হৰ হৰ মহাদেৱ৷

কাশীক সাত ভাৰ, ন ত্যোহাৰ, অৰ্থাৎ কাশীত সাত দিনত নটা উৎসৱ পালন কৰা হয়। অৰ্থাৎ প্ৰতিদিনে এটা নতুন উৎসৱ পালন কৰা হয়। আজিৰ এই পবিত্ৰ ক্ষণ উপলক্ষে আপোনালোক সকলোকে প্ৰণাম জনাইছো!

উত্তৰ প্ৰদেশৰ ৰাজ্যপাল আনন্দিবেন পেটেল জী, জনপ্ৰিয় মুখ্যমন্ত্ৰী যোগী আদিত্যনাথ জী, মঞ্চত উপস্থিত উত্তৰপ্ৰদেশ চৰকাৰৰ মন্ত্ৰীবৰ্গ, সাংসদ, বিধায়কসকলআৰু মোৰ বাৰাণসীস ভাই-ভনীসকল,

প্ৰথমে আপোনালোক সকলোকে আন্তৰিক ধন্যবাদ জ্ঞাপন কৰিছো। বিধানসভা নিৰ্বাচনৰ সময়ত মই আপোনালোক সকলোৰে মাজত আহি উত্তৰ প্ৰদেশত পুনৰ চৰকাৰ গঠন কৰিবলৈ আপোনালোকৰ সহায় বিচাৰিছিলোঁ। কিন্তু আপোনালোকে, উত্তৰ প্ৰদেশবাসী আৰু মোৰ কাশীবাসীয়ে যি সমৰ্থন আগবঢ়াইছে, যিসকলে মোক উৎসাহ আৰু উৎসাহেৰে সমৰ্থন কৰিলে, গতিকে আজি যেতিয়া নিৰ্বাচনৰ পিছত প্ৰথমবাৰৰ বাবে আপোনালোকৰ মাজলৈ আহিছো, এই উপলক্ষে মই কাশীবাসীক সন্মান জনাইছো, উত্তৰ প্ৰদেশৰ জনসাধাৰণক মই হৃদয়ৰ পৰা ধন্যবাদ জনাইছো।

বিগত আঠ বছৰে কাশীত চলি থকা উন্নয়নৰ উৎসৱক আজি আমি আকৌ এবাৰ গতি প্ৰদান কৰিছো। কাশী সদায় জীয়াই আছে, নিৰন্তৰ প্ৰবাহিত হৈ আছে। এতিয়া কাশীয়ে সমগ্ৰ দেশক এখন ছবি দেখুৱাইছে যাৰ ঐতিহ্যৰ লগতে উন্নয়নো হৈছে। এক ঐতিহ্য, যিটোক ভব্য, দিব্য আৰু নতুন কৰি ৰখাৰ কাম নিৰন্তৰ চলি আছে। কাশীৰ বাট-পথ, দলং-পুখুৰী, ঘাট আৰু গেটত, ৰে’লৱে ষ্টেচনৰ পৰা বিমানবন্দৰলৈকে উন্নয়নে নিৰন্তৰ গতিশীল হৈ আছে৷

কাশীত যেতিয়া এটা প্ৰকল্প শেষ হয়, তেতিয়া চাৰিটা নতুন প্ৰকল্প আৰম্ভ হয়। আজিও ১৭০০ কোটিতকৈ অধিক মূল্যৰ কেইবা ডজন প্ৰকল্প উদ্বোধন কৰাৰ লগতে আধাৰশিলা স্থাপন কৰা হৈছে। কাশীত পথ, পানী, বিদ্যুৎ, স্বাস্থ্য, শিক্ষা, অনাময়, সৌন্দৰ্যবৰ্ধনৰ সৈতে জড়িত হাজাৰ হাজাৰ কোটি টকাৰ প্ৰকল্প সম্পূৰ্ণ হৈছে। হাজাৰ হাজাৰ কোটি টকাৰ প্ৰকল্প, ইয়াৰ কাম ইয়াত অবিৰতভাৱে চলি আছে।

ভাই-ভনীসকল,

কাশীৰ আত্মা অক্ষয়, কিন্তু দেহত আমি অনবৰতে নতুনত্ব আনিবলৈ অশেষ চেষ্টা কৰি আছো। আমাৰ উন্নয়ন হৈছে কাশীক অধিক গতিশীল, প্ৰগতিশীল আৰু সংবেদনশীল কৰি তোলা। কাশীৰ আধুনিক আন্তঃগাঁথনিয়ে গতিশীলতা বৃদ্ধি কৰিছে। যেতিয়া শিক্ষা, দক্ষতা, পৰিৱেশ, স্বচ্ছতা, ব্যৱসায়ক উৎসাহিত কৰা হয়, নতুন নতুন অনুষ্ঠান গঠন কৰা হয়, বিশ্বাস আৰু আধ্যাত্মিকতাৰ সৈতে জড়িত পবিত্ৰ স্থানৰ ঐশ্বৰিকতা আধুনিক ভৱিষ্যতৰ সৈতে সংযুক্ত হয়, তেতিয়া বিকাশ প্ৰগতিশীল হয়। দৰিদ্ৰ লোকে যেতিয়া ঘৰ, বিদ্যুৎ, পানী, গেছ, শৌচাগাৰ আদি সুবিধা পায়, নাৱিক, শিপিনী-হস্তশিল্পী, ৰাজপথৰ ব্যৱসায়ীৰ পৰা আৰম্ভ কৰি গৃহহীন লোকলৈকে সকলোৰে সুবিধা হয়, তেতিয়া উন্নয়ন সংবেদনশীল হৈ পৰে।

গতিশীলতা, প্ৰগতিশীলতা, আৰু সংবেদনশীলতা হৈছে আজি এই কাৰ্যসূচীৰ সময়ত উদ্বোধন কৰা আৰু আধাৰশিলা স্থাপন কৰা তিনিওটাৰে এক আভাস। সবকা সাথ, সবকা বিকাশ, সবকা বিশ্বাস আৰু সবকা প্ৰয়াসৰ উত্তম উদাহৰণ মোৰ কাশী।

ভাই-ভনীসকল,

আপোনালোকে মোক আপোনালোকৰ সাংসদ কৰি সেৱা আগবঢ়োৱাৰ সুযোগ দিছে। সেইবাবেই আপোনালোকে যেতিয়া কিছুমান ভাল কাম কৰে তেতিয়া মই দুগুণ সুখী অনুভৱ কৰো, মোৰ আনন্দ আৰু বাঢ়ি যায়। কাশীৰ সচেতন নাগৰিকসকলে দেশক দিশ নিৰ্দেশনা দিয়াৰ কাম কেনেদৰে কৰিছে, সেয়া দেখি মই অতি আনন্দিত হৈছো। কাশীৰ নাগৰিকে সমগ্ৰ দেশলৈ এটা বাৰ্তা প্ৰদান কৰিছে যে শ্বৰ্টকাটৰ দ্বাৰা দেশৰ কোনো উপকাৰ হ’ব নোৱাৰে। কিছুমান নেতা হয়তো লাভান্বিত হ’ব পাৰে, কিন্তু দেশৰ আৰু জনসাধাৰণৰ একো লাভ নহয়।

মোৰ মনত আছে ২০১৪ চনত অহাৰ পিছত কাশীত বাহিৰৰ পৰা অহা মানুহে প্ৰশ্ন কৰিছিল যে ইয়াত পৰিৱেশ ইমান বিশৃংখল, এইবোৰ কেনেকৈ ঠিক হ’ব, এই মানুহবোৰে আগতে সুধিছিল নহয়নে? তেওঁলোকৰ চিন্তা সঠিক আছিল। বাৰাণসীত য’তেই চায়, তাত উন্নতি আৰু পৰিৱৰ্তনৰ সুযোগ আছিল। বাৰাণসীৰ অৱস্থা উন্নত কৰাৰ বাবে দশক দশক ধৰি কোনো কাম কৰা হোৱা নাছিল সেয়া স্পষ্ট হৈ পৰিছিল। এতিয়া এনে পৰিস্থিতিত আন কাৰোবাৰ বাবে এটা সুগম পথ বাছি লোৱাটো অতি সহজ হৈ পৰিছিল। এইটো জনসাধাৰণক দিয়ক, সেইটো দিয়ক, ইয়াতকৈ বেছি তেওঁৰ চিন্তাধাৰা আঁতৰি যাব নোৱাৰে। কোনে ইমান কষ্ট কৰে, কোনে মূৰ ঘমাব৷

কিন্তু মই বাৰাণসীবাসীক শলাগ লওঁ যে তেওঁলোকে সঠিক পথ দেখুৱাইছিল, সঠিক পথ বাছি লৈছিল। তেওঁলোকে স্পষ্টকৈ ক’লে যে কামবোৰ এনেকুৱা হ’ব লাগে, যিয়ে কেৱল বৰ্তমানক শুধৰাই দিয়াই নহয়, ভৱিষ্যতে বহু দশকলৈ বাৰাণসীক উপকৃত কৰে।

মোৰ মৰমৰ কাশীৰ ভাই-ভনীসকল,

কওকচোন, আমি যি কাম হৈ আছো, সেয়া ভৱিষ্যতৰ বাবেও উপযোগী হ’বলৈ গৈ আছে নহয়নে? ভৱিষ্যত প্ৰজন্মৰ বাবেও কাম কৰিব নেকি? ইয়াত যুৱক-যুৱতীসকলৰ ভৱিষ্যত উজ্জ্বল হ’বলৈ গৈ আছে নহয়নে? সেইবোৰে সমগ্ৰ ভাৰতক কাশীৰ ফালে আকৰ্ষণ কৰিব নে নকৰে? গোটেই ভাৰতবাসীয়ে কাশী চাবলৈ আহিব নে নাহিব?

বন্ধুসকল,

আজি আমি দেখিবলৈ পাইছো যে যেতিয়া সুদূৰপ্ৰসাৰী পৰিকল্পনা কৰা হয়, তেতিয়া কেনেকৈ ফলাফল ওলায়। বিগত আঠ বছৰত কাশীৰ আন্তঃগাঁথনি ক’ত উপনীত হৈছে। কৃষকেই হওক, শ্ৰমিকেই হওক, ব্যৱসায়ীয়েই হওক, ইয়াৰ পৰা সকলোৱে লাভৱান হৈছে। ব্যৱসায় বাঢ়িছে আৰু পৰ্যটনৰো সম্প্ৰসাৰণ হৈছে।

ৰিক্সাৱালাজনেও কৈছে ছাৰ, গোটেই দিনটো ইমান কাম পাই আছে। ব্যৱসায়ীজনে কয় ছাৰ এমাহত ছমাহৰ সামগ্ৰী বিক্ৰী হয়। হৈছে নে নাই হোৱা? ত্বৰান্বিত হৈছে নে নাই? আৰু যিবোৰ পথ নিৰ্মাণ কৰা হৈছে, দুখীয়াৰ বাবে ঘৰ নিৰ্মাণ কৰা হৈছে, পাইপলাইন স্থাপন কৰা হৈছে, এইবোৰত ব্যৱহৃত সামগ্ৰী, চিমেণ্ট, তীখা, আদি নিৰ্মাণ সম্পৰ্কীয় উদ্যোগ, সৰু সৰু দোকানী সকলৰো নিজস্ব আছে।ব্যৱসায় বাঢ়িছে। অৰ্থাৎ ই বাৰাণসীৰ লগতে এই সমগ্ৰ অঞ্চলত নিয়োগৰ এক অতি ডাঙৰ মাধ্যম হৈ পৰিছে।

বাৰাণসীবাসীয়ে অনুসৰণ কৰা সুদূৰপ্ৰসাৰী চিন্তাধাৰাৰ ফলত এতিয়া সমগ্ৰ অঞ্চলটো উপকৃত হৈছে। আজি যদি কাশীৰ চাৰিওফালে চাওঁ, সেয়া ৰিং ৰোডেই হওক, সম্প্ৰসাৰিত ৰাষ্ট্ৰীয় ঘাইপথেই হওক, বাবাতপুৰ চিটী লিংক ৰোডেই হওক, আশাপুৰ আৰএ’বিয়েই হওক, চৌকাঘাট-লহৰটাৰা উৰণ সেতুয়েই হওক, মাহমূৰগঞ্জ-মণ্ডৱাড়ী ফ্লাইঅভাৰেই হওক, এই সকলোবোৰে বানাৰসবাসীৰ জীৱন ইমান সহজ কৰি তুলিছে। ৰে’ল অভাৰব্ৰীজ, বৰুণাৰ ওপৰত দলং, কেতিয়া নিৰ্মাণ হ’ব, এই সুবিধা আৰু বৃদ্ধি হ’বলৈ গৈ আছে।

আজি কাশীৰ আৰু ৩টা পথ বহল কৰাৰ কাম আৰম্ভ হৈছে। ইয়াৰ লগে লগে মৌ, আজমগড়, গাজীপুৰ, বলিয়া, ভাদহী, মিৰ্জাপুৰ আদি বহু জিলাৰ পৰা যাতায়ত কৰাটো সহজ হ’ব আৰু কাশীতো যান-যঁটৰ সমস্যা কমি যাব।

ভাই-ভনীসকল,

চহৰ সমূহৰ এই বহল পথ সমূহক আশে-পাশে থকা গাঁওসমূহৰ সৈতে সংযোগ কৰাৰ স্বাৰ্থত আজি জিলাখনৰ ৯ টা পথৰ আধাৰশিলাও স্থাপন কৰা হৈছে। বাৰিষা কালত মহানগৰীলৈ অহাৰ ক্ষেত্ৰত ওচৰৰ গাঁৱসমূহৰ কৃষক আৰু যুৱক-যুৱতীসকলে সন্মুখীন হোৱা অসুবিধাসমূহ এই পথসমূহে দূৰ হ’ব।

যোগী জীৰ চৰকাৰে তহশিল আৰু ব্লক মুখ্য কাৰ্যালয়ক জিলা সদৰৰ সৈতে সংযোগ কৰাৰ বাবে বহল পথত যি কাম কৰি আছে, সেয়াও প্ৰশংসনীয়। আজি সেৱাপুৰী বানাৰস সংযোগী পথটো বহল কৰাৰ কামো আৰম্ভ হৈছে। যেতিয়া এই কাম সম্পূৰ্ণ হ’ব তেতিয়া বাৰাণসী জিলাৰ সকলো তহশিল আৰু ব্লক মুখ্য কাৰ্যালয় ৭ মিটাৰ বহল পথেৰে সংযোগ কৰা হ’ব।

ভাই-ভনীসকল,

এতিয়া শাওন মাহৰ দুৱাৰদলিত আহি পাইছে, ওচৰ চাপিছে। শাওন মাহে দুৱাৰত টোকৰ মাৰিবলৈ আৰম্ভ কৰিছে, শাওন এতিয়া বেছি দূৰত নাই। দেশ আৰু বিদেশৰ বাবা ভক্তসকল বৃহৎ হাৰত কাশীলৈ আহিবলৈ লৈছে। বিশ্বনাথ ধাম প্ৰকল্প সম্পূৰ্ণ হোৱাৰ পিছত এইটোৱেই হ’ব প্ৰথমটো শাওন উৎসৱ। বিশ্বনাথ ধামক লৈ সমগ্ৰ বিশ্বতে কিমান উৎসাহ আছে, আপোনালোকে বিগত কেইমাহমানত নিজেই অনুভৱ কৰিছে।

মোক কোৱা হৈছে আৰু আৰু এতিয়া যোগীজীয়েও কৈছে যে গৰমৰ মাজতো এইবাৰ দৈনিক লাখ লাখ ভক্তই কাশী বিশ্বনাথ ধামলৈ আহিছে। আনকি শাওনৰ সময়তো বাবাৰ ভক্তসকলে ইয়াত ঐশ্বৰিক আৰু ভৱিষ্যদ্বাণী আৰু নব্য কাশীৰ অভিজ্ঞতা লাভ কৰিব।

ভাই-ভনীসকল,

বিশ্বৰ বিভিন্ন প্ৰান্তৰ ভক্ত, পৰ্যটকসকলক কাশীত বিশ্বাস আৰু আধ্যাত্মিকতাৰ নিৰৱচ্ছিন্ন অভিজ্ঞতা প্ৰদান কৰাটো আমাৰ সকলোৰে দায়বদ্ধতা আছে। আগতে ইয়ালৈ এজন তীৰ্থযাত্ৰী আহিলে গাঁৱৰ মানুহে তেওঁক ঘৰলৈ মাতি আনি খুৱাইছিল, তেওঁৰ সকলো প্ৰকাৰে সেৱা কৰিছিল। আগতে আমাৰ কাশীতো এই পৰম্পৰা আছিল, আগতে বাহিৰৰ পৰা অহা মানুহক আতিথ্য দিছিল, ঘৰতে ৰাখিছিল, থকা-খোৱাৰ ব্যৱস্থা কৰিছিল। অনুভৱ এনে আছিল যে ভক্তজনে কোনো ধৰণৰ অসুবিধাৰ সন্মুখীন হ’ব নালাগে।

আমাৰ চৰকাৰো এই মনোভাৱেৰেই চলি আছে। চৰকাৰে কাশী ভৈৰৱ যাত্ৰা, নৱ-গৌৰী যাত্ৰা, নৱদুৰ্গা যাত্ৰা, অষ্টবিনায়ক যাত্ৰা, বিশ্বাসৰ এনে প্ৰতিটো তীৰ্থযাত্ৰা সুচল হ’বলৈ সুবিধা গঢ় দিছে। পঞ্চকোশি পৰিক্ৰমালৈ যোৱাৰ পথত উপাসনাত সহজলভ্যৰ বাবে বহু ঠাইত জিৰণি লোৱাৰ ব্যৱস্থা কৰা হৈছে। ইয়াৰ ৰাস্তা-ঘাট পৰিষ্কাৰ-পৰিচ্ছন্ন কৰি তোলাৰ বাবেই হওক অথবা গংগা জীক পৰিষ্কাৰ কৰাৰ সংকল্পই হওক, কাশীৰ পৰিচয়ৰ ওপৰতো দ্ৰুত গতিত কাম কৰি থকা হৈছে।

ভাই-ভনীসকল,

আমাৰ বাবে উন্নয়ন মানে কেৱল জিলিকি থকা নহয়। আমাৰ বাবে উন্নয়ন মানে দুখীয়া, নিপীড়িত, বঞ্চিত, পিছপৰা, জনজাতীয়, মাতৃ-ভগ্নীসকলক সবলীকৰণ কৰা। আজি বাৰাণসীৰ ৬০০ৰো অধিক দৰিদ্ৰ পৰিয়ালে পিএম আৱাস যোজনাৰ অধীনত পকী ঘৰ লাভ কৰিছে৷ অৰ্থাৎ ৬০০ নতুন কোটিপতি সৃষ্টি কৰা হ’ল। আজি ঘৰৰ সপোন পূৰণ হোৱা সহকৰ্মীসকললৈ অশেষ অভিনন্দন। আৰু সেই পৰিয়ালসমূহৰ মাতৃ-ভগ্নীসকললৈ বিশেষ অভিনন্দন জ্ঞাপন কৰিলোঁ। কাৰণ ঘৰটো যদি নিৰ্মাণ কৰা হয়, তেন্তে মাতৃ-ভগ্নীৰ নামত হ’ব লাগে সেয়া আমাৰ প্ৰচেষ্টা আৰু সেইবাবেই তেওঁলোকক বিশেষ অভিনন্দন জ্ঞাপন কৰিলো।

আমি এই সংকল্পসমূহৰ ওপৰত ক্ষিপ্ৰতাৰে কাম কৰি আছো প্ৰতিটো দৰিদ্ৰ পৰিয়ালক পকী ঘৰ প্ৰদান কৰাৰ লগতে প্ৰতিটো গ্ৰামীণ পৰিয়ালক নলসংযোগী পানীৰে সংযোগ কৰা। জল জীৱন মিছনৰ অধীনত কেইবা ডজন পানী প্ৰকল্পৰ কাম আৰম্ভ হৈছে। ইয়াৰ দ্বাৰা হাজাৰ হাজাৰ পৰিয়াল, বিশেষকৈ ভগ্নীসকল বহু পৰিমাণে লাভৱান হ’ব। নিঃস্ব মাতৃ, ভগ্নী, কন্যাৰ বাবে আশ্ৰয় গৃহৰ দ্বাৰা সকলোৰে বাবে উন্নয়নৰ মনোভাৱ শক্তিশালী হ’ব।

ভাই-ভনীসকল,

এনেকুৱা হৈছে সৰ্বস্পৰ্শী, সৰ্বাংগীন উন্নয়ন, আৰু সেয়াই হ’ল সুশাসন। আপোনালোকে চাওক পদপথৰ ব্যৱসায়ীসকলৰ ওপৰত সৰু ব্যৱসায় কৰা সতীৰ্থসকলে কিমান অসুবিধাৰ সন্মুখীন হয়৷ এতিয়া গোদৌলীয়াৰ পৰা দশশ্বামেধলৈ গৌৰৱ পথটোও নিৰ্মাণ কৰা হৈছে, গতিকে এতিয়া তাত দশাশ্বৱমেধ চৌহদো নিৰ্মাণ কৰিবলৈ ওলাইছে। এই চৌদহে পদপথৰ ব্যৱসায়ীসকলক সুবিধাৰে নিজৰ দোকানখন কৰাৰ সুযোগ প্ৰদান কৰিব। চৌকাঘাট-লহাৰতাৰা উৰণীয়া সেঁতুৰ তলত প্ৰায় ২ কিলোমিটাৰ দৈৰ্ঘ্যৰ এটা বিশেষ ব্যৱসায়ৰ স্থান নিৰ্মাণ কৰা হৈছে। সাৰনাথতো আজিৰে পৰা বৌদ্ধ চাৰ্কিট নিৰ্মাণৰ কাম আৰম্ভ হৈছে, পথৰ ব্যৱসায়ীসকলৰ বাবেও বিশেষ সুবিধা নিৰ্মাণ কৰা হ’ব।

বন্ধুসকল,

বিশেষ অৰ্থনৈতিক মণ্ডল, অৰ্থনীতি কৰিড’ৰৰ দৰে ব্যৱস্থাৰ বিষয়ে নিশ্চয় বহুত শুনিছে, কিন্তু কাশীত পদপথৰ ব্যৱসায়ীৰ বাবে বিশেষ মণ্ডল নিৰ্মাণ কৰাও দেখিবলৈ পাইছে। কেৱল এই সুবিধাই নহয়, প্ৰথমবাৰৰ বাবে পিএম স্বনিধি যোজনাৰ অধীনত ষ্ট্ৰীট ভেণ্ডৰ সকলে বেংক লোন লাভ কৰিবলৈ আৰম্ভ কৰিছে। এতিয়ালৈকে সমগ্ৰ দেশতে ইয়াৰ অধীনত প্ৰায় ৩৩লাখ বন্ধুৱে সহজে ঋণ লাভ কৰিছে, ইয়াৰে হাজাৰ হাজাৰ বন্ধু মোৰ কাশীৰে।

বন্ধুসকল,

আমাৰ চৰকাৰে সদায় দৰিদ্ৰ লোকসকলৰ সমস্যা সমাধানৰ বাবে চেষ্টা কৰি আহিছে, তেওঁলোকৰ সুখ-দুখত সহায় কৰিবলৈ চেষ্টা কৰি আহিছে। ক’ৰোনাৰ বিনামূলীয়া ভেকচিনৰ পৰা আৰম্ভ কৰি দৰিদ্ৰ লোকক বিনামূলীয়া ৰেচন প্ৰদান কৰালৈকে চৰকাৰে আপোনালোকক সেৱা আগবঢ়োৱাত কোনো ত্ৰুটি ৰখা নাই। বছৰ বছৰ ধৰি যিদৰে ডিজিটেল আন্তঃগাঁথনিৰ উন্নতি হৈছে, দৰিদ্ৰ আৰু মধ্যবিত্ত শ্ৰেণীয়ে আৰু অধিক লাভৱান হৈছে।

আজি আপোনালোক বানাৰাছবাসী সাক্ষী যে কেনেকৈ ম’বাইল ফোন সস্তীয়া হৈ পৰিছে, ফোন কল কৰাটো প্ৰায় বিনামূলীয়া হৈ পৰিছে। এতিয়া ইণ্টাৰনেট খুব সস্তীয়া হৈ পৰিছে, জীৱনটো সহজ হৈ পৰিছে, উপাৰ্জনৰ নতুন উপায় মুকলি হৈছে। দেশত দিনক দিনে ফোন আৰু ইণ্টাৰনেট ব্যৱহাৰকাৰীৰ সংখ্যা বৃদ্ধি পাইছে, গতিকে ইয়াৰ সৈতে জড়িত ব্যৱসায়ৰো সম্প্ৰসাৰণ ঘটিছে।

কম বিনিয়োগেৰে ইয়াৰ সৈতে জড়িত সেৱাসমূহত যুৱক-যুৱতীসকলৰ বাবে কৰ্মসংস্থাপনৰ সুযোগ সৃষ্টি হৈছে। একেদৰে আমি ৫ লাখ টকা পৰ্যন্ত বিনামূলীয়াকৈ যি চিকিৎসা প্ৰদান কৰিছো, সেই চিকিৎসাই দুখীয়াৰ বহু চিন্তা আঁতৰাই নাইকিয়া কৰিছে। ইয়াৰ লগে লগে সেই দুখীয়া লোকসকলেও চিকিৎসালয়লৈ যোৱাৰ সাহস গোটাবলৈ সক্ষম হৈছে, যিসকলে আগতে ধনৰ অভাৱত চিকিৎসাৰ পৰা হাত সাৰিছিল। অৰ্থাৎ চিকিৎসালয়ৰ চাহিদা বাঢ়িছে, চিকিৎসা মহাবিদ্যালয়ৰ চাহিদা বাঢ়িছে। যোৱা কেইবছৰমানৰ পৰা আমি উত্তৰপ্ৰদেশত নিজেই কেইবা ডজন নতুন চিকিৎসা মহাবিদ্যালয় নিৰ্মাণ কৰিছো। কাশীতে কৰ্কট ৰোগৰ চিকিৎসাৰ পৰা আৰম্ভ কৰি সকলো ৰোগৰ আধুনিক চিকিৎসালৈকে কি এক বিশাল নেটৱৰ্ক গঢ় দিয়া হৈছে।

বন্ধুসকল,

এফালে আমি দেশৰ চহৰবোৰ ধোঁৱামুক্ত কৰি তুলিবলৈ চিএনজিৰ দ্বাৰা পৰিচালিত বাহনৰ সুবিধাসমূহ সম্প্ৰসাৰণ কৰি আছো। আনহাতে, আমি গংগাজীৰ যত্ন লোৱা আমাৰ নাৱৰীয়াসকলৰ ডিজেল আৰু পেট্ৰ’লচালিত নাওসমূহক চিএনজিৰ সৈতে সংযোগ কৰাৰ বিকল্প সুযোগো দিছো৷ ঘাটত অৱস্থিত দেশৰ প্ৰথমটো চিএনজি ষ্টেচন কাশীত স্থাপন কৰা হৈছে আৰু কাশীয়ে ইয়াৰ বাবে গৌৰৱ কৰিব পাৰে। ৬৫০খন ডিজেল-পেট্ৰ’ল নাঁৱৰ ভিতৰত ৫০০খন চিএনজিৰ সুবিধাৰ সৈতে সংযোগ কৰা হৈছে।

এই সুবিধাৰ জৰিয়তে পৰ্যটকসকলে শান্তিৰে গংগাজীক প্ৰত্যক্ষ কৰাৰ আনন্দ লাভ কৰিব, পৰিৱেশৰো লাভ হ’ব। একে সময়তে নাৱৰীয়াসকলৰ বাবে ইন্ধনৰ ব্যয়ো যথেষ্ট হ্ৰাস পাব। অৰ্থাৎ কম খৰচত অধিক উপাৰ্জনৰ পথ মুকলি হ’ব।

ভাই-ভনীসকল,

কাশী কেৱল জ্ঞান, বিশ্বাস আৰু আধ্যাত্মিকতাৰ নগৰ হোৱাই নহয়, ইয়াত ক্ৰীড়াৰ এক চহকী পৰম্পৰাও আছে। আৰু আজি মই বিমানবন্দৰৰ পৰা ইয়ালৈকে সকলো খেলুৱৈক সাক্ষাৎ কৰিছো। সকলো খেলুৱৈ মোৰ সন্মুখতে বহি আছে। এই ফালেও গোটেই দলটোৰ খেলুৱৈ আছে। আজি মই তেওঁলোকৰ উৎসাহ দেখিবলৈ পাইছো, অনুভৱ কৰিছো যে কাশীত নিৰ্মাণ হৈ থকা এই ষ্টেডিয়ামখনে এতিয়া কাশীক নতুন মাত্ৰা প্ৰদান কৰিব। ইয়াত থকা আখাড়েবোৰে ব্যায়াম আৰু মল্লযুঁজৰ জৰিয়তে ফিটনেছৰ প্ৰসাৰ ঘটাইছে। আজিও নাগ পঞ্চমীৰ দিনা আমি এই আখাডাবোৰত পুৰণি কালৰ আভাস দেখিবলৈ পাও।

কিন্তু ক্ৰীড়া কেৱল ফিটনেছ আৰু মনোৰঞ্জনৰ মাধ্যমেই নহয়, জাতিটোৰ গৌৰৱ বৃদ্ধি কৰি উন্নত কেৰিয়াৰ গঢ়ি তোলাৰ এক মহান মাধ্যমো। বছৰ বছৰ ধৰি বাৰাণসীকে ধৰি পূৰ্বাঞ্চলৰ বহু খেলুৱৈয়ে আন্তঃৰাষ্ট্ৰীয় পৰ্যায়ত ভাল প্ৰদৰ্শন কৰিছে। অলিম্পিক ক্ৰীড়াৰ সৈতে জড়িত প্ৰতিটো খেলৰ আধুনিক সুবিধা আমাৰ কাশীত সাজু কৰিবলৈ চৰকাৰৰ অহৰহ প্ৰচেষ্টা গ্ৰহণ কৰি আহিছে।

আজি আমি যিখন ষ্টেডিয়ামত এই জনসভা অনুষ্ঠিত কৰিছো, সেইখন ষ্টেডিয়াম অতি সোনকালে বিশ্বমানৰ সা-সুবিধাৰে সু-সজ্জিত হ’বলৈ গৈ আছে। ৬ দশক পূৰ্বে নিৰ্মাণ কৰা এই ষ্টেডিয়ামত একবিংশ শতিকাৰ সুবিধাসমূহ উপলব্ধ হ’ব। ইয়াত ২০টাতকৈ অধিক খেলৰ বাবে অত্যাধূনিক ইনড’ৰৰ সুবিধা থাকিব। উন্নত প্ৰশিক্ষণ ব্যৱস্থা, ফিটনেছ চেণ্টাৰ, হোষ্টেল আদি ব্যৱস্থা ইয়াত উপলব্ধ৷

শিশুসকলৰ বাবে এটা কিডছ জ’নো থাকিব, যাতে তেওঁলোকে খেলা-ধূলা, ফিটনেছৰ প্ৰতি উৎসাহিত হ’ব পাৰে আৰু কম বয়সতে তেওঁলোকে পেছাদাৰী ক্ৰীড়াৰ প্ৰতি প্ৰৱল হৈ পৰিব। সমগ্ৰ কমপ্লেক্সটো আধুনিক সুবিধাৰ লগতে পেৰা গেমছৰ বাবে অনুকূল হ’ব। ড০ ভীমৰাও আম্বেদকাৰ ক্ৰীড়া কমপ্লেক্সত থকা এথলেটিকছ আৰু বাস্কেটবলৰ আধুনিক সা-সুবিধাসমূহেও যুৱ খেলুৱৈসকলক যথেষ্ট সহায় কৰিব।

ভাই-ভনীসকল,

কাশীৰ অবিৰত বিকাশৰ এই ধাৰা গংগাজীৰ দৰে বৈ যাবলৈ আমি সকলোৱে প্ৰচেষ্টা চলাব লাগিব। হয়, কাশী আৰু গংগাজীৰ স্বচ্ছতাৰ বাবে আমি যি প্ৰতিশ্ৰুতি লৈছো সেয়া কেতিয়াও পাহৰিব নালাগে। মনত আছেনে? মনত আছেনে? মাত্ৰ দুয়োখন হাত ওপৰলৈ তুলি কওক -মনত আছেনে? আমাৰ কাশী পৰিষ্কাৰ হৈ থাকিবনে? আমাৰ কাশী পৰিষ্কাৰ হৈ থাকিবনে? আমাৰ মাতৃ গংগা পৰিষ্কাৰ হৈ থাকিব নহয়নে? ইয়াত কোনো ধৰণৰ বেমেজালি নহয়, হয় নে? ইয়াত কোনো ধৰণৰ অৰাজকতা হ’বলৈ নিদিয়ে, হয়নে? এয়া আমাৰ কাশী, আমি এই কাশী ৰক্ষা কৰিব লাগিব, এই কাশী গঢ় দিব লাগিব আৰু আমি সকলোৱে মিলি ইয়াক গঢ় দিম।

ৰাস্তা-ঘাট, বজাৰসমূহ পৰিষ্কাৰ-পৰিচ্ছন্ন কৰি ৰখাটো আমাৰ সকলো কাশীবাসীৰ দ্বায়িত্ব। বাবা বিশ্বনাথৰ আশীৰ্বাদ, কাশীবাসীৰ বিশ্বাসেৰে আমাৰ প্ৰতিটো সংকল্প পুৰণ হ’বলৈ ওলাইছে। আকৌ এবাৰ আপোনালোক সকলোকে বহুত বহুত অভিনন্দন জনালো।

হৰ হৰ মহাদেৱ! ধন্যবাদ !

***

DS/TS/NS/DB