নমস্কার!

ঙসিগী নুমিৎ অসিদি ঐহাক্কী ওইনা য়াম্না মেনখৎপা য়াররোইদবা মাঙজবগা লোয়ননা থম্মোই শোক্না নুংঙাইতবা নুমিৎনি। ঐহাক্কী চানরবা মরুপ অমসুং জাপানগী হান্নগী প্রধান মন্ত্রীনা হৌজিক্তি ঐখোয়গী মরক্তগী চৎখ্রে। অবেজী ঐহাক্কী মরুপ্নি, লোয়না লোয়ননা, মহাক অসি ভারতকী থাজবা য়াবা মরুপ অমসু ওইরম্মি। মহাক্কী মতমদা ভারত-জাপানগী রাজনিতীগী মরীদা অনৌবা থাক কয়া য়ৌবতা নত্তনা ঐখোয়না লৈবাক অনিগী হেরিতেজকা মরী লৈনবা হীরম পুম্নমক্কী মরীশিংবু তুংলমচৎকীদমক্তা মখা তানা পুখিবনি। ভারতকী চাউখৎ-থৌরাংগী ঙসি লৈরিবা খোঙজেল, জাপানগা খুৎশম্নদুনা পায়খৎলিবা থবক কয়া, শিঞ্জো অবেজীনা পুম্নমক অসিগী খুত্থাংদা ভারতকী লু-তোংদা মতম পুম্বদা য়াওদুনা লৈরগনি। ঐহাক্না অৱাবা ৱাখল্লোনগা লোয়ননা ঐহাক্কী মরুপকী মফমদা অমুক্কা হন্না ইকায় খুম্নবা উৎচরি।

মরুপশিং,

ঙসিগী থৌরম অসি জেতলীজীগী মফমদা কত্থোক্লবনি। হৌখিবা মতমশিং নীংশিংলুবদা, মহাক্কী ৱাফম অমসুং মহাক্কা মরী লৈনবা থৌদোক কয়া নীংশিংলকই। মহাক্কী ৱা ঙাঙবগী মতিক-মগুনবু ঐখোয়না পুম্নমক্না ইকায় খুম্নবনি অমসুং ৱাহৈ পরেং অমগী ৱাঙাংসিংনা মতম পুম্বদা নিল্লগা লৈরগনি। মহাক অসি তোঙান-তোঙানবা মতিক চেনবা মীওইনি, মহাক্কী লিচৎ-শাজত্তি পুম্নমক খঙবগী মতৌনি। ঐখোয়না উরিবা তোঙান-তোঙানবা মীওইশিংগী মশাগী তোঙানবা মালেম লৈজৈ, অদুবু মখোয় খুদিংমক অরুন জেতলীজীগী মরুপ ঙাক্তনি। মহাক্কী মতিক-মগুন অমসুং নীংথিরবা পর্সোনেলিতীনা মরমোইরগা মীপুম খুদিংনা মহাকপু নীংশিংলিবনি, মহাকপু কনানসু কাওবা ঙম্লরোই।

ঐহাক্না অরুন জেতলীজীগী মফমদসু থম্মোই শেংনা ইকায় খুম্নজরি।

মরুপশিং,

অরুন জেতলীবু নীংশিংবা ওইনা পাংথোক্লিবা লেকচর অসিগী থীমদি “ইনক্লুজিবিতীগী খুত্থাংদা চাউখৎপা পুরকপা, চাউখৎপগী খুত্থাংদা ইনক্লুজিবিতী লৈহনবা” হায়বসিনি অমসুং মসিনা সরকারগী দিভেলপমেন্ত পোলিসীগী মরু ওইবা মন্ত্রা অমসু ওইরিবনি। ঐখোয়না হায়জবা য়াবীদুনা ঙসিগী লেকচর অসিদা শরুক য়াবীবগীদমক্তা ঐহাক্না শ্রী থর্মানজীবুসু থাগৎপা ফোংদোক্লি। ঐহাক্না মহাক্কী মরমদা মমাংদা য়াম্না তাখ্রে অমসুং পাখ্রে। মহাক্কী মনুং হুৎপা লৌশিং, রিসর্চ অমসুং মহাক্কী রিসর্চতা লোকেলগা মরী লৈনবা ৱাফম কয়া মনুং চলহনবগী মতৌবু ঐহাক্না থাগৎলি। মহাক্কী থৌওং খুদিংমক নীংথিনা অমসুং তরু তনান্না পাংথোকপগী ৱাখল্লোন ঐখোয়না ঙসি উরে। মহাক্না মালেমগী হীরম কয়াবু ঐখোয়গী লৈবাক্কী অঙাংশিংগী মফমদা মওং তানা য়ৌহনবীরে। ঐখোয়গীদমক্তা মতম কাইথোকপীবগীদমক্তা ঐহাক্না মহাক্কী মফমদা ইকায় খুম্নজরি।

মরুপশিং,

ঙসি খন্ন-নৈনরিবা মপুং ওইবা মরম, অরুন জেতলীজীবু নীংশিংদুনা পাংথোক্লিবা ঙসিগী থৌরম অসিগী হীরম্বু ঐহাক্না ঐহাক্কী ওইবা অচম্বা ৱারোলদা থম্লগদি, ঐহাক্না সবকা সাথ, সবকা বিকাস হায়না থমজনীংই। মসিগা লোয়ননা, থীম অসিনা ঙসিগী পোলিসী শেম্বশিংনা থেংনরিবা ৱাখল খঞ্জান্নবা অমসুং শিংনবশিংগী ফিভম উৎলি।

ঐহাক্না ৱাহং অমা হংজনীংই। ইনক্লুজন য়াওদনা গ্রোথ লৈবা য়াগদরা? গ্রোথ লৈতনা ইনক্লুজনগী মতাংদা খন্নবা য়াগদরা? ঐহাক্না সরকারগী মকোক ওইরকপগী চহি ২০গী এক্সপেরিএন্সশিংনা ইনক্লুজন য়াওদনা তসেংবা গ্রোথ ওইথোক্লোই অমসুং গ্রোথ লৈতনা ইনক্লুজনগী পান্দমসু কৈদৌনুংদা ফংলোই হায়না তাক্লি। মসিনা মরম ওইরগা, ঐখোয়না ইনক্লিজিবিতীগী খুত্থাংদা গ্রোথ পুরক্নবা অমসুং থৌওং অসিদা মীপুম খুদিংবু শরুক য়াহন্নবা হোৎনরি। মমাংগী চহি ৮দা ভারতনা ইনক্লুজনগীদমক্তা পায়খৎখিবা থবক্কী খোঙজেল অমসুং স্কেলগা মান্নবা খুদমদি মালেমগী অতোপ্পা মফম অমত্তদা থেংনরোই। মমাংগী চহি ৮দা ঐখোয়না নুপী করোর ৯ হেনবদা গ্যাস কন্নেক্সন পীখি। মসিগী মশিং অসিনা সাউথ অফ্রিকা, ওস্ত্রেলিয়া, সিঙ্গাপোর, ন্যু জিলেন্দগী অপুনবা মীশিংদগীসু হেল্লিবনি। স্কেল অসি অদোমসু অমুক্তা য়েংবীয়ু। মমাংগী চহি ৮দা ভারতনা লাইরবশিংগী অমাংশঙ করোর ১০ হেন্না শাদুনা লাইরবশিংদা শিন্নখি। থর্মেনজীনা মসিগী মতাংদা য়াম্না নীংথিজনা তাকপীখি। মসিগী মশিংনা সাউথ কোরিয়াগী অপুনবা মীশিংদগী শরুক ২ হেল্লিবনি। মমাংগী চহি ৮দা ভারতনা জন ধন একাউন্ত করোর ৪৫ হেন্না হাংদোকখি। মসিগী মশিংনসু জাপান, জর্মনী, ব্রিতেন, ইতালী, মেক্সিকোগী অপুনবা মীশিংগা হাইরপ মান্নরে। মমাংগী চহি ৮দা ভারতনা লাইরবশিংগী পক্কা য়ুম করোর ৩ হেন্না শাদুনা মখোয়দা শিন্নখি। অদোমগী সিঙ্গাপোরগী মন্ত্রী পরিশদকী মরুপ, ইশ্বরনগা ঐহাক্কা ৱারী শাবদা ঐহাক্না পাউদম অসি তম্বনি, মদুদা মহাক্না ঐহাক্না থা খুদিংগী অনৌবা সিঙ্গাপোর শাবগা মান্নরে হায়না খুম্লকখিবা ঐহাক্না ঙসিসু নীংসিংলি।

ইনক্লুজিবিতীগী খুত্থাংদা চাউখৎপা পুরকপা, চাউখৎপগী খুত্থাংদা ইনক্লুজিবিতী লৈহনবগী খুদম অমগা ঐহাক হায়জগে। ঐখোয়না চহি খরগী মমাংদা ভারত্তা অয়ুশমান ভারত য়োজনা হৌদোকখিবনি। থর্মেনজীনসু মসিগী মতাংদা হায়বীখ্রে অমসুং তুংদা চাউখৎলক্কদৌরিবা সেক্তরগী মনুংদা মহাক্কী হেল্থ সেক্তরগী মতাংদসু হায়বীখি। স্কিম অসিনা মরম ওইরগা লৈবাক্কী লাইরবা করোর ৫০ হেনবনা হিন্দুস্তানগী মফম অমা হেক্তদা লৈবা অফবা হোস্পিতাল কয়াদা লুপা লাখ ৫ ফাওবগী লেম্না লাইয়েংবগী খুদোংচাবা ফংনখি। মীওই করোর ৫০বু লাখ ৫ ফাওবগী লেম্না লাইয়েংবা। মমাংগী চহি ৪দা অয়ুশমান ভারতনা মরম ওইরগা লৈবাক্কী মীওই করোর ৩.৫না লেম্না লাইয়েংখি। ঐখোয়না য়োজনা অসিদা ইনক্লুজন লৈহন্নবা মিৎয়েং চঙখি। লাইরবদগী লাইরবা মীওইশিংদা হকশেল ফনা লৈবগা মরী লৈননা খ্বাইদগী অফবা খুদোংচাবা ফংহনখি, মতমদুদা ঐখোয়না থৌওং অসি ইনক্লুজনগীদমক্তা পাংথোকপনি হায়না উখি। অদুবু, মতম্না অসুম হৌখিবদগী গ্রোথকী লম্বী অমা য়াৎলকপগী মতৌসু ঐখয়না উবা ফংখি। মমাংদা এক্সক্লুদেদ ওইরম্বশিং হৌজিক্কী চাউখৎ-থৌরাংগী হীরম মনুং চল্লে, অদুনা দিমান্দসু হেনগৎলে, গ্রোথ লৈনবা খুদোংচাবা কয়াসু লৈরক্লে। হেল্থকেয়রগী মনুং চনবা ঙম্লমদবা ভারতকী অপুনবা মীশিংগী শরুক অহুম থোকপগী অমনা হৌজিক মরী লৈনবা খুদোংচাবা ফংলে, মসিনা মরম ওইরগা হেল্থেকয়র ইনফ্রাস্ত্রকচর হেন্না ফগৎহনবগী মথৌ তারকখি। অয়ুশমান ভারত স্কিম্না হেল্থেকেয়রগী অপুনবা পথাপ্পু মতৌ করম্না হোংহনখি হায়বা ঐহাক হায়জগে। ইং ২০১৪গী মমাংদা চহি ১০গী মনুংদা মেদিকেল কোলেজ চাউরাকপা ৫০ শাবনা ঐখোয়গী লৈবাক্কী চাংচৎ ওইরম্মি। অদুবু, মমাংগী চহি ৭-৮দা, মমাংগা চাংদম্নবদা শরুক ৪ হেন্দুনা অনৌবা মেদিকেল কোলেজ ২০৯ শাখ্রে” হায়না মহাক্না পাউদমখি। মখা তারকপদা, মহাক্না “মমাংগী চহি ৭-৮দা ভারতকী অন্দর্গ্রেজুএত মেদিকেল সীত মশিংনা ৭৫%গী চাংদা হেনগৎখি। হৌজিক্তি, ভারতকী চহিগী অপুনবা মেদিকেল সীত মশিংনা হান্নদগী শরুক অনি হেল্লে। মসিনা হায়বদি, লৈবাক্না দাক্তর মশিং হেন্না ফংলক্লে, লৈবাক অসিদা মতমগা চুনবা ইনফ্রাস্ত্রকচর কয়া খোঙজেল য়াঙনা চাউখৎলক্লি। ইনক্লুজিবিতীগীদমক্তা পুরকখিবা থৌওংনা গ্রোথ পুরকপগী মশক থোক্লবা ফিভম ঐখোয়না উবা ফংলে। মসিগুম্বা স্কিম দর্জন কয়াগী মতাংদা ঐহাক্না হায়বা ঙমগনি।

হৌজিক্তা থর্মেঞ্জীনা হায়খিবগুম্না, ভারতকী দিজিতেল ইন্দিয়া খোঙথাংনা কম্মন সর্ভিস সেন্তর চাউরাকপা লাখ ৫না খুঙ্গংদা লৈবা লাইরবশিংগী মফমদা ইন্তর্নেতকী পাঙ্গল লৈহল্লে। ভারতকী ভিম-য়ু.পি.আই.না লাইরবা করোর কয়াবু দিজিতেল পেমেন্তকী খুদোংচাবা ফংহল্লে। ভারতকী স্বনিধী য়োজনানা স্ত্রীত ভেন্দর মরুপশিংদা বেঙ্কিংগী পথাপকা মরী লৈনবগী খুদোংচাবা পীরি। নগর পালিকাদা ওইরো, মহানগর পালিকাদা ওইরো, স্ত্রীত ভেন্দরশিংগা নুমিৎ খুদিংগী থেংনরমগনি। বেঙ্ক মেনেজর অমগী ময়ুমদসু স্ত্রীত ভেন্দরশিং অসিনা লাক্তুনা মহাক্কী তঙাই ফদবা পোৎলমশিং য়ৌহল্লক্লম্বা য়াই, অদুবু মহাক্কী বেঙ্কতা স্ত্রীত ভেন্দরগী মফমদি লৈরমদে। হান্নগী ফিভম অসি মসিমক্নি। অদুবু ঙসিদি ঐখোয়না মখোয়বু বেঙ্ককা মরী লৈনহল্লে। মতৌ অসুম্না, ভারতনা অচৌবা থবক কয়া পায়খৎখ্রে। মালেমগী ইকোনোমিস্ত কয়ানা মসিগী মতাংদা ৱাফম কয়া অমা ইন্নরবনি।

ভারতকী মমিং পনবা য়াবা খোঙথাং অমদি এস্পিরেস্নেল দিস্ত্রিক্ত প্রোগ্রাম অসিনি। মসিনা লৈবাক্কী জিলা ১০০ হেনবা মফমশিংদা লৈবা মরুপ করোর কয়াগী পুন্সি চাউখৎহল্লি। খোংথাং অসিগী পান্দমদি, হিন্দুস্তান অমসুং জিলা কয়াগা চাংদম্নবদা শোত্থদুনা লৈহৌরবশিংগী অনীংবা অপাম্বদা ঐখোয়না মিৎয়েং চঙবনি। মখোয়বু মশাগী রাজ্যগী খ্বাইদগী অৱাংবা থাক্কা মান্ননা পুখৎপীদুনা লৈবাক্কী অৱাংবা থাক্কা মান্নহন্নবা তপ্না-তপ্না পুবীরক্না হোৎনবনা থৌওং অসিগী মপুং ওইবা ৱাখল্লোন্নি।

মরুপশিং,

মসিনা চাউরবা কান্নবা কয়া পীরে। মতৌ অসুম্না, মসিগী জিলা ১০০না চাউখৎ-খোঙথাংগী মালেমগী ইনক্লুজনগী শরুক ওইরে। ভারতকী নেস্নেল এজুকেসন পোলিসী অসিসু পেরাদাইম শিফ অমা ওইরিবনি। মসিগী মতাংদা থর্মেঞ্জীনসু পনবীখ্রিবদুনি। এজুকেসন পোলিসী অসিনা মমালোলদা মহৈ তম্বীবদা অহেনবা মিৎয়েং চঙলি। ইংলিশ খঙলমদবশিংবু হান্নদি এক্সক্লুদ তৌনরম্মি, হৌজিক্তি মখোয়না মমালোলদা তমদুনা তুংলমচৎকীদমক্তা খোঙদাবা য়ারে। ভারতকী উরান য়োজনানা লৈবাক্কী নোংথক্কী লম্বী কয়া অমুক হিংগৎহল্লে, অনৌবা এয়রপোর্ত কয়া শারে, ঐখোয়না তাইয়র ২ অমসুং ৩গী অথাপ্পা মফমশিংদসু য়ৌশিল্লে। য়োজনা অসিনা অকক্নবা শেনফমগী মনুংদা প্লেন তোন্দুনা চৎপগী মঙলনা মঙফাওনহল্লে। ভারতকী উরান য়োজনানা লৈবাক্কী তোঙান-তোঙানবা কাচিন কোয়াগী মফমশিংবু নোংথক্কী লম্বীগী খুত্থাংদা শম্নহল্লে, লাইরবশিংনা এরোপ্লেন তোংবগী খুদোংচাবসু ফংহল্লে। মসিদা ইনক্লুজনসু য়াওরে অমসুং গ্রোথসু লৈরে। ভারতকীদমক্তা অনৌবা এয়র্ক্রাফ লিশিং অমা হেন্না বুক তৌখ্রে। লৈবাক অসিদা অনৌবা এয়র্ক্রাফ লিশিং অমা হেন্না বুক তৌখিবা হায়বসি ঐখোয়না পেসেঞ্জরবু ইনক্লুজনগী হীরমদা মনুং চলহনবগী মহৈনি।

থর্মেঞ্জীনা হৌজিক হায়বীখিবগুম্না গুজরাত্তা অহেনবা মরু ওইবা পীদুনা থবক পায়খৎলিবা জল জীবন মিসন্না লৈবাক পুম্বগী য়ুম্থোং খুদিংদা তোতি ঈশিং ফংহন্নবা কন্নবা হোৎনরি। তোতি পাইপকী খুত্থাংদাগী ঈশিং ফংবতা নত্তনা, মতমসু য়াম্না কল্লে অমসুং হকশেল ফনা লৈবদসু ঈশিংনা অচৌবা থৌদাংসু লৌরি। থক্নবা অশেংবা ঈশিং হায়বসিসু অঙাংগী ন্যুত্রিসনগী মরী লৈনবা মরু ওইবা হীরম অমনি। নল সে জলগী খোঙথাং হায়বসিসু হীরম অসিগা মরী লৈনবা ৱারোইশিন পুরকপগী অচৌবা পাম্বৈ অমগী শরুক ওইরি। মিসন অসিনা শুপ্নগী চহি ৩গী মনুংদা য়ুম করোর ৬ হেনবদা তোতি পাইপ কন্নেক্সন পীখিবনি। ভারতকী ওইনা চাউরাক্না পাবদা য়ুম করোর ২৫দগী ২৭ ফাওবা লৈ। মসিগী মনুংদগী য়ুম করোর ৬তা ঐখোয়না ঈশিং ফংহনখ্রে। মসিগী ইনক্লুজিবিতী অসিনা লৈবাক্কী মীচম মীয়ামগী পুন্সি মহিংদা হেন্না লাইথোকহল্লে অমসুং তুংলমচত্তা চঙশিনবগী ইথিলসু পীরি। লৈবাক অমগী চাউখৎ-থৌরাংদা মসিনা কয়া য়াম্না মরু ওইবা থৌদাং লৌই হায়বদি ঙসিগী মফমসিদা তিল্লিবা ইকোনোমিক্সকী মীওইশিংনা ময়েক শেংনা খঙগনি।

ঐহাক্না মীয়ামগী মফমদা মরী লৈনবা খুদম অমগা পীজগে। মতাং অসিদি অদোম্নসু খঙলবনি অমসুং য়ু.এন.দসু মসিগী মতাংদা খন্ন-নৈনখ্রবনি। এস.দি.জি.দসু মসিগী মতাংদা খন্ন-নৈনরবনি। মালেমগী মফম খুদিংদা প্রোপর্তী রাইতকী মতাংদা চাউরবা শিংনবা অমা লৈবনি। প্রোপর্তী রাইতকী মতাংদদি খ্বাইদগী কোন্না খঙবা মীনা খ্বাইদগী খুদোংচাবা নংগল্লি। মখোয়গী মনাক্তা প্রোপর্তীগী চে-চাং অমত্তা লৈনদে। মখোয়না খ্বাইদগী চাউনা অৱাবা মাইয়োক্নৈ। ভারতনা হীরম অসিগী মতাংদা থবক পায়খৎলে তাবদা অদোম্না নুংঙাইবা ফাওগনি। স্বামিত্ব য়োজনাগী খুত্থাংদগী খুঙ্গংগী লমগী য়ুম অমসুং লনথুমশিংগী মেপ্পিং তৌবগী থবক লেপ্তনা চত্থরি। ঐখোয়না খুঙ্গং লাখ ১.৫দা দ্রোন শিজিন্নদুনা মসিগী থবকশিং পায়খৎলি। দ্রোন শিজিন্নদুনা সর্ভে পাংথোকই, তেক্নোলোজী পাক শন্না শিজিন্নরি অমসুং থবক থৌরম খুদিংমক খুঙ্গংগী মীয়ামগী মমাংদা নুং-পান ফাওনা পাংথোকই। হৌজিক ফাওবদা খুঙ্গং লাখ ১.৫ হেনবদা দ্রোন শিজিন্নদুনা মরী লৈনবা থবকশিং পাংথোকখ্রে। স্ক্বার কিলোমীতর লিশিং ৩৭ পাক চাউবা লমগী মেপ্পিং তৌখ্রে অমসুং মসিগা মরী লৈনবা লম অমসুং মীওই লাখ ৮০ হেনবদা মশাগী প্রোপর্তী কার্দ য়েন্থোকখ্রে। লমগী অশেংবা মপুশিংনসু মসিদা অয়েৎপা অমত্তা লৈত্রে। মসিনা মরম ওইরগা বেঙ্কতগী লোন লৌবদসু লাইরে অমসুং লমগী মতাংদা চত্থবা কেস কয়াদগীসু মনীং তম্লে।

মরুপশিং,

ঙসিগী ভারতনা রিফোর্ম পাংথোক্তবা য়াদে হায়বগী মহুত্তা থাজবগা লোয়ননা রিফোর্ম পাংথোকপগী খুত্থাংদা লাক্কদৌরিবা চহি ২৫গী রোদমেপ শেম-শারি। লৈবাক্কী নীংতম্বগী চহি ১০০ মপুং ফাবগী নুংঙাইবা ফোংদোকপা মতমদা লৈবাক্না করম্বা থাক্তা লৈগনি হায়বগী পান্দম থমদুনা মরী লৈনবা রোদমেপ শেমদুনা ঐখোয়না তুংলমচত্তা চঙশিল্লি। মমাংগী দিকেদ কয়াদা ঐখোয়না উখ্রে, উপাই লৈতবনা মরম ওইরগা রিফোর্ম পাংথোকপা মতমদা মদুবু ইন্সতিত্যুস্নেলাইজ তৌবগী থাজবদি য়াম্না নেম্মি।

উপাই লৈতবগী ফিভম হেক লোইবগা, রিফোর্ম্বুসু কাওথোক্নবনি। রিফোর্মগী তঙাই ফদবা হায়বসি মদুগী ইনভাইরনমেন্ত অমসুং মদুবু পুক্নিং থৌগৎপগী মরু ওইবগা মান্নৈ। মমাংগী মতমদা ভারত্তা অচৌবা রিফোর্ম পাংথোকপসি মতমদুগী সরকারগী মনাক্তা অতোপ্পা পাম্বৈ অমত্তা লৈতবা মতমদখক্তনি। ঐখোয়না রিফোর্মবু তঙাইফদবা ইভিলনি খনবগী মহুত্তা মায় পাকপা অদুমক পুরক্লগদবা থৌওংনি হায়না খল্লি, মসিদা লৈবাক অমসুং লৈবাক মীয়ামগী কান্নবা লৈবনি। মরম অদুনা, ঐখোয়না মমাংগী চহি ৮দা রিফোর্ম পাংথোকখিবা খুদিংমক মখোয়না অনৌবা রিফোর্ম পাংথোক্তবা য়াদবগী ফিভম শেম্লম্বননি।

অরুনজীনা ঙসি ঐখোয়গী মরক্তা লৈরম্লবদি, মহাক্না শরুক ওইরম্বা মিসনগী ঙসিদি কান্নবা ফংবা উবদা মহাক্না নুংঙাইবা শোইদনা ফাওরমগনি। জি.এস.তি. নত্ত্রগা আই.বি.সি.গী মতাংদা চহি কয়া চুপ্না খন্ন-নৈনরম্বদু ঙসিদি ঐখোয়গী মাঙদা মায় পাক্না লৈরে। কম্পেনী এক্তপু দিক্রিমেনেলাইজ তৌবা ওইরো, নত্ত্রগা কোর্পোরেত তেক্সপু কম্পিতিতিব ওইহনবা ওইরো, স্পেস, কোয়লা মাইনিং তৌবা নত্ত্রগা স্পেস সেক্তরবু হাংদোকপা ওইরো, অসিগুম্বা তোঙানবা রিফোর্ম কয়ানা ঙসিগী ২১শুবা চহি-চাগী ভারতকী অশেংবা খোঙথাং ওইরে।

মরুপশিং,

ঐখোয়গী পোলিসী শেম্বগী ৱাখল্লোন্দি মীয়ামগী অপাম্বদা য়ুম্ফম ওইবনি। ঐখোয়না য়ারিবমখৈ মীয়ামগী ৱা তায়, মখোয়গী তঙাই ফদবা অমসুং অপাম্ববু খঙই। মসিগীদমক্তা ঐখোয়না পোলিসীবু পোপ্যুলিস্ত ইম্পল্সকী অৱাবা পোৎলুম নংহন্দে। মীয়ামগী অপাম্বগী মখা পোন্না ৱারেপ লৌবা অমসুং পোল্যুলিজমগী মমাংদা খুৎলায় থাদোকপগী মরক্তা করি খেন্নবা লৈ, মসি ঐখোয়না কোবিদ মনুংদা উখ্রবনি অদুগা উবতা নত্তনা মালেমদা উৎখ্রবনি। লাইচৎকী মতমদা মতিক লৈরবা ইকোনোমিস্ত কয়ানা মালেম পুম্বগী বেল আউত পেকেজকীদমক্তা, দিমান্দ দ্রিভন রিকোভরীগীদমক্তা, পোপ্যুলিস্ত ইম্পল্স অমা লৈরম্মি, ঐখোয়দসু মান্নবা প্রেসর পীরম্মি। ঐখোয়না করিমত্তা পাংথোক্তে হায়না মখোয়না হায়নরম্মি। অদুবু ভারতনা প্রেসরদা কৈদৌনুংদা লৈখিদে, ঐখোয়না নীংথিনা ৱাখল খন্থদুনা তোঙানবা থৌওং কয়া পায়খৎখি। ঐখোয়না মীয়াম্না হান্না হায়বা ৱাখল্লোনগা লোয়ননা লাইরবশিংবু ঙাক শেনখি, নুপী, লৌমী অমসুং এম.এস.এম.ই.শিংদা মিৎয়েং চঙখি। ঐখোয়না মীয়ামগী অপাম্বা খঙবনা মরম ওইরগা মালেম পুম্বদগী খ্বাইদগী তোঙানবা থবক পায়খৎখি। মরম অদুনা ভারত অমসুং মালেমগী অতোপ্পা লৈবাকশিংগী রিকোভরীদা খেন্নবা লৈরিবনি। মসি ঐখোয়না ময়েক শেংনা উরবনি।

মরুপশিং,

ঐহাক্না মিনিমম গবর্নমেন্ত অমসুং মেক্সিমম গবর্নেন্সকী মতাংদা য়াম্না তোয়না ঙাংবনি। ঐখোয়গী সরকারনা তাল্লক অসিদা মীয়ামগী পুন্সিদা অয়েৎপা পীবা আইন ১০০০মুক মুত্থৎখ্রবনি। ইং ২০১৩দা ঐহাকপু বি.জে.পি.না প্রধান মন্ত্রীগী মীরেপ ওইহনবা মতমদা, ইং ২০১৪দা পাংথোক্কদবা মীখলগা মরী লৈননা কারবারগী মালেমগী মীওই কয়ানা ঐহাকপু দিল্লীদা কৌখিবনি। ৱাখল নুংঙাইবা অকোয়বগী ফিভম অমনি। করি তৌগনি, করম্না পাংথোক্কনি হায়বা ৱাহং কয়া মখোয়না হংবনি। আইন শেম্বগী মতাংদা ওইরবদি, ঐহাক্না নুমিৎ খুদিংগী কান্নদবা আইন মুত্থৎকনি, অনৌবা আইন শেম্বগী থাজবদি পীবা ঙম্লোই হায়খিবনি। অদুগা, অহানবা চহি ৫দা আইন লিশিং ১.৫ মুত্থৎখি। মীচম মীয়ামগী অৱাবা পোৎলুম খরা হন্থহনখি।

মরুপশিং,

ঐখোয়গী লৈবাক্কী প্রাইভেত সেক্তরনা নীংথিরবা থবক কয়া পাংথোক্লি। অদুবু, পুম্নমক অসিগী মরুমদা চাউখৎ-থৌরাংগী খোঙলোইগী মওংদা সরকারগী অপুনবা পাঙ্গল লৈরি। ঙসিদি ভারত অসি মালেমগী ওইনা খ্বাইদগী থাজবা য়াবা অমসুং মতমগা চুনবা স্পেস সর্ভিস প্রোভাইদরগী মনুংদা অমা ওইরে। ঐখোয়গী প্রাইভেত সেক্তর ইকোসীস্তেম্না  সেক্তর অসিদসু মশক থোকপা থবক কয়া পাংথোক্লি। অদুগা মসিগী মরুমদা চাউখৎ-থৌরাংগী খোঙলোইগী মওংদা সরকারগী অপুনবা পাঙ্গল লৈরি। প্রাইভেত সেক্তর নত্ত্রগা সরকারনা অপুনবা শক্তি পায়বগী মোদেলশিং হৌজিক্তি চৎনদ্রে। হৌজিক্কী মতমসিদি সরকারনা প্রাইভেত সেক্তরবু চাউখৎ-থৌরাংগী খোঙলোইনি হায়না পুক্নিং থৌগৎপগী মতম্নি অমসুং মাইকৈ অসিদা খোঙদারি।

মরুপশিং,

মীয়াম পুম্নমক্কা লোয়ননা চৎপনা লৈবাক্কী পব্লিক অমসুং প্রাইভেত সেক্তর অনিমক্তা থাজবগী ইথিলনি অমসুং মখোয়না মরম ওইরগা ঙসি ঐখোয়না মশক থোকপা মওংদা চাউখৎপা ঙম্লিবনি। ঙসিদি, ঐখোয়গী এক্সপোর্তনা অনৌবা রেকোর্দ কয়া শেম্লে। সর্ভিস সেক্তরসু খোঙজেল য়াঙনা শাহৌ লৌরি। পি.এল.আই. স্কিমগী কান্নবা কয়া ঐখোয়না মেন্যুফেকচরিং সেক্তরদা উবা ফংলে। মোবাইল ফোন য়াওনা অপুনবা ইলেক্ত্রোনিক্স মেন্যুফেকচরিং সেক্তরনা শরুক কয়া হেন্না চাউখৎপা ঙম্লে। ঐখোয়না কোরোনাগী মতমদা শান্নপোৎকী মতাংদা সম্মিত পাংথোকপা মতমদা মীয়াম কয়া অমনা প্রধান মন্ত্রী অসিদু ঝন্দুগী ৱারীসু শাই, লু-নানবগী ৱারীসু শাই, অমাংশঙগী ৱারীসু শাই, হৌজিক্না শান্নপোৎকী ৱারী শারে হায়নবা য়াওই তাবদা অদোম ঙক্কনি অমসুং নোক্নিংবা ফাওগনি। মসিগী মরমদি, ঐখোয়না অচৌবা হীরম কয়াদা পন্দুনা অদুমক লৈবনিনা, অসিগুম্বা ৱারী মখোয়না নীংথিনা ভাব তাবা ঙমদ্রে। ঐহাক্না শান্নপোৎ খক্তদা মিৎয়েং চঙবা নত্তে, শান্নপোৎ শাবা মীওইশিংদা মিৎয়েং চঙবনি। তেক্নোলোজী, ইন্নোভেসন ফাইনেন্সিএল সেক্তরগী মাইকৈদা মিৎয়েং চঙবনি। মসিগী চহি ২ ফাওবা ফাদ্রি, অদুবু তেল্লবা মতমসিদা শান্নপোৎকী ইম্পোর্ত মশিং খঙনা হন্থখিবা অসিদা লৈবাক মীয়াম্না শোইদনা চাউথোকচবা ফাওগনি। হৌজিক্তি, ঐখোয়না ইম্পোর্ত তৌবা চাংদগী এক্সপোর্ত তৌবগী চাংনা য়াম্না হেল্লবনি। মসিনা হায়বদি, ঐখোয়না কান্নবা কয়া অমা লৌদনা মাঙহন্দুনা লৈরম্লিবনো হায়বনি। তুরিজমগী মতাংদা ভারতকী মতিক য়াম্না চাউনা লৈ হায়বা ঐখোয়না খঙই, অদুবু ঐখোয়না মফম খরখক্তদা অকক্ননা অদুম লোইশিল্লি। ঐখোয়না মালেমগী মাঙদা ভারতকী তসেংবা মতিক উৎকনি হায়বা কাওবগুম্লে। অদুনা, মীরমদগী মীওইশিং হেক লাকপদা ঐহাক্না ভারতকী মফম কয়াদা চৎনবা অদুম হায়বনি। হন্দক্কী য়োগ নুমিৎকী মতাংদা, ঐখোয়না লৈবাক্কী মশক নাইবা মফম ৭৫দা হন্দক্তা য়োগ নুমিৎ পাংথোকখিবনা মীয়ামদা তুরিজমগী অনৌবা মফম কয়া অমা খঙহল্লে। অদোম্না তুরিজমগী মতাংদা অচুম্বা ৱাফম থম্বীরি। ভারত অসি মালেমগী ওইনা তুরিজমগী চাউরবা পন্থুংফম অমা ওইবা য়ারিবনি।

মরুপশিং,

ঐখোয়গী দিজিতেল ইকোনোমীসু খোঙজেল য়াঙনা তুংলমচত্তা খোঙদারি। ফিজিকেল অমসুং দিজিতেল ইনফ্রাস্ত্রকচর কয়াদা রেকোর্দ ওইবা খোঙথাং পায়খৎলি। মসিনা হায়বদি, ঐখোয়গী গ্রোথ ইঞ্জিনগা মরী লৈনবা সেক্তর খুদিংনা মথৌ নীংথিনা পাংথোক্তুনা চঙশিল্লি হায়বনি।

মরুপশিং,

নীংতম্বগী হৌজিক্কী অমৃত কালগী মতম অসিনা ভারতকীদমক্তা মশিং থীঙমদবা খুদোংচাবা কয়া পুদুনা লাক্লি। ঐখোয়গী ৱারেপ অসি য়াম্না চেৎপনি, ঐখোয়না খোঙফম চেৎনা লেপ্লিবনি। ঐখোয়না মঙলান খুদিংমক মঙফাওনহনগনি, ২১শুবা চহি-চাদা ভারতকী ফংফম থোকপা থাক্তা লৈগনি হায়বগী ঐহাক্না থাজবা থম্মি। থর্মেঞ্জীনা শিংনবা খরগী মতাংদা হায়বীবগুম্না, ঐহাক্না শিংনবা লৈ হায়বা খঙই। অদুবু, শিংনবশিং অসিগী ৱারোইশিন করোর ১৩০ লৈরি, মসি ঐহাক্কী থাজবনি অমসুং থাজবা অসিগা লোয়ননা শিংনবশিংবু ঐখোয়না অমুক শিংনদুনা মাংজিল থানা চৎকনি হায়বা ৱারেপকা লোয়ননা ঐখোয়না তুংলমচৎকী মাইকৈদা খোঙদারিবনি। অদুনা, ঐখোয়না ইনক্লুজনগী লম্বী লৌরিবনি অমসুং লম্বী অসিদা চত্তুনা ঐখোয়না গ্রোথসু ফংগনি হায়বগী পান্দম থম্লি। ঐহাক্না অরুনজীবু অমুক্কা হন্না নীংশিংদুনা ঐহাক্কী ৱারোল লোইশিঞ্জগে। থর্মেঞ্জীবু ঐহাক্না অখন্ননা ইকায় খুম্নজরি অমসুং থাগৎচরি। অদুগা অদোম পুম্নমকপুসু ঐহাক্না অমুক্কা হন্না থাগৎচরি।

থাগৎচরি!

*****