প্রধানমন্ত্রীগী লোইশঙ
প্রধান মন্ত্রীনা জপানগী শক্নাইরবশিংগা উনখ্রে
Posted On:
20 MAY 2023 12:06PM by PIB Imphal
জি-৭ মীফম শরুক য়ানবা হিরোসিমাদা লৈরিবা প্রধান মন্ত্রী শ্রী নরেন্দ্র মোদীনা মখোয়গী শীনফমশিংদা মমিং চৎলবা জপানগী শক্নাইরবশিং দোক্তর তোমিও মিজোকামি অমসুং হিরোকো তাকায়ামাগা উনখ্রে
ওসাকা য়ুনিভর্সিতিগী গ্রেজুয়েত স্কুল ওফ ফোরেন স্তদিসগী প্রোফেসার ইমেরিতস, দোক্তর তোমিও মিজোকামি অসি মমিং চৎলবা ওইবা অমসুং ললোন নৈনবা অমনি অমসুং মহাক হিন্দী অমসুং পঞ্জাবী লোলশিং নিংথিনা খঙই। জপান্দা ভারতকী খোরিরোল অমসুং নাৎ য়োকখৎনবা মহাক্না পাংথোকখিবা থবকশিংগীদমক মহাক ২০১৮দা পদ্ম শ্রী মনা পীদুনা ইকায়খুম্নবা উৎখ্রে। জপান্দা হিন্দী তম্নবগী য়ুম্ফম থোনখিবা জপানগী অখঙ-অহৈশিং কাংবু অমনা ১৯৮০গী মতমদা ইখিবশিংগী খোমজিনবা “জ্বালামুখি” কৌবা মমিং লৈরবা লাইরিক অমা মহাক্না পুথোকখি।
হিরোসিমাদা পোকখিবা হিরোকো তাকায়ামা অসি নোংচুপকী মওংদা য়েকপা লাইয়েকপী অমনি অমসুং চহি ২০ হেন্না ভারতকা লোয়ন্নরকখিবগী মমিশিং মহাক্কী অয়েকপা লাইশিংদা তারি। মহাক্না ভারত্তা তোঙান-তোঙানবা ৱার্কশোপশিং অমসুং একজিবিসনশিং পাংথোকখ্রে অমসুং বিশ্বা ভারতী য়ুনিভর্সিতিদা মতম খর ভিজিতিং প্রোফেসার ওইরমখি। মহাক্না ২০২২দা ওইল পেন্তিং ওইনা য়েকখিবা ভাগবান বুদ্ধগী লাই অমা প্রধান মন্ত্রীদা খুদোল তমখি।
প্রধান মন্ত্রীনা হায়খি অসিগুম্বা থৌরম অসিনা ঐখোয়গী লৈবাকশিংগী মরক্তা অমনা অমবু ইকায়খুম্নবা অমসুং মশক খঙবা হেনগৎহল্লে। ভারত-জপানগী অখন্নবা মরুপ-মপাং ওইবা মরী অমসুং মালেমগী থাক্তা লৈরিবা মরীশিং মখা তানা মপাঙ্গল কনখৎহন্নবা মখা তানা অসিগুম্বা থৌরমশিং পাংথোক্কনি হায়বগী থাজবা থম্লি।
*******
(Release ID: 1926606)
Visitor Counter : 126
Read this release in:
Gujarati
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Odia
,
Tamil
,
Telugu
,
Kannada
,
Malayalam