শিংথানিঙাই ওইবা ৱারেপ অমদা ঙসি, হকশেল অমসুং য়াইফ য়ুম্বাল মন্ত্রালয়গী মখাদা লৈবা নেস্নেল হেল্থ ওথোরিতী (এন.ঐচ. এ.) অমসুং দিপার্তমেন্ত ওফ সোসিএল জস্তিস এন্দ এম্পৱর্মেন্তগী মরক্তা মেমোরেন্দম ওফ অন্দর্স্তেন্দিং (এম.ও.য়ু.) অমা আয়ুশমান ভারত- পি.এম.জে.এ.ৱাই.গী মখাদা ত্রান্সজেন্দর ওইবা মীওইশিংদা ইনক্লুসিপ অমসুং কম্পোজিৎ ওইবা হকশেলগী পেকেজ পীননবগীদমক খুৎয়েক পীনখিবা। এম.ও.য়ু. অসি নেস্নেল হেল্থ ওথোরিতী (এন.ঐচ.এ.)গী সি.ই.ও., দা. আর.এস. শর্ম অমসুং দি.ও.এস.জে.ই.গী সেক্রেতরী, শ্রী আর. সুব্রমানয়মনা হকশেল অমসুং য়াইফ য়ুম্বালগী কেন্দ্র মন্ত্রী দা. মন্সুক মান্দবিয়া অমসুং সোসিএল জস্তিস এন্দ এম্পৱর্মেন্তগী কেন্দ্র মন্ত্রী দা. বিরেন্দ্র কুমার য়াওনা খুৎয়েক পীনখি।

মসিবু শীংথানিংঙাই ওইরবা নুমিৎ অমনি হায়না ফোংদোক্লদুনা কেন্দ্রগী হকশেল মন্ত্রীনা দা. মন্সুখ মান্দবিয়ানা এম.ও.য়ু. অসিবু লৈবাক অসিগী ওইনা ত্রান্সজেন্দর কাংলুপতা এ.বি.-পি.এম.জে.এ.ৱাই.গী মখাদা হকশেলগী সর্ভিস পীবীরদুনা মখোয়গী হকপু মপাঙ্গল হাপ্লে অমসুং ইকাইখুম্ননিংঙাই ওইবা মফম অমা পীবা অদুগুম্বা অহানবা মখল অমনি হায়না ফোংদোকখি। "এম.ও.য়ু. অসিনা খুন্নাই অসিদা অহোংবা পুরক্কদবা শীংথানিংঙাই ওইবা রিফোর্ম অমগী য়ুম্ফম থোল্লে। খোঙথাং অসি মান্নবা খুন্নাই অমা পুরক্নবগী মায়কৈদগী চঙশিনবদা নত্তনা; এম.ও.য়ু. অসিনা ত্রান্সজেন্দর কম্ম্যুনিতীদা হকশেলগী ওইবা অখন্নবা খুদোংচাবা পীরগনি" হায়না মহাক্না ফোংদোকখি।

ত্রান্সজেন্দর কাংলুপ অসিনা খুন্নাই অসিদা ইন্থোকপীবা অমসুং হন্থনা য়েংবীবগী চৈনা ফংলি হায়না ফোংদোক্লদুনা, মহাক্না এ.বি.-পি.এম.জে.এ.ৱাই.গী মখাদা হকশেলগী খুদোংচাবা পীবসিনা অপুনবা খুন্নাই অমগী মতীক চাবা অমসুং অচেৎপা খোংথাং অমা ওইরগনি হায়না ফোংদোকখি। "লৈবাক অসিদা লৈরিবা মীওই কাংলুপ খুদিংমকপু অমত্তা ওইনা মান্নবা থাক্তা পুখৎনবা হোৎনবদা লমজিংবীখিবা মীশক অমা ওইখিবনা দা. অম্বেদকর ইন্তর্নেসনেল সেন্তরদা ঙসি এম.ও.য়ু. অসিবু খুৎয়েক পীনখিবা অসি য়াম্না চুন্নবা অমা ওইরে", হায়না দা. মান্দবিয়ানা ফোংদোকখি।

লৈঙাক অসিনা প্রধান মন্ত্রী শ্রী নরেন্দ্র মোদীগী মখাদা অন্তিয়োদয়াগী মাইকৈ তম্না দেলিবরী সর্ভিসকী চেন্দা খ্বাইদগী অরোইবদা লৈরিবা মীওইদু ফাওবদা লৈঙাক অসিগী ৱারেপ অমসুং থবকশিংগী খুদোংচাবা পীনবা চঙশিনলিবা ৱারেপ অমসুং কত্থোকপা অসিবু নৌনা নীংশিংখি। দা. মান্দবিয়ানা ফোংদোকখি মদুদি লৈঙাক অসিনা ত্রান্সজেন্দর কাংলুপকী মীওইশিংগী হকপু শকখঙবীনবা হোৎনবদা নত্তনা মখোয়গী য়াইফ-থৌরাংগগী মাইকৈদা পথাপ নাইবা খোঙথাং কয়া অমসু লৌখৎখ্রে। মহাক্না সোসিএল জস্তিস অমসুং এম্পাৱর্মেন্ত মন্ত্রালয়বু ত্রান্সজেন্দর কাংলুপকী ওইবা "ত্রান্সজেন্দর পার্সন্স (প্রোতেক্সন ওব রাইৎস) এক্ত, ২০১৯", গরিমা গ্রেহ, পি.এম. দক্স প্রোগ্রাম নৎত্রগা ফতোপ্পা থৌশিল/থৌরাংবু ওইরো অসিগুম্বা খোঙথাং কয়া লৌখৎপীবগীদমক থাগৎপা ফোংদোকখি। খুন্নাই অসিগী কাংলুপ খুদিংনা লৈঙাক্না ইকাইখুম্নজরিবা প্রধান মন্ত্রীগী "অনৌবা ভারত"কী মঙলানগী মখাদা অপুনবা খুন্নাই অমা ওইনবা হোৎনরিবা অসিদা পুন্না চৎমিন্ননবা পুক্নিং চিংশিনলদুনা মহাক্না হায়খি মদুদি "খুদোংচাবা কয়া ফংদ্রবা কাংলুপনা "সরকার অমসুং খুন্নাই"গী অপুনবগা লোইননা ইজৎ লৈনা অমসুং মরোমদোম লেপচবা ঙম্না চাউখৎপা ঙমগনি"।

দা. মান্দবিয়ানা হায়খি মদুদি, ঙসিগী নেসনেল হেল্থ ওথোরিতী (এন.ঐচ.এ.) অমসুং সোসিএল জস্তিস অমসুং এম্পাৱরমেন্ত মন্ত্রালয় (এম.ও.এস.জে.ই.)গী মরক্তা খুৎয়েক পীনরিবা এম.ও.য়ু. অসিনা লৈবাক অসিদা লৈরিবা ত্রান্সজেন্দর মীওইশিং (নেসনেল পোর্তেল ফোর ত্রান্সজেন্দর পার্সন্সনা পীবা ত্রান্সজেন্দর সর্তিফিকেৎ পায়বা)দা হকশেলগী খুদোংচাবশিং লৌবা য়াহল্লগনি। এম.ও.এস.জে.ই.না চহিগী ওইনা ত্রান্সজেন্দর বেনিফিসরী অমদা লুপা লাখ ৫গী ইন্সুরেন্স কবর পীরগনি। মপুং ওইবা পেকেজ অমসু  হৌজিক লৈরিবা এ.বি.-পি.এম.জে.এ.ৱাই. পেকেজ অমসুং অখন্নবা পেকেজ (সেক্স রিএসাইনমেন্ত সর্জরী (এস.আর.এস) অমসুং লাইয়েং) য়াওনা গ্রান্সজেন্দর কাংলুপতা শেম্লে। মখোয়না লৈবাক অসিদা লৈরিবা এ.বি.-পি.এম.জে.এ.ৱাই. লৈবা অখন্নবা পেকেজশিং অসি লৈবা হোস্পিতাল অমদা হেক্তমক চৎতুনা অনা লাইয়েংগী খুদোংচাবা লৌবা য়াগনি। স্কিম অসিনা কেন্দ্র/রাজ্যনা স্পোন্সর তৌবা থৌশিলশিংগী কান্নবা লৌদবা ত্রান্সজেন্দর মীওই খুদিংমক কোনশিনগনি।

দা. ভিরেন্দ্র কুমার, সোসিএল জস্তিস অমসুং এম্পাৱরমেন্তকী কেন্দ্রগী মন্ত্রীনা হায়খি মদুদি লৈবাক অসিদা অহোংবা অসিবু চৎনহনবা ঙম্বা রাজনিতীগী শক্তি অমগা লোইননা লৈবাক অসিদা অহোংবা কয়া অমা পুরক্লে। মহাক্না এম.ও.এস.জে.ই.না থাজবা মঙাগী পেকেজ পীনবা লৌখৎলিবা খোংথাং কয়াগী মতাংদা ফোংদোকখিঃ  মহৈ মশিং , ইজৎ লৈবা পুন্সি, হকশেলগী খুদোংচাবা, হিংনবগীদমক অমসুং স্কিলশিং হেনগৎহন্নবগী খুদোংচাবাশিং। হায়রিবা খোঙথাংশিং অসি খুদোংচাবা ফংদ্রবা কাংলুপকী মীওইশিংবু অৱাংবা থাক্কী পুন্সি মহিং অমা পীবীদুনা নম্থবীরম্বা থাক্তগী চিংখৎনবা লৌখৎপনি হায়না মহাক্না ফোংদোকখি।

মন্ত্রালয় অনিদগী মকোক থোংবা ওফিসিএলশিং অমসুং ত্রান্সজেন্দর কাংলুপতগী মীওইশিংসু থৌরম অদুদা শরুক য়াখি।

***************