প্রধান মন্ত্রী, শ্রী নরেন্দ্র মোদীনা অহমদবাদতা নবভারত সাহিত্য মন্দীরনা শিন্দুনা পাঙথোকপা ‘কলমানো কার্নিভেল’ লাইরিক মেলা হৌদোকপগী থৌরমদা ভিদিও পাউজেলগী খুত্থাঙদা ৱা ঙাঙখ্রে‍।

তিল্লিবা ময়ামগী মফমদা ৱা ঙাঙলদুনা, প্রধান মন্ত্রীনা ‘কলমানো কার্নিভেল’গী চাউরবা থৌরম অসিগীদমক্তা হরাও তয়াম্বা ফোঙদোকখি‍। অহমদবাদতা নব ভারত সাহিত্য মন্দীরনা হৌদোকখিবা লাইরিক মেলাগী চৎনবী অসি চহি খুদিংগী ফজবা হেনগৎলক্লি হায়না প্রধান মন্ত্রীনা অপেনবা ফোঙদোকখি‍। লাইরিক মেলা অসি অনৌবা অমদি নহা ওইরিবা অইবশিংগী ফম্পাক অমা ওইরে, মসিনা গুজরাৎকী লোইনসিলোন অমসুং ৱাখল লৌশিং পাকথোক চাউথোকহনবদসু মতেং ওইরি হায়বা ৱাফম প্রধান মন্ত্রীনা থমখি‍। অসিগুম্লবা ইনাক খুল্লবা চৎনবী অসিগীদমক্তা প্রধান মন্ত্রীনা নবভারত সাহিত্য মন্দীরকী মফমদা নুংঙাইবা ফোঙদোকখি‍।

‘কলমানো কার্নিভেল’ অসি হিন্দী, ইংলিস অমসুং গুজরাতি লোলগী লাইরিকশিংগী অচৌবা কনভেন্সন অমনি হায়না প্রধান মন্ত্রীনা মখা তাখি‍। শ্রী মোদীনা ফোঙদোকখিবদা মহাক্না গুজরাৎকী মুখ্য মন্ত্রী ওইরিঙৈদা, স্তেত অসিনা ‘বঞ্চে গুজরাত’ কেম্পেনসু হৌদোকখি, অদুগা ঙসিনা ‘কলমানো কার্নিভেল’নচিংবা কেম্পেনশিংনা গুজরাৎকী খোঙফমবু মাঙদা পুখৎলি‍। লাইরিক অমসুং ইরিবা ময়েকশিং অসি ঐখোয়গী বিদ্যা উপাসনাগী তঙাই ফদনা চঙদ্রবা য়াদ্রবা মচাকশিংনি‍ হায়না মহাক্না মখা তাখি‍। “গুজরাত্তা লাইব্রেরীগী য়াম্না লিরবা চৎনবী অমা লৈ‍।” মাগী লমদা লৈবা খুঙ্গংশিংদা লাইব্রেরীশিং লিংখৎখিবা ভদোদরাগী মহারাজা সায়াজিরাউ গাইক্বার জী, ‘ভগবত গোমান্দল’ কৌবা অচৌবা দিক্সনরী অমা পীবিরম্বা গোন্দালগী মহারাজা গভবত সিংহ জী, অমসুং ‘নর্ম কোস’ শেমদোক শাদোক্লম্বা মথৌনা লৈবা শৈরেং ইবা নর্মদনা লৌরম্বা থৌদাংশিং প্রধান মন্ত্রীনা পনখি‍। “গুজরাৎকী পুৱারী লাইরিক, অইবা, লিতরেরী ক্রিএসনগী লমদা য়াম্না ইনাক খুল্লি‍। অসিগুম্বা লাইরিক মেলাশিংনা গুজরাৎকী কাচিন কোয়া শিনবা থুংনা, মরুওইনা নহাশিংগী মনাক্তা য়ৌদুনা মখোয়গী ইনাক খুল্লবা পুৱারীগী মরমদা খঙদুনা পুক্নিং থৌগৎপগী মচাক ওইহন্নিংই,” হায়না প্রধান মন্ত্রীনা হায়খি‍।

লাইরিক মেলা অসি অজাদি কা অমৃৎ মহোৎসবকী মতমদা পাঙথোক্লিবনি হায়না প্রধান মন্ত্রীনা মীপুম খুদিংগী পুক্নিং চিংশিনখি‍। ঐখোয়গী নীংতম ইহৌগী পুৱারীবু হিঙ্গৎহনবা হায়বসি অমৃৎ মহোৎসবকী মরুওইবা মাইওন অমনি হায়না মহাক্না মখা তাখি‍। “ঐখোয়না নীংতম ইহৌগী কাউথোক্লুরবা পন্দুপশিংবু লৈবাক মীয়াম মাংদা পুথোরক্লি‍। ‘কলমানো কার্নিভেল’গুম্বা থৌরমশিংনা লৈবাকসিগী হায়রিবা কেম্পেন অসিদা ইনোৎ পীবা ঙমগনি,” হায়না প্রধান মন্ত্রীনা হায়খি‍। নীংতম ইহৌগা মরী লৈনবা লাইরিকশিংদা অখন্নবা মরুওইবা মীৎয়েঙ থম্নবা, অমদি অসিগুম্বা অইবশিংবু অৱাংবা থাক্কী ফম্পাক্তা থাঙ্গৎপিগদবনি হায়না মহাক্না হায়খি‍। “থৌরম অসিনা মায়কৈ অসিদা চঙশিন্নবগী অফবা পাম্বৈ অমা ওইগনি হায়না ঐনা চপ চানা থাজৈ,” হায়না প্রধান মন্ত্রীনা মখা তাখি‍।

পুরানশিং, ইরম্বা ৱারোলশিং অমসুং লাইরিকশিং হন্না হন্না নৈনদুনা কান্নবা লৌননবা ৱাফম প্রধান মন্ত্রীনা নৌহৌননবা ফোঙদোকখি‍। অসিগুম্বা থৌওং অসি মীপুম খুদিংমক্না ইন্তরনেৎকী মতেং লৌনরবা ঙসিগী মতমসিদা হেন্না মরু ওইরক্লি হায়না মহাক্না শন্দোক্না তাকখি‍। “তেক্নোলোজী হায়বসি ঐখোয়গী মরুওইবা ইনফোর্মেসন ফংফম অমা ওইরে হায়বদা চিংননিংঙাই লৈত্রে, অদুবু মসিনা লাইরিক, লাইরিক তম্বগী মহুৎ শিন্নবা লম্বীদি নত্তে‍। ঐখোয়গী পুক্নিংদা ইনফোর্মেসন লৈরবদি, ব্রেন্না ইনফোর্মেসন অদুবু প্রোসেস তৌদুনা, অনৌবা মাইওন্দা থোরকই‍। মসিনা অনৌবা রিছর্চ অমসুং ইনোভেসনগী লম্বী য়াৎলি‍। হীরম অসিদা লাইরিক্না ঐখোয় খ্বাইদগী ফবা মরূপ ওইরি,” হায়না প্রধান মন্ত্রীনা মখা তাখি‍।

লাইরক পাবগী হৈনবী য়োকখৎপা, মরুওইনা থুনা হোংলক্লিবা তাইবং অসিদা, য়াম্না মরুওই হায়বা ৱাফমগা লোয়ননা প্রধান মন্ত্রীনা মহাক্কী ৱারোল লোইশিনখি‍। “লাইরিকশিং অসি চে ওইনা নৎত্রগা দিজিতেল ওইনা লৈরবসু, অসিগুম্বা থৌরমশিং অসিনা নহাশিংগী মফমদা লাইরিক্তা পুক্নিং চঙহন্নবগী অমদি লাইরিক্কী মরুওইবা খঙহনবগী লম্বী অমা য়াৎপদা অচৌবা থৌদাং লৌগনি,” হায়না মহাক্না হায়খি‍।

My message for the book fair being held in Ahmedabad. https://t.co/Z62T4oevO5

— Narendra Modi (@narendramodi) September 8, 2022

जब मैं गुजरात में आप सबके बीच था, तब गुजरात ने भी ‘वांचे गुजरात’ अभियान शुरू किया था।

आज ‘कलम नो कार्निवल’ जैसे अभियान गुजरात के उस संकल्प को आगे बढ़ा रहे हैं: PM @narendramodi

— PMO India (@PMOIndia) September 8, 2022

पुस्तक और ग्रंथ, ये दोनों हमारी विद्या उपासना के मूल तत्व हैं।

गुजरात में पुस्तकालयों की तो बहुत पुरानी परंपरा रही है: PM @narendramodi

— PMO India (@PMOIndia) September 8, 2022

इस वर्ष ये पुस्तक मेला एक ऐसे समय में आयोजित हो रहा है जब देश अपनी आजादी का अमृत महोत्सव मना रहा है।

अमृत महोत्सव का एक आयाम ये भी है कि हम हमारी आजादी की लड़ाई के इतिहास को कैसे पुनर्जीवित करें: PM @narendramodi

— PMO India (@PMOIndia) September 8, 2022

आज इंटरनेट के जमाने में ये सोच हावी होती जा रही है कि जब जरूरत होगी तो इंटरनेट की मदद ले लेंगे।

तकनीक हमारे लिए निःसन्देह जानकारी का एक महत्वपूर्ण जरिया है, लेकिन वो किताबों को, किताबों के अध्ययन को रिप्लेस करने का तरीका नहीं है: PM @narendramodi

— PMO India (@PMOIndia) September 8, 2022

*****