প্রধান মন্ত্রীনা ঙসি মৈসুরুগী মহারাজাস কোলেজ গ্রাউন্দদা লুপা করোর ৪৮০ হেনবগী শেনফম চংনা শাগদৌরিবা নাগনহল্লী রেলৱে স্তেসন্দা সব-অর্বান ত্রাফিক্কী কোচিং তর্মিনেলগী উরেপ-উয়ুং তমখ্রে। কোচিং তর্মিনেল অসিদা এম.ই.এম.য়ু. শেদ অমা লৈগনি অমসুং মসিনা হৌজিক লৈরিবা মৈসুরু য়ার্দকী মীচিনবা হন্থহনগনি, লমদম অসিগী কন্নেক্তিবিতী অমসুং তুরিজম অনিমক ফগৎহন্দুনা মৈসুরুদগী এম.ই.এম.য়ু. ত্রেন সর্ভিসশিং অমসুং অশাংবা লমশাং চেনবা ত্রেনশিং হেন্না চেলহনবদা খুদোংচাহল্লগনি। মসিনা নুমিৎ খুদিংগী চৎথোক-চৎশিন তৌরিবা লোয়ননা অরাপ্পা মফমশিংদা চৎলিবা মীওইশিংদা কান্নবা পীরগনি।

থৌরম অসিদা প্রধান মন্ত্রীনা ওল ইন্দিয়া ইন্সতিত্যুত ওফ স্পীচ এন্দ হিয়রিং (এ.আই.আই.এস.ঐচ.)গী ‘সেন্তর ওফ এক্সিলেন্স ফোর পর্সন্স ৱিথ কম্ম্যুনিকেসন দিসওর্দরস’ জাতিদা খুৎশিন্নখি। মসিদা স্তেৎ-ওফ-দি-আর্ত লেবোরেতোরীশিং অমসুং দাইগনোসিস, এসেসমেন্ত অমসুং কম্ম্যুনিকেসন দিসওর্দরসকা লোয়নবা মীওইশিংগী রিহেবিলিতেসন তৌনবা ফেসিলিতীশিং লৈরি।

থৌরম অসিদা কর্নাতকাগী রাজ্যপাল, শ্রী থাৱরচন্দ গহলোৎ, মুখ্য মন্ত্রী শ্রী বসবরাজ বোম্মৈ, কেন্দ্রগী মন্ত্রী শ্রী প্রলহাদ জোশিনা শরুক য়াখি।

মীতিন অসিদা ৱা ঙাংলদুনা প্রধান মন্ত্রীনা হায়খি কর্নাতকা অসি লৈবাক্কী শেন্মীৎলোন অমসুং লাইনীংগী ওইবা অনিমক্তা চাউখৎপা পুন্না উবা ফংবা রাজ্য অমনি। “কর্নাতকা অসি ঐখোয়গী অরিবা নাৎ অসি য়োকখৎতুনা ২১শুবা চহিচাগী ফিরেপশিং ঐখোয়না করম্নবা মঙফাওনবা ঙমহনবগে হায়বগী মতিক চারবা খুদম অমা ওইরি”, হায়না মহাক্না ফোঙদোকখি।

লমদম অসিনা নলৱাদী কৃষ্ণ ৱাদিয়ার, সর এম. বিস্বেসর‍য়্য অমসুং রাস্ত্রকবী কুবেমপুগুম্বা অথোইবা মীশক কয়া লৈবাক অসিদা পীখি হায়না প্রধান মন্ত্রীনা ফোঙদোকখি। অসিগুম্বা মীশকশিং অসিনা ভারতকী হেরিতেজ অমসুং চাউখৎ খোঙচৎতা শীংথানীংঙাই ওইনা শরুক তমখি। ‘দবল ইঞ্জিন’ সরকার অসিনা মীচম মীয়ামবু তঙাই ফদ্রবা পোৎলমশিং অমসুং ইকাই খুম্নবা ফংবা পুন্সি মহিং অমা ফংহন্নবা থৌনা লৈনা হোৎনরি অমসুং অথোইবা মীওইশিং অসিগী বিজন অদু মাংদা পুখৎলি হায়না প্রধান মন্ত্রীনা ফোঙদোকখি।

মমাংদা য়াইফ-থৌরাং অসি য়াম্না অকক্নবা শরুক অমা খক্তগী ওইনা পাইখৎলমখি হায়না প্রধান মন্ত্রীনা নীংশিংখি। মহাক্কী সরকারনা হৌখিবা চহি ৮ অসিদা হৌদোকখিবা স্কিমশিংনা খুন্নাইগী শরুক অমদি সেক্তর পুম্নমক শুনা য়ৌবা হায়বা ৱাখল্লোন অসিদা মরু ওইবা মীৎয়েং চংখি। নাকল অমরোমদা ঐখোয়না স্তার্ত-অপ পোলিসীগী মখাদা নহারোলশিংদা শেন্থংশিং পীরি, অমরোমদা পি.এম. কিসান সম্মান নিধিগী মখাদা লৌমীশিংদা শেলসু পীরি (কর্নাতকাগী অপীকপা লৌমী লাখ ৫৬না মখোয়গী একাউন্তদা লুপা করোর ১০০০০ হেন্না ফংখ্রে), হায়না মহাক্না ফোঙদোকখি।  ৱান নেসন ৱান রাসন কার্দ অসিগুম্বা থৌশিলশিং, স্কিমশিং অসিনা হৌজিক ভারত শিনবা থুংনা কোনশিল্লি। কর্নাতকাগী লায়রবা মীওই করোর ৪.২৫ হেনবনা হৌখিবা চহি অনি অসিদা লেম্না রাসনশিং ফংলি। আয়ুশ্মানগী মখাদা লায়রবা অনাবা মীওই লাখ ২৯ হেনবনা রাজ্য অসিদগী লেম্না লায়েং ফংখি। প্রধান মন্ত্রীনা থৌরম অসিগী মমাংদা বেনিফিসরীশিংগা ৱারী শাখিবা অদুদা সরকারগী পৈসা খুদিংমক মীয়ামদা য়ৌহন্দুনা থাজবা পোকহল্লিবা অসিদা অপেনবা ফোঙদোকখি।

প্রধান মন্ত্রীনা হায়খি হৌখিবা চহি ৮ অসিদা সরকার অসিনা লাস্ত-মাইল দেলিবরী ফংহন্দুনা সোসিএল জস্তিস এম্পাৱর তৌনবা হোৎনখি। য়াইফ-থৌরাং স্কিমশিংগী সেচুরেসন য়ৌনবা হোৎনবনা খেন্নবা অমসুং লিকেজ লৈতনা কান্নবশিং ফংহনবগী থাজবা অসি ভারতকী মীয়াম মরক্তা হেনগৎহনখি। মহাক্কী সরকারনা ঐখোয়গী মতিক চাদ্রবা কম্পনীশিং অসিনা অতোপ্পদা মীপাল তাংবা হন্থহন্নবা লেপ্পা লৈতনা খোঙথাংশিং পাইখৎলি হায়না মহাক্না ফোঙদোকখি। ঐখোয়গী শেনয়েক্তা, কোইনশিংদা দিব্যাঙ্গশিংগী খুদোংচানবা অনৌবা ফীচরশিং হাপচিনখি। মীমান্নদ্রবশিংগী এজুকেসনগা মরী লৈনবা কোর্সশিং লৈবাক অসিদা চাউখৎহল্লি। সুগম্য ভারতনা মখোয়দা ত্রান্সপোর্ত অমসুং ওফিসশিং এক্সেসিবল ওইহল্লি। মহাক্না স্তার্তঅপ ইকোসিস্তেমদা দিব্যাঙ্গ মীয়ামগী সমস্যাশিং কোকহন্নবা লম্বী পুথোক্নবা থবক পাইখৎনবা হায়খি। ওল ইন্দিয়া ইন্সতিত্যুত ওফ স্পীচ এন্দ হিয়রিং (এ.আই.আই.এস.ঐচ.)না দিব্যাঙ্গ হ্যুমেন রিসোর্সশিংবু লৈবাক অসিগী চাউখৎ খোঙচৎকী মরু ওইবা পার্তনর অমা ওইহনবদা মতেং পাংনবা ঙসি ‘সেন্তর ওফ এক্সিলেন্স ফোর পর্সন্স ৱিথ কম্ম্যুনিকেসন দিসওর্দরস’ জাতিদা খুৎশিন্নখি।

প্রধান মন্ত্রীনা হৌখিবা চহি ৮ অসিদা কেন্দ্র সরকারনা কর্নাতকাদা নেস্নেল হায়ৱেগী কিমি ৫০০০ শেমগৎনবগীদমক লুপা করোর লিশিং ৭০রোম কাইথখি হায়না পাউদমখি। ঙসি বেঙ্গলুরুদা লুপা করোর ৭০০০ হেনবগী নেস্নেল হায়ৱে প্রোজেক্তশিংগী উরেপ-উয়ুং তমখি। মহাক্না দবল ইঞ্জিন সরকার অসিনা মীয়ামগী ইজ ওফ লিইং হেনগৎহন্নবা প্রোজেক্তশিং অসি অথুবদা লোইশিনবা ঙম্নবা হোৎনরি হায়না ফোঙদোকখি।

প্রধান মন্ত্রীনা ইং কুমজা ২০১৪গী মমাংদা কর্নাতকাদা রেলৱেজকীদমক চাংচৎ ওইনা লুপা করোর ৮০০ এলোকেৎ তৌরম্বা অদুগা চাংদম্নবদা চহি অসিদা মসিগীদমক লুপা করোর ৭০০০ এলোকেৎ তৌখি অমসুং রাজ্য অসিদা লুপা করোর ৩৪০০০রোমগী রেলৱে প্রোজেক্তশিংগী থবক পাইখৎলি হায়না পাউদমখি। ইং কুমজা ২০১৪গী মমাংগী চহি ১০দা রেলৱে লাইন শুপ্নগী কিমি ১৬ খক্তমক ইলেক্ত্রিফিকেসন তৌখিবা অদুগা চাংদম্নবদা হৌখিবা চহি ৮ অসিদা কিমি ১৬০০গী রেল লাইন ইলেক্ত্রিফাইদ তৌবা ঙমখি হায়না প্রধান মন্ত্রীনা ফোঙদোকখি। কর্নাতকাগী মীয়ামগী থৌজালনা দবল-ইঞ্জিন সরকারনা রাজ্য অসিগী চাউখৎ-থৌরাংগীদমক চোকথবা লৈতনা হোৎনবদা ইথিল পীরগনি হায়না ফোঙদোক্লদুনা প্রধান মন্ত্রীনা ৱারোল পীবা লোইশিনখি।

कर्नाटका देश के उन राज्यों में से एक है जहां देश की आर्थिक और आध्यात्मिक संपन्नता, दोनों के दर्शन एक साथ होते हैं।

अपनी पुरातन संस्कृति को समृद्ध करते हुए हम कैसे 21वीं सदी के संकल्पों को सिद्ध कर सकते हैं, इसका कर्नाटका एक उत्तम उदाहरण है: PM @narendramodi

— PMO India (@PMOIndia) June 20, 2022

इस धरती ने नलवाडी कृष्णा वोडेयार, सर एम विश्वेश्वरैया, राष्ट्रकवि कुवेंपु जैसे अनेक महान व्यक्तित्व देश को दिए हैं।

ऐसे व्यक्तित्वों का भारत की विरासत और विकास में महत्वपूर्ण योगदान रहा है: PM @narendramodi in Mysuru, Karnataka

— PMO India (@PMOIndia) June 20, 2022

बीते 8 वर्षों में हमारी सरकार ने जो योजनाएं बनाईं उनमें इस भावना को प्राथमिकता दी गई कि वो समाज के सभी वर्गों, सभी क्षेत्रों को छूएं, उन तक पहुंचें।

एक तरफ हमने स्टार्ट अप पॉलिसी के तहत युवाओं को Incentives दिए तो वहीं किसानों को पीएम किसान सम्मान निधि का पैसा भी दे रहे हैं: PM

— PMO India (@PMOIndia) June 20, 2022

हमारी सरकार लगातार प्रयास कर रही है कि हमारे दिव्यांग साथियों की दूसरों पर निर्भरता कम से कम हो।

इसलिए हमारी करेंसी में, सिक्कों में दिव्यांगों की सुविधा के लिए नए फीचर जोड़े गए हैं।

देश भर में दिव्यांगों की पढ़ाई से जुड़े कोर्स को अधिक समृद्ध किया जा रहा है: PM @narendramodi

— PMO India (@PMOIndia) June 20, 2022

बीते 8 वर्षों में केंद्र सरकार ने कर्नाटका में 5 हज़ार किलोमीटर नेशनल हाईवे के लिए करीब 70 हज़ार करोड़ रुपए स्वीकृत किए हैं।

आज ही बैंगलुरू में 7 हज़ार करोड़ रुपए से ज्यादा के नेशनल हाईवे प्रोजेक्ट्स का शिलान्यास हुआ है: PM @narendramodi

— PMO India (@PMOIndia) June 20, 2022

***