প্রধানমন্ত্রীগী লোইশঙ
প্রধান মন্ত্রীনা ভুজকী কে.কে. সুপর স্পিসিএলিতী হোস্পিতাল লৈবাক মীয়ামদা শিন্নখ্রে
“ভুজ অমসুং কুৎচকী মীয়াম্না য়ুহা হাবনা নংহনখিবা অমাঙ-অতাশিংবু তুংদা থনমদুনা, মখোয়গী শুবা-নোম্বা কনবগী থৌওংনা মখোয়না লমদমসিগীদমক্তা অনৌবা লাইবক হৌজিক শেম্লি”
“হেন্না ফবা হকশেলগী খুদোংচাবশিং অসি লাইনা লাইয়েংবখক্তা অকক্নবা নত্তে, মখোয়না খুন্নাইদা অচুম্বা ৱায়েল ফংহনববুসু পুক্নিং থৌগৎলি”
“লাইরবশিংগী মফমদা অহোঙবা অমসুং খাইদগী ফবা লাইয়েংবগী খুদোংচাবা ফংবা মতমদা, মহাক্না পথাপ্তা থাজবগী চাং হেনগৎলি। মখোয়না লাইয়েংবদা শেল চঙবদা ৱাজবগী থৌওংদগী মনিং তম্বা মতমদা, মখোয়না অচেৎপা ৱাখল্লোনগা লোয়ননা লাইরবগী খয়াত্তগী থোক্নবা হেন্না কন্না শু-নোম্মি”
Posted On:
15 APR 2022 2:04PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা গুজরাতকী ভুজতা লৈবা কে.কে. পতেল সুপর স্পিসিএলিতী হোস্পিতালবু লৈবাক মীয়ামদা শিন্নখ্রে। হোস্পিতাল অসি ভুজকী শ্রী কুৎচী লেবা পতেল সমাজনা শাবনি। গুজরাতকী মুখ্য মন্ত্রী, শ্রী ভুপেন্দ্রভাই পতেলসু অতোপ্পা মীথুংলেনগা লোয়ননা থৌরম অসিদা শরুক য়াখি।
প্রধান মন্ত্রীনা থৌরম অসিদা ৱা ঙাংবদা ভুজ অমসুং কুৎচকী মীয়াম্না য়ুহা হাবনা নংহনখিবা অমাঙ-অতাশিংবু তুংদা থনমদুনা, মখোয়গী শুবা-নোম্বা কনবগী থৌওংনা মখোয়না লমদমসিগীদমক্তা অনৌবা লাইবক হৌজিক শেম্লিবা অসিবু থাগৎপা ফোংদোকখি। “ঙসিদি, মতমগা চুনবা মেদিকেলগী তোঙানবা সেবা কয়া মফমসিদা লৈরে। পরিং অসিগী মতুং ইন্না, ভুজনা মতমগা চুনবা, সুপর স্পিসিএলিতী হোস্পিতাল অমা ঙসি ফংজরে”, হায়না প্রধান মন্ত্রীনা ফোংদোকখি। হোস্পিতাল অসি লমদমসিগী তঙাই ফদবা মীওইশিংদা তেংবাং পীবা খ্বাইদগী অহানবা সুপর স্পিসিএলিতী হোস্পিতালনি অমসুং মসিনা লান্মী, পেরা মিলিতরী লান্মী অমসুং ত্রেদর লাখ কয়াগা লোয়ননা কুৎচকী মীয়ামদা মগুন লৈবা অনা লাইয়েং শোইদনা ফংহনগনি হায়না প্রধান মন্ত্রীনা পাউদমখি।
হেন্না ফবা হকশেলগী খুদোংচাবশিং অসি লাইনা লাইয়েংবখক্তা অকক্নবা নত্তে, মখোয়না খুন্নাইদা অচুম্বা ৱায়েল ফংহনববুসু পুক্নিং থৌগৎলি হায়না প্রধান মন্ত্রীনা শন্দোক্না পাউদমখি। “লাইরবশিংগী মফমদা অহোঙবা অমসুং খাইদগী ফবা লাইয়েংবগী খুদোংচাবা ফংবা মতমদা, মহাক্না পথাপ্তা থাজবগী চাং হেনগৎলি। মখোয়না লাইয়েংবদা শেল চঙবদা ৱাজবগী থৌওংদগী মনিং তম্বা মতমদা, মখোয়না অচেৎপা ৱাখল্লোনগা লোয়ননা লাইরবগী খয়াত্তগী থোক্নবা হেন্না কন্না শু-নোম্মি”, হায়না প্রধান মন্ত্রীনা মখা তাখি। অসিগুম্বা ৱাখল্লোনশিং অসিনা তুং ইন্দুনা, মমাংগী চহিশিংদা হেল্থ সেক্তরগী স্কিম খুদিংবু থবক ওইনা পায়খৎখি হায়না প্রধান মন্ত্রীনা ফোংদোকখি।
অয়ুশমান ভারত স্কিম্না জন ঔশধী য়োজনাগা লোয়ননা লাইরবা অমসুং মিদ্দল ক্লাসকী ইমুংশিংগী অনা লাইয়েংবদা লুপা করোর লাখ কয়া তুংশিনবা ঙমখিবদা অচৌবা থৌদাং য়াখি। অয়ুশম্না ভারত হেল্থ ইনফ্রাস্ত্রকচর স্কিমগুম্বা হকশেল অমসুং ৱেলনেস সেন্তর অমসুং কেম্পেনশিংনা মীপুম খুদিংনা অনা লাইয়েং লায়না ফংহনবদা তেংবাংলি।
অয়ুশমান ভারত দিজিতেল হেল্থ মিসন্না অনাবশিংদা পীবা খুদোংচাবশিং পাকথোক চাউথোকহল্লি। মতমগা চুনবা অমসুং অরুবা হেল্থকেয়র ইনফ্রাস্ত্রকচরশিংবু অয়ুশমান হেল্থ ইনফ্রাস্ত্রকচর মিসনগী খুত্থাংদা জিলাশিংদা শেমগৎ-শাগৎলি অমসুং ব্লোক্কী থাক্তসু য়ৌহল্লি। অদুগা জিলা খুদিংদা হৌজিক হোস্পিতাল কয়া শারি। মান্নবা থৌওং ওইনা, এমস কয়াসু লিংখৎখ্রে। মেদিকেল কোলেজনা মেদিকেল এজুকেসন পাকথোক চাউথোকহল্লি অমসুং লৈবাক অসিনা মথংগী চহি ১০গী মনুংদা রেকোর্দ ওইবা দাক্তর মশিংসু ফংবা য়ানা লৈরি।
প্রধান মন্ত্রীনা গুজরাত্তা মিৎয়েং অমুক হোংলক্তুনা হায়খি, “ঐহাক্না কুৎচ থাদোকপা ঙমদবা অমসুং কুৎচনা ঐহাকপু থাদোকপা ঙমদবা ফিভম অমা য়ৌরে”। মহাক্না গুজরাত্তা মেদিকেল ইনফ্রাস্ত্রকচর অমসুং এজুকেসন হন্দক্তা পাকথোক চাউথোকখিবিগী মতাংদা পনখি। ঙসিদি, মফমসিদা এমস ৯, মমাংদা লৈরম্বা মেদিকেল কোলেজ ৯দগী হেনগত্তুনা দজন অহুম হেন্না লৈরে হায়না মহাক্না হায়খি। মেদিকেল সীত মশিংসু ১১০০দগী ৬০০০তা হেনগৎলে। রাজকোত এমস মথৌ তৌবা হৌরে অমসুং সিভিল হোস্পিতাল অহমেদবাদনা মমা অমসুং অঙাং শেন্নবগী ফমুং ১৫০০গী ইনফ্রাস্ত্রকচর ফংলে হায়না মহাক্না পাউদমখি। কার্দিওলোজী অমসুং দাইলাইসিসকী খুদোংচাবশিংসু হান্নদগী শরুক য়াম্না হেন্না চাউখৎলে।
শ্রী মোদীনা হকশেলগী মতাংদা হান্ননা ঙাকথোকপগী থৌওংদা মিৎয়েং চঙববু নৌহৌননা নীংশিংলদুনা লু-নানবা, শাজেল তৌবা অমসুং য়োগদা মিৎয়েং চঙববু মখা তানা চত্থনবা হায়খি। মহাক্না অফবা চিঞ্জাক, অশেংবা ঈশিং অমসুং মচি ওইবা চিঞ্জাক্কী মরু ওইবদা অমুক্কা হন্না মিৎয়েং চঙখি। মহাক্না কুৎচকী মফম্না য়োগ নুমিৎপু পাক চাউনা পাংথোক্নবা হায়খি। মহাক্না কুৎচ কুমহৈবু মীরমদা হেন্না খঙহন্নবা অমসুং মসিগীদমক্তা মীরমগী লমকোইবশিং লাকপগী মশিং হেনগৎনবা হোৎনসি হায়না পতেল খুন্নাইদা হায়খি। জিলা খুদিংগী অমৃত সরোবর ৭৫ লৈহনসি হায়বা মহাক্কী খোল্লাওবু মহাক্না অমুক হন্না নীংশিংখি।
***********
(Release ID: 1817076)
Visitor Counter : 158
Read this release in:
Odia
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam