য়ুমলৈ-কৈরৈ মন্ত্রালয়

ঙসি হোম অমসুং কোর্পোরেসনগী য়ুনিয়ন মিনিস্তর শ্রী অমিত সাহনা হরিয়ানাগী সুরজকুন্দদা নুমিৎ নিনিগী ‘চিন্তন সিবির’ অমদা ৱা ঙাংখ্রে

Posted On: 27 OCT 2022 6:28PM by PIB Imphal

প্রধান মন্ত্রী শ্রী নরেন্দ্র মোদীদগী ইথিল ফংদুনা, পাংথোক্লিবা ‘চিন্তন সিবির’ অসিনা লৈবাক অসিনা মায়োক্নরিবা শিংনবা খুদিংমক মায়োক্ননবা মফম অমা পীরগনি

মতম অমদা হিংসা অমসুং তুংদু-লৈতাদবগী তমথিরবা মফম অমা ওইরম্বা লেপ্ত ৱিং এক্সত্রিমিজম্না শোকহল্লবা মফমশিং, জম্মু অমসুং কাস্মির অমসুং অৱাং-নোংপোক, হৌজিক চাউখৎপগী মফম অমা ওইরে

ঙসি লৈবাক অসিগী অমসুং মালেম অসিগী মমাঙদা সাইবর-ক্রাইমগী অচৌবা শিংনবা অমা লৈরে, মসি থেংন্নবা হোম এফেয়ার্স মিনিস্ত্রিনা থবক পায়খৎলে

শ্রী নরেন্দ্র মোদীনা লুচিংবা সরকারনা ‘হোল ওফ গভর্নমেন্ত’ অমসুং ‘তিম ইন্দিয়া এপ্রোচ’গী মখাদা ৩-সিগী থৌরাং-কোর্পোরেসন, কোর্দিনেসন অমসুং কোল্লাবোরেসন’ পুক্নিং থৌগৎলি

দ্রগশিংগী চৈথেংদগী লৈবাক অসি অমসুং নহারোলশিং কন্নবা প্রধান মন্ত্রী নরেন্দ্র মোদীনা লুচিংবা সরকারগী ফিরেপ লৈরে অমসুং ঐখোয়গী থৌশিলগী ফল ফংলে, হৌজিক ফাওবদা লুপা কোতি ২০,০০০ হেনবগী দ্রগশিং ফারে

ঙসিগী মালেম অসিদা ফত্তবা থবক তৌবগী মওং য়াম্না হোঙলে অমসুং ফত্তবা থবক পাংথোকপদা ঙমখৈগী অথিংবা লৈত্রে, মরম অদুনা মসি থেংন্নবা অমতা ওইবা লাল্লোং অমা লৈবাকশিংনা শেমগদবনি

প্রধান মন্ত্রী নরেন্দ্র মোদীনা লুচিংবা সরকার অসিদা তেরোরিজমগী মায়োক্তা তুমিন্না খাংদুনা লৈথোক্তবগী থৌশিল অমা লৈরে, অচৌবা মাইপাকপা অমা পুরক্নবা এন.আই.এ অমসুং অতোপ্পা এজেন্সিশিং মপাঙ্গল কনখৎহল্লে, ২০২৪গী মমাঙদা রাজ্য পুম্নমক্তা এন.আই.এগী ব্রাঞ্চশিং লিংখৎতুনা এন্তি-তেরোরিজমগী নেতৱার্ক অমা শেমগৎনবা থবক পায়খৎলি

চৈরাক পীবগী চাং হেনগৎনবা রাজ্য খুদিংমক্না ফোরেন্সিক সাইন্স খ্বাইদগী য়াম্না শীজিন্নগদবনি, এন.এফ.এস.য়ু লিংখৎতুনা ভারত সরকারনা পাংবা য়াবা মতেং পাংলি

ঙমখৈ অমসুং সমুদ্র মপানগী ঙাক-শেনগী থবকশিং হেনগৎহন্নবা ঙমখৈদা লৈবা রাজ্যশিংনা সেন্ত্রেল এজেন্সিশিং অমসুং সেকুরিতি ফোর্সশিংগা হেন্না নকশিন্ননা থবক তৌমিন্নগদবনি

দিজাস্তর মেনেজমেন্তগী মতাংদা সরকারনা থবক কয়া পায়খৎলে অমসুং হায়রিবা থবকশিং অদু পাংথোকপগী মতাংদা হকথেংন্না য়েংশিন্নবা ঐনা চীফ মিনিস্তর খুদিংমক্তা হায়জরি

প্রধান মন্ত্রী শ্রী নরেন্দ্র মোদীগী লমজিং মখাদা, জম্মু অমসুং কাস্মির, অৱাং-নোংপোক, তেরোরিজম, দ্রগ ত্রাফিক্কিং, লেপ্ত ৱিং এক্সত্রিমিজম অমসুং নুপীশিং ঙাক-শেনবগা মরী লৈনবা মরুওইবা থবকশিংগী মতাংদা মতিক চাবা থবকশিং হোম এফেয়ার্স মিনিস্ত্রিনা লৌখৎলে

ঙসি হোম অমসুং কোর্পোরেসনগী য়ুনিয়ন মিনিস্তর শ্রী অমিত সাহনা হরিয়ানাগী সুরজকুন্দদা নুমিৎ নিনিগী ‘চিন্তন সিবির’গী অহানবা নুমিৎতা ৱা ঙাংখ্রে। চিন্তন সিবির অদুদা রাজ্যশিংগী চীফ মিনিস্তরশিং, রাজ্যশিংগী হোম মিনিস্তরশিং অমসুং য়ুনিয়ন তেরিতোরিশিংগী লেপ্তনেন্ত গভর্নরশিং অমসুং এদমিনিস্ত্রেতরশিং শরুক য়াখি।

মহাক্কী ৱারোলদা শ্রী অমিত সাহনা হায়খি প্রধান মন্ত্রী শ্রী নরেন্দ্র মোদীদগী ইথিল ফংদুনা, পাংথোক্লিবা ‘চিন্তন সিবির’ অসিনা লৈবাক অসিনা মায়োক্নরিবা শিংনবা খুদিংমক মায়োক্ননবা মফম অমা পীরগনি। ঙসিগী মালেম অসিদা ফত্তবা থবক তৌবগী মওং য়াম্না হোঙলে অমসুং ফত্তবা থবক পাংথোকপদা ঙমখৈগী অথিংবা লৈত্রে, মরম অদুনা চপ মান্নবা লাল্লোং অমনা রাজ্য খুদিংমক্না ফত্তবশিং অসি থেংনগদবনি। মসিগী চপ মান্নবা লাল্লোং অসি শেম্নবা অমসুং থবক ওইনা পাংথোক্নবা, প্রধান মন্ত্রী নরেন্দ্র মোদীনা লুচিংবা সরকারগী মখাদা, কোওপরেতিপ ফেদেরেলিজম’গী ৱাখল্লোনগী মখাদা, ‘হোল ওফ গভর্নমেন্ত’ অমসুং ‘তিম ইন্দিয়া এপ্রোচ’গী মখাদা ৩-সিগী থৌরাং-কোর্পোরেসন, কোর্দিনেসন অমসুং কোল্লাবোরেসন’ পুক্নিং থৌগৎলি। মসিনা রাজ্যশিং অমসুং কেন্দ্র সরকারগী মরক্তা থবক তৌমিন্নগনি।

য়ুনিয়ন হোম মিনিস্তরনা হায়খি মতম অমদা হিংসা অমসুং তুংদু-লৈতাদবগী তমথিরবা মফম অমা ওইরম্বা লেপ্ত ৱিং এক্সত্রিমিজম্না শোকহল্লবা মফমশিং, জম্মু অমসুং কাস্মির অমসুং অৱাং-নোংপোক, হৌজিক চাউখৎপগী মফম অমা ওইরে। হৌখিবা চহি ৮ অসিদা অৱাং-নোংপোক্তা ঙাক-শেনগী ফিবম য়াম্না ফগৎলে অমসুং ২০১৪দগী হৌনা লালহৌবগা মরী লৈনবা থৌদোকশিং চাদা ৭৪দা হন্থরে অমসুং সেকুরিতি ফোর্সশিংগী মরক্তা অশি-অনা য়াওবা চাদা ৬০ অমসুং মীচম মীয়াম শিবা চাদা ৯০দা হন্থরে। মসিগী মথক্তা, তুংকোইনা শান্তি লৈনবা এন.এল.এফ.তি, বোরো, ব্রু, কার্বি অংলোংগা য়ানচেশিং খুৎয়েক পীনদুনা লালহৌবা য়াওরম্বা মীওই ৯,০০০ হেন্না চঙজরকখ্রে।

মহাক্না হায়খি অৱাং-নোংপোক্তা শান্তি লৈরকপদগী, লমদম অসিগী মফমশিংগী চাদা ৬০ হেন্না অফস্পা লৌথোকখ্রে। লেপ্ত ৱিং এক্সত্রিমিজম্না শোকহল্লবা মফমশিংদা মীহাৎ-মীপুনগী থৌদোকশিং চাদা ৭৭ হন্থরে অমসুং শিবগী চাং চাদা ৮৫ হন্থরে। ২০১৯গী অগস্ত ৫দা জম্মু অমসুং কাস্মিরদগী আর্তিকল ৩৭০ লৌথোকখিবদগী মফম অদুদা শান্তি অমসুং চাউখ-থৌরাংগী অনৌবা তাঙ্কক অমা হৌরে। অগস্ত ৫, ২০১৯ মমাঙগী থা ৩৭গা চাংদম্নবদা, তেরোরিস্তশিংগী থৌদোক চাদা ৩৪ হন্থরে অমসুং অগস্ত ৫, ২০১৯গী মতুংদা সেকুরিতি ফোর্সশিংগী মরক্তা শিবা চাদা ৫৪ হন্থরে।

মহাক্না হায়খি প্রধান মন্ত্রী নরেন্দ্র মোদীনা লুচিংবা সরকার অসিদা তেরোরিজমগী মায়োক্তা তুমিন্না খাংদুনা লৈথোক্তবগী থৌশিল অমা লৈরে, অচৌবা মাইপাকপা অমা পুরক্নবা এন.আই.এ অমসুং অতোপ্পা এজেন্সিশিং মপাঙ্গল কনখৎহল্লে, ২০২৪গী মমাঙদা রাজ্য পুম্নমক্তা এন.আই.এগী ব্রাঞ্চশিং লিংখৎতুনা এন্তি-তেরোরিজমগী নেতৱার্ক অমা শেমগৎনবা থবক পায়খৎলি। এন.আই.এ অমসুং য়ু.এ.পি.এ লোশিং শেমদোক্তুনা লনাই মীওই অমা তেরোরিস্তনি হায়না লাউথোক্নবা থৌরাং লৈরে অমসুং তেরোরিজম থেংন্নবা আইনগী থবকশিং মপাঙ্গল কনখৎহল্লে। এন.আই.এদা এক্সত্রা তেরিতোরিএল জুরিসদিক্সন পীরে অমসুং তেরোরিজমগা মরী লৈনবশিংগী লন-থুম মৎনবগী হক এজেন্সি অসিদা পীরে।

শ্রী সাহনা হায়খি ২০২৪ ফাওবগী মনুংদা লৈবাক অসিগী রাজ্য খুদিংমক্তা এন.আই.এগী ব্রাঞ্চশিং লিংখৎনবা পান্দম থম্লে। কেন্দ্র অমসুং রাজ্যশিংগী মরক্তা পুন্না থবক তৌমিন্নবদগী মতম অমদা ইরাংগী মফম ওইরম্বশিং ঙসিগী শান্তি ওইরে। হৌখিবা চহি ৮ অসিদা দ্রগকী কেস ৩,০০০ রেজিস্তার তৌরে অমসুং দ্রগশিংগী চৈথেংদগী লৈবাক অসি অমসুং নহারোলশিং কন্নবা প্রধান মন্ত্রী নরেন্দ্র মোদীনা লুচিংবা সরকারগী ফিরেপ লৈরে অমসুং ঐখোয়গী থৌশিলগী ফল ফংলে, হৌজিক ফাওবদা লুপা কোতি ২০,০০০ হেনবগী দ্রগশিং ফারে।

শ্রী অমিত সাহনা হায়খি ঙসি লৈবাক অসিগী অমসুং মালেম অসিগী মমাঙদা সাইবর-ক্রাইমগী অচৌবা শিংনবা অমা লৈরে, মসি থেংন্নবা হোম এফেয়ার্স মিনিস্ত্রিনা থবক পায়খৎলে। সি.আর.পি.সি, আই.পি.সি অমসুং এফ.সি.আর.এ অহোংবা পুরক্নবা মিনিস্ত্রিনা থবক পায়খৎলি অমসুং অথুবা মতমদা মখোয়গী শেমদোক্লবা ব্লুপ্রিন্ত অদু পর্লিয়ামেন্তদা পুথোক্লগনি। চৈরাক পীবগী চাং হেনগৎনবা রাজ্য খুদিংমক্না ফোরেন্সিক সাইন্স খ্বাইদগী য়াম্না শীজিন্নগদবনি, এন.এফ.এস.য়ু লিংখৎতুনা ভারত সরকারনা পাংবা য়াবা মতেং পাংলি।ঙমখৈ অমসুং সমুদ্র মপানগী ঙাক-শেনগী থবকশিং হেনগৎহন্নবা ঙমখৈদা লৈবা রাজ্যশিংনা সেন্ত্রেল এজেন্সিশিং অমসুং সেকুরিতি ফোর্সশিংগা হেন্না নকশিন্ননা থবক তৌমিন্নগদবনি।দিজাস্তর মেনেজমেন্তগী মতাংদা সরকারনা থবক কয়া পায়খৎলে অমসুং হায়রিবা থবকশিং অদু পাংথোকপগী মতাংদা হকথেংন্না য়েংশিন্নবা ঐনা চীফ মিনিস্তর খুদিংমক্তা হায়জরি।

য়ুনিয়ন হোম মিনিস্তরনা হায়খি লৈবাক্কী মাঙদা থেংনরিবা খুদোংচাদবশিং মায়োক্ননবা লৈবাক মনুংগী সেকুরিতিগী খুদোংচাবা পুম্নমক মপুংফানা শীজিন্নগদবনি। রাজ্যশিংগী মরক্তা থবক তৌমিন্নবা হেনগৎহন্নবা দরকার ওইবা মচাক-মথুমশিং হেনগৎহনবগদবনি অমসুং অমসুং মচাক-মথুমশিং মপুংফানা শীজিন্নবগদবনি। সরকারনা “ৱান দেতা, ৱান ইন্ত্রি’গী ৱাখল্লোন্দা থবক পাংথোক্লি অমসুং মসিগী মখাদা এন.আই.এদা তেরোরিস্তকী কেসশিংগী নেসনেল দেতাবেজ অমা লৈরে, দ্রগকা মরী লৈনবা কেসশিংগী নেসনেল দেতাবেজ অমা এন.সি.বিগী লৈরে অমসুং শেন-থুমগী অরানবা তৌবশিংগী দেতাবেজ অমা ই.দিগী লৈরে অমসুং খুৎশাগী মমিশিংগী দেতাবেজ-এন.এ.এফ.আই.এস অমা অমসুং নেসনেল দেতাবেজ ওফ সেক্স ওফেন্দরস(এন দি এস ও)শেম্নবা এন.সি.আর.বিদা শীন্নখ্রে।

মহাক্না হায়খি চৎন-কাংলোনশিং অহোঙবা পুরকপগী মতাংদা, ১৪সি হায়বদি ইন্দিয়ান সাইবর ক্রাইম কোওর্দিনেসন সেন্তর শেম্লে, সাইবর ক্রাইম পোর্তেল শেম্লে, নেতগ্রিদ শম্ননবা সিস্তেম অমা শেম্লে, প্রাইবেত সেকুরিতি এজেন্সি লাইসেন্সিং পোর্তেল শেম্লে অমসুং এফ.সি.আর.এদা অহোঙবা কয়া পুরক্লে। এফ.সি.আর.এদা অহোঙবা পুরকপগী মতুংইন্না, লৈবাক্কী মায়োক্তা থবক তৌবা, লাইনিং হোঙহনবা, চাউখৎ-থৌরাংগী থবকশিংদা রাজনিতিগী ওইনা অপনবা পীবা নত্রগা সরকারগী থৌশিলশিংগী মায়োক্তা লৈবা লুপশিংদা থবক লৌখৎলে অমসুং ২০২০দা লৈখিবা এমেন্দমেন্তগী মতুংইন্না মপান লৈবাকশিংদগী লাকপা শেনফমশিং লান্না শীজিন্নবা থিংনবা অমসুং য়েংশিন্নবা থবক পায়খৎলে।

শ্রী অমিত সাহনা হায়খি অকক্নবা মতমগী মনুংদা অচৌবা খুদোংচাদবা অহুম থেংন্নবা প্রধান মন্ত্রী শ্রী নরেন্দ্র মোদীনা লুচিংবা সরকারনা থবক পায়খৎলি। অহানবদা, হকশেলগী থবকশিংগী থৌরাং মপুংফানা লোইশিনবনি। অয়ুস্মান সি.এ.পি.এফ স্কিমগী মখাদা হেল্থ কার্দ লাখ ৩৫ রোম য়েন্থোকখ্রে অমসুং লুপা কোতি ২০ হেন্না ফংহনখ্রে। অনিশুবনা, হাওসিং সেতিসফেক্সন রেসিও হেনগৎহনবনি।২০১৪দা রেসিদেন্সিএল সেতিসফেক্সন চাদা ৩৭ রোম ওইরম্বা অদু হৌজিক চাদা ৪৮দা হেনগৎলে। মসিগী মথক্তা, সি.এ.পি.এফস ই-অৱাস ৱেব পোর্তেল শেমদুনা মসিগী থাক অসি চাদা ৬০দা হেনগৎহন্নবা পান্দম থম্লে। অহুমশুবা ওইনা, পুলিসিগী থবক্তা চহিগী কোমথোকপা লৈরে, থৌরাং অসিগী মখাদা নুমিৎ ১০০ ছুতি পীনবা থৌরাং অমা লৈরে, থবক্তগী পোথাবগী চহি ৫৭দগী চহি ৬০দা হেনগৎনবা অমসুং কেন্দিদেৎ ৬৪,৬৪০ থবক হাপ্নবা থৌরাং লৈরে।  

য়ুনিয়ন হোম মিনিস্তরনা হায়খি লৈবাক অসি চাউখৎনবা অমসুং তুংদু-লৈতানা হিংনবা অমসুং অফবা লৈঙাক লৈহন্নবা লৈবাক মনুংগী ঙাক-শেনগী থবক অসি য়াম্না মরুওই অমসুং মসিগী দাইত্ব ঐখোয় খুদিংমক্নি। লৈবাক শেমগৎপদা কেন্দ্র অমসুং রাজ্যগী চপ মান্নবা থৌদাং লৈ। এজেন্সি খুদিংমক মতেং পাংনরবা মতমদা লৈবাক অমা চাউখৎপা ঙমগনি। অমৃত কালগী মতম অসিদা কোওপরেতিপ ফেদেরেলিজমগী ৱাখল্লোন্না ঐখোয়না থৌনা ওইগদবনি অমসুং মসিগী চিন্তন সিবির অসিনা রিজনেল কোওপরেসন মখা তান পাকথোক চাউথোকহনগনি হায়বগী থাজবা থম্লি।

*****



(Release ID: 1871461) Visitor Counter : 150