“অপরিগ্রহ অসি তাইবংগী নুংঙাইবা খুদিংমক থাদোকপা খক নত্তনা পুক্নিংগী অপাম্বা খুদিংমক লাকশিনবসু য়াওরি”

“স্তেচু ওফ পিছ অমসুং স্তেচু ওফ য়ুনিতি অসি শুপ্নগী অৱাংবা মীতমশিং নত্তে, মখোয় এক ভারত, শ্রেস্থা ভারতকী খ্বাইদগী চাউবা খুদম্নি”

“লৈবাক অমগী নুংঙাইবা অসি লৈবাক অদুগী শেন-থুম চাউখৎপগী মখা পোল্লি অমসুং লৈবাক অসিদা পুথোকচবা পোৎথোকশিং শীজিন্নদুনা, কনাগুম্বা অমনা ভারতকী কলা, কলচর অমসুং সভ্যতা হিংহনবা ঙমগনি”

“শ্বাদেশি অমসুং মশা মরোমদোম লেপচবগী পাউজেল অসি অজাদি কা অমৃতকালগা য়াম্না মরী লৈনৈ”

 “অজাদি কা অমৃতকালদা, ঐখোয় চাউখৎলবা ভারত অমগী মাইকৈদা চঙশিল্লি”

 “মীয়ামগী থৌদাংশিং পাংথোকপদা লাইনিংবশিংগী পাউতাক অসি মতম চুপ্পা মরুওই”

ঙসি প্রধান মন্ত্রী শ্রী নরেন্দ্র মোদীনা ভিদিও মেসেজগী খুৎথাংদা শ্রী বিজয় বল্লভ সুরিশ্বরজিগী ১৫০শুবা মপোক কুমওন থৌরমদা মীয়ামদা ৱা ঙাংখ্রে।

মীয়ামদা ৱা ঙাংবদা প্রধান মন্ত্রীনা ভারতকী মুনি অমসুং সাধুগী চৎনবীগী লময়ানবশিংগী মফমদা অমসুং মালেম শীনবা থুংনা লৈরিবা জেন লাইনিং থাজবশিংগী মফমদা ইকায়খুম্নবা উৎখি। শ্রী মোদীনা হায়খি সাধুশিংগী মরক্তা লৈবা ফংবা অমসুং মখোয়গী থৌজাল ফংবা অসিদা অপেনবা পোকই। মহাক্না গুজরাত্তা লৈরিঙৈদা বদোদারা অমসুং ছোতা উদয়পুরগী কনৱাত খুঙ্গংদা সান্তবানি তাখিবা অদু প্রধান মন্ত্রীনা নিংশিংখি।

অচার্য়া শ্রী বিজয় বল্লভ সুরিশ্বরজিগী ১৫০শুবা মপোক কুমওন থৌরম হৌখিবা অদু নিংশিংলদুনা প্রধান মন্ত্রীনা অচার্য়া জি মহারাজগী মীতম অমা মাইখুম হাংদোকপগী খুদোংচাবা অমা ফংখিবা অদু পনখি। প্রধান মন্ত্রীনা হায়খি তেক্নোলোজিগী মতেংনা ঙসি ঐ অমুক হন্না সাধুশিংগী মরক্তা তিল্লে। অচার্য়া বিজয় বল্লভ সুরিশ্বর মহারাজ সাহিবকী পুন্সিগী ফিদম মীয়ামদা য়ৌহন্নবা পান্দমদা অচার্য়া বিজয় বল্লভ সুরিশ্বর মহারাজ সাহিবকী মফমদা কৎথোকপা কম্মেমোরেতিপ পোস্তেচ স্তাম্প অমা  অমসুং শেনয়েক মীয়ামদা কৎথোক্লে। চহি অনি চুপ্না পাংথোরকপা থৌরমশিং হৌজিক লোইশিল্লক্লে অমসুং থাজবা, মরৈবাক নুংশিবা অমসুং লৈবাক্কী শক্তি হেনগৎনবা পাংথোকখিবা থৌরমশিং থাগৎনিঙাইনি।

মালেমগী হৌজিক ওইরক্লিবা ফিবমগী মতাংদা প্রধান মন্ত্রীনা হায়খি ঙসিদি মালেম অসি লান অমসুং হিংসা মায়োক্নরে অমসুং মসিগী হিংসাগী থবকশিং অসিদগী নান্থোক্নবা পাম্বৈ থিরি। অসিগুম্বা ফিবম অসিদা ঙসিগী ভারতকী শক্তি অসিগা লোয়ন্না মমাঙঙৈগী চৎনবীশিং অমসুং ৱাঙুলোন্না মালেমগী অচৌবা থাজবা অমা ওইরগনি। মালেমগী ৱাথোকশিং অসিগী পাম্বৈ অসি অচার্য়া বিজয় বল্লভ সুরিশ্বর মহারাজ সাহিবনা তাক্লম্বা লম্বী অমসুং জেন গুরুশিংগী পাউতাকশিংনা ওইগনি।

প্রধান মন্ত্রীনা হায়খি অচার্য়ানা অহিংশা, নাইতোম অমসুং ওইজবা থাদোকপা পুন্সি অমদা হিংখি অমসুং ঐখোয় খুদিংমক ইথিল পীনবা হায়রিবা ফিদমশিং অসি মীয়ামদা শন্দোক্নবা লেপ্তনা হোৎনখি। অচার্য়াজিনা শান্তি অমসুং নুংশিন্না হিংমিন্নবগী মতাংদা হোৎনখিবশিং অসি লৈবাক অনি খাইদোক্নবগী মীহাৎ-মীপুনগী মতমদা ময়েক শেংনা উবা ফংখি। মসিনা মরম ওইদুনা, অচার্য়ানা চার্তুমাসকী চারা হেনবা লেপখি। মসিগা চপ মান্নবা মওংদা, অচার্য়ানা য়াৎলম্বা লম্বী মতুংইন্না মহাত্মা গান্ধীনা ‘অপরিগ্রহ’গী লম্বীদা চৎখি। অপরিগ্রহ অসি তাইবংগী নুংঙাইবা খুদিংমক থাদোকপা খক নত্তনা পুক্নিংগী অপাম্বা খুদিংমক লাকশিনবসু য়াওরি।

প্রধান মন্ত্রীনা হায়খি গচাধিপতি জেনচার্য়া শ্রী বিজয় নিত্যনন্দ সুরিশ্বরজিগী মতুংইন্না, লৈবাক অসিদা গুজরাতনা বল্লভ অনি পুথোকখি। ঙসি অচার্য়াজিগী চহি ১৫০সুবা মপোক কুমওন লোইশিল্লে অমসুং নুমিৎ খরনিগী মতুংদা ঐখোয়না লৈবাক্কী অপুনবগী নুমিৎ হায়না সরদার পতেলগী মপোক নুমিৎ পাংথোক্লগনি। স্তেচু ওফ পিছ অসি সাধুশিংগী খ্বাইদগী চাউবা মীতমশিংগী মনুংদা অমনি অমসুং স্তেচু ওফ য়ুনিতি অসি মালেমদা খ্বাইদগী ৱাংবা মীতম্নি। হায়রিবা মীতমশিং অসি শুপ্নগী অৱাংবা মীতমশিং খক নত্তে, মখোয় এক ভারত, শ্রেস্থা ভারতকী খ্বাইদগী চাউবা খুদম্নি”। সরদার সাহিবনা নিংথৌপানবা লৈবাকশিং ভারত্তা অমতা ওইনা পুনশিনখি অমসুং অচার্য়াজিনা ভারতকী অপুনবা, ঙমখৈ অমসুং কলচর মপাঙ্গল কনখৎহন্নবা লৈবাক্কী তোঙান-তোঙানবা মফমশিংদা চৎখি।

মতৌ করম্না লাইনিংগী চৎনবীশিং অমসুং লৈবাক অসিদা শাজবা পোৎথোকশিং মতম অমতদা চাউখৎহনবা য়াগনি হায়বগী মতাংদা প্রধান মন্ত্রীনা অচার্য়াজিগী ৱাফম পনখি অমসুং হায়খি লৈবাক অমগী নুংঙাইবা অসি লৈবাক অদুগী শেন-থুম চাউখৎপগী মখা পোল্লি অমসুং লৈবাক অসিদা পুথোকচবা পোৎথোকশিং শীজিন্নদুনা, কনাগুম্বা অমনা ভারতকী কলা, কলচর অমসুং সভ্যতা হিংহনবা ঙমগনি। মতম পুম্নমক্তা অচার্য়াজিনা খাদিনা শাবা অঙৌবা ফিজোল শীজিন্নখি। শ্বাদেশি অমসুং মশা মরোমদোম লেপচবগী পাউজেল অসি অজাদি কা অমৃতকালগা য়াম্না মরী লৈনৈ। মসি মশা-মরোমদোম লেপচবা ভারত অমা শেমগৎনবা লাইৱানি। মরম অদুনা , অচার্য়া বিজয় বল্লভ সুরিশ্বরজিদগী হৌরগা মতম অসিগী গচাধিপতি জেনচার্য়া শ্রী বিজয় নিত্যনন্দ সুরিশ্বরজিনা লম্বী অসি ফগৎহল্লে, ঐখোয়না মসি অমুক্কা হেন্না মপাঙ্গল কনখৎহনগদবনি।

প্রধান মন্ত্রীনা হায়খি অচার্য়ানা পায়খৎলম্বা খুন্নাইগী য়াইফনবা, লাইরি-লাইশু তম্বা অমসুং মীয়াম ৱাখল তাহন্নবা থবকশিং মখা তানা পাকথোক চাউথোকহনগদবনি। অজাদি কা অমৃতকালদা, ঐখোয় চাউখৎলবা ভারত অমগী মাইকৈদা চঙশিল্লি। মসিগীদমক লৈবাক অসিনা ৱাশক মঙা শক্লে অমসুং ‘পঞ্চ প্রান’ থবক ওইনা পাংথোক্নবা লম্বী সাধুশিংনা মাংজিল থারি। মীয়ামগী থবকশিং পাংথোকপদা সাধুশিংগী পাউতাকশিং মরুওই। ‘ভোকেল ফোর লোকেল’গী খোঙজংদা অচার্য়াশিংগী থৌদাং য়াম্না মরুওই অমসুং মসি লৈবাক্কী অচৌবা থবক অমা ওইগনি। অদোমগী তুংইনবা অয়াম্বা ললোন-ইতিক তৌবা মীওইশিংনি। ভারত্তা শাবা পোলমশিং খক ললোন্নবা ৱাশক লৌনবা মখোয়দা তকশিনবীয়ু। মসিগী চাউখৎপগী লম্বী অসি অচার্য়ানা ঐখোয়দা তাক্লম্লে অমসুং তুংগীদমক ঐখোয়না লম্বী অসি শেমগদবনি।

Tributes to Shree Vijay Vallabh Surishwer Ji Maharaj on his Jayanti. https://t.co/KVMAB5JRmA

— Narendra Modi (@narendramodi) October 26, 2022

******