হৌখিবা জনুৱারি ৮,২০২৩দা জোশীমথতা য়ুম-কৈ অমাং-অতা থোকখিবা অমসুং লৈবাক নমথখিবা অদু প্রধান মন্ত্রীগী প্রিন্সিপাল সেক্রেতরি দোক্তর পি.এক মিশ্রানা অৱাংবা থাক্তা য়েংশিনখ্রে। ভিদিও কনফরেন্সকী খুৎথাংদা পাংথোকখিবা হন্না য়েংশিনবা মীফম অদুদা কেবিনেৎ সেক্রেতরি; হোম সেক্রেতরি; ভারত সরকারগী সেনিয়র ওফিসিএলশিং অমসুং নেসনেল দিজাস্তর মেনেজমেন্ত ওথোরিতিগী মেম্বরশিং, উত্তরখান্দগী চীফ সেক্রেতরি অমসুং দি.জি.পি, জোশীমথকী দি.এম অমসুং ওফিসিএলশিং; উত্তরখান্দগী সেনিয়র ওফিসিএলশিং অমসুং আই.আই.তি রুরকি, নেসনেল ইন্সতিতুৎ ওফ দিজাস্তর মেনেজমেন্ত, জিওলোজিকেল সর্ভে ওফ ইন্দিয়া, ৱাদিয়া ইন্সতিতুৎ ওফ হিমালয়ান জিওলোজিগী অখঙ-অহৈশিং শরুক য়াখি।

ফিবম অদু প্রধান মন্ত্রী শ্রী নরেন্দ্র মোদী খঙলে অমসুং চীফ মিনিস্তরগা লোয়ন্না ফিবম অদু হন্না য়েংশিনখি।

উত্তরখান্দগী চীফ সেক্রেতরিনা হায়খি কেন্দ্রগী অখঙ-অহৈশিংগী মতেংগা লোয়ন্না রাজ্য অমসুং জিলাগী ওফিসিএলশিংনা মফম অদুগী ফিবম য়েংশিল্লে। মিতর ৩৫০রোম পাকপা লমগী শরুক অমা নমথখ্রে। এন.দি.আর.এফগী কাংবু অমা অমসুং এস.দি.আর.এফগী কাংবু ৪ জোশীনাথতা থুংখ্রে। অৱাবা তারবা ইমুংশিংদা চানবা চীঞ্জাক, লৈফম অমসুং সেকুরিতি পীদুনা মখোয় শাফগদবা মফমশিংদা হোঙদোক্নবা দিস্ত্রিক এদমিনিস্ত্রেসন্না অৱাবা খুদোংথিবা নংলবা ইমুংশিংগা থবক তৌমিন্নরি। থৌদোক থোকফমদা এস.পি অমসুং এস.দি.আর.এফকী কমান্দেন্দ লৈরি। ওইরক্লিবা ফিবমশিংগী মতাংদা জোশীমথকী মীয়ামদা খঙহনখ্রে অমসুং মখোয়গী মতেং লৌরি। অতেনবা-ময়াই ওইবা-অশাংবা মতমগী থৌরাংশিং শেম্নবা অখঙ-অহৈশিংদগী পাউতাক লৌরি।

মখাতানা, জনুৱারি ৯দা সেক্রেতরি, বোর্দর মেনেজমেন্ত অমসুং এন.দি.এম.এগী মেম্বর ৪ উত্তরখান্দদা চৎকনি। নেসনেল দিজাস্তর মেনেজমেন্ত ওথোরিতি, নেসনেল ইন্সতিতুৎ ওফ দিজাস্তর মেনেজমেন্ত, জিওলোজিকেল সর্ভে ওফ ইন্দিয়া, আই.আই.তি রুরকি, ৱাদিয়া ইন্সতিতুৎ ওফ হিমালয়ান জিওলোজি, নেসনেল ইন্সতিতুৎ ওফ হায়দ্রোলোজি অমসুং সেন্ত্রেল বিল্দিং রিছর্স ইন্সতিতুৎকী অখঙ-অহৈ কাংবুনা মফম অদুদা থিজিনবদগী ফংলকপা ফলশিং অদু মখোয়না কুপ্না নৈনগনি অমসুং ফিবম অদু লাকশিন্নবা খুদক্কী ওইবা, অতেনবা-ময়াই ওইবা-অশাংবা মতমগী থবকশিং লৌখৎনবা রাজ্য সরকারদা পাউতাক পীগনি।

প্রধান মন্ত্রীগী প্রিন্সিপাল সেক্রেতরিনা হায়খি খুদোংথিবা নংলবা মফমদা লৈরিবা মীয়াম য়াইফনবা রাজ্য সরকারনা অথুবদা থবকশিং পায়খৎকদবনি। রাজ্য সরকারনা অৱাবা তারবা মীওইশিংগা লেপ্তনা পাউ ফাওনগদবনি। পায়খৎপা য়াবা থবকশিং পায়খৎতুনা ফিবম অদু হেন্না শোকচিল্লকপা থিংনবা খুদক্কী ওইবা থবকশিং লৌখৎকদবনি। শোকহল্লবা মফম অদু হিরম কয়াগী অখঙ-অহৈ কাংবু অমনা থিজিনগদবনি। নেসনেল দিজাস্তর মেনেজমেন্ত ওথোরিতি, নেসনেল ইন্সতিতুৎ ওফ দিজাস্তর মেনেজমেন্ত, জিওলোজিকেল সর্ভে ওফ ইন্দিয়া, আই.আই.তি রুরকি, ৱাদিয়া ইন্সতিতুৎ ওফ হিমালয়ান জিওলোজি, নেসনেল ইন্সতিতুৎ ওফ হায়দ্রোলোজি অমসুং সেন্ত্রেল বিল্দিং রিছর্স ইন্সতিতুৎকী অখঙ-অহৈ কাংবুনা উত্তরখান্দ সরকারনা অমতা ওইনা পুন্না থবক তৌমিন্নগনি। অকক্নবা মতমগী মনুংদা মফম অদু অমুক হন্না শেমজিন্নবা থৌরাং তৌগদবনি। লেপ্তনা সৈস্মিক মোনিতর তৌগদবনি। মসিগী খুদোংচাবা অসিগা লোয়ন্না খুদোংথিবা অমা থেংনবা ঙমগদবা জোশীমথ সহরগী থৌরাং অমা পায়খৎকদবনি।

*****