ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଜାପାନର ବିଶିଷ୍ଟ ବ୍ୟକ୍ତିମାନଙ୍କ ସହ ପ୍ରଧାନମନ୍ତ୍ରୀଙ୍କ ଆଲୋଚନା
Posted On:
20 MAY 2023 12:06PM by PIB Bhubaneshwar
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜି – ୭ ଶିଖର ସମ୍ମିଳନୀରେ ଯୋଗ ଦେବା ପାଇଁ ହିରୋସୀମା ଗସ୍ତରେ ଅଛନ୍ତି । ଏହି ଅବସରରେ ସେ ନିଜ ନିଜ କ୍ଷେତ୍ରରେ ଉତ୍କର୍ଷ ପ୍ରତିପାଦନ କରିଥିବା ଜାପାନର ବିଶିଷ୍ଟ ବ୍ୟକ୍ତି ଡକ୍ଟର ତୋମିଓ ମିଜୋକାମି ଏବଂ ସୁଶ୍ରୀ ହିରୋକୋ ତାକାୟାମାଙ୍କୁ ଭେଟିଥିଲେ ।
ଓସାକା ବିଶ୍ୱବିଦ୍ୟାଳୟର ଗ୍ରାଜୁଏଟ ସ୍କୁଲ ଅପ ଫରେନ ଷ୍ଟଡିଜରେ ଅବସରପ୍ରାପ୍ତ ପ୍ରଫେସର ଡକ୍ଟର ତୋମିଓ ମିଜୋକାମି ଜଣେ ପ୍ରସିଦ୍ଧ ଳେଖକ ଏବଂ ଭାଷାବିତ୍ ତଥା ହିନ୍ଦୀ ଓ ପଞ୍ଜାବି ଭାଷାର ବିଶେଷଜ୍ଞ ଅଟନ୍ତି । ଜାପାନରେ ଭାରତୀୟ ସାହିତ୍ୟ ଓ ସଂସ୍କୃତିର ପ୍ରଚାର ପ୍ରସାରରେ ତାଙ୍କର ଅବଦାନ ପାଇଁ ଡାକ୍ତର ତୋମିଓ ମିଜୋକାମିଙ୍କୁ ପଦ୍ମଶ୍ରୀ ପୁରସ୍କାରରେ ସମ୍ମାନିତ କରାଯାଇଥିଲା । ସେ ବହୁଚର୍ଚ୍ଚିତ ଏବଂ ପ୍ରଶଂସିତ ଆଲେଖ ସଂଗ୍ରହ ‘ଜ୍ଜ୍ୱାଳାମୁଖୀ’ ପ୍ରସ୍ତୁତ କରିଥିଲେ, ଯାହା ୧୯୮୦ ଦଶକର ଜାପାନି ବିଦ୍ୱାନସମୂହ, ଯେଉଁମାନେ ଜାପାନରେ ହିନ୍ଦୀ ଶିକ୍ଷା କରିବାର ମୂଳଦୁଆ ରଖିଥିଲେ, ସେହିମାନଙ୍କ ରଚନାର ଏକ ସଙ୍କଳନ ଅଟେ ।
ହିରୋସୀମାରେ ଜନ୍ମଗ୍ରହଣ କରିଥିବା ସୁଶ୍ରୀ ହିରୋକୋ ତାକାୟାମା ପାଶ୍ଚାତ୍ୟ ଶୈଳୀର ଚିତ୍ରକର ଅଟନ୍ତି, ଯାହାଙ୍କ ରଚନାଗୁଡିକ ଦୁଇ ଦଶକରୁ ଅଧିକ ସମୟ ଧରି ଭାରତ ସହିତ ତାଙ୍କର ନିବିଡ ସମ୍ପର୍କ ଦ୍ୱାରା ପ୍ରଭାବିତ । ସେ ଭାରତରେ ଅନେକ କର୍ମଶାଳା ଏବଂ ପ୍ରଦର୍ଶନୀର ଆୟୋଜନ କରିଛନ୍ତି ଏବଂ ସ୍ୱଳ୍ପ ସମୟ ପାଇଁ ବିଶ୍ୱ ଭାରତୀ ବିଶ୍ୱବିଦ୍ୟାଳୟ ଶାନ୍ତି ନିକେତନରେ ଅତିଥି ପ୍ରାଧ୍ୟାପକ ଭାବେ ମଧ୍ୟ କାର୍ଯ୍ୟ କରିଛନ୍ତି । ସେ ନିଜ ଦ୍ୱାରା ପ୍ରସ୍ତୁତ ପ୍ରମୁଖ ସୃଷ୍ଟି ମଧ୍ୟରୁ ୨୦୨୨ରେ ଅଙ୍କିତ ଭଗବାନ ବୁଦ୍ଧଙ୍କର ଏକ ତୈଳ ଚିତ୍ର ପ୍ରଧାନମନ୍ତ୍ରୀଙ୍କୁ ଭେଟି ଦେଇଥିଲେ ।
ପ୍ରଧାନମନ୍ତ୍ରୀ କହିଥିଲେ ଯେ ଏହିଭଳି କଥାବାର୍ତା ଦୁଇ ଦେଶ ମଧ୍ୟରେ ପାରସ୍ପରିକ ବୁଝାମଣା ଓ ସମ୍ମାନ ବୃଦ୍ଧି କରିବା ସହ ସମ୍ପର୍କକୁ ଅଧିକ ନିବିଡ କରିବାରେ ସହାୟକ ହେବ । ଭିବଷ୍ୟତରେ ଏଭଳି ଆହୁରି ସମୃଦ୍ଧ ବୈଚାରିକ ମତ ବିନିମୟର ସୁଯୋଗ ନିମନ୍ତେ ସେ ଆଶାବ୍ୟକ୍ତ କରିଥିଲେ, ଯାହା ଭାରତ – ଜାପାନ ସ୍ୱତନ୍ତ୍ର ରଣନୈତିକ ଏବଂ ବୈଶ୍ୱିକ ଭାଗିଦାରୀ ସମ୍ପର୍କକୁ ଆହୁରି ସୁଦୃଢ କରିବାର ମାର୍ଗ ପ୍ରସ୍ତୁତ କରିବ ।
JP
(Release ID: 1926244)
Visitor Counter : 106
Read this release in:
Gujarati
,
English
,
Urdu
,
Marathi
,
Hindi
,
Assamese
,
Manipuri
,
Bengali
,
Punjabi
,
Tamil
,
Telugu
,
Kannada
,
Malayalam