প্রধান মন্ত্রী শ্রী নরেন্দ্র মোদীনা লমজিংদুনা ওগস্ত ১৫,২০২৩দা লাল কিলাদা লৈবাক অসিনা ৭৭শুবা নিংতম্বা নুমিৎ থৌরম পাংথোক্কনি। মহাক্না জাতিগী ফিরাল পাইহনগনি অমসুং পুৱারি ওইরবা লাল কিলাদগী লৈবাক্কী মীয়ামদা ৱা ঙাংগনি। মার্চ ১২,২০২১দা গুজরাতকী অহমেদবাত্তা লৈবা সবরমতি অশ্রামদগী প্রধান মন্ত্রীনা হৌদোকখিবা অজাদি কা অমৃত মহোৎসব থৌরমশিং চহি অসিগী নিংতম্বা নুমিত্তা লোইশিল্লগনি অমসুং ২০১৪৭দা লৈবাক অসি চাউখৎলবা লৈবাক অমা ওইনবা শ্রী নরেন্দ্র মোদীগী মঙলান মঙফাওন্নবা অমুক হন্না লৈবাক অসি অমৃত কালদা চঙলগনি। ৭৭শুবা নিংতম্বা নুমিৎ থৌরমশিং পাংথোক্নবা অনৌবা থৌরাং কয়া পায়খৎলে। হৌখিবা চহিগা চাংদম্নবদা মশীং য়াম্লবা মীওইশিং থৌরম অসি শরুক য়ানবা চেবাউ পীখ্রে।

অখন্নবা অতিথি ওইনা শরুক য়াগদবশিংগী মনুংদা ভাইব্রেন্ত ভিলেজ ৬৬০ হেনগী সরপঞ্চশিং; এফ.পি.ও স্কিমগী ২৫০; প্রধান মন্ত্রী কিষান সম্মান নিধি স্কিমদগী ৫০; প্রধান মন্ত্রী কৌসাল বিকাস য়োজনাদগী ৫০; সেন্ত্রেল ভিস্তা শাবা য়াওখিবা শিন্মী ৫০; খাদি শিন্মী ৫০; ঙমখৈগী লম্বী শেম্বা শরুক য়াখিবশিং; অমৃত সরোভর অমসুং হর ঘর জল য়োজনা শরুক য়াখিবশিং; প্রাইমারি ওজাশিং, নর্সশিং অমসুং ঙামী ৫০/৫০ শরুক য়ানগনি। হায়রিবা অখন্নবা অতিথিশিং অসিনা নেসনেল ৱার মেমোরিএলদা চৎকনি অমসুং মখোয়না দিল্লিদা লৈরিঙৈদা দিফেন্সকী রাজ্য মন্ত্রী শ্রী অজয় ভত উনগনি।

রাজ্যশিং/য়ু.তিশিংদগী মতৈ-মনাও ৭৫ মখোয়গী নাৎকী ফিজোলশিংগা লোয়ননা লাল কিলাদা থৌরম শরুক য়াগনি।

সেলফি পোইন্তশিং

নেসনেল ৱার মেমোরিএল, ইন্দিয়া গেত, বিজয় চোক, নিউ দিল্লি রেলৱে স্তেসন, প্রগতি মৈদান, রাজ ঘাত, জমা মসজিদ মেত্রো স্তেসন, রজিব চোক মেত্রো স্তেসন, দিল্লি গেত মেত্রো স্তেসন, আই.তি.ও মেত্রো গেত, নৌবাত  খানা অমসুং শিস গঞ্জ গুরদ্বারা য়াওনা মফম ১২দা সরকারগী স্কিমশিং অমসুং থবকশিংদা কৎথোক্লবা সেলফি পোইন্তশিং থম্লে।

স্কিমশিং অমসুং থবকশিংগী মনুংদা গ্লোবেল হোপ, ভেক্সিন অমসুং য়োগা, উজ্জৱালা য়োজনা, স্পেস পৱার, দিজিতেল ইন্দিয়া, স্কিল ইন্দিয়া, স্তার্দ-অপ ইন্দিয়া, শ্বাছ ভারত, সাশক্ত ভারত, নয়া ভারত, পাৱারিং ইন্দিয়া, প্রধান মন্ত্রী অৱাস য়োজনা অমসুং জল জিবন মিসন য়াওরি।

থৌরমশিংগী শরুক অমা ওইনা, ওগস্ত ১৫-২০ ফাওবা দিফেন্স মিনিস্ত্রিনা শীন্দুনা MyGov পোর্তেলদা ওনলাইন সেলফি চাংদম্না অমা পাংথোক্কনি। চাংদম্নবা অসি শরুক য়ানবা মীয়াম্না মফম ১২ অসিদগী সেলফি অমা নত্ত্রগা অমদগী হেন্না নম্লগা MyGov পোর্তেলদা থাগৎকদবনি। চাংদম্নবা অসিদা ইন্সতোলেসন অমদগী মাইপাক্লবা মীওই ১২ খনগনি। মাইপাক্লবশিংদা শেনগী মনা লুপা ১০,০০০ পীগনি।

ই-ইনভাইতেসনশিং

অমানত্রন পোর্তেল (www.aamantran.mod.gov.in) গী খুৎথাংদা ওফিসিএল ইনভাইদ খুদিংমক থাখ্রে। পোর্তেলগী খুৎথাংদা ই-ইনভাইতেসন ১৭,০০০ থাখ্রে।

থৌরম

মহাক্না লাল কিলাদা থুংলবদা, রক্ষ মন্ত্রী শ্রী রাজনাথ, রক্ষ রাজ্য মন্ত্রী শ্রী অজয় ভাত অমসুং দিফেন্স সেক্রেতরি শ্রী গিরিধার অরামানেনা প্রধান মন্ত্রী ওক্কনি। দিফেন্স সেক্রেতরিনা প্রধান মন্ত্রীদা জি.ও.সি,দিল্লি এরিয়া, লেপ্তনেন্ত জেনেরেল ধিরাজ সেথ শক তাক্কনি। জি.ও.সি দিল্লি এরিয়ানা প্রধান মন্ত্রী সেলুতিং বেজ ফাওবা পুশিনগনি অমসুং মফম অদুদগী অপুনবা ইন্তর-সর্বিসেস অমসুং দিল্লি পুলিসনা প্রধান মন্ত্রীদা জেনেরেল সেলুত পীগনি। তুংদা, প্রধান মন্ত্রীনা গার্দ ওফ ওনর য়েংগনি।

প্রধান মন্ত্রীগী গার্দ ওফ ওনর কন্তিনজেন্ত অসিদা আর্মিগী ওফিসার অমা অমসুং লান্মী, এয়র ফোর্স অমসুং দিল্লি পুলিসকী পর্সোনেল ২৫/২৫ অমসুং নেভিগী ওফিসার অমা অমসুং পর্সোনেল ২৫ শরুক য়াগনি। গেস্ত ওফ ওনর অসি মেজর বিকাস শঙৱান্না লুচিংগনি। প্রধান মন্ত্রীগী গার্দকী আর্মি কন্তিনজেন্ত অসি  মেজর ইন্দ্রজিৎ সাচিন, নেভেল কন্তিনজেন্তনা লেপ্তনেন্ত কমান্দর এম.ভি রাহুল রমান অমসুং  এয়র ফোর্স কন্তিনজেন্তনা ইসক্বাদ্রোন লিদর অকাস গঙ্গাসনা লুচিংগনি। দিল্লি পুলিস কন্তিনজেন্ত অসি এ.দি.সি.পি সন্ধ্য শ্বামীনা লুচিংগনি।

গার্দ ওফ ওনর য়েংলবা মতুংদা, প্রধান মন্ত্রী লাল কিলা তম্না চৎকনি অমসুং মফম অদুদা প্রধান মন্ত্রী মোদী রক্ষ মন্ত্রী শ্রী রাজনাথ, রক্ষ রাজ্য মন্ত্রী শ্রী অজয় ভাত, চীফ ওফ দিফেন্স স্তাফ জেনরেল অনিল চৌহান, চীফ ওফ আর্মি স্তাফ জেনরেল মনোজ পান্দে, চীফ ওফ নেভেল স্তাফ এদমিরেল আর হরি কুমার অমসুং চীফ ওফ এয়র স্তাফ চীফ মার্সেল ভি.আর চৌধুরিনা তরাম্না ওক্কনি। প্রধান মন্ত্রীনা জাতিগী ফিরাল পাইহন্নবা দাইজ ফাওবা পুনশিনবগী থবক জি.ও.সি দিল্লি এরিয়ানা পাংথোক্কনি।

মচু অহুমগী ফিরাল পাইহল্লবা মতুংদা, ‘রাস্ত্রিয়া সেলুত’ অমা ওক্কনি। জে.সি.ও অমসুং অতোপ্পা রেঙ্কশিংগী পর্সোনেল ২০ শাবা আর্মি বেন্দনা জাতিগী ফিরাল পাইহল্লিঙৈদা জাতিগী ঈশৈ খোঙগনি অমসুং রাস্ত্রিয়া সেলুত পীগনি। নাইব সুবেদার  জাতিন্দর সিংহনা বেন্দ অদু পাংথোক্কনি।

জাতিগী ফিরাল পাইহনবদা মেজর নিকিতা নাইর অমসুং মেজর জেসমিন কৌরনা প্রধান মন্ত্রীগী মতেং পাংগনি। মসি ইলাইত ৮৭১১ ফিল্দ বেত্তরি(সেরিমোনিএল)গী গন্নরশিংনা গন সেলুত ২১ পীবা অদুগা মপা চানগনি। সেরিমোনিএল বেত্তরি অদু লেপ্তনেন্ত কর্নেল বিকাস কুমারনা লুচিংগনি অমসুং নাইব সুবেদার(এ আই জি) অনুপ সিংহনা  গন পোজিসন ওফিসার ওইগনি।

নেসনেল ফ্লেগ গার্দতা ওফিসার ৫ অমসুং আর্মি, নেভি অমসুং এয়র ফোর্সতগী অতোপ্পা রেঙ্ক ১২৮ য়াওরি অমসুং প্রধান মন্ত্রীনা জাতিগী ফিরাল পাইহনবা মতমদা দিল্লি পুলিসনা রাস্ত্রিয়া সেলুত পীগনি। মতম অসিদা ইন্তর-সর্বিসেস গার্দ অমসুং পুলিস গার্দ আর্মিগী মেজর অভিনাব দেথানা কমান্দ পীগনি।

নেসনেল ফ্লেগ গার্দতা মেজর মুকেস কুমার সিংহনা আর্মি কন্তিনজেন্ত লুচিংগনি, নেভেল কন্তিনজেন্তনা লেপ্তনেন্ত কমান্দর হরপ্রিত মন্ননা লুচিংগনি অমসুং এয়র ফোর্স কন্তিনজেন্তনা ইসক্বাদ্রোন লিদর শ্রে চৌধুরিনা লুচিংগনি। এ.সি.সি.পি সাসাঙ্ক জাইসৱালনা দিল্লি পুলিস কন্তিনজেন্ত লুচিংগনি।

প্রধান মন্ত্রীগা জাতিগী ফিরাল হেক পাইহনবগা লাইন এস্তর্ন ফোর্মেসন্দা ইন্দিয়ান এয়র ফোর্সকী এদভান্স লাইত হেলিকোপ্তর মার্ক-৩ ধ্রুব অনিনা থৌরম পাংথোকফমদা লৈ চাইগনি। ৱিং কমান্দর অম্বর অগরৱাল অমসুং ইসক্বাদ্রোন লিদর হিমান্সু শর্মনা হেলিকোপ্তরগী কেপ্তেনশিং ওইগনি।

লৈ চাইথরবা মতুংদা, প্রধান মন্ত্রীনা লৈবাক্কী মীয়ামদা ৱা ঙাংগনি। প্রধান মন্ত্রীনা ৱা ঙাংবা লোইরকপদা, এন.সি.সি কেদেতশিংনা জাতিগী ঈশৈ শক্কনি। লৈবাক্কী তোঙান-তোঙানবা মফমশিংগী স্কুলশিংদগী এন.সি.সি(আর্মি, নেভি অমসুং এয়র  ফোর্স) নুপামচা অমসুং নুপীমচা ১,১০০ থৌরম অসিদা শরুক য়াগনি। ওফিসিএল ওইবা অঙৌবা মচুগী ফিজোল শেৎলগা কেদেতশিং ফম্নবা গ্যানপথতা ব্লিচরশিং থম্লে।

মসিগী মথক্তা, থৌরমগী শরুক অমা ওইনা, এন.সি.সি কেদেতশিং গ্যান পথতা ফমগনি। অতোপ্পা মরুওইবা অমনা, লাল কিলাদা শেমগদবা লৈশিংগী লৈতেংদা জি-২০গী লোগো য়াওগনি।

*****