উপস্থিত অভ্যাগতবৃন্দ,

ডিজিটেল পৰিৱৰ্তন হৈছে আমাৰ যুগৰ আটাইতকৈ উল্লেখযোগ্য পৰিৱৰ্তন। দৰিদ্ৰতাৰ বিৰুদ্ধে দশকজোৰা বিশ্বব্যাপী যুঁজত ডিজিটেল প্ৰযুক্তিৰ সঠিক ব্যৱহাৰ এক শক্তি গুণক বা multiplier হ'ব পাৰে। জলবায়ু পৰিৱৰ্তনৰ বিৰুদ্ধে যুঁজত ডিজিটেল সমাধানো সহায়ক হ'ব পাৰে – যিদৰে আমি সকলোৱে কোভিডৰ সময়ত দূৰৱৰ্তী কাম কৰা আৰু কাগজবিহীন সেউজকাৰ্যালয়ৰ উদাহৰণত দেখিছিলো। কিন্তু আমি এই লাভালাভবোৰ তেতিয়াহে পাম যেতিয়া ডিজিটেল প্ৰৱেশাধিকাৰ সঁচাকৈয়ে অন্তৰ্ভুক্ত হয়, যেতিয়া ডিজিটেল প্ৰযুক্তিৰ ব্যৱহাৰ সঁচাকৈয়ে ব্যাপক হয়। দুৰ্ভাগ্যবশতঃ, এতিয়ালৈকে আমি এই শক্তিশালী সঁজুলিটো কেৱল সাধাৰণ ব্যৱসায়ৰ চৰ্তৰ ওপৰতহে দেখিছোঁ, এই শক্তি লাভ আৰু লোকচানৰ কিতাপত বান্ধি ৰখা হৈছে। ডিজিটেল পৰিৱৰ্তনৰ লাভালাভ মানৱজাতিৰ এটা সৰু অংশত সীমাবদ্ধ থাকিব নালাগে।

যোৱা কেইবছৰমানৰ ভাৰতৰ অভিজ্ঞতাই আমাক দেখুৱাইছে যে যদি আমি ডিজিটেল স্থাপত্যক অন্তৰ্ভুক্ত কৰোঁ, ই আৰ্থ-সামাজিক পৰিৱৰ্তন আনিব পাৰে। ডিজিটেল ব্যৱহাৰত স্কেল আৰু গতি আনিব পাৰি। শাসনত স্বচ্ছতা আনিব পাৰি। ভাৰতে ডিজিটেল ৰাজহুৱা সামগ্ৰী বিকশিত কৰিছে যাৰ মৌলিক স্থাপত্যৰ অন্তৰ্নিহিত গণতান্ত্ৰিক নীতি আছে। এই সমাধানবোৰ মুক্ত উৎস, মুক্ত এপিআই, মুক্ত মানদণ্ডৰ ওপৰত আধাৰিত, যিবোৰ আন্তঃকাৰ্যকৰী আৰু ৰাজহুৱা। আজি ভাৰতত চলি থকা ডিজিটেল বিপ্লৱৰ ওপৰত আধাৰিত এইটো আমাৰ দৃষ্টিভংগী। উদাহৰণ স্বৰূপে, আমাৰ ইউনিফাইড পেমেণ্ট ইণ্টাৰফেচ ইউ.পি.আই. লওঁক।

যোৱা বছৰ, বিশ্বৰ ৪০ শতাংশতকৈও অধিক বাস্তৱ-সময়ৰ পৰিশোধ লেনদেন ইউ.পি.আই.-ৰ জৰিয়তে হৈছিল। একেদৰে, আমি ডিজিটেল পৰিচয়ৰ আধাৰত ৪৬০ নিযুত নতুন বেংক একাউণ্ট খুলিছো, যি আজি ভাৰতক বিত্তীয় অন্তৰ্ভুক্তিৰ ক্ষেত্ৰত বিশ্বব্যাপী নেতা কৰি তুলিছে। আনকি মহামাৰীৰ সময়তো, আমাৰ open source CoWIN প্লেটফৰ্মে মানৱ ইতিহাসৰ সৰ্ববৃহৎ টিকাকৰণ অভিযান সফল কৰি তুলিছিল।

মহামহিমসকল,

ভাৰতত, আমি ডিজিটেল প্ৰৱেশাধিকাৰ ৰাজহুৱা কৰি আছো, কিন্তু আন্তঃৰাষ্ট্ৰীয় পৰ্যায়ত, এতিয়াও এক বৃহৎ ডিজিটেল বিভাজন আছে। পৃথিৱীৰ বেছিভাগ উন্নয়নশীল দেশৰ নাগৰিকৰ কোনো ধৰণৰ ডিজিটেল পৰিচয় নাই। মাত্ৰ ৫০ খন দেশতে ডিজিটেল পৰিশোধ প্ৰণালী আছে। আমি একেলগে প্ৰতিশ্ৰুতি ল'ব পাৰোঁ নেকি যে অহা দহ বছৰত আমি প্ৰতিজন মানুহৰ জীৱনত ডিজিটেল পৰিৱৰ্তন আনিম, পৃথিৱীৰ কোনো ব্যক্তি ডিজিটেল প্ৰযুক্তিৰ লাভালাভৰ পৰা বঞ্চিত নহ'ব!

অহা বছৰ ইয়াৰ জি-২০ অধ্যক্ষতাকালত, ভাৰতে এই উদ্দেশ্যেৰে সকলো জি-২০ অংশীদাৰ দেশৰ সৈতে কাম কৰিব। "বিকাশৰ বাবে তথ্য" নীতিটো আমাৰ প্ৰেচিডেন্সিৰ "এক পৃথিৱী, এক পৰিয়াল, এক ভৱিষ্যত" ৰ সামগ্ৰিক বিষয়বস্তুৰ এক অবিচ্ছেদ্য অংশ হৈ থাকিব।
বহু বহু ধন্যবাদ।

টোকা – এয়া হৈছে প্ৰধানমন্ত্ৰীৰ ভাষণৰ এক আনুমানিক অনুবাদ। ভাষণটো হিন্দী ভাষাত দিয়া হৈছিল। 

***
 

DS/AK