনি হায়না মহাক্না ফোঙদোকখি।

প্রধান মন্ত্রীনা হায়খি, “হৌখিবা চহি 9দা সরকারনা পাইখৎপা খোঙথাংশিংনা মরম ওইরগা ঐখোয়না ত্রান্সফোর্মেসনগী অনৌবা চহিচা অমা উবা ফংখি”। মহাক্না হায়খি ভারতা হৌখিবা চহিদা রেকোর্দ ওইনা এক্সপোর্ত তৌরিবা অসি ভারতনা শাজবা পোৎলমশিং গ্লোবেল মার্কেৎতা দিমান্দ লৈবা হেনগৎলকপগী খুদম অমনি। শ্রী মোদীনা হায়খি মসিনা মরম ওইরগা প্রদক্সন হেগৎলকখি, থবক পীবা হেনগৎলকখি অমসুং মসিনা ইমুংগী ইনকমসু হেনগৎহনখি। মহাক্না হায়খি ভারতনা মালেমদা অনিশুবা খ্বাইদগী চাউবা মোবাইল মেন্যুফেকচরিং নেসন ওইরি অমসুং ভারত্তা মোবাইল ফোনশিংগী দিমান্দসু হেনগৎলকখি। মোবাইল মেন্যুফেকচরিংদা শরুক কয়া হেনগৎলকখিবগীদমক সরকারগী খোঙথাংশিংদা মহাক্না মনা পীখি। শ্রী মোদীনা লৈবাক অসিনা হৌজিক অতোপ্পা ইলেক্ত্রোনিক্স গেদজেৎশিংদা মীৎয়েং চংলি হায়না ফোঙদোকখি লোয়ননা মোবাইল মেন্যুফেকচরিং সেক্তরগী মাইপাকপা অসি IT অমসুং হর্দৱেয়র মেন্যুফেকচরিং সেক্তরদা মতৌ তম্বা ঙমগনি হায়না থাজবসু ফোঙদোকখি। প্রধান মন্ত্রীনা মখা তারদুনা হায়খি, “ভারত্তা শাবা লেপতোপশিং অমসুং পর্সনেল কম্প্যুতরশিংনা ঐখোয়বু চাউথোকচবা পোকহনগদবা নুমিৎ অদু য়ৌরক্কদবা কুইদ্রে”। ‘ভোকেল ফোর লোকেল’গী মন্ত্রগী মতাংদা পল্লদুনা প্রধান মন্ত্রীনা হায়খি মদুদি সরকারনা ভারত্তা শাবা লেপতোপশিং অমসুং কম্প্যুতরশিং প্রোক্যুর তৌবদা মীৎয়েং চংলি মসিগী ফল ওইনা প্রদক্সন অমসুং এমপ্লোইমেন্ত হেনগৎলকখি। মহাক্না অনৌবা রিক্রুইৎশিংনা লৈবাক অসিদা ইকনোমিক দিবেলপমেন্তশিং লাকহন্নবা সেক্যুর এনভাইর্নমেন্ত লৈহনবগী থৌদাং মখোয়গী মথক্তা লৈ হায়না নৌহৌননা ফোঙদোকখি।

প্রধান মন্ত্রীনা নুমিৎ অসিদা চহি 9গী মমাংদা প্রধান মন্ত্রী জন ধন য়োজনা হৌদোকখিবা অদু নীংশিংখি। প্রধান মন্ত্রীনা হায়খি, “স্কিম অসিনা খুঙ্গংশিং অমসুং লাইরবশিংদা শেন্মীৎলোনগী শক্তি পীবদা অচৌবা থৌদাং অমা লৌখি”। মহাক্না হায়খি স্কিম অসিগী মখাদা হৌখিআব চহি 9 দা বেঙ্ক একাউন্ত করোর  50 হেন্না হাংখি। স্কিম অসিনা লায়রবশিংদা অমসুং শোত্থরবশিংদা কান্নবশিং ফংহনবদা মতেং পাংখি লোয়ননা মসিনা ত্রাইবেল, নুপী, দলিৎ অমসুং অতোপ্পা শোত্থরবা শরুকশিংদা থবক পীবদা অমসুং মশানা মশাবু থবক পীবা ঙমহনবদা মতেং পাংখি। নহারোল কয়ানা বেঙ্কিং কোরেস্পোন্দেন্তশিংম বেঙ্ক মিত্রাশিংগী থবকশিং ফংখি। পি.এম. মোদীনা হায়খি নহারোল লাখ 21 হেনবনা বেঙ্ক মিত্রাশিং নত্ত্রগা বেঙ্ক শখিশিং ওইনা মথৌ তৌরি। জন ধন য়োজনানা মুদ্রা য়োজনাদা হেন্না কান্নবা ফংহনখি। মহাক্না হায়খি মুদ্রা য়োজনাগী মখাদা হৌজিক ফাওবদা লুপা করোর লাখ 24 হেনবগী কোল্লাতরেল-ফ্রী লোনশিং পীখি। বেনিফিসরীশিংগী মরক্তা করোর 8 না অহানবা ওইনা ওন্তপ্রিনোরশিং ওইরি। পি.এম স্বানিধিগী মখাদা স্ত্রীৎ ভেন্দর লাখ 45দা অহানবা ওইনা কোল্লাতরেল-ফ্রী লোনশিং পীনবা অয়াবা পীখি। স্কিমশিং অসিগী বেনিফিসরীশিংগী মরক্তা নুপী, দলিৎ, বেকৱার্দ অমসুং ত্রাইবেল নহারোল মশিং য়াম্না য়াওখি। প্রধান মন্ত্রীনা মখা তারদুনা হায়খি জন ধন একাউন্তশিংনা খুঙ্গংশিংদা নুপী সেল্ফ হেল্প গ্রুপশিং মপাঙ্গল কনখৎহনখি। মহাক্না মখা তারদুনা হায়, “লৈবাক্কী সমাজিক অমসুং শেন্মীৎলোনগী অহোংবা পুরকপদা খোঙজেল য়াংশিনহনবদা জন ধন য়োজনানা লৌখিবা থৌদাং অসি তশেংনবা স্তদী তৌবা য়াবা হীরম অমনি”।

প্রধান মন্ত্রীনা রোজগার মেলা কয়াদা নহারোল লাখ কয়াদা ৱা ঙাংখিবা অদু পাউদমখি অমসুং হায়খি মদুদি মখোয়না পব্লিক সর্ভিস নত্ত্রগা অতোপ্পা সেক্তরশিংদা থবক ফংখি। প্রধান মন্ত্রীনা হায়খি “গভর্নমেন্ত অমসুং গভর্নান্সতা অওনবা পুরক্নবা মিসন্দা নখোয় নহারোলশিংনা ঐগী খ্বাইদগী চাউবা শক্তি ওইরি”। ঙসিগী নহারোলনা পুম্নমক ক্লিক অমদা তৌবা য়াবা মীরোল অমদগী হৌরক্লি হায়না ফোঙদোক্লদুনা প্রধান মন্ত্রীনা ফাস্ত দেলিবরীগী মরু ওইবা অদু থম্লদুনা হায়খি ঙসিগী মীরোলনা সমস্যাশিং অসিগী পর্মিনেন্ত সোল্যুসনশিং থীরি। মহাক্না হায়খি পব্লিক সর্ভেন্তশিং ওইনা অনৌবা রিক্রুইৎশিংনা তুং কোইনা মীয়ামদা কান্নবা পীগদবা ৱারেপশিং লৌগদবনি। পব্লিক সর্ভেন্তশিং ওইনা মীয়ামগী অনীংবা অপাম্বশিং থুংহনবা মরু ওই হায়রদুনা মহাক্না হায়খি “নখোয়না হৌরক্লিবা মীরোল অসি করিগুম্বা খরা ফংদবা য়াদবা অমা ওইরি। মীরোল অসিনা কনাগুম্বা অমত্তগী মতেং পাংদে, মীরোল অসিনা মাগী লম্বীদা কনাগুম্বা অমত্তনা অপনবা পীবা পামদে”। মহাক্না মখা তারদুনা হায়খি মখোয়না মসি খঙলবদি লো অমসুং ওর্দর থম্বদা চাউনা মতেং ওইগনি।

ৱারোল পীবা লোইশিল্লদুনা প্রধান মন্ত্রীনা পেরামিলিতরী ফোর্সশিং ওইনা মহৈ তমশিনবা পাম্বগী ৱাখল্লোন লেংদনা থম্নবা ৱাফম থমখি অমসুং IGOT কর্ময়োগী পোর্তেলদা কোর্স 600 হেন্না য়াওরি হায়খি। প্রধান মন্ত্রীনা হায়, সরকারগী কর্মচারি লাখ 20 হেনবনা পোর্তেল অসিদা রেজিস্তর তৌখি। ঐহাক্না নখোয়দসু পোর্তেল অসিদা য়াওনবা অমসুং মসিগী কান্নবা লৌনবা হায়জরি। অরোইদা প্রধান মন্ত্রীনা হকচাং ফনা থম্বা অমসুং য়োগবু পুন্সিদা নোংমগী তৌদবা য়াদ্রবা প্রেক্তিস অমা ওইহনবা মথৌ তাই হায়না অনৌবা রিক্রুইৎশিংদা হায়খি।

বেকগ্রাউন্দ

CAPFশিংগা লোয়ননা দিল্লী পোলিসকী মপাঙ্গল কনখৎহনবা অসিনা মসিগী ফোর্সশিং অসিনা ইন্তরনেল সিক্যুরিতী, কাউন্তর তেররিজম, ইন্সর্জেন্সী, এন্তি-লেফ-ৱিং এক্সত্রিমিজম মায়োক্না অমসুং লৈবাক অসিগী ঙমখৈশিং ঙাক শেনবদা মখোয়গী মলতিদাইমেস্নলে ওইবা থৌদাংশিং নীংথিজনা পাংথোকপদা মতেং ওইরগনি।  

রোজগার মেলা অসি থবক পীবদা খ্বাইদগী অহানবা মীয়েং চংলিবা প্রধান মন্ত্রীগী ৱাখল্লোন অদু থবক্তা ওন্থোক্নবা খোংথাং অমনি। রোগার মেলা অসি মখাতানা থবক ফংহনবদা অমসুং নহারোলশিংদা মখোয়বু এম্পাৱর তৌবা অমসুং লৈবাক্কী চাউখৎ থৌরাংদা থৌদাং য়াবদা মরুওইবা থৌদাং লৌগনি হায়না পানরি।

নৌনা খল্লবা এপোন্তীশিংনা ‘মফম অমহেক্তদা দিভাইস অমহেক্তদা’ হায়বা লর্নিং ফোর্মেত্তা ই-লর্নিং কোর্স 673 হেন্না ফংলিবা iGOT কর্ময়োগী পোর্তেলদা য়াওবা ওনলাইন মোদ্যুল অমা ওইরিবা কর্ময়োগী প্ররম্বগী খুত্থাংদা মখোয় মশানা ত্রেন তৌজবগী খুদোংচাবা অমসুং ফংলি।

Speaking at the Rashtriya Rozgar Mela. Congratulations to the newly inducted personnel who would be serving in the various Forces. https://t.co/aGAkXeRmCQ

— Narendra Modi (@narendramodi) August 28, 2023

इस बार रोजगार मेले का ये आयोजन एक ऐसे माहौल में हो रहा है, जब देश गर्व और आत्मविश्वास से भरा हुआ है। pic.twitter.com/DjjMkwvTeD

— PMO India (@PMOIndia) August 28, 2023

बीते कुछ वर्षों में अर्धसैनिक बलों की भर्ती प्रक्रिया में हमने कई बड़े बदलाव किए हैं। pic.twitter.com/0blzFScNCF

— PMO India (@PMOIndia) August 28, 2023

बीते कुछ वर्षों में अर्धसैनिक बलों की भर्ती प्रक्रिया में हमने कई बड़े बदलाव किए हैं। pic.twitter.com/0blzFScNCF

— PMO India (@PMOIndia) August 28, 2023

किसी भी अर्थव्यवस्था को आगे बढ़ने के लिए ये जरूरी है कि देश के हर सेक्टर का विकास हो। pic.twitter.com/YJUp21KPPN

— PMO India (@PMOIndia) August 28, 2023

पिछले 9 वर्षों के हमारे प्रयासों से परिवर्तन का एक और नया दौर दिखने लगा है। pic.twitter.com/lEizIthmDo

— PMO India (@PMOIndia) August 28, 2023

प्रधानमंत्री जनधन योजना ने गांव और गरीब के आर्थिक सशक्तिकरण के साथ ही रोजगार निर्माण में भी बहुत बड़ी भूमिका निभाई है। pic.twitter.com/OG6ddGgjxv

— PMO India (@PMOIndia) August 28, 2023

*****