ভারত ইমানা য়াইফরে! খুরুমজরি!

ঐহাক্না ঙসি জর্মনীদা ইমা ভারতকী মচাশিংগা উনবগী খুদোংচাবা ফংজরি। নখোয়গা উনবা ফংজবদা ঐঙোন্দা নুংঙাইবা ফাওই। নখোয়না জর্মনীগী তোঙান-তোঙানবা সহরশিংদগী ঙসি বর্লিন্দা লাক্লি। অয়ুক্কী পুং ৪.৩০ তাবগী অইংবা মরক অসিদা অপিকপা অঙাং কয়া উবা ফংবা আসিদা ঐহাক্না অঙকপা ফাওই, অমরোমদনা হৌজিক মতম অসিদা ভারত্তনা য়াম্না শারি। নখোয়গী মীনুংশি অমসুং থৌজালশিংনা ঐহাক্কী থৌনা ওইরি। মমাংদা জর্মনীদা লাকখিবা ঐহাক্কী খোঙচৎতা নখোয় কয়াগা উনখি। নখোয়না ভারত্তা লাকপদা নখোয় খরফা উনবগী খুদোংচাবা ঐহাক্না ফংজখি। অনৌবা মীরোলগী মশিং য়াম্লবা মীওই কয়ানা য়াম্না থৱায়  য়াওবা ঐহাক্না উবা ফংই। নখোয়গী চিল্লবা মতম অদু কাইথোকপীদুনা নখোয়না লাকপীবা অসিগীদমক ঐহাক্না তৌবিমল খঙবা উৎচরি। ঐখোয়গী এম্বেসেদরনা জর্মনীদা লৈবা ভারতমচাগী মশিং অসি য়ামদে হায়না তাকপীরকই অদুবু নখোয়না উৎলিবা মীনুংশিং অমসুং থৱায় য়াওবা অসিদা তাবা লৈতে অমসুং ভারতকী মীয়াম্না মসি উবা মতমদা মখোয়না শোইদনা চাউথোকচবা পোক্কনি।

মরুপশিং,

ঙসি ঐহাক্না মফম অসিদা ইশাগী মরমদা নত্ত্রগা মোদী সরকারগী মরমদা ঙাংনবা লাকপা নত্তে অদুবু ঐহাক্না ভারত মচা করোর কয়াগী তৌবা ঙম্বশিংগী মরমদা অমসুং মখোয়বু থাগৎনবা মফম অসিদা লাকপনি। ঐহাক্না ভারত মচা করোর কয়া হায়না হায়রিবা অসিদা ভারত্তা লৈরিবা মীওইশিং খক্তা নত্তনা মফম অসিদা লৈরিবশিংসু য়াওই। মসি মালেমগী কাচিন কোয়া খুদিংদা লৈরিবা ইমা ভারতকী মচা পুম্নমক অদুবুনি। অহানবদা ঐহাক্না ভারত মচা পুম্নমক্তা জর্মনীদা মাইপাক্না লৈবগীদমক থাগৎপা ফোঙদোকচরি। ঐহাক্না য়াইফ-মঙ্গোল পীজরি।

মরুপশিং,

মসিগী ২১শুবা চহিচা অসি ভারতকীদমক, ভারত মচাশিংগীদমক অমসুং মরু ওইনা ঐখোয়গী নহারোলগীদমক য়াম্নমক মরু ওই। ঙসি ভারতনা খোঙফম চেৎনা অমসুং ফিরেপ অমগা লোয়ননা মাংদা চংশিল্লি। ঙসি ভারতনা করম্বা মফমদা, করম্না অমসুং কয়াম লাপ্না চৎপগে হায়বা খঙই। অমসুং নখোয়না খঙই মদুদি লৈবাক অমনা খোঙফম চেৎনা লেপ্পবদি মসিনা অনৌবা লম্বীশিং খল্লি অমসুং মাগী লমথুংফমশিং য়ৌবা ঙম্মি। ঙসিগী এস্পিরেস্নেল ইন্দিয়া অমসুং নহারোলনা লৈবাক অসি খুমাং য়াংনা চাউশিনবা পাম্মি। মহাক্না পোলিতিকেল স্তেবিলিতী লৈবা অমসুং মপাঙ্গল কনবা য়াম্না তঙাই ফদে হায়বা খঙই। ঙসিগী ভারতনা মসি য়াম্না মুন্না খঙই। ভারতকী মীয়াম্না বত্তন অমা নমদুনা হৌখিবা দিকেদ অহুমগী পোলিতিকেল ওইনা অনস্তেবল ওইবগী ফীভম অদু লোইশিনবা ঙমখি। হৌখিবা চহি তরেৎ-নিপান অসিদা, ভারতকী ভোতরশিংনা মহাক্কী ভোৎকী শক্তি অমসুং মহাক্কী ভোৎ অমনা করম্না ভারত্তা অহোংবা পুরকপা ঙমগনি হায়বা খঙবা হৌরক্লি। অফবা অহোংবা অমসুং খোঙজেল য়াংনা চাউখৎপগা অপাম্বা অসিনা ভারতকী মিয়াম্না ২০১৪দা এবসলুৎ মেজোরিতী ফংবগা লোয়ননা সরকার অমা খনখি অমসুং মসি চহি ৩০গী মতুংদা থোকপনি।

ভারতকী অফাওবা মীওইশিংগী বিজন অসিনা মমাংদগী হেন্না মপাঙ্গল কনবা সরকার অমা ২০১৯দা শেম্বা ঙমহনখি। ভারতকী মীয়াম্না হীরম পুম্নমক্তা ভারতবু মাংদা চংশিনহন্নবা পাল্লিবা সরকারনা মথৌ তাবা শক্তি অদু খুৎশিন্নবীখি। মরুপশিং, ঐখোয়দা থাজবা কয়া থম্লমগনি অদুবু ঐহাক্না খঙই মদুদি ভারতনা হোৎনবা কনবা অমসুং ভারত মচা করোর কয়াগী তেংবাং অমসুং লুচিংবগী মত অসিনা অনৌবা পনখৈ তম্না চৎপা ঙমগনি। ভারতনা হৌজিক মতম মাংহল্লরোই। ভারতনা হৌজিক্কী মতম অসিগী মরু ওইবা, মাগী তৌবা ঙম্বা অমসুং মতম অসিগী মনুংদা করি ফংবা য়াবগে হায়বা অদু খঙলে।

মরুপশিং,

ঐখোয়না চহি অসিদা ঐখোয়না নীংতম্বা ফংখিবগী ৭৫শুবা চহি পালন তৌরি। ঐহাক্না নীংতম্বা ফংলবা ভারত্তা পোকপা অহানবা প্রধান মন্ত্তীনি। চহি ২৫গী মতুংদা ভারতনা নীংতম্বা ফংখিবগে চহি ১০০ শুবগী পাল তৌবা মতমদা ভারত্তা য়ৌগদবা পন্দোম অদুগীদমক পান্দম ফংনবা খোঙথাং অমগী মতুং অমা চেকশিন্না থাংদু মপাঙ্গল কনখৎহনগদবনি।

মরুপশিং,

ভারত্তা রিসোর্সশিংগী অৱাৎপা অমত্তা লৈখিদে। লৈবাক অসিনা নীংতম্লবা মতুংদা লম্বী অমা খনদুনা মাইকৈ অমদা চংশিনখি। অদুম ওইনমক মরম অমা নত্ত্রগা অমদগী ঐখোয়না মতম কয়াগী মমাংদা তৌরম্বা য়াবা অচৌবা অমসুং খোঙজেল য়াংনা অহোংবা কয়া পুরকপা ঙমখিদে। চহি কয়াগী মমাংদা লোইলম লৈঙাক মনুংদা নমথবীখিবা ভারত মচাশিংগী মশানা মশাদা থাজবা অদুগী সোল্যুসন অমা খক্তা লৈ। ভারতকী মীয়ামদা মশানা মশাদা থাজবা পোকহনবা অমসুং মশানা মশাবু ইকাই খুম্নহনবা য়াম্না মরু ওই, অমসুং মসিগীদমক মীয়াম্না সরকারদা থাজবা থম্বা অসি য়াম্না মরু ওই। ব্রিতিশকী লেগেসী অসিনা মরম ওইদুনা সরকার অমসুং মীয়ামগী মরক্তা অচৌবা থাজবা ৱাৎপগী অহোবা অমা লৈরমখি। চিংনবগী ৱাখল্লোন পোকখি। ব্রিতিশ লৈঙাক্কী মতুংদা মথৌ তাবা অহোংবশিং অসিদা খোঙজেল ৱাৎখি। মরম অসিনা হৌজিক্কী ওইনা খ্বাইদগী মরু ওইবা অসি মীচমগী পুন্সিদা সরকারনা খুৎ থিংজিনবা হন্থহনবা অসিনি, মিনিমম গভর্নমেন্ত অমসুং মেক্সিমম গভর্নান্স মথৌ তাই। মথৌ তাবা মফমদা সরকার লৈতবা য়াদে, অদুবু মথৌ তাদ্রবদি সরকারনা খুৎ থিংজিল্লোইদবনি।

মরুপশিং,

লৈবাক অসিগী মীয়াম্না অদুনা মাগী চাউখৎ-থৌরাংশিংদা মাংজিল থারবা মতমদা লৈবাক অমা চাউখৎলি। লৈবাক অমগী মীয়াম্না মাংদা চংশিল্লিবা অমসুং মাগী মাইকৈ লেপচরবা মতমদা লৈবাক চাউখৎলি। ঙসি ভারত্তা লৈবাক অসি লমজিংলিবা অসি সরকার নত্ত্রগা মোদী নত্তে, মীওই করোর কয়ানি। মরম অসিনা ঐখোয়না লৈবাক অসিগী মীয়ামগী পুন্সিদা মরম লৈতনা সরকারনা খুৎ থিংজিনবা হন্থহল্লি। ঐখোয়না রিফোর্মশিংগী খুত্থাংদা লৈবাক অসিদা অহোংবা পুরক্লি। অমসুং ঐহাক্না রিফোর্মনা পোলিতিকেল ৱিল মতম চুপ্পদা মথৌ তাই, পরফোর্মেন্সতা সরকারগী মেছিনরী লৈবা মথৌ তাই অমসুং অওনবা পুরকপদা মীয়াম্না শরুক বাবা মথৌ তাই। মতম অদুদা রিফোর্ম, পরফোর্ম অমসুং ত্রান্সফোর্মগী গারি অসি মাংদা চংশিনবা ঙমগনি। ঙসি ভারতনা ইজ ওফ লিবিং, ক্বালিতী ওফ লাইদ, ইজ ওফ এমপ্লোইমেন্ত, ক্বালিতী ওফ এজুকেসন, ইজ ওফ মোবিলিতী, ক্বালিতী ওফ ত্রেবেল, ইজ ওফ দুইং বিজিনেস, ক্বালিতী ওফ সর্ভিস অমসুং ক্বালিতী ওফ প্রদক্তশিংদা অনৌবা দাইমেন্সনশিংদা খোঙজেল য়াংনা থবক তৌরি। মসি নখোয়না মফম অসিদা লাকনবা থাদোকখিবা চপ মান্নবা লমদম অদুনি। ব্যরোক্রেসী, সরকারগী ওফিসশিং অমসুং সরকারগী মেছিনরী অসি চপ মান্নৈ অদুবু হৌজিক্তি ঐখোয়না অফবা ফলশিং উবা ফংলে।

মরুপশিং,

২০১৪গী মমাংদা নখোয়গুম্বা মরুপ কয়াগা ঐহাক্না ৱারী শাবদা মতমদা অচৌবা ৱাকৎ কয়া লাকখি। নখোয়না মতম অমদা ‘ৱর্ক ইন প্রোগ্রেস’ হায়বা অসি মফম খুদিংমক্তা উবা ফংখিবা অদু নীংশিংলমগনি। ঐহাক্না কনাগুম্বা অমত্তবু চৈবা নত্তে অদুবু ঐখোয়গী লৈবাক্তদি লম্বী হেক শেমজিনবা লোইবগী ইলেক্ত্রিসিতী লাইনশিংগীদমক মদু অমুক তৌথোকই। ৱাতর দিপার্তমেন্তগী মীয়াম্না অমুক ৱাতর লাইনশিংগীদমক মদুদা তৌথোক্কনি। মতুংদা তেলিফোন দিপার্তমেন্ত অমুক। অদুনা লম্বী শেম্বদা শেল কয়া চংগনি অদুবু থবক্তা অদুমক লোইহৌরোই। ঐহাক্না নখোয়দা খুদম অমা খক্তা পীরি মরমদি নখোয়না পুম্নমক অসি উরবা ঙাক্তনি। মসি সরকারগী বিভাগশিংগী মরক্তা পাও ফাওনবা ৱাৎপনা থোকহনবনি নত্ত্রগা ই-পাউ পীথোক-পীশিন তৌদবগীনি। মীপুম খুদিংমক্না লেম্বী কয়া শেমখিবগী, ৱায়র অমসুং পাইপ কয়া তিংখিবগী রিপোর্ত কার্দ পাই অদুবু মসিগী ফলদি ‘ৱাক ইন প্রোগ্রেস’নাআ ওইখি।

হৌজিক ঐখোয়না মসিগী অপনবশিং অসি কোকহন্নবা পি.এম. গতিশক্তি নেস্নেল মাস্তর প্লান শেমখ্রে। মসি মফম খুদিংদগী থাগৎনরক্লি। ঐখোয়না ইনফ্রাস্ত্রকচর প্রোজেক্ত খুদিংমক্তা লৈরিবা স্তেকহোল্দর পুম্নমক দিপার্তমেন্তগী ওইবা সিলো খুদিংমক মুত্থৎতুনা সিঙ্গল প্লেৎফোর্ম অমদা পুরক্লি। হৌজিক সরকারশিংগী বিভাগ পুম্নমক্না মখোয়গী থবক অসদি মাংজৌননা পোরম য়াৎলি। মসিগী অনৌবা থৌশিল অসিনা চাউখৎ-থৌরাংগী প্রোজেক্তশিংগী খোঙজেল অমসুং পাক-চাউবা হেনগৎহল্লি। ঙসি ভারতনা সোসিএল অমসুং ফিজিকেল ইনফ্রাস্ত্রকচরদা অমুক্তা তৌখিদ্রিবা মওংদা ইনভেস্তমেন্ত তৌবা উবা ফংলি। অনৌবা এজুকেসন পোলিসী ইমপ্লিমেন্ত তৌনবা অমত্তা ওইনা য়ানবগী ফীভম অমা শেমখি, নাকল অমরোমদা অনৌবা হেল্থ পোলিসী ইমপ্লিমেন্ত তৌনবা থবক পাইখৎলি। ঙসি ভারত্তা অনৌবা এয়রপোর্তশিং রেকোর্দ ওইবা মশিংদা শাগৎলি, অপীকপা সহরশিংবু এয়র রুৎশিংনা ফাওনহল্লি। ভারত্তা ঙসি মেত্রো কন্নেক্তিবিতীগীদমক পাইখৎলিবা থবক্কী চাং অসি মমাংদা অমুক্তা উখিদ্রি। ভারত্তা ঙসি রেকোর্দ ওইবা মশিংদা অনৌবা মোবাইল তাৱরশিং ইনস্তোল তৌরি অমসুং ভারত্তা ৫জি য়ৌরক্লে। ঙসি ভারত্তা খুঙ্গা কয়া ওপ্তিকেল ফাইবরনা শম্নহল্লি। খুঙ্গা লাখ কয়াদা ওপ্তিকেল ফাইরর নেৎৱার্ক তিংলি অমসুং ভারতকী খুঙ্গংশিংনা মালেমগী শম্নরগনি। ভারত অমসুং জর্মনীদা লৈরিবা মীয়াম্না ভারত্তা খোঙজেল য়াংনা ইন্তর্নেৎ কন্নেক্তিবিতী হেনগৎলক্লিবা অসি শোইদনা থেংনরগনি। অমসুং ভারত্তা খ্বাইদগী হোংনা দেতা ফংহল্লিবা অসি শোইদনা অদোম্না থাগৎকনি। হৌজিক ভারতনা অপীকপা ৱাখল খন্দ্রে। ভারতনা রিএল তাইল দিজিতেল পেমেন্তশিংদা মালেমগী ওইনা ৪৯% শরুক তম্লি।

মরুপশিং,

ঐহাক্না ৱাফম অমগা হায়জগে মসি নখোয়না শোইদনা পামগনি। ভারত্তা কনাগুম্বা অমনা চৎথোক-চৎশিন তৌবা মতমদা শেল পুবগী মথৌ তাদ্রে। মনুং হঞ্জিনবা খুঙ্গংশিংদা মোবাইল ফোনশিংগী খুত্থাংদা পেমেন্ত মখল পুম্নমক তৌবা য়ারে।

মরুপশিং,

ঙসি ভারত্তা গভর্নান্সতা তেক্নোলোজী ইনকোর্পোরেৎ তৌরিবা মওং অসিনা অনৌবা ভারত অমগী অনৌবা পোলিতিকেল ৱিল অদু তাক্লি অমসুং মসিনা দেমোক্রেসীগী দেলিবরী কেপাবিলিতীগী খুদম অমা ওইরি। মসিগী মশিং অসিদা অদোম্না শোইনদা অঙকপা পোক্কনি। ঙসি কেন্দ্র সরকার, রাজ্য সরকারশিং অমসুং লোকেল সেল্ফ-গভর্নমেন্তশিংগী সর্ভিস ১০,০০০ রোম ওনলাইন্দা ফংলে। সরকারগী তেবাং, স্কোলরশিপ নত্ত্রগা লৌমীশিংগী মহৈ মরোংগী মমল ওইরবসু পুম্নমক হকথেংননা বেঙ্ক একাউন্তদা ত্রান্সফর তৌরে। হৌজিক প্রধান মন্ত্রী অমতনা দিল্লীদগী লুপা অমা থারগা মীয়ামদা পৈসা তরামঙা ফংহল্লবা অদু য়াররোই। পৈসা ৮৫ চাথোকখিবা অদু করম্ননো?

নখোয়না ঐহাক্না শিয়র তৌরিবা মশিং অসি নখোয়না খঙবা পাম্বরা। নখোয়না মশিং অসি নীংশিংহৌগদ্রা? অকিবা পোক্কনি, মসি নখোয়না তৌগদবনি। হৌখিবা চহি তরেৎ-নিপান অসিদা ভারত সরকারনা দি.বি.তি.গী খুত্থাংদা সিঙ্গল ক্লিক অমগা লোয়ননা বেনিফিসরীশিংগী একাউন্তশিংদা শেল থাখি। দি.বি.তি.গী খুত্থাংদা ঐখোয়না থাখিবা শেনফম অসি লুপা করোর লাখ ২২ হেনখি। হৌজিক নখোয়না জর্মনীদা লৈরি অদুনা মসি দোলর বিলিয়ন ৩০০ হেল্লী হায়না পাউদমজগে। মসিদা দলালি চাবা অমসুং কম্মিসন চাবা অমত্তা য়াওদে। মসিনা সিস্তেমদা ত্রান্সপরেন্সী লৈহল্লি, মরম অসিনা পোলিসীশিং, ইন্তেন্ত অমসুং তেক্নোলোজীনা থাজবা ৱাৎপগী অহোবা অদু মেনখৎপা ঙমখি।

মরুপশিং,

অসিগুম্বা খুৎলাইশিং অসি লৈরবা মতমদা মীচম প্রজাশিংদা শক্তি পীবা ঙম্মি। মরম অসিনা মীওই অদুদা থাজবা পোক্লবা মতমদা মহাক্না ফিরেপ লৌবা হৌরকই অমসুং কন্না হোৎনদুনা মদু থুংহল্লি। মতম অদুদা লৈবাক অদুনা মাংদা চংশিনবা ঙমগনি। অনৌবা ভারতনা সেক্যুর ফ্যুচর খক্তগী খন্দে, রিস্কশিং লৌনবা, ইনোবেৎ অমসুং ইনক্যুবেৎ তৌনবা শেম শাদুনা লৈ। ঐহাক্না ঙসিসু নীংশিংলি ২০১৪গী মতমদা লৈবাক অসিদা স্তার্ত-অপ ২০০-৪০০ খক্তা লৈরমখি। ঙসিদি স্তার্ত-অপ ৬৮,০০০ হেন্না ;ঐরি। ৪০০দগী ৬৮,০০০দা হেনগৎলক্লে! মসি তাবদা নখোয়না চাউথোকচবা পোক্তব্রা? মসি খক্তা নত্তনা স্তার্ত-অপ খরদি মালেমগী পেরামিতরগী মতুং ইন্না য়ুনিকোর্নশিং ওইখ্রে। মসি য়ুনিকোর্নশিংদা খক্তা লোইদ্রি। মতম খরগী মনুংদা দোলর বিলিয়ন ১০ হেনবা য়ুনিকোর্ন কয়া য়াওখ্রে।

মরুপশিং,

মসিদা মরু ওইরিবা অসি করিনো? ঙসিগী সরকারনা ইনোবেতরশিংবু পুক্নিং থৌগৎলি অমসুং মখোয়বু থিংদুনা থমদে। করিগুম্বা অদোম্না জিওস্পাসিএল তেক্নোলোজীগী লমদা ইনোবেসনশিং তৌবা পামলবা, অনৌবা দ্রোনশিং শানীংলবা, স্পেসকী লমদা অনৌবা সেতেলাইৎ নত্ত্রগা রোক্কেৎশিং শানীংলবদি মদু য়োকখৎনবা এনভাইর্নমেন্ত অমা সরকারনা পীরি। করিগুম্বা মীওই অমনা চে অমা হাপহৌদবা তরাবদি কম্পনী অদু রেজিস্তর তৌবদা থা কয়া চংলমখি। সরকারদা প্রজাশিংনা থাজবা হেনগৎলক্লবা মধমদা মসিগী থাজবা ৱাৎপগী ফীভম অসি লৈরক্তে। মরুপশিং, ঙসি কম্পনী অমা রেজিস্তর তৌবদা পুং ২৪ খক্তা চংই। হৌখিবা চহি খরদা চপ মান্নবা চে-চাংশিংগীদমক হঞ্জিন-হঞ্জিন হংবগী চৎনবী অমা সরকারগী ওফিসশিংদা লৈরমখি। করিগুম্বা ওফিস অমদা মীওই তরুক লৈরবদি মখোয়না চপ মান্নবা চে অদু তোখাই-তোখাইনা হংই। কমপ্লাইয়েন্সকী গাইদলাইন কয়ামরুম লৈরমখি।

মরুপশিং,

ঐখোয়না কমপ্লাইয়েন্স ২৫,০০০ হেন্না মুত্থৎখ্রে তাবদা নখোয় শোইদনা অঙকপা পোক্কবনি। ঐহাক্না ২০১৩দা ঐহাক্কী পার্তীনা ঐহাকপু প্রধান মন্ত্রীগী মিরেপ ওইনবা নোমিনেৎ তৌরবা মতুংদা ঐহাক্না মীখলগীদমক শেম-শাখি। নোংমা অমা দিল্লীদগী বিজিনেসমেন অমনা ঐখোয়না বিজিনেস সম্মিৎ অমগীদমক কৌরকখি। নুপা অমনা কাংলোন কয়ামরুমগী মতাংদা শন্দোক্না তাকপীরম্মি। মহৌশানা মীখলগী কেম্পেনশিংদা মীয়াম্না অচৌবা ৱাশক কয়া শক্নৈ। অদুবু ঐহাক্না তোখাইবা অমা তৌখি। ঐহাক্না ৱা ঙাংনবা লপখৎপা মতমদা ঐহাক্না হায়খি নখোয়না অনৌবা আইনশিংগী মতাংদা ঙাংলি অদুবু ঐহাক্কী ৱাখল্লোন অসিদি তোখাই। ঐহাক্কী ৱাখল্লোন অসিগীদমক নখোয়না ঐঙোন্দা ভোৎ পীবীগদ্রা হায়বদি ঐহাক্না খঙদে। ঐহাক্না করিগুম্বা কারবদি নুমিৎ খুদিংগী আইন অমমমম মুত্থৎকনি হায়না মখোয়না ৱাশকখি। মীওই কয়ানা মসিগী মীওই অসি লৈঙাক্কী মরমদা করিগুম্বা অমত্তা খঙদবা মাল্লি হায়না ঙক্নখি। অদুবু ঙসিদি মরুপশিং, ঐহাক্না ফোঙদোকখিবা অদু ঙাক্না চৎলি। মরুপশিং, ঐহাক্কী সরকারনা হৌখিবা চহি ৫ দা লো ১,৫০০ মুত্থৎখি। মসিগী লোগী পোৎলুম অসিগী অৱাংবা করিগীদমক প্রজাশিংদা পীগদোইনো?

ভারত অসি মনীং তম্বা লৈবাক অমনি। লৈবাক অসি মোদীগী নত্তে, অদুবু মসি প্রজা করোর ১৩০গীনি। ঐখোয়গী লৈবাক অসিগী স্পেসিএলিতীদা য়েংবীয়ু। লৈবাক অমা ওইরবসু কন্সতিত্যুএন্সী অনি লৈখি। মসিদা মরম য়াম্না চংলিবা অসি করিগীনো? ‘ত্যুবলাইৎ’ হায়না তর্ম অমা পুথোকখি। লৈবাক শিনবা থুংবদা ৱান কন্সতিত্যুসন ইমপ্লিমেন্ত তৌবদা দিকেদ তরেৎ চংখি। মসিগা মান্নবা মওংদা করিগুম্বা লায়রবা নুপা অমনা জবলপুরদা লৈরবদি মহাক্কী রাসন কার্দ মফম অদুদা লৈ, চপ মান্নবা রাসন কার্দ অসি করিগুম্বা মহাক্না হিংনবগীদমক জয়পুরদা চৎলবদি মদু কান্নবা লৈতে। লৈবাক অমা ওইরবসু তোখাইবা রাসন কার্দশিং লৈখি। ঙসি ৱান নেসন, ৱান রাসন কার্দ লৈরে। মমাংদা করিগুম্বা কনাগুম্বনা লৈবাক অসিদা ইনভেস্ত তৌবা পাম্লবদি, করিগুম্বা মহাক্না গুজরাত, মহারাস্ত্র অমসুং বেঙ্গলদা তোঙান-তোঙানবা কম্পনী অহুম লিংখৎপা পাম্লবদি মহাক্না তোঙান-তোঙানবা তেক্সেসন রুৎশিং শীজিন্নবা তাগনি। মহাক্না তোঙান-তোঙানবা লোশিংগী ওইনা তোঙান-তোঙানবা মফমশিংদা চার্তর একাউন্তেন্ত অমা নেকপা তাখি। ঙসিদি তেক্স সিস্তেম অমা খক্তা লৈরে। ঐখোয়গী শেল-থুম মন্ত্রী নির্মালাজীসু মফম অসিদা ফম্মি। এপ্রিলদা করি থোককী নখোয়না খঙবরা। লুপা করোর লাখ ১.৬৮গী রেকোর্দ ওইনা জি.এস.তি. কল্লেক্সন তৌখি। মসি ৱান নেসন, ৱান তেক্স অসিগী মাইকৈদা চংশিনবা নত্ত্রা?

মরুপশিং,

মেক ইন ইন্দিয়া অসিনা আত্মানির্ভর ভারত কেমপেনগী দ্রাইবিং ফোর্স ওইরক্লি। ঙসিদি মশানা মশাবু থাজবা ভারতনা প্রোসেস লাইহনবদআ নত্তনা প্রোদক্সন লিঙ্ক তৌবা ইন্সেন্তিবশিংদসু সপোর্ত তৌরি। মসিগী ইমপেক্ত অসি ভারত্তগী এক্সপোর্ত তৌরিবশিং অসিদসু উবা ফংঙি। নুমিৎ খরনিগী মমাংদা, ঐখোয়না বিলিয়ন দোলর ৪০০গী এক্সপোর্তকী রেকোর্দ অদু থাগাইখ্রে। করিগুম্বা ঐখোয়না গুদস অমসুং সার্বিসশিংদা য়েংলবদি, ভারতকী এক্সপোর্তশিং অসি দোলর ৬৭০ বিলিয়ন্নি হায়বদি মমাংগী চহিদা লুপা করোর লাখ ৫০ মুক্নি। মসিগী মশিং অসি তারবা মতুংদা খুবা খুনিংবা ফাওব্রা? ভারতকী অনৌবা জিলা কয়া অমা অনৌবা লৈবাকশিংদা এক্সপোর্ত তৌনবগীদমক্তা মখোয়গী স্কোপ অদু চাউথোরক্লি। হৌজিক মেন্যুফেকচর তৌরিবা অসি ‘জিরো দিফেক্ত, জিরো ইফেক্ত’নি। মসিগী মন্ত্র অসিগা লোইননা লৈবাক অসিনা ক্বালিতী দিফেক্ত অমত্তা লৈতবা অমসুং প্রোদক্সন্না মরম ওইরগা এনভাইরনমেন্ততা শোকহন্দবা প্রোদক্সনগী মাইকৈদা চংশিল্লি।

মরুপশিং,

২১শুবা চহি চা অসিগী  অহুমশুবা দিকেদ অসিগী খ্বাইদগী অচুম্বা অসি ঙসিদি ভারত অসি মালেমগী থাক্তা থবক-থৌরমশিং পাইখৎপা হৌরক্লি। কোরোনা মনুংদা, ভারতনা লৈবাক ১৫০ হেন্না তঙাইফদবা হিদাক-লাংথকশিং থাদুনা য়াম্লবা পুনশি কয়া অমা কনবদআ মতেং পাংখি। ভারতনা কোবিদকীদমক্তা ভেক্সিনশিং পুথোকপদা মাইপাকপা মতমদা ঐখোয়না ঐখোয়গী ভেক্সিনশিং অসিনা লৈবাক রোম মতেং পাংখি। 

মরুপশিং,

ঙসিগী ব্রেকিং ন্যুজ, মরক থৎপগীদমক্ত ঙাকপীগনি। ঙসিদি মালেম অসিনা গেহুগী অৱাৎপা মায়োক্নরি। মালেম অসিগী মরু ওইবা  লৈবাকশিংনা ফুদ সেক্যুরিতীগী মতাংদা মীপাইনরি। অসিগুম্বা মতম অসিদা, ভারতকী লৌমীশিংনা মালেম অসিবু থাক্নবগীদমক্তা চোংথোরক্লি।

মরুপশিং,

মীওইবা জাতিনা খুদোংথিবা অমা মায়োক্নবা মতমদা, ভারতনা উপাই অমা হেক্তা পুথোরকই। খুদোংথিবা অসিবু থোকহল্লিবশিং অদুবু থাগৎলি, ঐখোয়না মসিগী উপাই পুথোরক্লি অমসুং মালেম অসিনা হরাওবা ফোংদোক্লি। মসি অনৌবা ভারতনি; মসি অনৌবা ভারতকী মতিক্নি। চহি কয়া অমা ভারত্তা চৎলুদ্রিবশিংনা ইকাইনিংঙাই ওইদে। অদুবু মখোয়না খল্লমগনি মসি করম্না ওইরক্লিবনো? করম্না অসিগুম্বা অচৌবা অহোংবা অমা লাক্লিবনো? মরুপশিং নখোয়গী পাউখুম অদু লাল্লি। মোদীনা করিমত্তা তৌখিবা লৈতে, লৈবাকচা করোর ১৩০না তৌখিবনি।

মরুপশিং,

ভারতনা গ্লোবল ওইরকপা অসিদা নখোয়গী থৌদাং অসি য়াম্না চাউগনি। ভারত্তা ঙসি লোকল প্রোদক্তশিংগীদমক্তা ঙাউনরিবা অসি নিংতম্বগী খোংজংদা ইন্দিজেনস  গুদসশিংগীদমক্তা ঙাওনখিবা অদুগা চপ মান্নৈ। মতম কুইনদগী মীশিংনা মপান লমগী পোতশিং লৈবগী মতাংদা পোং-চাউনা ঙাংবা উখি। অদুবু ঙসিদি ভারতকী মীশিংনা মখোয়গী লোকল প্রোদক্তশিংগীদমক্তা চাউথোকচৈ। নখোয়নসু খঙলম্লগনি, ঙসিদগী চহি ১০-২০ মমাংদা নখোয়গী য়ুমদা নখোয়না য়ুমদা লাক্কদবা মতম অদু খঙহনবগী চিথি ইবা মতমদা, য়ুমদা হল্লকপা মতমদা অকক্নবা পোৎশক খরা পুরক্নবা হায়রকখি অদুবু ঙসিদি নখোয়না য়ুমদা হল্লকপা মতমদা করিমত্তা পুরক্তনবা হায়রে, মরমদি মফম অসিদা পুম্নমক ফংলে। ঐগীসি চুম্মি নত্রগা চুমদে? মরুপশিং, মসিনি পাঙ্গল অদু, অমসুং মরম অদুনা ঐহাক্না ‘ভোকল ফোর লোকল’ অসিবু হন্না হায়রিবসে অদুবু মফম অসিগী লোকল প্রোদক্তশিংদি (জর্মনীগী) নত্তে । ঐনা হায়রিবা লোকল প্রোদক্ত অসি ভারতমচাশিংনা থবক কন্না শুদুনা শেমখিবা, ভারত মচাশিংগী হুমাং য়াওবা  অমসুং মফম অদুগী লৈহাওগী নুংশিরবা মনম য়াওবা অদুবুনি। মরুপশিং, ভারত্তা শাবা প্রোদক্তশিং অমসুং ভারতকী নহাশিংগী হুমাংমল য়াওবশিং অদুনা ঐখোয়গী ফেশন স্তেতমেন্ত ওইগদবনি। নখোয়না মসিগী ইথিল অমুক্তং হেক ফাওরবা, মসিগী ভাইব্রেশন অসি শন্দোরকপা ফাওগনি। মথংদা নখোয়না নুমিৎ ১০নিগী ভারত্তা চৎপা মতমদা, মতম অদুদা মফম অসিদগী নঙোন্দা চিধী ইরক্লগনি অমসুং ভারত্তগী করিগুম্বা খরা পুরক্নবা হায়রক্লগনি। নখোয়না অসুম্না তৌফম থোক্তব্রা?

মরুপশিং, খাদিগী মতাংদা ফজবা খুদম অমা হায়গে। নখোয় পুম্নমক্না খাদি খঙই। খাদি অমসুং পোলিতিসিয়নগী মরক্তা মরী অমা লৈরম্মি। পোলিতিসিয়ন অমসুং খাদি অসি থাদোক্নবা য়ারমদে। খাদি হায়বসি পোলিতিসিয়ন্নি অমসুং পোলিতিসিয়ন হায়বসি খাদিনি। অদুবু লাইবাক থিবদি, মহাত্মা গান্ধিনা হিংলম্বা খাদি, ভারত্তা নিংতম্বগী খোংজংদা পাঙ্গল হাপ্পিরম্বা খাদি অসি নিংখা তম্লবা মতুংদা নিংতম্ববু পামজবশিংগী মঙলানশিংদা তৌবীবা অদুগুম্না তৌবীখি। মদু লৈবাক অসিগী মথৌদাং নত্তব্রা? লাইরবা মমা অমগী হিংননবগী পাম্বৈ ওইরিবা অমসুং লুখ্রাবি মমা অমনা মআক্কী মচাশিংবু চাউনবা য়োকপদা মতেং ওইরিবা খাদি অসিবু মশাগী মরাইবক্না তম্লম্বা ওইরসনু হায়দুনা থাদোকপীখি অমসুং মুৎলমগদৌরবনি। ঐহাক্না মুখ্য মন্ত্রী ওইবা মতমদা মসিগীদমক্তা অনৌবা খোংথাং লৌখৎখি। নখোয়না মসিগী ফেব্রিক, সারী নত্রগা কুর্তা অসি লৈ হায়দুনা পোংনা ক্লেম তৌরি। নখোয়না তৌই নত্রগা তৌদে? ঐহাক্না মখোয়দা খাদিসু য়াওহন্নবা হায়খি।   

মরুপশিং,

মসি ৱাফম মচা অমা ওইরম্মি অদুবু ঙসিদি খাদিবু লৌশিনবীবগীদমক্তা লৈবাক্কী মমাংদা কোক নোল্লি। নখোয়নসু তাবদা নুংঙাইগনি মদুদি নিংতম্বগী চহি ৭৫ শুরবা মতুং, লৈবাক অসিনা অমৃত মাহোতসব পাংথোক্লিঙৈসিদা অহানবা ওইনা হন্দক্কী চহি অসিদা খাদিগী তর্নোভর অসি করোর লাখ অমা হেনখ্রে। লাইরবা লুখ্রাবী মমা কয়ানা হিংনবগী পাম্বৈ ফংলম্লগনি? হৌখিবা চহি ৮দা খাদিগী পোত্থোক অসি চাদা ১৭৫ হেনগৎলকখ্রে। ঐহাক্না স্তার্তঅপকী মতাংদা ঙাংবা অদুগুম্না খাদিগী মতাংদসু চপ মান্নবা ৱাখল্লোনদা ঙাংলি।  সেতলাইতকী মতাংদা ঙাবা অদুগুম্না লৈহাওগী মতাংদসু চপ মান্নবা ৱাখল্লোন্দা ঙাংলি।

মরুপশিং,

ঙসি ঐহাক্না ভারতকী লোকল প্রোদক্তশিং অসিবু গ্লোবল ওইহনবদা ঐগা পুন্না নখোয় ময়াম্না য়াওমিন্ননবা হায়রি। নখোয়না মফম অসিগী মিশিংদা য়াম্না লাইনা ভারতকী দাইভর্সিতী, পাৱর অমসুং লোকল প্রোদক্তশিংগী মতাংদা খঙহনবা ঙমগনি। মালেম মফম কয়াদা ইন্দিয়ন দাইসপোরা অসি শন্দোক্তুনা লৈ অমসুং ইন্দিয়ন দাইসপোরাগী তোপ-তোপ্পা মগুন অসি শঙ্গোমদা চিনিগুম্না লোকলশিং অদুগা য়াম্না লাইনা পুনশিল্লি। মসিগী মগুন অসি লৈবা কনাগুম্বা অমনা জর্মনীদা ভারতকী লোকল প্রোদক্তশীং অসিবু গ্লোবল ওইহনবা ঙমগনি। নখোয় তৌগদ্রা? করিগীনো নখোয়গী খোঞ্জেল অদু তুমিন্না লৈরিবা? মরুপশিং ঐনা নখোয়দা থাজৈ অমসুং নখোয়না তৌরক্কনি।

ঐহাক্না ঙসি নখোয়দা করিগুম্বা অমগা নিংশিংহনগে মদুদি ঙসিদি য়োগ, আয়ুরবেদ অমসংউ ঐখোয়গী ত্রেদিস্নেল মেদিসিনগী পোতেন্সিবেল য়াম্না লৈরে। নখোয়না নশাবু ভারত্তগীনা হায়না শাকতাকপা মতমদা, অতোপ্পা মী অদুনা য়োগগী মরমদা হংঙক্তব্রা? নহাক্না য়োগগী মরমদা করিমত্তা খঙদ্রবসু, করিগুম্বা নহাক্না নাতোন শোকপা মতমদা (য়োগ অসনাদা), মহাক্না নংবু এক্সপর্ত অমনি হায়না লৌগনি। মসিনি ভারতকী সেজশিংগী লাইনিংগী মতিক ময়াই অসি, মসিদা করিগুম্বা নহাক্না বোর্দ অমা থেৎলবা অমসুং ওনলাইন প্লেতফোর্ম অমা শেম্লবা অমসুং মখোয়গী মনাতোনশিং অদুবু করম্না (য়োগ আসনাগী খুত্থাংদা) শোক্কনি হায়বগী মতাংদা তাকপীনবগীদমক্তা মীয়াম্না নঙোন্দা দোলরদা ফীশিং থীবদা য়ানিংলিবসি। সেজশিংঅদুনা চহি লিশিং কয়াগী মমাংদা থনম্বা অদু ঙসি মালেম অসিগী মমাংদা অমুক হন্না পুথোক্লি। অদুবু নহাক্তি মসিগা মরী লৈনরিবনি? জুনগী ২১দা ইন্তরনেস্নেল য়োগ দে অসি য়াম্না লাপত্রে। মরম অদুনা ঐহাক্না নখোয়দা তীমশিংদা ওইন আমসিবু শন্দোক্নবা অমসুং মীপুম খুদিংমক্তা য়োগগী কান্নবগী মতাংদা তাকপীনবা হায়রি।

মরুপশিং,

ঙসি ঐহাক্না নখোয়দা অতোপ্পা হীরম অমগী মতাংদা  খন্নবা পাম্লি অমসুং মদুদি ক্লাইমেত এক্সনগী মতাংদনি। ঐখোয়না ভারত্তা ক্লাইমেত চেলেঞ্জ তেকল তৌনবা মীয়ামগী পাঙ্গলদগী হৌনা তেককী পাঙ্গল ফাওবা, সোল্যুশন খুদিংমক্তা হোৎনরি। হৌখিবা চহি নিপান অসিদা ঐখোয়না ভারত্তা এল.পি.জি.গী কোভরেজ অসি চাদা ৫০ ওইরম্বদগী চাদা ১০০ হেনগৎহনখ্রে। ভারত্তা য়ুমথোং অয়াম্বনা হৌজিক্তি এল.ই.দি. বল্বশিং শিজিন্নরে। উজালা স্কীম গী মখাদা, ঐখোবনা লৈবাক অসিদা এল.ই.দি. বল্ব চাউরাক্না করোর ৩৭ য়েন্থোকখি অমসুং এল.ই.দি. বল্বশিং অসি ইনর্জী সেব তৌনবা শিজিন্নখি। নখোয়না জর্মনীগী মীয়ামদা ভারত্তা য়াম্না অপিকপা অহোংবা অমনা মরম ওইরগা ইলেক্ত্রিসিতীগী কিলোৱাত মিলিয়ন ৪৮,০০০ সেব তৌখি  হায়বদু য়াম্না পোংনা হায়বা ঙমগনি। মসিনা মরম ওইরগা চহি অমদা চাউরাক্না তন মিলিয়ন ৪০গী কার্বন ইমিসন হন্থহনখ্রে। মসিগী স্কীম অমখক অসিনা এনভাইরনমেন্ত অসিবু কয়ামুক য়াম্না ঙাক-শেনবীখিবগে হায়বদু নখোয়না খন্দুনা য়েংঙু।

মরুপশিং, অসিগুম্বা থবকশিং অসিনা মরম ওইরগা, ভারতনা অমুক্তা থোকখিদ্রিবা থাক্তা গ্রীন জোবশিংগী অনৌবা এভেন্যু কয়া অমা হাংদোরক্লি। ভারত অমসুং জর্মনীনসু ইনর্জী পার্তনরশিপকী মাইকৈদা খোংথাং কয়া লৌখৎখ্রে হায়বসিদা ঐহাক্না য়াম্না হরাওই। মরুপশিং, ঐখোয়না নিংতম্বগী অমৃত মাহোতসবকী মনুংদা ক্লাইমেত রেসপোন্সিবিলিতী অসিবু মথংগী লেভেলদা পুখৎনবা ৱারেপ লৌখ্রে। ঐনা নখোয়দা খুদম অমা পীগে মদুদি লৈবাক অসিগী জিলা খুদিংমক্তা অনৌবা অমৃত সরোৱর (পুখ্রিশিং) ৭৫ শানবা ফিরেপ অমা লৌখ্রে। লাক্কদৌরিবা নুমিৎ ৫০০নি অসিদা লৈবাক অসিদা অনৌবা ৱাতর বোদী ৫০,০০০ শারগনি অমসংউ অরিবা পুখ্রিশিং অমুক হন্না হিংগৎহল্লগনি। ঈশিং অসি পুনশিনি। ঈশিং লৈরবদি তুংগী লম্বি লৈ, অদুবু ঈশিংগীদমক্তসু হুমাং তাবগী মথৌ তাই মরুপশিং। নখোয়না কেমপেন অসি য়াওবা ঙমগদ্রা? নখোয়সু নখোয়না লাক্লিবা খুঙ্গং অদুদসু পুখ্রি শেম্বদা তেংবাং পীনগদবনি। অমসুং নখোয়না খন্দুনা য়েংঙু নিংতম্বগী অমৃত মাহোতসবকী মনুংদা অমৃত সরোৱরশিংদা শরুক য়াবগীদমক্তা মালেম শিনবা থুংনা লৈরিবা ভারত মচাশিংদা কয়ামুক য়াম্না নুংঙাইবা পীগনি হায়দু নখোয়না খন্দুনা য়েংঙু।

মরুপশিং,

ভারতকী মতাংদা খ্বাইদগী হেন্না ফজনা খঙবা জর্মনগী অফাওবা স্কোলর মেক্স মুলরনা ইন্দো-য়ুরোপিয়নগী অপুনবা তুংগী লম্বিগী মতাংদা ঙাংখি। মফম অসিদা লৈরিবা নখোয় পুম্নমক্না মহাকপু নোংমদা ১০রক্তি পল্লমগনি। ২১শুবা চহি চাদা মসিবু ইমপ্লিমেন্ত তৌনবগী মসিনা খ্বাইদগী হেন্না ফবা মতম্নি। ভারত অমসুং য়ুরোপকী য়াম্না অচেৎপা পার্তনরশীপ অসিনা মালেমদা শান্তি অমসুং নুংঙাই-য়াইফবা পুরক্লগনি। মসিগী পার্তনরশীপ অসিনা মখাতানা চাউখৎপা ওইরসনু অমসুং অসিগা চপ মান্ননা থৱায় য়াওনা মীওইবা জাতিগী অমসুং ভারতকী য়াইফনবগীদমক্তা শরুক য়াদুনা লৈবা ওইসনু মরমদি ঐখোয়না ৱাসুদেব কুতুম্বাকমদা (মালেম আসি ইমুং অমত্তনি) থাজৈ। মরুপশিং নখোয়না চৎপা মফমদা, মাংজিল থাদুনা চৎলু, চাউখৎপা ওইয়ু, নখোয়গী মঙলান অদু মঙফাওনবা ওইসনু, মসিনি নখোয়াদা ঐগী য়াইফ পাউজেল অমসুং লৈবাকচা করোর ১৩০গী য়াইফ পাউজেল নখোয়দা পীরি। নুংঙাইনা লৈয়ু, হকচাং ফনা লৈয়ু! য়াম্না থাগৎচরি!

*****