প্রধানমন্ত্রীগী লোইশঙ
প্রধান মন্ত্রীনা ফেব্রুৱারি ১২দা চহি চুপ্পা পাংথোক্কদবা মহর্ষি দয়ানন্দ সরস্বতিগী ২০০শুবা মপোক কুমওনগী থৌরম হৌদোক্কনি
খুন্নাইগী খেন্নবশিং কোকহন্নবা খুন্নাইগী অওনবা পুরকপা মীওই অমা ওইনা, মহর্ষি দয়ান্দ সরস্বতিনা ১৮৭৫তা আর্য সমাজ লিংখৎখি
লৈবাক অসিদা কলচর অমসুং খুন্নাইগী মিকপ থোকহনবদা আর্য সমাজনা মরুওইবা থৌদাং অমা লৌখি
মখোয়না পাংথোক্লম্বা থবকশিংগীদমক ভারত শীনবা থুংনা শকখঙবীদ্রবা খুন্নাইগী অওনবা পুরকপা মীওইশিং অমসুং মরুওইবা মীওইশিং প্রধান মন্ত্রী মোদীগী মখাদা সরকারনা ইকায়খুম্নবা উৎলে
Posted On:
11 FEB 2023 10:40AM by PIB Imphal
ফেব্রুৱারি ১২, ২০২৩গী অয়ুক পুং ১১ তাবদা দিল্লিগী ইন্দিরা গান্ধী ইন্দোর স্তদিয়মদা প্রধান মন্ত্রী শ্রী নরেন্দ্র মোদীনা চহি চুপ্পা পাংথোক্কদবা মহর্ষি দয়ানন্দ সরস্বতিগী ২০০শুবা মপোক কুমওনগী থৌরম হৌদোক্কনি। থৌরম অদুদা প্রধান মন্ত্রীনা মীয়ামদা ৱা ঙাংগনি।
মহর্ষি দয়ানন্দ সরস্বতি ফেব্রুৱারি ১২, ১৮২৪দা পোকখি অমসুং খু্ন্নাইগী খেন্নবশিং কোকহন্নবা ১৮৭৫দা আর্য সমাজ লিংখৎখিবা খুন্নাইগী অওনবা পুরকপা মীওই অমনি। লুপ অসিনা খুন্নাইগী অহোংবশিং অমসুং লাইরিক-লাইশু তম্বদা মীৎয়েং চংদুনা লৈবাক অসিদা কলচর অমসুং খুন্নাইগী মিকপ থোকহনবদা আর্য সমাজনা মরুওইবা থৌদাং অমা লৌখি।
মখোয়না পাংথোক্লম্বা থবকশিংগীদমক ভারত শীনবা থুংনা শকখঙবীদ্রবা খুন্নাইগী অওনবা পুরকপা মীওইশিং অমসুং মরুওইবা মীওইশিং সরকারনা ইকায়খুম্নবা উৎলে। ভগবান বিরসা মুদাগী মপোক নুমিৎ অসি জনজাতি গৌরব দিবস হায়না থৌরম পাংথোকপদগী হৌরগা শ্রী অর্বিন্দগী ১৫০শুবা মপোক নুমিৎ পাংথোক্তুনা অসিগুম্বা থবকশিং পাংথোকপদা প্রধান মন্ত্রী শ্রী নরেন্দ্র মোদীনা মাঙজিল থারি।
*****
(Release ID: 1898262)
Visitor Counter : 126
Read this release in:
Odia
,
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam