প্রধানমন্ত্রীগী লোইশঙ
পি.এম.না রাজ্য সভাগী নৌনা নোমিনেৎ তৌখ্রবা মেম্বরশিংদা নুংঙাইবা ফোঙদোকখ্রে
Posted On:
06 JUL 2022 9:42PM by PIB Imphal
প্রধান মন্ত্রী, শ্রী নরেন্দ্র মোদীনা তোঙান-তোঙানবা লমশিংদগী দিগনিতরী কয়ামরুমবু রাজ্য সভাদা মখোয়গী নোমিনেসন তৌখিবগীদমক নুংঙাইবা ফোঙদোকখ্রে। শান্নরোয় পি.তি. উশা, শৈরেংবা ইলৈয়ারাজা, ফিলান্ত্রোপিস্ত অমসুং সোসিএল ৱার্কর শ্রী বীরেন্দ্র হেগরে, ফিল্ম দিরেক্তর অমসুং স্ক্রীনৱাইতর, শ্রী বি. বিজয়েন্দ্র প্রসাদ গারু হায়রিবশিং অসিনা রাজ্য সভাগী নোমিনেসনগীদমক নোমিনীশিং ওইখি।
প্রধান মন্ত্রীনা ত্বিত তৌখি;
“ফীদম্নফম ওইরিবা পি.তি. উশাজী অসি ভারত মচা খুদিংমক্কী ইথিলগী হৌরকফমনি। মহাক্না স্পোর্তসতা মাইপাকখিবশিং অদু পাকশন্না খঙনরি অদুবু মসিগী মান্ননা মহাক্না হৌখিবা চহি কয়া অসিদা অনৌবা শান্নরোয়শিং শেমগৎপগী তৌরিবা থবক অসি শীংথানফম ওইরি। রাজ্য সভাদা নোমিনেৎ তৌরকপদা ঐহাক্না নুংঙাইবা ফোঙদোকচরি। @PTUshaOfficial”
“@ilaiyaraajaজীগী ক্রিএতিব জিনিয়স অসিনা মীরোল কয়াগী মীওইশিংবু শুমহৎখি। মহাক্কী থবকশিংদা ইমোসন কয়া নীংথিনা উৎখি। মসিগা মান্ননা হেন্না ইথিল পীরিবা অসি মহাক্কী পুন্সি খোঙচৎনি – মহাক অসি য়াম্না চম্না হৌরকখি অমসুং মাইপাকপা কয়া ফংবা ঙমখি। মহাকপু রাজ্য সভাদা নোমিনেৎ তৌরকপা অসিদা নুংঙাইবা পোকই।”
“শ্রী বীরেন্দ্র হেগরেনা কম্ম্যুনিতী সর্ভিসকী লমদা শীংথানীংঙাই শরুক তমদুনা মাংজিল থাখি। ঐহাক্না ধর্মস্থালা মন্দিরদা থৌনিজবগী খুদোং চাবা ফংখি অমসুং মহাক্না হকশেল, এজুকেসন অমসুং নাৎকী লমদা তৌরিবা অফবা থবক অদু উবা ফংখি। মহাক্না পার্লিয়ামেন্তরী প্রোসীদিংশিং শোইদনা ফগৎহল্লগনি।”
“ভি. বিজয়েন্দ্র প্রসাদ গারুনা দিকেদ কয়া ক্রিএতিব ৱর্ল্দগা মরী লৈন্দুনা লাকখি। মহাক্কী থবকশিংদা ভারতকী ফজরবা কলচর উৎলি অমসুং মালেমদা মফম অমা কনবা ঙমহনখি। রাজ্য সভাদা মহাকপু নোমিনেৎ তৌরকপদা ঐহাক্না নুংঙাইবা ফোঙদোকচরি।”
*****
(Release ID: 1839816)
Visitor Counter : 89
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam