শেল-থুম মন্ত্রালয়না মাগী ফাইনান্সিএল ইনক্লুজনগী খোঙথাংশিংগী খুত্থাংদা শোত্থরবা অমসুং হান্নদগী সামাজিক-শেন্মীৎলোন্দা নাথৈবীদুনা থম্লিবা কাংলুপশিংদা ফাইনান্সিএল ইনক্লুসিবনেস ফংহন্নবা অমসুং মতেং পীনবা হোৎনখি। ফাইনান্সিএল ইনক্লুজন (এফ.আই.)গী খুত্থাংদা ঐখোয়না ইক্বিতেবল অমসুং ইনক্লুসিব গ্রোথ লৈবা জাতি অমা ওইহনবা ঙমগনি। ফাইনান্সিএল ইনক্লুজন হায়বা অসি খ্বাইদগী বেসিক ওইবা বেঙ্কিং সর্ভিসশিং ফাওবা এক্সেস তৌবা ফংদবা শেন্থোক নেম্না লাকপা কাংলুপ অমসুং শোত্থরবা শরুকশিংগুম্বা ভলনরেবল ওইবা কাংলুপশিংদা অহোংবা মমলদা মতম চানা মতিক চাবা ফাইনান্সিএল সর্ভিসশিং দেলিবর তৌবনি।

মসি মরু ওই মরমদি মসিনা লায়রবশিংনা মখোয়গী সেভিংস অদুবু ফোর্মেল ফাইনান্সিএল সিস্তেমদা পুরক্নবা এভেন্যু অমা পীরি, এভেন্যু অসিনা মখোয়বু শেন্দোই চাউনা লৌবা শেল শাল্লিবা মীওইশিংগী খয়াত্তগী কনবীবগী মথক্তা খুঙ্গংদা লৈরিবা মখোয়গী ইমুং-মনুংশিংদা শেল থাবা ঙমহল্লি।  মাইকৈ অসিদা চংশিন্নবা লৌখৎপা মরু ওইবা খোঙথাং অসি প্রধান মন্ত্রী জন ধন য়োজনা (পি.এম.জি.দি.ৱাই.) অসিনি, মসি মালেমগী ওইনা খ্বাইদগী চাউবা ফাইনান্সিএল ইনিসিএতিবশিংগী মনুংদা অমনি।

পি.এম.জে.দি.ৱাই. অসি প্রধান মন্ত্রী, শ্রী নরেন্দ্র মোদীনা ২০১৪গী ওগস্ত ১৫গী নীংতম নুমিৎকী ৱারোল পীবদা লাউথোকখি। ওগস্ত ২৮দা প্রোগ্রাম অসি হৌদোকপদা প্রধান মন্ত্রীনা থৌরম অসিবু তমথিরবা অৱাবগী লোইনাইদ্রবা ইরোলনুংদগী লায়রবশিংবু নীংতম্বা ফংবগী নুংঙাইবা ফোঙদোক্লিবা কুহ্মৈ অমনি হায়না ফোঙদোকখি।

পি.এম.জে.দি.ৱাই.গী ৮শুবা কুমওন্না লাকপদা শেল-থুম মন্ত্রী, শ্রীমতি নির্মলা সিতারামন্না মহাক্কী ৱারোলদা হায়খি, “ফাইনান্সিএল ইনক্লুজন অসি খুন্নাইগী শোত্থরবা শরুকশিংগী অপুনবা শেন্মীৎলোন খুমাং চাউশিনহনবা ঙম্লিবা ইনক্লুসিব গ্রোথকী মাইকৈদা চংশিল্লিবা অচৌবা খোঙথাং অমনি। ২০১৪গী ওগস্ত ২৮দগী হৌদোকখিবা পি.এম.জে.দি.ৱাই. মাইপাক্লে হায়বা অসি দিপোজিৎ বেলেন্স লুপা করোর লাখ ১.৭৪ ওইবগা লোয়ননা খুঙ্গং অমসুং সেমি-অর্বানগী মফমশিংদা ৬৭%কী কবরেজ তৌদুনা পাকথোক চাউথোরকপা অমসুং নুপী জন ধন একাউন্ত হোল্দর ৫৬% ওইবা অসিগা লোয়ননা বেঙ্ক একাউন্ত করোর ৪৬ হাংলিবা অসিনা ময়েক শেংনা তাক্লি। পি.এম.জে.দি.ৱাই.না ২০১৮গী মতুং ফাওবদা মখা চত্থরকপদা লৈবাক অসিগী এফ.আই. লেন্দস্কেপতা থৌরক্লিবা শীংনবশিং কোকহন্নবা অমসুং মথৌ তাবশিং অসি থুংহন্নবা এপ্রোচতা অচৌবা অহোংবা অমা উবা ফংখি। ‘য়ুমথোং খুদিংমক’ ওইরম্বদগী ‘নহা খুদিংমক’ হায়বা অসিদা মীৎয়েং হোংখি, লোয়ননা একাউন্তশিং অসিগী খুত্থাংদা দাইরেক্ত বেনিফিৎ ত্রান্সফর (দি.বি.তি.) ফ্লোশিং হেনগৎহন্দুনা একাউন্তশিং শীজিন্নবা, রুপে কার্দশিং শীজিন্নদুনা দিজিতেল পেমেন্তশিং চাউখৎহনবা অসিনচিংবদা অহেনবা মীৎয়েং চংখি”

“পি.এম.জে.দি.ৱাই.গী মরু ওইবা য়ুম্বীশিং, মমিং ওইনা পল্লবদা বেঙ্কিং দি অনবেঙ্ক, সেক্যুরিং দি অনসেক্যুর্দ অমসুং ফন্দিং দি অনফন্দেদ অসিনা অনসর্ব অমসুং অন্দরসর্ব মফমশিংসু য়ৌশিন্নবা তেক্নোলোজী শীজিন্নবগা লোয়ননা মলতি-স্তেকহোল্দর্স কোল্লাবোরেতিব এপ্রোচ পাইখৎপদা ওইথোকহনখি,” হায়না শেল-থুম মন্ত্রীনা ফোঙদোকখি।

শেল-থুম মন্ত্রীনা মখা তারদুনা মহাক্কী ৱারোলদা হায়খি মদুদি, “এফ.আই. ইকোসিস্তেমগী খ্বাইদগী মরু ওইবা য়ুম্বীশিংগী মনুংদা অমা ওইরিবা একাউন্ত হোল্দরশিংগী আধার অমসুং মোবাইল নম্বরশিংগা লোয়ননা একাউন্ত হোল্দরশিং অদুগী বেঙ্ক একাউন্তশিং কনসেন্ত-বেজ লিঙ্কিং তৌবগী খুত্থাংদা শেমখিবা জে.এ.এম. পাইপলাইন্না ইলিজিবল বেনিফিসরীশিংদা সরকারগী য়াইফ থৌরাংগী স্কিম কয়া মরুমগী মখাদা ইন্সতেন্ত দি.বি.তি. ফংহনবা ঙমখি। এফ.আই. কোসিস্তেমগী মখাদা শেমখিবা আর্কিতেকচরগী খুদোংচাবা অসি কোবিদ-১৯গী লাইচৎকী মতমদা কান্নখি মসিনা অপনবা লৈতবা অমসুং অতেনবা মতমগী মনুংদা পি.এম.-কিসানগী মখাদা লৌমীশিংদা দাইরেক্ত ইনকম সপ্পোর্ত পীবদা মতেং ফংখি অমসুং পি.এম.জি.কে.পি.গী মখাদা নুপী পি.এম.জে.দি.ৱাই, একাউন্ত হোল্দরশিংদা ক্ষেত্রিপুরন ত্রান্সফর তৌবা ঙমখি।”

শ্রীমতি সিতারামন্না মহাক্কী ৱারোল পীবা লোইশিনবদা হায়খি, “ফাইনান্সিএল ইনক্লুজন্দা চুনবা ফাইনান্সিএল প্রদক্তশিং, ইনফোর্মেসন অমসুং কম্ম্যুনিকেসন তেক্নোলোজীশিং অমসুং দেতা ইনফ্রাস্ত্রকচরগা লিঙ্ক তৌবা আর্কিতেকচর অমদা য়ুম্ফম ওইবা পোলিসী-লেদ ইন্তর্ভেন্সন মথৌ তাই। লৈবাক্কী মীয়ামগীদমক স্কিমগী ফংফম থোকপা কান্নবশিং ফংহনবা হেনগৎহন্নবা পি.এম.জে.দি.ৱাই. লোঞ্চ তৌখিবদগী হৌদুনা লৈবাক অসিনা লালোং অসিবু শীজিন্নদুনা লাকখি। পি.এম.জে.দি.ৱাই.বু চাউনা মাইপাকহনবদা চোকথবা লৈতনা হোৎনখিবশিং অদুগীদমক লম অসিদা মথৌ তৌরিবা পুম্নমকপু ঐহাক্না থাগৎপা ফোঙদোকচরি।”

থৌরম অসিদা পি.এম.জে.দি.ৱাই.গী মতাংদা মহাক্কী ৱাখল্লোনশিং ফোঙদোক্লদুনা শেল-থুমগী কেন্দ্রগী রাজ্য মন্ত্রী, দা. ভাগৱত করাদনা হায়খি, “প্রধান মন্ত্রী জন ধন য়োজনা (পি.এম.জে.দি.ৱাই.) অসি ভারত খক্তা নত্তনা মালেমগী ওইনা ফাইনান্সিএল ইনক্লুজনগী মাইকৈদা খ্বাইদগী খুমাং চাউশিল্লিবা থৌরাংশিংগী মনুংদা অমা ওইখি। ফাইনান্সিএল ইনক্লুজন অসি সরকারনা খ্বাইদগী মরু ওইনা লৌরিবা হীরমশিংগী মরক্তা চল্লি মরমদি মসিনা ইনক্লুসিব গ্রোথকী ইনেব্লর ওইরি। মসিনা লায়রবশিংনা মখোয়গী সেভিংস অদুবু ফোর্মেল ফাইনান্সিএল সিস্তেমদা পুরক্নবা এভেন্যু অমা পীরি, এভেন্যু অসিনা মখোয়বু শেন্দোই চাউনা লৌবা শেল শাল্লিবা মীওইশিংগী খয়াত্তগী কনবীবগী মথক্তা খুঙ্গংদা লৈরিবা মখোয়গী ইমুং-মনুংশিংদা শেল থাবা ঙমহল্লি।”

দা. করাদনা হায়খি, “পি.এম.জে.দি.ৱাই.গী ৮শুবা কুমওন অসিদা স্কিম অসিগী কান্নবা অদু নৌহৌনা নীংশিংহল্লি। পি.এম.জে.দি.ৱাই.না সরকারনা পাইখৎপা মীয়ামগী য়াইফনবা শেন্মীৎলোনগী থৌরাংশিংগী য়ুম্ফম ওইরি। দাইরেক্ত বেনিফিৎ ত্রান্সফরশিং, কোবিদ-১৯গী শেলগী তেংবাং, পি.এম.-কিসান, এম.জি.এন.আর.ই.জি.এ.গী মখাদা খুৎশুমলশিং হেনগৎহনবা, লাইফ অমসুং হেল্থ ইন্সুরেন্স কবর ওইরবসু থৌরাং পুম্নমক অসিগী অহানবা খোঙথাং অসি নহা খুদিংমক্কী বেঙ্ক একাউন্ত অমা লৈহনবনি হায়রিবা অসি পি.এম.জে.দি.ৱাই.গী খুত্থাংদা মপুং ফাবা ঙমহল্লি।”

“বেঙ্কশিংনা হেন্না নীংথিনা মথৌ তৌগনি অমসুং সরকারগী ফাইনান্সিএল ইনক্লুজনগী থৌরাংশিংগী মখাদা নহা খুদিংমক কবর তৌবা ঙম্নবা জাতিগী ওইবা খোঙথাং অসিদা চাউনা শরুক তমগনি অমসুং নখোয়না অমুক হন্না কত্থোক্তুনা হোৎনগনি হায়না ঐহাক্না থাজৈ,” হায়না দা. করাদনা ফোঙদোকখি।

স্কিম অসিবু মাইপাক্না ইমপ্লিমেন্ত তৌখিবা চহি ৮ মপুং ফারকপদা ঐখোয়না হৌজিক ফাওবদা স্কিম অসিগী মরু ওইবা হীরমশিং অমদি মাইপাকখিবশিং অদু খঙমিন্নসি।

বেকগ্রাউন্দ

প্রধান মন্ত্রী জন ধন য়োজনা (পি.এম.জে.দি.ৱাই.) অসি ফাইনান্সিএল সর্ভিসশিং মমিং ওইনা পল্লবদা বেঙ্কিং/সেভিংস অমসুং দিপোজিৎ একাউন্তশিং, রেমিতেন্স, ক্রেদিৎ, ইন্সুরেন্স, পেন্সন অসি শেল চংদবা মওংদা এক্সেস তৌবা ঙমহন্নবা ফাইনান্সিএল ইনক্লুজনগী নেস্নেল মিসন অমনি।

১.  পান্দমশিং:

• • শেল চংদনা ফাইনান্সিএল প্রদক্তশিং অমসুং সর্ভিসশিং এক্সেস তৌবা ফংহনবা
  • শেল চংবা হন্থহন্নবা অমসুং পাক শন্না য়ৌশিনবা ঙম্নবা তেক্নোলোজী শীজিন্নবা

২. স্কীম অসিগী মরু ওইবা য়ুম্ফম ওইরিবা মচাকশিং:

•    বেঙ্কিং দি অনবেঙ্ক – চে-চাং য়াম্না চংদনা, কে.ৱাই.সি.দা কোমথোকপা, ই-  কে.ৱাই.সি. লৈবা, কেম্প মোদতা, জিরো বেলেন্সতা অমসুং জিরো চার্জতা একাউন্ত হাংবা য়াহনদুনা বেসিক সেভিংস বেঙ্ক দিপোজিত (বি.এস.বি.দি.) একাউন্ত হাংবা
• সেক্যুরিং দি অনসেক্যুর্দ - লুপা লাখ ২গী এক্সিদেন্ত ইন্সুরেন্স কবরেজ লেম্না ফংবগা লোয়ননা মর্চেন্ত লোকেসনশিংদা শেল কাইবা অমসুং থিবা য়াবা ইন্দিজিনস দেবিত কার্দ পীবা
• ফন্দিং দি অনফন্দেদ - মাইক্রো-ইন্সুরেন্স, কঞ্জুম্পসনগী ওভরদ্রাফ, মাইক্রো-পেন্সন অমসুং মাইক্রো-ক্রেদিতকুম্বা অতোপ্পা ফাইনান্সিএল প্রদক্তশিং

৩. অহৌবদা ওইরম্বা মওং-মতৌ:

স্কীম অসি পীরিবা য়ুম্বী ৬ অসিদা য়ুম্ফম ওইরগা হৌদোকখি:

5. বেঙ্কিং সর্ভিসশিংদা য়ুনিভর্সেল এক্সেস ফংহনবা – ব্রাঞ্চ অমসুং বি.সি.
5. ইলিজিবল ওইবা নহা খুদিংমক্তা লুপা ১০,০০০/-গী ওভরদ্রাফকী খুদোংচাবগা লোয়ননা বেসিক সেভিংস বেঙ্ক একাউন্তশিং
5. ফাইনান্সিএল লিতরেসী প্রোগ্রাম– সেভিংস তৌনবা থৌগৎপা, এ.তি.এম.শিং শীজিন্নবা, ক্রেদিৎকীদমক শেম শাদুনা লৈহনবা, ইন্সুরেন্স অমসুং পেন্সনশিং ফংহনবা, বেঙ্কিংগীদমক বেসিক মোবাইল ফোনশিং শীজিন্নহনবা
5. ক্রেদিৎ গরেন্তী ফন্দ শেম্বা – বেঙ্কশিংদা দিফোল্তকী ওইনা গরেন্তী খরা পীবা
5. ইন্সুরেন্স –ইং কুমজা ২০১৪গী ওগস্ত ১৫দগী ২০১৫গী জনুৱারী ৩১ ফাওবগী মনুংদা হাংখিবা একাউন্তদা লুপা ১,০০,০০০ ফাওবগী এক্সিদেন্ত কবর অমসুং লুপা ৩০,০০০গী লাইফ কবর পীরি
5. অনওর্গনাইজ সেক্তরগী পেন্সন স্কীম

৪. মমাংগী এক্সপরিয়েন্সতা য়ুম্ফম ওইরগা পি.এম.জে.দি.ৱাই.দা মরু ওইবা এপ্রোচ  শীজিন্নবা:

1. 5. মমাংঙৈদা ভেন্দর অদুগা তেক্নোলোজী লোক-ইন শীজিন্নদুনা ওফলাইন একাউন্তশিং হাংলম্বগী পাম্বৈ অদুগী মহুৎতা বেঙ্কশিংগী কোর বেঙ্কিং সিস্তেমদা ওনলাইন একাউন্তশিং ওইনা একাউন্তশিং হাংহনখ্রে
   5. রুপে দেবিত কার্দ নত্ত্রগা আধার ইনেবল্দ পেমেন্ত সিস্তেম (এ.ই.পি.এস.)কী খুত্থাংদা ইন্তর-ওপরেবিলিতী লৈহনবা
   5. ফিক্স-পোইন্ত বিজিনেস কোরেস্পোন্দেন্তশিং
   5. অরুবা কে.ৱাই.সি.গী ফোর্মেলিতীশিংগী মহুৎতা অরায়বা কে.ৱাই.সি./ই-কে.ৱাই.সি. ওইহনবা

৫. অনৌবা মওং-মতৌশিংগা লোয়ননা পি.এম.জে.দি.ৱাই. শাংদোকহনবা – সরকারনা খরা শেমদোক-শেমজিন তৌবগা লোয়ননা কম্প্রিহেনসিব পি.এম.জে.দি.ৱাই. প্রোগ্রাম অসি ২৮.০৮.২০১৮দগী মখা তানা শাংদোক্নবা ৱারেপ লৌখি।

v ‘য়ুমথোং খুদিংমক’ ওইরম্বদগী ‘অনবেঙ্ক এদল্ত খুদিংমক’ হায়না ফোকস হোংদোকপা

v রুপে কার্দ ইন্সুরেন্স – ২৮.৮.২০১৮গী মতুংদা হাংবা পি.এম.জে.দি.ৱাই. একাউন্তশিংগী ওইনা রুপে কার্দশিংদা লেম্না ফংবা এক্সিদেন্তেল ইন্সুরেন্স কবর অসি লুপা লাখ ১দগী লুপা লাখ ২দা হেনগৎপা।

v ওভরদ্রাফকী খুদোংচাবশিং হেনগৎহনবা - -

• ও.দি. লিমিত অসি লুপা ৫,০০০/-দগী লুপা ১০,০০০/-দা শরুক অনি ওইহনবা; ও.দি. লুপা ২,০০০/- ফাওবা (কন্দিসনশিং য়াওদনা)।
• ও.দি.গী অপ্পর এজ লিমিত চহি ৬০দগী ৬৫দা হেনগৎপা

৬. পি.এম.জে.দি.ৱাই.গী কান্নবশিং:

পি.এম.জে.দি.ৱাই. অসি পিপল-সেন্ত্রিক ইকনোমিক্কী থৌরাংশিংগী য়ুম্ফম ওইখি। দাইরেক্ত বেনিফিৎ ত্রান্সফরশিং, কোবিদ-১৯গী শেলগী তেংবাং, পি.এম.-কিসান, এম.জি.এন.আর.ই.জি.এ.গী মখাদা খুৎশুমল হেনগৎপা, লাইফ অমসুং হেল্থ ইন্সুরেন্স কবর ওইরবসু থৌরাং পুম্নমক অসিগী অহানবা খোঙথাং অসি নহা খুদিংমক্কী বেঙ্ক একাউন্ত অমা লৈহনবনি হায়রিবা অসি পি.এম.জে.দি.ৱাই.গী খুত্থাংদা মপুং ফাবা ঙমহল্লি।

মার্চ’১৪দগী মার্চ’২০গী মরক্তা হাংখিবা একাউন্ত ২দা অমদি পি.এম.জে.দি.ৱাই. একাউন্ত ওইখি। লৈবাক শিনবা থুংবদা থমখিবা লোকদাউনগী নুমিৎ ১০নিগী মনুংদা নুপীগী পি.এম.জে.দি.ৱাই. একাউন্ত করোর ২০রোমদা ক্ষেত্রিপুরন পীখি।

জনধন্না লায়রবশিংনা মখোয়গী সেভিংস অদুবু ফোর্মেল ফাইনান্সিএল সিস্তেমদা পুরক্নবা এভেন্যু অমা পীরি, এভেন্যু অসিনা মখোয়বু শেন্দোই চাউনা লৌবা শেল শাল্লিবা মীওইশিংগী খয়াত্তগী কনবীবগী মথক্তা খুঙ্গংদা লৈরিবা মখোয়গী ইমুং-মনুংশিংদা শেল থাবা ঙমহল্লি। পি.এম.জে.দি.ৱাই.না অনবেঙ্কশিং বেঙ্কিং সিস্তেমদা পুশিল্লকখি, ভারতকী ফাইনান্সিএল আর্কিতেকচর চাউথোকহনখি অমসুং নহা খুদিংমক্তা ফাইনান্সিএল ইনক্লুজন ফংহনখি।

ঙসিগী কোবিদ-১৯গী মতম অসিদা ঐখোয়না খুন্নাইগী শোত্থরবা শরুকশিংদা য়াম্না লায়না অমসুং অপনবা লৈতনা দাইরেক্ত বেনিফিৎ ত্রান্সফর (দি.ই.তি.শিং)না শক্তি পীবা অমসুং ফাইনান্সিএল সেক্যুরিতী ফংহনখিবা উবা ফংখি। মরু ওইবা ৱাফম অমদি দি.বি.তি.গী থোংদা পি.এম. জন ধন একাউন্তশিংনা শেল খুদিংমক অচুম্বা বেনিফিসিয়রীদা য়ৌহনবা ঙমহনখি অমসুং সিস্তেমেতিক লীকেজ লৈহনদে।

৭.  পি.এম.জে.দি.ৱাই.গী মখাদা মাইপাকখিবশিং – ওগস্ত ১৮, ২০২২ ফাওবদা:

1. পি.এম.জে.দি.ৱাই. একাইন্তশিং

• ওগস্ত ১০, ২০২২ ফাওবদা লৈরিবা অপুনবা পি.এম.জে.দি.ৱাই. একাউন্তশিং: করোর ৪৬.২৫; জন-ধন একাউন্ত হোল্দর ৫৫.৫৯% (করোর ২৫.৭১)দি নুপীশিং ওইখি অমসুং জন ধন একাউন্তশিংগী ৬৬.৭৯% (করোর ৩০.৮৯)না খুঙ্গং অমসুং সেমি-অর্বানগী মফমশিংগী ওইখি।
• স্কীম অসিগী অহানবা চহিগী মনুংদা পি.এম.জে.দি.ৱাই. একাউন্ত করোর ১৭.৯০ হাংখি
• পি.এম.জে.দি.ৱাই.গী মখাদা একাউন্তশিংগী মশিং লেপ্তনা হেনগৎলকখি
• পি.এম.জে.দি.ৱাই. একাউন্তশিং অসি মার্চ’১৫দা করোর ১৪.৭২ ওইরম্বদগী ১৮-০৮-২০২২ ফাওবদা করোর ৪৬.২৫ ওইদুনা শরুক-অহুম হেনগৎখি। ফাইনান্সিএল ইনক্লুজন প্রোগ্রামগী শীংথানীংঙাই ওইবা খোঙচৎ অমা ওইখি।

2. ওপরেতিব পি.এম.জে.দি.ৱাই. একাউন্তশিং–

• হৌজিক লৈরিবা আর.বি.আই. গাইদলাইনশিংগী মতুং ইন্না, পি.এম.জে.দি.ৱাই. একাউন্তশিং অসি চহি অনিগী মতম ফাওবদা করিগুম্বা কস্তমর ইন্দ্যুস্দ ত্রাঞ্জেক্সনশিং তৌদ্রবদি একাউন্ত অদু ইনওপরেতিব ওইনা লৌই।
• ওগস্ত, ২০২২দা অপুনবা পি.এম.জে.দি.ৱাই. একাউন্ত করোর ৪৬.২৫গী মনুংদা করোর ৩৭.৫৭ (৮১.২%) ওপরেতিব ওইরি।
• পি.এম.জে.দি.ৱাই. একাউন্তশিংগী ৮.২% খক্তনা জিরো বেলেন্স একাউন্ত ওইরি।

3. পি.এম.জে.দি.ৱাই. একাউন্তশিংগী মখাদা তৌবা দিপোজিৎশিং –

• পি.এম.জে.দি.ৱাই. একাউন্তশিংগী মখাদা তৌখিবা অপুনবা দিপোজিৎ অসি লুপা করোর ১,৭৩,৯৫৪ ওইখি।
• দিপোজিৎশিং অসি একাউন্তশিং শরুক ২.৫৮ হেনগৎলকপগা লোয়ননা শরুক ৭.৬০ হেনগৎলকখ্রে (ওগস্ত ২০২২/ওগস্ত ২০১৫)

4. পি.এম.জে.দি.ৱাই. একাউন্ত অমদা চাংচৎ ওইনা তৌবা দিপোজিৎ –

• একাউন্ত অমদা চাংচৎ ওইনা তৌবা দিপোজিৎ অসি লুপা ৩,৭৬১নি।
• একাউন্ত অমদা চাংচৎ ওইনা তৌবা দিপোজিৎ অসি ওগস্ত ২০১৫দগী শরুক ২.৯ হেন্না হেনগৎখি।
• চাংচৎ ওইনা তৌবা দিপোজিৎশিংদা হেনগৎলক্লিবা অসিনা একাউন্তশিং শীজিন্নবা হেনগৎখি অমসুং একাউন্ত হোল্দরশিংগী মরক্তা সেভিং তৌবগী হৈনবী লৈবা হেনগৎখি হায়না তাক্লি।

5. পি.এম.জে.দি.ৱাই. একাউন্ত হোল্দরশিংদা ইসু তৌখিবা রুপে কার্দ

• পি.এম.জে.দি.ৱাই. একাউন্ত হোল্দরশিংদা পুন্না ইসু তৌখিবা রুপে কার্দ: করোর ৩১.৯৪
• রুপে কার্দকী মশিং অমসুং মসি শীজিন্নবা মতমগা ইরোইননা হেনগৎলকখ্রে।

৮. জন ধন সর্শক এপ

লৈবাক অসিদা বেঙ্ক ব্রাঞ্চশিং, এ.তি.এম.শিং, বেঙ্ক মিত্রাশিং, পোস্ত ওফিসশিং অসিগুম্বা বেঙ্কিং তচ পোইন্তশিং লোকেৎ তৌনবগী সিতিজেন সেন্ত্রিক প্লেৎফোর্ম অমা ফংহন্নবা মোবাইল এপ্লিকেসন অমা হৌদোকখি। জি.আই.এস. এপতা বেঙ্কিং তচপোইন্ত লাখ ৮ হেন্না মেপ তৌখি। জন ধন দর্শক এপকী মখাদা ফংলিবা খুদোংচাবশিং অসি মীচম মীয়ামগী মথৌ তাবা অমসুং খুদোংচাবগী মতুং ইন্না ফংগনি। এপ্লিকেসন অসিগী ৱেব ভর্জন অসি লিঙ্ক অসিদা এক্সেস তৌবা য়াগনি http://findmybank.gov.in.

এপ অসিনা বেঙ্কিং তচপোইন্তশিংনা কি.মি. ৫কী মনুংদা লৈবা খুদোংচাবা ফংদ্রিবা খুঙ্গংশিং খঙদোকপদসু শীজিন্নরি। খঙদোক্লবা খুঙ্গংশিং অসিদা বেঙ্কিং আউতলেতশিং হাংনবা মরী লৈনবা এস.এল.বি.সি.শিংনা তোঙান-তোঙানবা বেঙ্কশিংদা এল্লোকেৎ তৌখি। খোঙথাংশিং অসিনা অসিগুম্বা খুঙ্গংশিংগী মশিং চাউনা হন্থহনবা ঙমখি।

৯. দি.বি.তি. ত্রাঞ্জেকসনশিং নীংথিনা তৌবা ঙম্নবা মাইকৈ অমদা:

বেঙ্কশিংনা খঙহল্লকপগী মতুং ইন্না পি.এম.জে.দি.ৱাই. একাউন্ত হোল্দর করোর ৫.৪রোমনা তোঙান তোঙানবা স্কীমশিংগী মখাদা সরকারদগী দাইরেক্ত বেনিফিৎ ত্রান্সফর (দি.বি.তি.) ফংখি। ইলিজিবল ওইবা বেনিফিসরীশিংনা মখোয়গী দি.বি.তি. মতম চানা ফংনবা বিভাগশিংনা দি.বি.তি. মিসন, এন.পি.সি.আই.বেঙ্কশিং অমসুং তোঙান-তোঙানবা অতোপ্পা মন্ত্রালয়শিংগা লোয়ননা তান্নদুনা দি.বি.তি.দা অশোইবশিং থোক্লিবা ঙাকথোকপা য়াবা মরমশিং খঙদোকপদা অচৌবা থৌদাং লৌরি। বেঙ্কশিং অমসুং এন.পি.সি.আই.গা লোয়ননা চাং নাইনা ভি.সি.শিং পাঙথোক্তুনা হীরম অসিগী মতাংদা কুপ্না য়েংশিনবগা লোয়ননা থোকহনদবা য়াবা মরমশিংনা থোকহনবা দি.বি.তি.গী অশোইবশিংগী অপুনবা পর্সেন্তেজ ওইনা লৈরিবা দি.বি.তি. শোইবগী চাং অসি ১৩.৫% (এফ.ৱাই. ১৯-২০)দগী ৯.৭% (এফ.ৱাই. ২১-২২)দা হন্থহনখি।

১০. দিজিতেল ত্রাঞ্জেক্সনশিং:

জুন ২০২২ ফাওবদা  পি.এম.জে.দি.ৱাই,গী মখাদা রুপে দেবিত কার্দ করোর ৩১.৯৪ হেন্না ইসু তৌখিবা অমসুং পি.ও.এস./এম.পি.ও.এস. মেছিন লাখ ৬১.৬৯ ইন্সতোল তৌখিবা অমসুং য়ু.পি.আই.গুম্বা মোবাইল বেজ পেমেন্ত সিস্তেমশিং পুথোরকপগা লোয়ননা দিজিতেল ত্রাঞ্জেক্সনশিংগী অপুনবা মশিং এফ.ৱাই. ২০১৬-১৭তা করোর ৯৭৮ ওইরম্বদগী এফ.ৱাই. ২০২১-২২দা করোর ৭,১৯৫ য়ৌখি। য়ু.পি.আই. ফাইনান্সিএল ত্রাঞ্জেক্সনশিংগী অপুনবা মশিং অসি এফ.ৱাই. ২০১৬-১৭তা করোর ১.৭৯ ওইরম্বদগী এফ.ৱাই. ২০২১-২২দা করোর ৪,৫৯৬তা হেনগৎলকখি। মসিগা মান্ননা পি.ও.এস. অমসুং ই-কম্মর্সকী রুপে কার্দ ত্রাঞ্জেক্সনশিংগী অপুনবা মশিং অসি এফ.ৱাই. ২০১৬-১৭তা করোর ২৮.২৮ ওইরম্বদগী এফ.ৱাই. ২০২১-২২দা করোর ১৫১.৬৪দা হেনগৎলকখি।

১১. মাংদা লৈরিবা লম্বেল

1. মাইক্রো ইন্সুরেন্স স্কীমশিংগী মখাদা পি.এম.জে.দি.ৱাই. একাউন্ত হোল্দরশিংগী কবরেজ হেনগৎহন্নবা হোৎনবা। ইলিজিবল ওইবা পি.এম.জে.দি.ৱাই. একাউন্ত হোল্দরশিং পি.এম.জে.জে.বি.ৱাই. অমসুং পি.এম.এস.বি.ৱাই.গী মখাদা কবর তৌনবা হোৎনবা। হীরম অসিগী মতাংদা বেঙ্কশিংদা মমাংদা খঙহনবা লৈখ্রে।
2. ভারত শিনবা থুংবদা এসেপ্তেন্স ইনফ্রাস্ত্রকচর শেমদুনা পি.এম.জে.দি.ৱাই. একাউন্ত হোল্দরশিংগী মরক্তা রুপে দেবিত কার্দ শীজিন্নবা য়াওনা দিজিতেল পেমেন্তশিং তৌনবা পুক্নীং থৌগৎপা।
3. পি.এম.জে.দি.ৱাই. একাউন্ত হোল্দরশিংবু ফ্লেক্সি-রিকরিং দিপোজিৎ অসিগুম্বা মাইক্রো-ক্রেদিত অমসুং মাইক্রো ইনভেস্তমেন্তগী এক্সেস ফংবা হেনগৎহনবা।

****