প্রধানমন্ত্রীগী লোইশঙ
পি.এম.না স্বামী আত্মস্থানন্দগী চহি চামশুবা মপোক কুমওনদা মীয়ামদা ৱা ঙাংখ্রে
প্রধান মন্ত্রীনা স্বামী জীগী মিসনবু মীয়ামদা শন্দোক্নবা ফোতো বায়োগ্রাফী অমসুং দোক্যুমেন্তরী রিলীজ তৌবদা নুংঙাইবা ফোংদোকখ্রে
“সন্যাসকী ৱাহন্থোক অসি ইশাগী ওইবা থাদোক্তুনা খুনাইগীদমক্তা থবক তৌবা , অমসুং খুনাইগীদমক্তা হিংবা অদুবুনি”
“স্বামী ৱিবেকানন্দ জীনা সন্যাসকী ফজরবা চৎনবী অসিবু চাউখৎলবা মতম অসিগী শক্তম অমদা শেমগৎলমখি”
“রামাকৃষ্ণ মিসনগী ৱাখল্লোন অসি মিসন মোদতা থবক তৌবা, অনৌবআ ইন্সতিত্যুশনশিং শেমগৎপা অমসুং ইন্সতিত্যুশনশিং অসিবু মপাঙ্গল কনখৎহনবনি”
“ভারতকী সন্তকী চৎনবী অসিনা মতম পুম্বদা ‘এক ভারত, স্রেস্থ ভারত’ অসিবু মীয়ামদা উত্তুনা লাক্লি ”
“মীপুম খুদিংমক্না রামাকৃষ্ণ মিসনগী সন্তশিং অসিবু লৈবাক অসিদা লৈবাক অসিগী অমত্তা ওইবগী ৱাখল্লোন শন্দোক্লিবশিং অমা ওইনা খঙনৈ”
“স্বামী রামাকৃষ্ণ পরমহন্স অসি মা কালিবু ময়েক উরম্বা অদুগুম্বা সন্ত অমনি”
“ভারতনা দিজিতেল পেমেন্তশিংগী লমদা মালেমগী লুচিংবা অমা ওইনা থোরক্লি”
Posted On:
10 JUL 2022 11:27AM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভীদিও মেসেজকী খুত্থাংদা স্বামী আত্মস্থানন্দগী চহি চামশুবা মপোক কুমওন থৌরম পাংথোকপদা মীয়ামদা ৱা ঙাংখ্রে।
প্রধান মন্ত্রীনা স্বামী জীগা লোইননা লেনখিবা মতম অদুবু নিংশিংলদুনা মহাক্না স্বামী আত্মস্থানন্দ জীদা শ্রধাঞ্জলি কৎখি। মীতিন অদুদা ৱা ঙাংলদুনা, পর্ধান মন্ত্রীনা হায়খি মদুদি ‘মসিগী থৌরম অসি পুক্নিংগী ঈথিল অমসুং নিংশিংনীংঙাই ওইবা মীৎকুপ্না মপুং ওইরে। ঐহাকপু মহাক্না মতম পুম্বদা মহাক্না থৌজানবীখি, মহাক্কা লোইননবগী খুচোংচাবা অমা ফংখি। মহাক্কী অরোইবা মীৎকুপ অদুফাওবা মহাক্কা পাউ ফাওনবা ঙমখিবা অসি ঐগী লাইবক ফবনি।’
প্রধান মন্ত্রীনা মীয়ামদা স্বামী জীগী মিসনবু মীয়মদা য়ৌহন্নবা ফোতো বায়োগ্রাফী অমসুং দোক্যুমেন্তরী অমা রিলীজ তৌখিবদা নুংঙাইবা ফোংদোকখ্রে। শ্রী মোদীনা রামাকৃষ্ণ মিসনগী প্রেসিদেন্ত, পুজ্যা স্বামী স্মরনানন্দ জী মহারাজ জীবু মসিগী থবক অসিগীদমক্তা থমোই শেংনা থাগৎপা ফোংদোকখি।
প্রধান মন্ত্রী, শ্রী মোদীনা পনখি মদুদি শ্রী রামাকৃষ্ণ পরমহন্সকী শেবোক পুজ্যা স্বামী ৱিজ্নানন্দ জীদগী লাইমীং লৌখি। স্বামী রামাকৃষ্ণ পরমহন্সকী মঙাল ফংলবা শক্তম অমসুং স্পিরিচুৱল ইনর্জী অদু মঙোন্দা ময়েক শেংনা উখি হায়না মহাক্না পনখি। লৈবাক অসিদা সন্যাসকী য়াম্না ফজরবা চৎনবী অদুগী মতাংদা শ্রী মোদীনা পনখি। ৱনপ্রস্থা আশ্রম অসি সন্যাসকী মাইকৈদা খোংথাং অমনি। মহাক্না হায়খি, ‘সন্যাসকী ৱাহন্থোক অসি ঈশাগী ওইজবা থাদোক্তুনা খুনাইগীদমক্তা থবক তৌবা, খুনাইগীদমক্তা হিংববুনি। ইশাবু ফুরপকীদমক্তা খনবা। সন্যাসি অমগীদমক্তদি লেংলি-পাল্লিবা পুম্নমক্কী সেবা তৌবা হায়সি ইশ্বরগী সেবা তৌবনি, লেংলি-পাল্লিবশিংদা শিব উবা অসিনা খ্বাইদগী অথোইবনি।’ স্বামী ৱিবেকানন্দ জীনা সন্যাসকী ফজরবা চৎনবী অসিবু চাউখৎলবা মতম অসিগী শক্তম অমদা শেমগৎলমখি। স্বামী আত্মস্থানন্দ জীনসু অসিগী শক্তম অসিদা পনশি অদু হিংখি অমসুং মহাক্কী পুনশিদা মসি ঙাক্না চৎখি। প্রধান মন্ত্রী, শ্রী নরেন্দ্র মোদীনা পনখি মদুদি বেলুর মাত অমসুং রামাকৃষ্ণ মিসননা মহাক্কী লমজিং মখাদা ভারত্তা নত্তনা নেপাল অমসুং বংগ্লাদেশতসু য়াম্না চাউরবা রিলীফ অমসুং রেসক্যু ওপরেশন কয়া অমা চত্থখি। খুঙ্গংগী লমশিংগী মীশিংগী য়াইফনবগীদমক্তা স্বামী জীনা হালেংবা লৈতনা তৌখিবা থবকশিং অদুবু মহাক্না পনখি। লাইরবশিংগী থবক পীনবা অমসুং হিংননবগী লম্বিশিং পীবদা মতেং পাংনবগীদমক্তা স্বামী জীনা লিংখৎখিবা ইন্সতিত্যুশনশিং অদুগী মতাংদসু পনখি।
প্রধান মন্ত্রী, শ্রী নরেন্দ্র মোদীনা পনখি মদুদি স্বামী জীনা লাইরবশিংগী সেবা, ৱাখল-লৌশিং শন্দোকপা অমসুং মসিগী থবক অসিবু লাইনিংবগুম্না লৌখি। রামাকৃষ্ণ মিসনগী ৱাখল্লোন অসি মিসন মোদতা থবক তৌবা , অনৌবা ইন্সতিত্যুশনশিং শেমগৎপা, অমসুং ইন্সতিত্যুশনশিং অসিবু মপাঙ্গল কনখৎহনবনি হায়না শ্রী মোদীনা পনখি। প্রধান মন্ত্রীনা পনখি মদুদি হায়রিবা সন্তশিং অসিনা লৈবা মফমশিংদা, মীওইবা জাতিগী সেবা তৌবা সেন্তরশিং মশা-মতোমতা অদুমক থোরকই, স্বামী জীনা মসি মহাক্কী সান্যাস অমগী পুনশী অদুনা ময়েক শেংনা তাকখি। শ্রী মোদীনা হায়খি মদুদি চহি চা কয়া মমাংগী আদি শঙ্করচার্য়বু ওইরো নত্রগা চাউখৎলবা মতম অসিগী স্বামী ৱিবেকানন্দবু ওইরো, ভারতকী সন্তকী চৎনবী অসিনা মতম পুম্বদা ‘এক ভারত, শ্রেস্থ ভারত’ অসিবু মীয়ামদা উত্তুনা লাক্লি। রামাকৃষ্ণ মিসন লিংখৎখিবা অসি ‘এক ভারত, শ্রেস্থ ভারত’কী ৱাখল্লোন অসিগসু মরী লৈনৈ। স্বামী ৱিবেকানন্দনা লৌখিবআ থৌদাং অদুগী মতাংদা পল্লদুনা, প্রধান মন্ত্রীনা হায়খি মদুদি মসিগী ফিরেপ অসি মহাক্না মিসন অমগুম্না লৌখি। মহাক্কী ইনফ্লুএন্স অসি লৈবাক্কী মফম খুদিংমক্তা উবা ফংঙি অমসুং মহাক্কী খোংচৎ অদুনা লৈবাক অসিবু মীনাই নাইথাং ওইরিঙৈগী মতম অদুদা লিরবা নেস্নেল কন্সিয়সনেস অদুবু খঙহনখি, অমসুং মদুদা অনৌবা থাজবা অমসু পীখি। রামাকৃষ্ণ মিসনগী মসিগী চৎনবী অসি স্বামী আত্মস্থানানন্দ জীনা মহাক্কী পুনশি চুপ্পা পুখত্তুনা লাকখি।
মহাক্না স্বামী জীগা লেনখিবা মতম অদুবু নিংশিংলদুনা, প্রধান মন্ত্রী, শ্রী মোদীনা হায়খি মদুদি মহাক্কা গুজরাতিদা ৱারী শাবা ফংখিবা অদু মহাক্কী লাইবক ফবনি। কচকী য়ুহার হাখিবা মতম অদুদা স্বামী জীগী লমজিং-লমতাক মখাদা পাংথোকখিবা রিলীফ ৱার্ক অদুগী মতাংদসু প্রধান মন্ত্রীনা পনখি। শ্রী মোদীনা হায়খি, ‘মীপুম খুদিংমক্না রামাকৃষ্ণ মিসনগী সন্তশিং অসিবু লৈবাক অসিদা লৈবাক অসিগী অমত্তা ওইবগী ৱাখল্লোন শন্দোক্লিবশিং অমা ওইনা খঙনৈ। অমসুং মহাক্না মীরমদা চৎপা মতমদা মফম অদুদা মহাক্না ভারতকী মশক তাকই’
প্রধান মন্ত্রী, শ্রী মোদীনা পনখি মদুদি স্বামী রামাকৃষ্ণ পরমহন্স অসি, মা কালিবু ময়েক শেংনা উরম্বা, মা কালিগী খুয়া খাদা মশা পুম্বা কত্থোক্লবা অদুগুম্বা সন্ত অমনি। মসিগী জগৎ অপুম্বা অসি, মসিগী ভেরিয়েবল অমসুং কন্সতেন্ত, পুম্নমক অসি ইমাগী ইরোলনুংদা লৈরিবনি। হায়রিবআ কন্সিয়সনেস অসি বেঙ্গলগী কালি পুজা উবা ফংলি। প্রধান মন্ত্রীনা পনখি মদুদি মসিগী কন্সিয়সনেস অমসুং শক্তিগী মৈঙাল পরিং অসি স্বামী ৱিবেকানন্দগুম্বা য়ুগপুরুশশিংগী শক্তমদা স্বামী রামাকৃষ্ণ পরমহন্সনা মঙাল পীনবীরে। মা কালিগী মতাংদা স্বামী ৱিবেকানন্দনা ফাওখিবা স্পিরিচুৱল ভিজন অদুনা মশাদা ময়ামদগী থোইদোক-হেন্দোকপা ইনর্জি অমসুং শক্তি অমা য়াওহনখি। শ্রী মোদীনা হায়খি মদুদি স্বামী ৱিবেকানন্দগুম্বা মমীং লৈরবা মীশক অসিনা জগনমাতা কালিবু নিংশিংলদুনা অঙাং মচা অমগুম্না লাইনিংদা নুংঙাইবা ফাওরি। প্রধান মন্ত্রীনা পল্লকখি মদুদি মহাক্না স্বামী আত্মস্থানানন্দ জীদা শক্তি শক্তি সাধনাগী নিংজবা অমসুং শক্তি অদুমক উবা ফংখি।
প্রধান মন্ত্রী, শ্রী মোদিনা স্বামী আত্মস্থানন্দ জীগী পুনশিদা শ্রধাঞ্জলি কৎপা মতমদা হায়খি মদুদি ঐখোয়গী শন্তশিংনা ঐখোয়দা উৎলক্লি মদুদি ঐখোয়না ৱাখল চাউথোকপা মতমদা, ঐখোয়না পাইখৎপা থবকশিংদা খৈদৌনুংদা নাইতোম তাদে! নখোয়না ঐখোয়গী ভারত ৱর্শকী লৈবাক অসিদা চিংদোগুম্না ৱাংলবা ফিরেপ কয়া অমা রিসোর্স অমত্তা লৈতনা মপুং ফাহনখিবা অসিগুম্বা সন্ত কয়া অমগী পুনশি খোংচৎ উবা ফংগনি। শ্রী মোদীনা আত্মস্থানানন্দ জীগী পুনশিদা অসিগা চপ মান্নবা থাজবা অমসুং অচেৎপা ফিরেপ উখি। প্রধান মন্ত্রী. শ্রী নরেন্দ্র মোদীনআ পনখি মদুদি ভারত্তগী মীওই অমনা, সন্ত অমনা অশুক য়াম্না তৌবা ঙম্লবদি লৈবাকচা করোর ১৩০গী অপুনবা ফিরেপ অমনা তৌবা ঙম্লোইদবা, পাংথোকপা ঙম্লোইদবা পান্দম অমত্তা লৈতে হায়না হায়খি।
দিজিতেল ইন্দিয়াগী খুদম অদু লৌরদুনা, প্রধান মন্ত্রী, শ্রী মোদীনা হায়খি মদুদি ভারতনা দিজিতেল পেমেন্তকী লমদা মালেমগী লুচিংবা অমা ওইনা থোরক্লি। প্রধান মন্ত্রীনা ভারতকী মীয়ামদা ভেক্সিন দোজ করোর ২০০ পীবগী মাইপাকপা অসিবু পনখি। মসিগী খুদমশিং অসিনা তাক্লি মদুদি ৱাখলনা শেংলবদি, হোৎনবদা মাইপাকপদা মতম চংদে অমসুং থেংনখিবা অথিংবা-অপনবশিং অদুনা ঐখোয়দা লম্বি তাক্লি।
মীয়াম্না শোন্নতিবা সন্তশিংগী মীতিন অসিদা ৱা ঙাংবা মতমদা, প্রধান মন্ত্রীনা হায়খি মদুদি আজাদি কা অমৃত মাহোতসব অসিগী শরুক অমা ওইনা জিলা খুদিংমক্তা অমৃত সরোৱর ৭৫ শেমখ্রে। শ্রী মোদীনা মীওইবগী সেবা তৌবগী য়াম্না ফরবা থবক অসিদা পুক্নিং থৌগৎনবা অমসুং মসিদা শরুক য়ানবা মীপুম খুদিংমক্তা তকশিনখ্রে। শ্রী মোদীনা চহি চা শুবা অসিনা অনৌবা ইনর্জী অমসুং অনৌবা ইনস্পিরেশনগী চহি ওইরক্লি অমসুং আজাদি কা অমৃত মাহোতসব অসিনা লৈবাক অসিদা মথৌদাং অমা ওইবগী ৱাখল্লোন অদুবু ফাওহনবদা মাইপাকপা অমা ওইনবা য়াইফ-পাউজেল পীরি। প্রধান মন্ত্রীনা ঐখোয় পুম্নমক্কী অপুনবা থৌদাংনা অচৌবা অহোংবা অমা পুরকপা ঙমগনি হায়না হায়রি।
*****
(Release ID: 1840639)
Visitor Counter : 117
Read this release in:
Malayalam
,
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada