হর হর মহাদেব!

কাশী অসি ‘সাত বার, নো ত্যোহার’ হায়বদি চয়োলগী নুমিৎ তরেৎনিদা কুহ্মৈ মাপল হায়না খঙনৈ। হায়বদি নুমিৎ খুদিংগী মফম অসিদা অনৌবা কুহ্মৈশিং পাঙথোক্লি। ঙসি থৌরম অসিদা তিনবীরিবা পুম্নমক্তা খুরুমজরিঙ!

উত্তর প্রেদেশকী রাজ্যপাল অনন্দিবেন পতেলজী, ইকাই খুম্নরবা মুখ্য মন্ত্রী য়োগী আদিত্যনাথ, য়ু.পি. সরকারগী মন্ত্রীশিং, এম.পি.শিং, এম.এল.এ পুম্নমক, বনারসকী ইচিল-ইনাওশিং!

অহানবদা ঐহাক্না থমোয় শেংনা পুম্নমকপু থাগৎপা ফোঙদোকচনীংই। বিধান সভা মীখলশিংদা ঐহাক্না নখোয়গী নাক্তা লৈখি অমসুং উত্তর প্রদেশতা সরকার অসি অমুক হন্না শেম্বদা নখোয়গী মতেং পীবিনবা হায়জখি। নখোয়না, উত্তর প্রদেশকী মীয়াম্না, কাশীগী মীয়ামদা ঐঙোন্দা শৌগৎখিবা অসিদা অপেনবা পোকই। মীখল মতুংদা অহানবা ওইনা ঐহাক্না ঙসি নখোয়গী নাক্তা লাক্লি। ঐহাক্না কাশীগী মীয়াম, উত্তর প্রদেশকী মীয়ামবু থমোয়দগী থাগৎপা ফোঙদোকচবা অমসুং মখোয়দা নুংঙাইবা ফোঙদোকচবা পাম্মি।

ঙসি ঐখোয়না শেংলবা, মতিক-ময়াই লৈরবা অমসুং পমনৌ নৌবা  কাশীদা হৌখিবা চহি নিপান অসিদা পাইখৎলিবা চাউখৎ-থৌরাং অসিগী কুহ্মৈদা অমুক হন্না শাহৌ পীরি। কাশী অসি মতম চুপ্পদা ভাইব্রেন্ত ওই অমসুং লেপ্পা লৈতনা খুমাং চাউশিল্লি। হৌজিক কাশীনা লৈবাক পুম্বগী মাংদা হেরিতেজ অমসুং দিবেলপমেন্ত অনিমক্কী শক্তম অমা য়েকখি; চাউথোরক্লিবা, লেপ্পা লৈতনা দিভাইন ওইরক্লিবা অমসুং ইনোভেতিব ওইবা হেরিতেজ অমা, লম্বীশিং, পুখ্রিশিং, ঘাতশিং অমসুং কাশীগী লম্বেল লোয়ননা রেলৱে স্তেসন অমসুং এয়রপোর্ত্তা লেপ্পা লৈতনা শন্দোরক্লিবা চাউখৎহনবা অমা।
কাশীদা প্রোজেক্ত অমা হেক লোইবগা অনৌবা প্রোজেক্ত মরি পাইখৎলি। ঙসিসি মফম অসিদা লুপা করোর ১,৭০০ হেনবগী প্রোজেক্ত কয়ামরুম শঙ্গাখি অমসুং উরেপ উয়ুং তমখি। কাশীদা লম্বী, ঈশিং, মৈ, হকশেল, এজুকেসন, সেনিতেসন অমসুং শেমগৎ-শাগৎপগী লুপা করোর কয়া ওইবা প্রোজেক্তশিং লোইশিনবা ঙমখ্রে। মরম অসিনা লুপা করোর লিশিং কয়াগী প্রোজেক্তশিংগী থবক লেপ্পা লৈতনা চত্থরি।                                                                                                                                                                                                                                                                                                                                                                                           

ইচিল-ইনাওশিং,

কাশীগী থৱায়দি মত্থৎপা ঙমলোই অদুবু মাগী স্ত্রকচর রিফোর্ম তৌনবা ঐখোয়না লেপ্পা লৈতনা হোৎনরি। ঐখোয়গী ওইনা চাউখৎপা হায়বা অসিগী পান্দম অসি কাশীবু হেন্না দাইনামিক, প্রোগ্রেসিব অমসুং সেন্সিতিব ওইহনবনি। কাশীগী মোদর্ন ইনফ্রাস্ত্রকচরনা মাগী দাইনামিজম হেনগৎহল্লি। এজুকেসন, স্কিলশিং, অকোইবগী ফীভম, লুনানবা অমসুং ললোন-ইতিক থৌগৎলবা মতমদা চাউখৎপা ঙম্মি; অনৌবা স্কুলশিং শাগৎলি লাইনিংগা মরী লৈনবা শেংলবা  মফমশিংগী দিবিনিতী অসি মতমগা চুননা শেমগৎলি। মসিগা লোয়ননা লায়রবশিংনা য়ুম, মৈ, ঈশিং, গ্যাস, অমাংশঙ অসিগুম্বা খুদোংচাবশিং ফংলবা মতমদা অমসুং হীরোই, ফী শাবা, আর্তিসেন, স্ত্রীৎ ভেন্দর অমসুং য়ুম লৈতবা অসিগুম্বা মীওই খুদিংমক্না কান্নবা ফংলবা মতমদা চাউখৎপা হায়বা অসি ইনক্লুসিব ওই হায়না লৌগনি।

ঙসিগী থৌরম অসিদা শঙ্গাখিবা অমসুং উরেপ-উয়ুং তম্বখবা অসিনা দাইনামিজম, প্রোগ্রেসিবনেস অমসুং সেন্সিতিবিতী উৎলি। ঐহাক্কী কাশী অসি ‘সবকা সাথ, সবকা বিকাস, সববকা বিশ্বাস, সবকা প্রয়াস’কী ফজবা খুদমনি।

ইচিল-ইনাওশিং,

নখোয়গী এম.পি. ওইনা শেবা তৌজনবা ঐঙোন্দা খুদোংচাবা অমসু পীবিখি। অদুনা করিগুম্বা নখোয়না অফবা অমা তৌবা মতমদা মদুনা ঐহাক্কী নুংঙাইবা হেনগৎহল্লি। কাশীগী লৌশিং লৈবা প্রজাশিংনা লৈবাক অসিবু লমজিংলিবা মওং অসি উবদা ঐহাক্না য়াম্না অপেনবা পোকই। কাশীগী প্রজাশিংনা শোর্ত-কতশিংনা লৈবাক অসিদা কান্নবা ফংহনবা ঙমলোই হায়না লৈবাক পুম্বদা পাউজেল অমা পীখি। মসিনা লুচিংবা খরদা কান্নবা পীবা য়াই অদুবু লৈবাক নত্ত্রগা মীয়ামদদি কান্নবা পীবা ঙমলোই।

২০১৪দা কাশীদা লাক্লবা মতুং মীয়াম্না লাক্লগা ৱাহংশিং খুদম ওইনা – “মফম অসিদা সম্যা কয়া লৈ, করম্না পুম্নমক অসি কোকহনগদৌরিবনো?” হায়না হংখিবা অদু ঐহাক্না হৌজিকসু নীংশিংলি।

মসি মীয়াম্না হংফম থোকপনি, চুমদ্রা? মখোয়গী ৱাখল্লোন অদু চুম্মি। বারানসীদা চাউখৎনবা অমসুং অহোংবা পুরক্নবা লম কয়া মফম খুদিংদা লৈরমখি। বারানসীদা দিকেদ কয়া ফীভম ফগৎহন্নবা করিগুম্বা অমত্তা পাইখৎলমদে হায়বা য়াম্না ময়েক শেংখি। অদুগুম্বা ফীভম অমদা কনাগুম্না শোর্ত-কতশিং শীজিন্নবা অসি য়াম্না অরাইবা ওইরমখি অদুবু মহাক্না মদুদগী হেন্না খনবদি ঙমখি। কনানা করিগীদমক ৱানা হোৎনরুগনি?

অদুবু অচুম্বা লম্বী তাকপীখিবা অমসুং অচুম্বা লম্বী খনবীখিবগীদমক ঐহাক্না বনারসকী মীয়ামবু থাগৎচনীংই। মখোয়না হৌজিক খক্কী নত্তনা তুংলমচৎতা দিকেদ কয়া বারানসীদা কান্নবা পীগদবা থবক মখল অদু অমত্তা ওইনা য়ান্নদুনা দিমান্দ তৌখি।

কাশীগী ঐহাক্কী নুংশিরবা ইচিল-ইনাওশিং,

পাইখৎলিবা থবক অসি তুংদা কনগদৌরিব্রা নত্ত্রগা কন্নারোইদৌরিব্রা? মসি তুংগী মীরোলদা কান্নগদৌরিব্রা নত্ত্রগা কান্নরোইদৌরিব্রা? মসিনা মফম অসিগী নহারোলশিংগী তুংলমচৎতা মঙাল পীগদ্রা? ভারত পুম্ববু কাশীগী মাইকৈদা চীংশিনবা ঙমগদ্রা নত্ত্রগা ঙমলোইদ্রা? ভারত পুম্বনা কাশিদা লাক্কদ্রা নত্ত্রগা লাকলোইদ্রা?

মরুপশিং,

ঙসি ঐখোয়না লোং-তর্ম প্লান্নিংতৌরবদি অফবা ফলশিং ফংই হায়বা উবা ফংলি। হৌখিবা চহি নিপান অসিদা কাশীগী ইনফ্রাস্ত্রকচরনা করম্বা থাক য়ৌরে? মসিনা লৌমীশিং, শিন্মীশিং অমসুং ললোন-ইতিক তৌবশিংদা কান্নবা পীরি। ললোন-ইতিক খুমাং চাউশিল্লি, তর্নওভর হেনগৎলক্লি অমসুং তুরিজম পাকথোক চাউথোরক্লি।

রিক্ষো থৌবনা হায়, “সর, নুমিৎ চুপ্পা ঐহাক্না থবক মরাং কাইনা ফংলে”। ললোন-ইতিক তৌরিবনা হায়, “সর, থা অমা খক্তদা থা তরুক্তা য়োনগদা পোৎশিং য়োনবা ঙম্লে”। মসি অচুম্বরা নত্ত্রগা অরানবরা? খুমাং চাউশিনবরা নত্ত্রগা শোত্থরকপরা? অমসুং লম্বীশিং শেম্লি, লায়রবশিংগী য়ুমশিং শারি, পাইপলাইনশিং তিংলি অমসুং অপীকপা দুকানদারশিং লোয়ননা সিমেন্ত অমসুং স্তীলগুম্বগী ইন্দস্ত্রীগা মরী লৈনবা কনস্ত্রক্সনগী ললোন-ইতিক চাউখৎলক্লি। অতোপ্পা ৱাহৈদা হায়রগনা, মসিনা বারানসী অমসুং অপুনবা লমদমগী থবক পীনবগী অচৌবা লম্বী ওইরক্লি।

বারানসীগী মীয়াম্না মীৎয়েং শান্না উবা ঙম্বা অদুনা হৌজিক লমদম পুম্বা অসি চাউখৎহল্লি। ঙসি করিগুম্বা অদোম্না কাশী, মতুংদা রিং রোদ, ব্রোআদ নেস্নেল হায়ৱে, বাবতপুর সিতী লিঙ্ক রোদ, আশাপুর আর.ও.বি., চৌকাঘাত-লহরতারা ফ্লাইওভর অমসুং মহমুরগঞ্জ-মন্দৱাদী ফ্লাইওভর অসি কোইনা য়েংলুবদা মসিনা বারানসীগী মীয়ামগী পুন্সিদা নুংঙাই হল্লিবা অসি উবা ফংগনি বরুনাগী মথক্তা রেল ওভর ব্রিদজ শাবা লোইখিবা মতমদা ফেসিলিতী অসি হেন্না ফগৎলক্কনি।

কাশিদা ঙসি লম্বী অহুম হেন্না পাকথোকপগূ থবক পাইখৎলি, মসিগা লোয়ননা মউ, অজমগর, গাজিপুর, বালইয়া, ভাদোই, মির্জাপুর অসিগুম্বা জিলা কয়াদা চত্থোক-চৎশিন তৌবা নুংঙাইহল্লগনি অমসুং কাশীদা ত্রাফিক জামগী সমস্য অসিসু হন্থহল্লগনি।

ইচিল-ইনাওশিং,

অকোইবদা লৈরিবা খুঙ্গংগা সহরশিংগী অচৌবা লম্বীশিংগা ফাওনহন্নবা লম্বী ৯গী উরেপ-উয়ুং ঙসি তমখি। লম্বীশিং অসিনা মনাক নকপা মফমশিংদা লৈরিবা লৌমীশিং অমসুং নহারোলশিংনা নোংজু থাদা সহরদা চৎপদা থেংনরিবা খুদোংচাদবা অসি কোকহল্লগনি।

য়োগী সরকারনা তেহসিল অমসুং ব্লোক হেদক্বাতরশিংগা দিস্ত্রিক্ত হেদক্বাতরশিংগা ফাওননবা  লম্বী পাকথোকপগী থবক পাইখৎলি। ঙসি সেৱাপুরিদগী বারানসী ফাওনরিবা লম্বী পাকথোকপগী থবক হৌখ্রে। মসি মপুং ফানা লোইরবা মতমদা বারানসী জিলাগী তেহসিল অমসুং ব্লোক হেদক্বাতর পুম্নমক মিত ৭ পাকপা লম্বীশিংনা শম্নহল্লগনি।

ইচিল-ইনাওশিং,

হৌজিক নোংজু থা য়ৌরক্লে। লৈবাক অমদি মালেম শিনবা থুংবদগী বাবাগী মশিং য়াম্লবা ভক্তাশিংনা কাশীদা লাক্লগনি। মসি বিশ্বানাথ ধাম প্রোজেক্ত লোইখ্রবা মতুং অহানবা সাৱন উৎসব ওইগদৌরি। হৌখিবা থা খরা অসিদা মালেম পুম্বনা বিশ্বানাথ ধামগী মতমদা ফাওরিবা নুংঙাইবা মখল অদু উবা ফংলগনি।

শাজরবসু হৌজিক নুমিৎ খুদিংগী কাশী বিশ্বানাথ ধামদা ভক্তা লাখ কয়া লাকই হায়ন য়োগীজীনা তাকপীরি। মতম অসিদসু বাবাগী ভক্তাশিংনা মতিক-ময়াই লৈবা, অচৌবা অমসুং অনৌবা কাশী অদু মফম অসিদা এক্সপরিয়েন্স তৌবা ফংলি।

ইচিল-ইনাওশিং,

মালেম পুম্বদগী লাক্লিবা ভক্তা অমদি লমকোইবশিংদা কাশীদা অপনবা লৈতবা দিভোসন অমসুং স্পিরিচুএলিতীগী এক্সপরিয়েন্স ফংহন্নবা ঐখোয়না থাজবা পীরি।  মমাংদা ত্রীর্থ য়াত্রা চৎপা মীওই অমনা ঐখোয়গী মফমদা থুংবা মতমদা খুঙ্গংশিংগী মীয়াম্না মহাকপু মখোয়গী য়ুমদা কৌদুনা মহাকপু পীজ-পীথক তৌই। মখোয়না ত্রীর্থ য়াত্রা চৎপা মীওইবু শেবা তৌনবা অঙম্বা থাক্তা হোৎনৈ। মান্নবা চৎনবী অমা কাশীদা লৈ। নুংগী ৱাখল্লোন্দি ভক্তাদা মখল অমতগী খুদোংচাদবা মায়োক্নহন্দবা হায়বা অসিনি।

ঐখোয়গী সরকারনা মান্নবা ৱাখল্লোনগা লোয়ননা থবক পাইখৎলি। সরকারনা ভক্তাশিংগী নুংঙাইনবগীদমক কাশী ভৈরব য়াত্রা, নব-গৌরি য়াত্রা, নবদুর্গা য়াত্রা, অস্তবিনায়ক য়াত্রা অসিগুম্বা খুদোংচাবশিং ত্রীর্থ য়াত্রাগীদমক থম্লি। পঞ্চকোসি পরিক্রমা চৎপদা ত্রীর্থ য়াত্রা অমনা পোত্থোক্নবা অমসুং মফম কয়ামরুমদা লাইনা থৌনিজনবা শিল-লাংই।

ইচিল-ইনাওশিং,

ঐখোয়গীদমক্তদি চাউখৎপা হায়বা অসি অকে-অমৌ নত্তে। ঐখোয়গীদমক্তদা চাউখৎপা হায়বা অসি লায়রবা, তুহৎপীরবা, শোত্থরবা, খুদোংচাবা ফংদ্রবা, আদিৱাসী, ইমা-ইবেল অমসুং ইচে-ইচলশিংদা শক্তি পীবনি। ঙসি বারানসীগী লায়রবা ইমুং ৬০০ হেনবনা পিএম. আৱাজ য়োজনাগী মখাদা পক্কাগী য়ুম শারে। হায়বদি ঐখোয়গী অনৌবা লাখপতি ৬০০ লৈরে হায়বনি। য়ুমগী মঙলান মঙফাওনবা ঙমলবা পুম্নমক্তা ঙসি ঐহাক্না নুংঙাইবা ফোঙদোকচরি!

ঐখোয়না লায়রবা ইমুং খুদিংদা পক্কাগী য়ুম ফংহন্নবা অমসুং খুঙ্গংগী ইমুং খুদিংমক তোতি ঈশিংগী সপ্লাই ফংহন্নবা ফিরেপশিং থুংহন্নবা খোঙজেল য়াংনা হোৎনরি। জল জীবন মিসনগী মখাদা ৱাতর প্রোজেক্ত কয়া পাইখৎখ্রে। ইমুং লিশিং কয়া, মরু ওইনা ইচে-ইচলশিংদা মসিনা চাউনা কান্নবা পীরি। ‘পুম্নমক্কী চাউখৎপা” হায়বা ৱাখল্লোন অসি কনা লৈজদ্রবা ইমাশিং, ইচে-ইচলশিং অমসুং ইচানুপীশিংগী শেলতর হোমনা মপাঙ্গল কনখৎহনগনি।

ইচিল-ইনাওশিং,

অসিগুম্বা ইক্লুসিব দিবেলপমেন্ত অমসুং হীরম পুম্নমক্তা চাউখৎপা হায়বা অসি করিসু নত্তে গুদ গভর্নান্সনি। অদোম্না য়েংবীয়ু, অপীকপা ললোন-ইতিক তৌবা মীওই অমদি স্ত্রীৎ ভেন্দরশিংনা খুদোংচাবা কয়া মায়োক্নরমখি। হৌজিক্তি গোদোলিয়া অমসুং দশাশ্বমেথকী মরক্তা গৌরব পাথ শাখ্রে। হৌজিক দশাশ্বমেথ কমপ্লেক্সসু মফম অসিদা শারগনি। কমপ্লেক্স অসিনা স্ত্রীৎ ভেন্দরশিংদা মখোয়গী পোৎশিং য়োনবা ফংহল্লগনি। চৌকাঘাত-লহরতারা ফ্লাইওভরগী মখাদা কিমি ২শাংবা অখন্নবা ভেন্দিং জোন অমা শাখি। সরনাথতা ঙসি বুদ্ধিস্ত সর্কিৎ অমা শেমগৎপগী থবক হৌখ্রে।

মরুপশিং,

অদোম্না এস.ই.জেৎ অমসুং ইকনোমিক কোরিদোর্স অসিগুম্বা সিস্তেমশিংগী মতাংদা য়াম্না তারম্লগনি অদুবু হৌজিক নখোয়না কাশিদা স্ত্রীৎ ভেন্দরশিংগীদমক অখন্নবা জোনশিং শেমগৎপা উরি। মসিগী মথক্তা অহানবা ওইনা স্ত্রীৎ ভেন্দরশিংনা পি.এম. স্বনিধি য়োজনাগী মখাদা বেঙ্ক লোনশিং ফংবা হৌখ্রে। হৌজিক ফাওবদা মরুপ লাখ ৩৩না স্কিম অসিগী মখাদা লায়না লোনশিং ফংখ্রে, মখোয়গী মরক্তা কাশীদগী মরুপ লিশিং কয়া য়াওরি।

মরুপশিং,
ঐখোয়গী সরকারনা মতম চুপ্পদা লায়রবশিংগী সমস্যাশিং কোকহন্নবা অমসুং মখোয়দা তেংবাং পীনবা হোৎনদুনা লাকখি। কোরোনা ভেক্সিন লেম্না কাপ্পদগী লায়রবশিংদা লেম্না রাসন ফংহন্দুনা সরকারনা নখোয়গী শেবা তৌনবগী খুদোংচাবা অমত্তা লেম্না মাংহনখিদে। লায়রবা অমসুং মিদল ক্লাসনা চহি খরা অসিদা শেমগৎলকখিবা দিজিতেল ইনফ্রাস্ত্রকচরগী মতেংগা লোয়ননা চাউনা কান্নবা ফংখি।

ঙসি বারানসীগী মীয়ামনা মোবাইল ফোনশিং হোংদোরকপা অমসুং কোল অয়াম্বা লেম্না তৌবা য়ারিবা অসি উবা ফংলি। হৌজিক ইন্তর্নেৎ অসি য়াম্না হোংদোক্লে, পুন্সি হিংবদা লায়হল্লে অমসুং শেন্থোক লৈনবা অনৌবা পাম্বৈশিং থোরক্লে। লৈবাক অসিদা নুমিৎ খুদিংগী ফোন অমসুং ইন্তর্নেৎ য়ুজরশিংগী মশিং হেনগৎলক্লি। মসিগী ফল ওইনা মসিগা মরী লৈনবা ললোন-ইতিকসু চাউখৎলক্লি।

য়াম্না তানা  ইনভেস্তমেন্তশিং তৌদুনা মরী লৈণবা সর্ভিসশিংদা নহারোলশিংগীদমক থবক্কী খুদোংচাবশিং পীরি। মসিগা মান্ননা লায়রবশিংদা ৱাখল ৱাবা তৌহন্দনা লুপা লাখ ৫ ফাওবগী লেম্না লায়েং ফংহল্লি। মসিগা লোয়ননা লায়রবা মীওইশিংনা ফাওবা লায়েংনবা হোস্পিতালশিংদা চৎনবগী থৌনা ফংলে। হায়বদি হোস্পিতালশিংগী দিমান্দ হেনগৎলক্লি; মেদিকেল কোলেজশিংগী দিমান্দ হেনগৎলক্লি হায়বনি। হৌখিবা চহি খরা অসিদা ঐখোয়না য়ু.পি.দা অনৌবা মেদিকেল কোলেজ কয়া লিংখৎখ্রে। কাশীমক্তদা কেন্সর অমসুং অতোপ্পা লায়নাশিংগীদমক মোদর্ন ত্রীৎমেন্তগী অচৌবা নেৎৱার্ক অমা শেমখ্রে।

মরুপশিং,
নাকল অমরোমদা ঐখোয়না লৈবাক অসি মৈখু চেনবা ওইহন্নবা সহরশিংদা সি.এন.জি.না চল্লাইবা গারীশিং চেলহনবা হেনগৎলক্লি। নাকল অমদনা ঐখোয়না গঙ্গাগীদমক খনবা হীরোয়শিংদা দিজল অমসুং পেত্রোলগী হীশিং সি.এন.জি.দা ওন্থোক্নবা ওপ্সন পীরি। লৈবাক অসিগী অহানবা সি,এন.জি. স্তেসন কাশীগী ঘাত্তা লৈ অমসুং কাশীনা মসিগীদমক চাউথোকচবা পোকজি। দিজল-পেত্রোলগী হী ৬৫০গী মনুংদা ৫০০দি সি.এন.জি.গী খুদোংচাবা লৌখ্রে।

খুদোংচাবা অসিগা লোয়ননা লমকোইবশিংনা ইংনা চিক্না গঙ্গা য়েংবগী নুংঙাইবা অদু ফংলে অমসুং মসিনা অকোইবদসু কান্নবা পীরি। মসিগা ইরোইননা হীরোয়শিংনা থাওদা চৎলম্বা চাদিংসু চাউনা হন্থবা ঙম্লে। হায়বদি চাদিং খজিক্তং তৌদুনা শেন্দোং হেন্না লৈনবা লম্বীগী থোং হাংলগনি।

ইচিল-ইনাওশিং,

কাশী অসি লৌশিং, লাইনিং অমসুং স্পিরিচুএলিতীগী সহর অমা ওইবতা নত্তনা  মসিদা স্পোর্তসকী ফজরবা চৎনবী লৈজৈ। অমসুং ঙসি ঐহাক্না এয়রপোর্ত্তগী মফম অসি ফাওবা লাকপগী খোঙচৎতা শান্নরোয়শিং অদু উনবা ফংজখি। শান্নরোয় পুম্নমক ঐহাক্কী মাংদা ফম্মি। নাকল অসিদসু শান্নরোয় কয়া ফম্মি। মখোয়গী থৱায় য়াওবা মতৌ উবদা নুংঙাইবা ফাওই। কাশীদা শাখিবা স্তেদিয়ম অসিনা হৌজিক কাশীবু অনৌবা পনখৈ তম্না পুরি। মফম অসিদা লৈরিবা এরেনাশিং অসিনা শাজেল অমসুং মুক্নাগী খুত্থাংদা হকচাং ফনা ধম্মি। ঙসি নেগ পঞ্চমিগী নুমিৎ অসিদা ঐহাক্না এরেনাশিং অসিগী হৌখ্রবা শক্তমশিং অদু উরক্লি।

অদুবু স্পোর্তস হায়বা অসি শুপ্নগী হকচাং ফনা থম্নবা অমসুং নুংঙাইবা খক্তা নত্তে, মসি জাতিগী মীচৎ হেনগৎহন্নবা অমসুং অফবা কেরিয়র শেম্নবা অচৌবা পাম্বৈ অমসু ওইরি। চহি কয়া অসিদা বারানসী য়াওনা পর্বঞ্চলদগী শান্নরোয় কয়ানা মালেমগী থাক্তা শান্নখি। ওলিম্পিক্সকা মরী লৈনবা মশান্না খুদিংমক্কী মোদর্ন ফেসিলিতীশিং লৈহন্নবা অমসুং কাশীদা ফংনবা সরকারনা লেপ্পা লৈতনা হোৎনরি।

ঙসি মীয়ামগী মীফম পাঙথোক্লিবা স্তেদিয়ম অসিদা মালেমগী থাক্কী ফেসিলিতীশিং অথুবদা থম্লগনি। ২১শুবা চহিচাগী ফেসিলিতীশিং দিকেদ ৬কী মমাংদা শাখিবা স্তেদিয়ম অসিদা হাপলগনি। মসিদা গেম ২০ হেনবগী অলত্রা- মোদর্ন ইনদোর ফেসিলুতীশিং লৈরগনি। খ্বাইদগী ফবা ত্রেনিং সেৎঅপ, ফিতনেস সেন্তর অমসুং হোস্তেল মফম অসিদা লৈরগনি।

অঙাংশিংনা স্পোর্তস অমসুং হকচাং ফনা থম্বগী ইথিল পোক্নবা মফম অসিদা অঙাংশিংগীদমক ‘কিদজ জোন’ অমসু থম্লগনি অমসুং মখোয়না ঙল্লিঙৈ মতমদগী প্রোফেস্নেল স্পোর্তসকী মাইকৈদা পুক্নিং চংলগনি। অপুনবা কমপ্লেক্স অসিনা মোদর্ন ফেসিলিতীশিং খক্তা নত্তনা পেরা গেমশিংসু লৈহল্লগনি। দা. ভিমরাও অম্বেদকর স্পোর্তস কমপ্লেক্সতা লৈরিবা এথেলিতিক্স অমসুং বাস্কেৎবোলগী মোদর্ন ফেসিলিতীশিংনা নহা ওইরিবা শান্নরোয়শিংদা চাউনা কান্নবা পীরগনি।

ইচিল-ইনাওশিং,

গঙ্গাগুম্না কাশীদা চাউখৎ-থৌরাংগী ইচেল লেপ্পা নাইদনা চেন্থনবা ঐখোয়না হোৎনরি। চুম্মি, ঐখোয়না কাশী অমসুং গঙ্গা লুনান্না থম্নবা লৌখিবা ৱাশক অদু কৈদৌনুংদা কাওরোইদবনি। মদু নখোয়না নীংশিংবীগদ্রা? নখুৎ থাংগৎতুনা হায়বীয়ু - মদু নখোয়না নীংশিংবীগদ্রা? ঐখোয়গী কাশী অদুমক লুনান্না থমগদগরা? ঐখোয়গী কাশী লুনানহনগদরা? ঐখোয়গী ইমা গঙ্গা অদুমক লুনান্না থমগদগরা? কনা অমত্তনা মোৎশিল্লোই, চুমব্রা? মসি ঐখোয়গী কাশীনি; ঐখোয়না কাশী কনগদবনি; ঐখোয়না কাশী শেমগৎকদবনি অমসুং ঐখোয়না মসি পুন্না পাঙথোক্কদবনি।

লম্বীশিং, ঘাতশিং অমসুং কৈথেলশিং লুনান্না থম্বা হায়বা অসি ঐখোয় পুম্নমক্কী, কাশীদা লৈরিবশিংগী থৌদাংনি। বাবা বিশ্বানাথকী থৌজাল অমসুং কাশী মীয়ামগী থাজবা অসিগা লোয়ননা ঐখোয়না ফিরেপ খুদিংমক থুংহনবা ঙমগনি হায়না ঐহাক্না থাজৈ। ঐহাক্না পুম্নমকপু অমুক্কা হন্না থাগৎপা ফোঙদোকচরি।

হর হর মহাদেব! থাগৎচরি!

***