وزیراعظم کا دفتر

وزیر اعظم نے راجیہ سبھا کے نئے نامزد ارکان کو مبارکباد دی

Posted On: 06 JUL 2022 9:42PM by PIB Delhi

 وزیر اعظم جناب نریندر مودی نے زندگی کے مختلف شعبوں سے تعلق رکھنے والی معزز شخصیات کو راجیہ سبھا کے لیے ان کی نامزدگی پر مبارکباد دی ہے۔ ایتھلیٹ پی ٹی  اوشا، میوزک کمپوزر، الائیاراجا، مخیرّ   اور سماجی کارکن جناب  ویریندر ہیگڑے، فلم ڈائریکٹر اور اسکرین رائٹر، جناب  وی وجیندر پرساد گارو ایسے نامزد امیدوار ہیں جنہیں راجیہ سبھا کے لیے نامزد کیا گیا  ہے۔

وزیر اعظم نے ٹویٹ کیا؛

‘‘قابل ذکر  شخصیت پی ٹی اوشا جی ہر ہندوستانی کے لیے ایک حوصلہ افزائی کاوسیلہ ہے۔ کھیلوں میں ان کے کارنامے بڑے پیمانے پر مشہور ہیں لیکن گزشتہ کئی سالوں میں ابھرتے ہوئے کھلاڑیوں کی رہنمائی کے لیے ان کا کام بھی اتنا ہی قابل ستائش ہے۔ انہیں راجیہ سبھا کے لیے نامزد کیے جانے پر مبارکباد۔ @PTUshaOfficial’’

‘‘ @ الائیاراجا جی کی تخلیقی ذہانت نے نسل در نسل لوگوں کو مسحور کیا ہے۔ ان کے کام بہت سے انسانی جذبات کی خوبصورتی سے عکاسی کرتے ہیں۔ جو چیز ان کی تخلیقی ذہانت اور کاموں  کو ہی طرح  متاثر کن ہے وہ ان کی زندگی کا سفر ہے۔ وہ ایک  معمولی  پس منظر سے ابھر کر  سامنے آئے اور بہت  نمایاں مقام  حاصل کیا۔ خوشی ہے کہ انہیں راجیہ سبھا کے لیے نامزد کیا گیا ہے۔’’

‘‘ جناب  ویریندر ہیگڑے جی شاندار عوامی خدمات میں سب سے آگے ہیں۔ مجھے دھرماستھلا مندر میں عبادت کرنے اور صحت، تعلیم اور ثقافت میں وہ جو عظیم کام کر رہے ہیں اس کا بھی مشاہدہ کرنے کا موقع ملا ہے۔ وہ یقیناً پارلیمانی کارروائیوں کو تقویت بخشیں گے۔’’

‘‘ جناب  وی. وجیندر پرساد گارو کئی دہائیوں سے تخلیقی دنیا سے وابستہ ہیں۔ ان کے کام ہندوستان کی شاندار ثقافت کو ظاہر کرتے ہیں اور عالمی سطح پر اپنی شناخت بنا چکے ہیں۔ راجیہ سبھا کے لیے نامزد ہونے پر انہیں مبارکباد۔’’

*************

ش ح س ب۔ ر‍‌ض

U. No.7322 

 



(Release ID: 1839763) Visitor Counter : 91


Read this release in: English , Hindi , Marathi , Manipuri , Assamese , Bengali , Punjabi , Gujarati , Odia , Tamil , Telugu , Kannada , Malayalam