প্রধানমন্ত্রীগী লোইশঙ
azadi ka amrit mahotsav g20-india-2023

মীয়ামগী খোঞ্জেলশিং য়াওবা অনৌবা পর্লিয়ামেন্তগী ভিদিও অমা প্রধান মন্ত্রীনা সিয়ার তৌখ্রে

Posted On: 27 MAY 2023 1:46PM by PIB Imphal

প্রধান মন্ত্রীনা হায়জবগী মতুংইন্না মখোয়গী ৱাখল্লোনশিং ফোঙদোকদোকপা মীয়ামগী খোঞ্জেলশিং য়াওবা অনৌবা পর্লিয়ামেন্তগী ভিদিও অমা প্রধান মন্ত্রী শ্রী নরেন্দ্র মোদীনা সিয়ার তৌখ্রে।

য়ুনিয়ন মিনিস্তর শ্রী হরদিপ সিংহ পুরিগী খোঞ্জেল য়াওবা ভিদিও অমসু মহাক্না সিয়ার তৌখি।

মহাক্কী ত্বিৎতর হেন্দলদা অমুক হন্না ত্বিৎ তৌরদুনা, প্রধান মন্ত্রীনা হায়খি;

“মীওই কয়া #MyParliamentMyPride তা মখোয়গী হরাওবা ফোঙদোক্লি। মীয়ামগী অনিংবশিং থুংনবা ঐখোয়গী লৈবাক অসিনা অনৌবা পর্লিয়ামেন্ত অমা ফংবদা মখোয়গী পুক্নিং নুংশিবা খোঞ্জেলশিংগা লোয়ন্না মখোয়না চাউথোকচবা অমা ফোঙদোক্লি”।

“মসিগী গনতন্ত্রগী লাইশঙ অসিনা মখা তানা ভারত চাউখৎপগী খোঙজেল মপাঙ্গল কনখৎপা ওইরসনু অমসুং মীওই মিল্লিয়ন কয়া থৌনা পীরসনসু, #MyParliamentMyPride”।

“লোক সভাগী ইকায়খুম্নরবা স্পিকরগী ৱাহৈশিংনা মখা তানা ভারতকী গনতন্ত্রগী হেরিতেচ মখা তানা মপাঙ্গল কনখৎহনগনি অমসুং অমৃত কালদা সংকল্পতগী সিদ্ধি ফাওবগী খোঙচত্তা অনৌবা ইনোৎ অমা পীগনি”।

“অদোমগী শৈরেংদা ফোঙদোক্লিবা অসিনা, গনতন্ত্রগী লাইশঙদা মীয়াম্না থম্লিবা থাজবা মখা তানা মপাঙ্গল কনখৎহল্লগনি”।

“অনৌবা পর্লিয়ামেন্তগী মরমদা অদোম্না ফোঙদোক্লিবশিং অসিনা মীওই খুদিংমক হরাও-তয়াম্বা ফাওহল্লগনি”।

“ফজনা ফোঙদোক্লে !

অনৌবা পর্লিয়ামেন্ত বিল্দিং অসি গনতন্ত্র মপাঙ্গল কনখৎলকপা অমসুং চাউখৎলকপগী খুদম অমনি। মসি মমাঙঙৈগী চৎনবীগা অনৌবা মতমগা পুনশিল্লে”।

“অদোমগী অনিংবশিং অদোম্না ফজনা ফোঙদোক্লে।

“ঐখোয়গী অনৌবা পর্লিয়ামেন্ত অসি তশেংনা ঐখোয়গী গনতন্ত্রগী মৈরানি। লৈবাক অসিগী ইনাকখুল্লবা হেরিতেচ অমসুং তুংগী থাজবশিং মসিদা মমি তারে”।

****



(Release ID: 1927980) Visitor Counter : 58