• PMJJBY: Palat 16 klur kiba pynrung kyrteng baroh
• PMSBY: Palat 34 klur kiba pynrung kyrteng baroh
• APY: Palat 5 klur kiba iashim bynta

Katba ngi rakhe ia ka lyngkhuh dap 8 snem ki lai tylli ki skhim na ka bynta ka jingshngain ha ka imlang sahlang ki skhim (Jan Suraksha) — Pradhan Mantri Jeevan Jyoti Bima Yojana (PMJJBY), Pradhan Mantri Suraksha Bima Yojana (PMSBY) bad ka Atal Pension Yojana (APY), to ngin peit bniah kumno kine ki skhim ki la pynioh ka insurance kaba jemdor sha ki briew (Jan Suraksha), ki jingjop jong ki bad ki bynta ba kongsan. 

Ia ka PMJJBY, PMSBY bad APY la pyllait da u Myntri Rangbah duh, u Narendra Modi ha ka 9 tarik Jymmang, 2015 na Kolkata, West Bengal.

La aiti ia ki lai tylli ki skhim na ka bynta ka bha ka miat jong ki briew ka ri, da kaba ithuh ia ka jingdonkam na ka bynta ka jingshngain ka jingim jong ki briew na ki jingjia kiba ngim lah ban tip lypa bad ki jingbym thikna ha ka kamai kajih. Khnang ban pynthikna ba ki briew kiba trei kam shimet jong ka ri kilong kiba shngain ha ka ioh ka kot, ka Sorkar ka la pyllait artylli ki skhim insurance – ka PMJJBY bad PMSBY; bad ka la wanrah ruh ia ka skhim APY ban peit ia ki jingdonkam jong ki tymmen ki kro.

Haba pynkynmaw ia ka thong ha lyndet kine ki lai tylli ki skhim Jan Suraksha, ka Myntri Sorkar Pdeng ba dei khmih ia ka Tnat Kam Pla Tyngka, ka Nirmala Sitharaman ka la ong, “Ha u snem 2014, la plie ia ka the National Mission for Financial Inclusion da ka jing thmu ban pynthikna ba man ki nongshong shnong jong ka ri ki ioh ia ki kam bank, ki jingtip shaphang ki kam pisa bad ka jingshngain ha ka imlang sahlang. Halor kane ka sienjam, u Myntri Rangbah duh, u Narendra Modi u la wanrah lai tylli ki Skhim Jan Suraksha ha ka 9 tarik Jymmang, 2015, da ka jing thmu ban pyniar shuh shuh ia ka jingkyntiew ia ka jingpynioh ia ki kam pisa pilain ha ka ri.”

Ka Myntri Sorkar Pdeng ka la ong, “Kine ki lai tylli ki skhim kidei kiba la aiti na ka bynta ka bha ka miat jong ki briew ka ri, ka jingithuh ia ka jingkongsan ban iada ia ka jingim jong ki briew na ki jingma kiba ngim lah ban tip lypa, ki jingduhnong, bad ki jingbym thikna ha ka kamai kajih. Kine ki skhim ki thmu ban ai ki jingshakri ba donkam ba iadei bad ki kam pisa sha ki briew kiba duna ka ioh ka kot, da kaba pynduna ia ka jingeh jong ki ha kaba iadei bad ki kam pisa.”

Da kaba peit ia ki jingtip ba don ha ki lyngkhuh dap 8 snem jong ki skhim Jan Suraksha, ka Sitharaman ka la ong ba 16.2 klur, 34.2 klur bad 5.2 klur ka la don ka jingpynrung kyrteng hapoh ka PMJJBY, PMSBY & APY haduh 26 tarik Iaiong, 2023.

Halor ka skhim PMJJBY, ka Myntri kam pla tyngka ka la ong ba la ai ka jingkyrshan sha 6.64 lak ki longiing kiba la ioh ia ki jingkam pisa kiba kot haduh T.13,290 klur.

Hapoh ka skhim PMSBY, ka Sitharaman ka la ong palat 1.15 lak ki longiing ki la ioh ban kam haduh T. 2,302 klur. Na ka bynta ki skhim PMJJBY bad PMSBY, ka la jingpynsuk ia ka rukom treikam ka la pynsted ia ka jingpeit ia ki jingkam, la bynrap ka Myntri kam pla tyngka.

“Kalong kaba ioh mynsiem ban iohi ba la pyntreikam ia kine ki skhim lyngba ka rukom treikam kaba don ka thong ban pyniar ia ki kam.  Hapoh ka jingialam jong u Myntri Rangbah duh jong ngi, u Narendra Modi, ka sorkar jong ngi ka kut jingmut ban pynthikna ba ki jingmyntoi jong kine ki skhim ki poi sha man ki briew ha kylleng ka ri,” la pynkut ka Sitharaman.

Ha ka jingialang, u Myntri Khynnah jong ka sorkar pdeng ba dei khmih ia ka Tnat kam pla tyngka, u Dr Bhagwat Kisanrao Karad u la ong, “Ka sorkar ka la pdiang ia ka rukom treikam kaba don ka thong ban kynthup ia ki briew ha ki jaka nongkyndong bad la pynlong ia ki campaign kylleng ka ri ha man ki Gram Panchayat ban kynthup ia ki nongioh jingmyntoi kiba dei hapoh ka skhim.”

Haba ai khublei ia baroh ki nongtrei kiba la pynsaphriang ia kine ki skhim Jan Suraksha, u Dr Karad u la kyntu ia ki ban nang pynkhlain ia ki sienjam ban pyniar shuh shuh ia ka kam.

Katba ngi rakhe ia ka lyngkhuh dap 8 snem ki skhim Jan Suraksha, to ngin peit ia ki bynta bad ki jingjop jong ki haduh mynta.

1. Pradhan Mantri Jeevan Jyoti Bima Yojana (PMJJBY)

Scheme: ka PMJJBY kadei ka skhim life insurance kaba shi snem kaba hap pynthymmai na uwei u snem sha uwei u snem kaba ai jingkyrshan haba don ka jingkhlad namar kino kino ki daw.

Kiba dei ioh ia kane ka Skhim: Ki briew ha ka rta kaba 18-50 snem kiba don bank lane post office account ki lah ban pynrung kyrteng hapoh ka skhim. Ki briew kiba la iasoh bad ka skhim hashuwa ban dap 50 snem ka rta ki lah ban bteng ban ioh ia ka jingkyrshan haduh ka rta 55 snem halor ka jingsiew man ka por ia ka premium.

Ki Jingmyntoi: Ka jingkyrshan kaba T. 2 lak lada jia ba iap na kano kano ka daw ha ka jingsiew premium kaba T. 436 shi snem.

Ka Jingpynrung kyrteng: Lah ban pynrung kyrteng hapoh ka skhim da kaba leit sha ka branch/ BC point lane website jong ka bank jong uba don account lane ha post office lada dei ka post office savings bank account. Ka premium hapoh ka skhim ka dei kaba poi hi man u snem na ka bank account jong u nongiashim bynta katkum ka jingsiew kaba tang shisien na u/ka briew ba don account. Ka jingtip ba bniah shaphang ka skhim bad ki phom (ha ki ktien Hindi, Phareng bad ki ktien tynrai) ka don ha ka https://jansuraksha.gov.in.

Ki Jingjop: Haduh ka 26.04.2023, ka jingdon kiba pynrung kyrteng hapoh ka skhim kalong palat 16.19 klur bad la siew T. 13,290.40 klur na ka bynta 6,64,520 ki jingkam.

2. Pradhan Mantri Suraksha Bima Yojana (PMSBY)

Scheme: Ka PMSBY kadei ka skhim accidental insurance kaba shi snem kaba hap pynthymmai na u snem sha u snem kaba ai jingkyrshan haba don ka jingkhlad ne ki jingdkoh namar ka jingjia aksiden.

Kiba dei ioh ia kane ka Skhim: Ki briew ha ka rta 18-70 snem kiba don bank lane post office account ki lah ban pynrung kyrteng hapoh ka skhim.

Ki Jingmyntoi: Ka jingkyrshan haba khlad ne don jingmynsaw kaba T. 2 lak (T. 1 lak lada don jingdkoh ba malu mala)  na ka bynta ka jingiap lane jingdkoh namar ka jingjia aksiden ha ka jingsiew premium kaba T. 20 shi snem.

Ka Jingpynrung kyrteng: Lah ban pynrung kyrteng hapoh ka skhim da kaba leit sha branch/ BC point lane website jong ka bank jong uba don account lane ha post office lada dei ka post office savings bank account. Ka premium hapoh ka skhim ka dei kaba ot hi man u snem na ka bank account jong uba iashim bynta katkum ka jingsiew kaba shisien na ka account jong u/ka briew ba don account. Ka jingtip ba bniah shaphang ka skhim bad ki phom (ha ki ktien Hindi, Phareng bad ki ktien tynrai) ka don ha ka https://jansuraksha.gov.in.

Ki Jingjop: Haduh ka 26.04.2023, ka jingdon kiba pynrung kyrteng hapoh ka skhim kalong palat 34.18 klur bad la siew T. 2,302.25 klur na ka bynta 1,15,951 ki jingkam.

3. Atal Pension Yojana (APY)

Ka Nongrim: La pyllait ia ka Atal Pension Yojana (APY) ban don ka jingkyrshan ia baroh ki briew jong ka ri, khamtam kiba duk ba suk, kiba duna ka ioh ka kot bad ki briew ba trei ha ki kam shimet. Kadei ka sienjam jong ka Sorkar ban ai ka jingshngain ha ka ioh ka kot bad ban ai jingkyrshan ia ki briew na ki jingjia bym lah ban tip lypa, ha ka rukom treikam kaba iaid beit iaid ryntih. La pyniaid ia ka APY da ka Pension Fund Regulatory and Development Authority (PFRDA) hapoh ka jingpeit bad jingsaindur jong ka National Pension System (NPS).

Kiba dei ban ioh ia ka Skhim: Ka APY kalong ia baroh kiba don bank account ha ka rta 18 haduh 40 snem ki bym dei kiba siew khajna bad ka jingsynniang ka iapher, katkum ka bai bam tymmen ba la jied.

Ki Jingmyntoi: Ki briew kiba iashim bynta kin ioh ka bai bam tymmen kaba man ka bnai kaba long T. 1,000 lane T. 2000 lane T. 3,000 lane T. 4000 lane T. 5,000 hadien ba ki la dap 60 snem, katkum ki jingsiew jong uba iashim bynta hadien ba la iasoh bad ka skhim.

Ka jingsiew ia ki jingmyntoi jong ka Skhim: Ka bai bam tymmen kalong na ka bynta uba iashim bynta da kaba ai jingsiew, bad hadien jong u kan leit sha ka kurim bad hadien ka jingiap jong ki, ka bai bam tymmen  baroh kaba la lang haduh ba un da dap 60 snem ka rta ka dei ka ban poi sha uno uno uba la jied lypa da u nongai iashim bynta.

Lada jia ba khlad noh shiteng por u nong iashim bynta (ka jingkhlad noh hashuwa 60 snem ka rta) ka kurim jong u nong iashim bynta ka lah ban bteng ka jingsiew sha ka APY account jong u nong iashim bynta, na ka bynta ka samoi ba dang sah, haduh ba u nong iashim bynta ba nyngkong u kot sha ka rta kaba 60 snem.

Ka jingnohsynniang ka Sorkar Pdeng: Ka bai bam tymmen kaba duna eh ka dei kaba la pynthikna da ka Sorkar kata kalong lada ka jinglang pisa katkum ka jingai jingsiew ka dei kaba kham duna ia ka jingiohnong na ka jingbei tyngka bad kam dap ban ai jingsiew katkum ka bai bam tymmen kaba duna tam, ka Sorkar Pdeng kan pyndap ia kaba duna. Lane, lada ka jingiohnong ka dei kaba tam, ki nongiashim bynta kin ioh ia ka bai bam tymmen kaba kham bun.

Ka rukom ai jingsiew: Ki nong iashim bynta ki lah ban siew sha ka APY man ka bnai/ shisien ha ka lai bnai/ shiteng snem.

Ka jingweng noh na ka Skhim: Ki nong iashim bynta ki lah ban mih noh na ka APY katkum katto katne ki kyndon, halor ka jingot ia ka jingsynniang lang ka Sorkar bad ka jingiohnong / sut halor kane.

Ki Jingjop: Haduh 27.04.2023 palat 5 klur ngut ki briew kiba la pynrung ha kane ka skhim.