খুরুমজরি!

অন্দমান অমসুং নিকোবর ইথৎশিংগী লেপ্তনেন্ত গভর্নর শ্রী দি.কে জোসি, কেন্দ্রগী মন্ত্রীমন্দলগী ঐগী মরুপশিং জয়তিরাদিত্যা সিন্দিয়া, ভি.কে সিংহ, পর্লিয়ামেন্তগী ঐগী মরুপশিং, এম.পিশিং অমসুং অতোপ্পা শক্নাইরবশিং অমসুং অন্দমান অমসুং নিকোবর ইথৎশিংগী ঐগী ইচিন-ইনাওশিং অমসুং ইচন-ইচেশিং !

ঙসিগী থৌরম অসি পোর্ত ব্লেয়ারদা পাংথোকপা ওইরবসু, লৈবাক শীনবা থুংনা মসিদা মীৎয়েং থম্লি। বীর সরৱাকর ইন্তরনেসনেল এয়রপোর্তকী কেপাসিতি হেনগৎহন্নবা অন্দমান অমসুং নিকোবরগী মীয়াম্না চহি কয়াদগী তকশিন্দুনা লাক্লি অমসুং মসি হেনগৎহনগদবনি। মসিগী থবক অসি পাংথোক্নবা ঐখোয়গী এম.পিশিং চয়োল খুদিংগী ঐগী কাদা লাকখি অমসুং ৱা তানখি। করিগুম্বা ঐ মফম অসিদা লাক্লগা থৌরম অসি শরুক য়াবা ঙম্লবদি হেন্না নুংঙাইরমগনি। মতম চিনবদগী ঐ লাকপা ঙমখিদরে অমসুং অদোমগী মাইথোংশিং উবদা ঐ হরাওরে।

মরুপশিং,

মফম অসিদা চৎনিংনবা লৈবাক অসিগী মফম কয়াগী মীওইশিংসু হরাওরগনি। হৌজিক লৈরিবা তর্মিনেল অসি নোংমদা মীওই ৪০০০ শীজিন্নবা য়ারি। অনৌবা তর্মিনেল শাবরা মতুংদা নোংমদা মীওই ১১,০০ চৎথোক-চৎশিন তৌবা য়ারগনি। অনৌবা সিস্তেম অসিনা হৌজিক এয়রক্রাফ ১০ মতম অমতদা এয়রপোর্ততা লৈবা য়ারগনি। ফ্লাইত য়াম্না তাবা য়াহনবা অসিনা লমকোয়বা মীওই য়াম্না লাক্লগনি অমসুং অহেনবা থবক কয়া ফংলগনি। অনৌবা তর্মিনেল বিল্দিং অসিনা চৎথোক-চৎশিন লাইবা হেনগৎহল্লগনি, ললোন-ইতিক লাইবা হেনগৎলগনি অমসুং চৎথোক-চৎশিন নুংঙাইবা হেনগৎলগনি। পোর্ত ব্লেয়ারদা মসিগী খুদোংচাবা অসি লৈবদা লৈবাক অসিগী মীয়াম অমসুং লমদম অসিগী মীয়াম ঐনা থাগৎচরি।

মরুপশিং,

মতম কুইনা ভারতকী চাউখৎ-থৌরাংগী থবকশিং অচৌবা সহর খর খক্তদা অমসুং লম খর খক্তদা পায়খৎলমখি। দল খরগী মশাগী ওইজবদা খনবা থৌশিলনা মরম ওইদুনা, চাউখৎ-থৌরাংগী কান্নবশিং লৈবাক্কী মনুং হুঞ্জিনবা মফমশিংদা য়ৌবা ঙমখিদে। মখোয় মশামক অমসুং মখোয়গী ইমুং-মনুংশিং কান্নবা ফংবা থবকশিং খক্তদা হায়রিবা দলশিং অদুনা মীৎয়েং চঙখি। হায়রিবা থবক অদুগী মহৈনা ঐখোয়গী ইথৎশিংগী ত্রাইবেল মীয়াম চহি কয়া চাউখৎতনা লৈরকখি।

হৌখিবা চহি ৯দা, মমাঙগী সরকারগী অশোইবশিং ঐখোয়না চুমথোক্লে, মসি খক নত্তনা, অনৌবা থৌরাংশিং তৌরে। হৌজিক ভারত্তা চাউখৎপগী অনৌবা নমুনা অমা পুথোক্লে। মসিগী নমুনা অসিনা মীওই খুদিংমক কোনশিল্লে। মসিগী নমুনা অসি সবকা সাথ, সবকা বিকাস হায়না খঙনৈ। মীওই খুদিংমক চাউখৎপা হায়বগী ৱাহন্থোক্তি মীওই খুদিংমক, কাংলুপ খুদিংমক,মফম খুদিংমক চাউখৎপা হায়বনি। সবকা বিকাস হায়বগী ৱাহন্থোক্তি পুন্সি, লাইরিক-লাইশু, হকশেল, লম্বী-থোং খুদিংমক চাউখৎপা হায়বনি।

মরুপশিং,

মসিগী ৱাখল্লোনগা লোয়ননা, হৌখিবা চহি ৯দা অন্দমান অমসুং নিকোবরদা চাউখৎ-থৌরাংগী অনৌবা যুগ অমা লাক্লে।  ঐখোয়গী সরকারগী মমাঙদা লৈরম্বা সরকারশিংনা অন্দমান অমসুং নিকোবরদা লুপা করোর লিশিং ২৩ রোমগী শেনফম থাদখ্রে। হৌজিক ঐখোয়গী সরকারনা হৌখিবা চহি ৯দা অন্দমান অমসুং নিকোবরদা লুপা করোর ৪৮গী শেনফম অমা থাদখ্রে। অন্দমান-নিকোবরগী চাউখৎ-থৌরাংগীদমক ঐখোয়না থাদবা শেনফম অসি হান্নদগী শরুক অনি হেল্লে।

মমাঙগী সরকারগী চহি ৯গী মতম মনুংদা, অন্দমান-নিকোবরদা ইমুং লিশিং ২৮ তোতি ঈশিং ফংহনখি। ঐখোয়গী সরকারগী চহি ৯গী মতমদা, মফম অসিদা ইমুং লিশিং ৫০দা তোতি ঈশিং ফংহনখি। ঐখোয়গী সরকারনা হান্নদগী শরুক অনি হেন্না ঈশিং ফংহল্লে। ঙসিদি মফম অসিগী মীওই খুদিংমক মখোয় মশাগী বেঙ্ক একাউন্ত হাংলে। মফম অসিগী লায়রবা মীওই খুদিংমক লৈবাক অমা, রেসন কার্দ অমগী কান্নবা ফংলে। মমাঙগী সরকারদা
অন্দমান-নিকোবরদা মেদিকেল কলেজ অমা ফাওবা লৈরমদে। হৌজিক ঐখোয়গী সরকারনা পোর্ত ব্লেয়ারদা মেদিকেল কলেজ অমা লিংখৎলে।

মমাঙগী সরকারগী মতমদা, সেতেল্লাইতগী মতেং খক্তনা অন্দমান-নিকোবরদা ইন্তরনেত ফংখি। সমুদ্র মখাদা কিলোমিতর চা কয়া শাংবা ও.এফ.সি তিংদুনা ঐখোয়গী সরকারনা মসিগী খুদোংচাদবা অসি কোকহল্লে।

মরুপশিং,

পায়খৎলিবা চাউখৎ-থৌরাংগী থবকশিং অসিনা অন্দমান-নিকোবরগী তুরিজম চাউখৎহল্লে। মোইবাল নেতৱার্ক ফংবা হেনগৎহনবদগী লমকোয়বা মীওইশিংসু হেনগৎলক্লে। হকশেলগী খুদোংচাবশিং হেনগৎহনবদগী লমকোয়বা মীওইশিং লাকপসু হেনগৎলক্লে। এয়রপোর্ততা খুদোংচাবশিং হেনগৎলকপদগী, মফম অসিদা লমকোয়বশিং লাক্নিংলে। লম্বীশিং ফরবদি, কেম্পরশিং মফম অসিদা মতম কুইনা লৈরগনি। মরম অদুনা ২০১৪গা চাংদম্নবদা অন্দমান অমসুং নিকোবরদা লমকোয়বশিং লাকপা মশিং হেনগৎলক্লিবনি।

মফম অসিদা স্নোকেল্লিং, স্কুবা দাইভিং, সি-ক্রুইজগুম্বা এদভেঞ্জরশিংগী লমকোয়বা মীওইশিং লাকপা হেনগৎলক্লে। অন্দমান অমসুং নিকোবর ইথৎশিংগী ঐগী ইচিন-ইনাওশিং অমসুং ইচন-ইচেশিং মসি শুপ্নগী অহৌবনি। লাক্লিবা চহিশিংদা চাউখৎ-থৌরাংগী মশিং শরুক কয়া হেনগৎলক্লগনি। মসিনা মরম ওইদুনা, অন্দমান-নিকোবরদা থবক ফংবা অমসুং মশানা মশাবু থবক পীজবা হেনগৎলক্লগনি।

মরুপশিং,

অন্দমান-নিকোবরগী হেরিতেচ অমসুং চাউখৎ-থৌরাং অসি চাউখৎপগী লাইৱাগী অহিংবা খুদম অমা ওইরক্লে। লাল কিলাদগী হান্না অন্দমান-নিকোবরদা মচু অহুমগী ফিরাল পাইহনখি হায়বা অদোম খঙলে। হৌজিক ফাওবা মীনাই ওইরম্বগী মমি খর মফম অসিদা উবা ফংলি।

নেতাজি সুভাসনা ফিরাল চিংখৎখিবা অন্দমানগী মফম অদুদা ২০১৮দা মচু অহুমগী ফিরাল চিংখৎপগী খুদোংচাবা অমা ঐ ফংখ্রে। ঐখোয়গী সরকারনা রোস ইথৎ অদু নেতাজিগী মিংদা থোনখ্রে। ঐখোয়গী সরকারনা হেভলোক অমসুং নৈল ইথৎ অসু শ্বারাজ অমসুং সহিদ ইথৎ হায়না মমিং থোনখ্রে। লৈবাক অসিগী পরমবীর চক্র ফংলবা থৌনা ফরবা লান্মীশিংগী মিংদা ঐখোয়না ইথৎ ২১ মমিং থোনখ্রে। ঙসিদি অন্দমান-নিকোবরনা লৈবাক অসিগী নহারোলশিংদা চাউখৎ-থৌরাংগী অনৌবা ইথিল অমা পীরে।

মরুপশিং, নিংতম্বা ফংলবা চহি ৭৫ অসিদা, ঐখোয়গী ভারত থাক অমদা হেক্তা য়ৌবা ঙম্লগনি অমসুং মসি ঐনা অচৌবা দাইত্বগা লোয়ননা হায়রি। কৈদৌঙৈদা ঐখোয় ভারতমচাশিংগী তৌবা ঙম্বদা অৱাৎপা অমতা লৈতে। অদুবু শেঞ্জা-থুমজা অমসুং ইমুং-মনুংদা য়ুম্ফম ওইবা দলশিংনা মীচম মীয়ামগী তৌবা ঙম্বা শক্তিদা অরানবা কয়া চৎথরমখি। ২০২৪গী মীখলদা অমুক হন্না ঐখোয়গী দরকারনা লাক্নবা লৈবাক অসিগী মীয়াম্না অমুক হন্না মখোয়গী ৱারেপ লৌরে। অসিগুম্বা ফিবম অসিদা ভারত ৱাহনখিবা মীওই খরনা মখোয়গী দুকানশিং হাংদোক্লে অমসুং ফম্বা হৌরে। অৱাধি লোলদা ইবা শৈরেং অমা ঐনা নিংশিংলি-

“ঈশৈ খরনি, ফিবম খরনি, লেবেল খরনি, পোৎ-চৈ খরনি”

কনাগুম্বা খরনা ঈশৈ শক্লবসু, অচুম্বনা অমনি। লেবেলনা কনাগুম্বা অমগীনি, অদুগা পোৎথোক্নবা কনাগুম্বা অমগীনি। মসি দুকান অদুগী অচুম্বা মশক্নি। মখোয়গী দুকান্দা পোৎশক অনি খক য়োল্লি। অহানবদা কাস্ত খাইবগী হু য়োল্লি। অনিশুবদা, মীওইশিং অসিনা মপান নাইদ্রবা শেঞ্জা-থুমজা পাংথোক্লি। হায়রিবা মীওইশিং অদু বেঙ্গালুরুদা মীফম পাংথোক্লি।

মরুপশিং,

মীফম অসিগী মরুওইবা অমনা লৈরি। করোর কয়াগী স্কাম অমদা কনাগুম্বা মীওই অমা বেলদা লৈরবদি, মহাক ইকায়খুম্নবা উৎলি। করিগুম্বা ইমুং অমা পুন্না বেলদা লৈরবদি, মখোয়না হেন্না ইকায়খুম্নবা উৎলি। করিগুম্বা হৌজিক দল অমগী মন্ত্রী অমা শেঞ্জা-থুমজাগী কেস অমদা জেলদা চঙলবদি, মহাক অখন্নবা মীওই অমা ওইনা লৌরি। করিগুম্বা মীওই অমা কোর্তনা মরাল লৈরে হায়রবদি, মহাক তরাম্না ওক্লি। শেঞ্জা-থুমজাগী মতাংদা মখোয় মশেল শৌগৎনরি।

মরুপশিং,

শেঞ্জা-থুমজাগী দুকানদা শরুক য়ারিবা মীওইশিং অসি ইমুং-মনুংগী রাজনিতিদা শৌগৎপা মীওই ঙাক্তনি। ইমুং অসিনা হায়বা পুম্নমক অচুম্বা ঙাক্তনি। গনতন্ত্রনা হায়রি-মীয়ামগীদমক, মীয়াম্না, মীয়াম্না শেম্বা। অদুবু হায়রিবা ইমুংশিং অসিগী ওইনা-ইমুংগীদমক, ইমুংনা শেম্বা, ইমুংগীদমক। হায়রিবা মীওইশিং অসিগী ওইনা ইমুংনা অহানবা, লৈবাক্কী দরকার ওইদে হায়বা ৱাখল্লোন লৈরি। মীওইশিং অসিনা লৈবাক্কী গনতন্ত্র অমসুং লৈবাক্কী সংবিধান পায়শিনবা পাম্লি। লৈবাক অসি চহি কয়া ইমুং-মনুংগী রাজনিতিনা লাকশিন্দুনা লাকখিবনি।

মরুপশিং,

মসি লৈবাক অসিগী লায়রবা অঙাংশিং চাউখৎনবা নত্তে, মসি মখোয়গী মশাগী অঙাং চাউখৎনবা, মহাক্কী মরী মতাশিং চাউখৎনবনি। হৌজিক লৈবাক অসিদা স্তার্দঅপশিং মশিং হেনগৎলক্লে, ঐখোয়গী নহারোলশিং পেতেন্তশিং ফংলে, ত্রেদ মার্কশিং মশিং য়াম্না রেজিস্তার তৌরে। ঐখোয়গী লৈবাক্কী নহারোলশিং মালেমগী শান্নবগী থৌরমশিংদা মাঙজিল থারে, ইচানুপীশিংনা অঙকপা কয়া পাংথোক্লে।

মসিগী নহারোলশিংগী শক্তি অসি মমাঙদা ঐখোয়গী লৈবাক্তা লৈরমখি,অদুবু হায়রিবা শাগৈগী দলশিং অসিনা কৈদৌঙৈদা লৈবাক অসিগী নহারোলশিংগী শক্তিদা অচুম্বা ফংহনখিদে। মখোয়গী ৱাখল্লোন অমা খক লৈরি-নহাক্কী ইমুং কল্লু, ইমুংগীদমক শেঞ্জা-থুমজা হেনগৎহল্লু। মখোয়গী কম্মন মিনিমম প্রোগ্রামদি লৈবাক্কী চাউখৎপা লেপহনবনি, মখোয়গী অরানবা লৈঙাক কুপশিনবনি অমসুং মখোয়গী শেঞ্জা-থুমজাগী মথক্তা থবক পায়খৎপা লেপহনবনি।

হৌজিক য়েংউ, হায়রিবা কাংবু অসি পুনশিল্লে, খ্বাইদগী চাউবা স্কামশিং অমসুং মীহাৎ-মীপুনগী থবকশিংদা মখোয়গী মচিন মেন্দুনা লৈরি। অতোপ্পা রাজ্য অমদা মখোয়না অরানবা অমা পাংথোকপা মতমদা, হায়রিবা অতোপ্পা রাজ্যশিংগী মীওইশিং অসিনা মদু কনখৎতুনা ৱা ঙাংবা হৌরকখি। মফম খরদা ইচাউগী স্কাম থোক্লি, খরদা মীফা-মীপুন থোক্লি, শাগৈগী মীওইশিং অসি তুমিন্না লৈরি।

নোংচুপ বেঙ্গলদা নুমিৎ খরনিগী মমাঙদা পঞ্চায়ত মীখলশিং পাংথোকখিবা অদোম উরে। মফম অদুদা ফোংনা মীৎহাৎ মীপুনশিং চৎথখি অমসুং লেপ্তনা ইমু-নাইমু তানখি। মসি থোক্লবা ফাওবদা, মখোয় ৱা ঙাংখিদে। কংগ্রেস অমসুং লেফকী লুচিংবশিংনা মখোয়গী খুদোংচাবশিং ফংনবা মখোয়গী ৱার্করশিং শিজরো হায়না থাদোকখি। রাজস্থান্দা নুপীমচাশিং ওৎলবসু নত্ত্রগা পরিখাগী ৱাহংশিং লিক ওইরবসু, মখোয় করিমতা উদে। অওনবা পুরক্নবা ৱা ঙাংদুনা মীয়াম মীরাইখিবা মীওইশিংনা লুপা করোর কয়াগী য়ুগী ৱাথোক মায়োক্নরি।

লৈবাক অসিগী এজেন্সি অমনা মখোয়গী মথক্তা থবক পায়খৎলকপা মতমদা, মখোয়গী তেপ রেকোর্দর খোঙবা হৌরকখি- করিগুম্বা অমতা তৌখিবা লৈত… খুদিংমক লৌতুনবন, ঐখোয়দা মরাল শীজিনবনি। অদোম্না তামিল নাদুনা উরে, শেঞ্জা-থুমজা অমসুং স্কাম কয়া। ইমুং-মনুংগী দলশিংগী মীওইশিংনা চেন্নবা মীওই খুদিংমক মরাল লৈতে হায়না থাদোকখি। মরম অদুনা মরুপশিং, হায়রিবা মীওইশিং অসি মশক খঙজিল্লু। হায়রিবা মীওইশিং অসিদগী চেকশিল্লু।

মরুপশিং,

হায়রিবা মীওইশিং অসিগী লৌতুনবা মরক্তা, ঐখোয় ইশামক লৈবাক্কী চাউখৎ-থৌরাংগী কৎথোক্কদবনি। অপীকপা ইথৎশিং অমসুং অপীকপা লেন্দলোক লৈবাক কয়া মমাঙদা অমুক্তা ওইখিদ্রিবা মওংদা চাউখৎপা ঙসি মালেমগী লৈবাকশিংনা উবা ফংলে। ঐখোয়না চাউখৎপগী লম্বীদা লাকপা মতমদা, মহাক অদু খুদোংথিবা কয়াশু মায়োক্নগনি।

থবক খুদিংমক অরাইবা নত্তে, অদুবু হায়রিবা লৈবাকশিং অদুনা চাউখৎলকপা মতমদা, মখল খুদিংমক্কী পাম্বৈশিং ফংখি হায়বা উৎলে। অন্দমান-নিকোবর ইথৎশিংদা পায়খৎলিবা চাউখৎ-থৌরাংগী থবকশিংনা লমদম অসি মখা তানা ফগৎহনগনি। বীর সাৱারকর ইন্তরনেসনেল এয়রপোর্তকী অনৌবা তর্মিনেল অসিনা মীওই খুদিংমক কান্নবা পীরগনি।

ভিদিও কনফরেন্স অসিদা শরুক য়ারিবা য়াম্লবা মীওইশিং য়াইফ-পাউজেল পীজরি। ঐনা মফম অসিদগী হরাওবা ফোঙদোকচরি। অসিগুম্বা থৌরম অমদা, অনৌবা থাজবা অমসুং অনৌবা ৱাশক অমগা লোয়ননা লৈবাক অসি মাঙলোমদা চৎশিনগনি অমসুং অন্দমান-নিকোবরসু মাঙলোমদা চঙশিনগনি। মীয়াম পুম্নমক ঐগী য়াইফ-পাউজেল পীজরি।

অদোম থাগৎচরি।

*****