ইকাই খুম্নরবা ভারতকী প্রধান মন্ত্রী, শ্রী নরেন্দ্র মোদী অমসুং ইকাই খুম্নরবা ওস্ত্রেলিয়াগী প্রধান মন্ত্রী, স্কোত মোরিসন এম.পি.না মার্চ ২১, ২০২২দা ২শুবা ভারত-ওস্ত্রেলিয়া ভর্চুএল সম্মিৎ পাংথোকখ্রে।

২. লুচিংবশিংনা ভারত-ওস্ত্রেলিয়াগী কম্প্রিহেন্সিব স্ত্রেতেজিক পার্তনর্শীপ (সি.এস.পি.)দা মখোয়গী কম্মিৎমেন্ত চেৎশিন্নবা অমুক হন্না ৱারেপ লৌখ্রে। মখোয়না পোলিতিকেল, ইকনোমিক, সেক্যুরিতী, সাইবর, তেক্নোলোজী অমসুং দিফেন্স কোর্পোরেসন মরা চেৎশিৎহনবদা চাউনা খুমাং চাউশিল্লিবা অদুবু তরাম্না ওকখি। মখোয়না লৈবাক অনিগী ওইবা মরী অসি থাজবা, অমনা অমবু খংবা, কম্মন ইন্তরেস্তশিং অমসুং দেমোক্রেসী অমসুং রুল ওফ লোগী শিয়র ভেল্যুশিংদা মরা চৎপা য়ুম্ফম অমদা শেমগৎখিবনি হায়না মখোয়না ফোঙদোকখি। অমগা অমগা কোর্পোরেসন পীবা হেনগৎনবা মখোয়না চহিগী সম্মিৎশিং পাংথোক্নবা ৱারেপ লৌখি।

৩. লুচিংবশিংনা ইন্দিয়া ২০২৩ জি২০ প্রসিদেন্সীদা খুমাং চাউশিন্নবা মীৎয়েং চংখি অমসুং মালেমগী অপাম্বা অমসুং অনীংবশিংগী শেন্মীৎলোনগী ইসুশিংদা পুন্না থবক পাইখৎমিন্ননবা অমুক্কা হন্না ৱারেপ লৌখি।

শেন্মীৎলোন অমসুং ললোল-ইতিক্কী কোর্পোরেসন

৪. লুচিংবশিংনা ওস্ত্রেলিয়া ইন্দিবা বিজিনেস এক্সচেঞ্জগী খুত্থাংদা য়াওনা সি.এস.পি.গী মখাদা শেন্মীৎলোনগী ওইবা মরী মরা চেশিন্নবা ৱারেপ লৌখি। প্রধান মন্ত্রী মোরিসন্না ওস্ত্রেলিয়া ইন্দিয়া ইনফ্রাস্ত্রকচর ফোরম হৌদোকপা অমসুং বেঙ্গলুরুদা অনৌবা কন্সুলেৎ-জেনরেল অমা হাংদোকপগী ওস্ত্রেলিয়াগী অপাম্বা অমসুং স্তেন্দর্দ, ফ্যুচর স্কিলশিং অমসুং অনৌবা ওস্ত্রেলিয়া ইন্দিয়া ইনোবেসন নেতৱর্ক অমা য়াওনা তু-ৱে ত্রেদ অমসুং ইনোবেসন হেনগৎহন্নবা অনৌবা খোঙথাংশিং লাউথোকখি।   

৫. লুচিংবশিংনা কম্প্রিহেন্সিব ইকনোমিক কোর্পোরেসন এগ্রীমেন্ত (সি.ই.সি.এ.) নেগোসিএসনশিংদা চাউনা খুমাং চাউশিনবা পুরকখিবা অদুবু তরাম্না ওকখি। ফাইনেলাইজেসন তৌগদবগী ময়া নকশিল্লক্লবা ইলিমেন্ত কয়ামরুমদা চাউনা অহোংবা পুরকপদা মখোয়না অপেনবা পোকখি। লুচিংবশিংনা অথুবা মতমদা ইন্তরিম সি.ই.সি.এ. অমা শেম্নবা অমসুং ত্রেদ অমসুং ইনবেস্তমেন্তগী মরী ফগৎহন্নবা অমসুং সি.এস.পি.গী মরা চেৎশিন্নবা চহি অসিগী অরোইবা ফাওবদা অচৌবা, মপুংফাবা সি.ই.সি.এ. অমা ওইহন্নবা মাইকৈদা থবক পাইখৎনবা অমুকহন্না ৱারেপ লৌখি। লুচিংবশিংনা তুরিজম কোর্পোরেসন্দা ইন্দিয়া-ওস্ত্রেলিয়া মেমোরেন্দম ওফ অন্দরস্তেন্দিং রিন্যুৱল তৌখিবা অদুবুসু তরাম্না ওকখি।

৬. লুচিংবশিংনা ইন্দিয়া ওস্ত্রেলিয়া দবল তেক্সেসন এভোইদেন্স এগ্রীমেন্ত (দি.তি.এ.এ.)গী মখাদা ভারতকী ফর্মশিংগী ওফশোর ইনকমশিংদা তেক্স লৌবগী ইসুশিংদা অথুবা মতমদা ৱারোইশিন পুরকপগী মরুওইবদা অহেনবা মীৎয়েং চংখি।

৭. লুচিংবশিংনা ফ্রী, ফেয়র, ইনক্লুসিব অমসুং রুল্স-বেজ ত্রেদ ইনভাইরনমেন্ত অমা শেমগৎনবা অমুকহন্না ৱারেপ লৌখি। মখোয়না ৱর্ল্দ ত্রেদ ওর্গনাইজেসন্না মরুওইবা ওইহনবগা লোয়ননা রুল্স বেজ মল্তিলেতরেল ত্রেদিং সিস্তেম শৌগৎনবা অমসুং মপাঙ্গল কনখৎহন্নবা অমসুং জুনদা পাংথোক্কনি হায়না ৱারেপ লৌখিবা এম.সি.১২তা অহেনবা মীৎয়েং চংনবা অমুক হন্না ৱারেপ লৌখি। মখোয়না দাইভর্সিফাই সপ্লাই চেনশিং শেমগৎনবা, মপাঙ্গল কনখৎহন্নবা অমসুং সপ্লাই চেনদা অপনবা পীদনবা পুন্না থবক পাইখৎমিন্নবগী মরুওইবা অদুগী মতাংদা ফোঙদোকখি।

ক্লাইমেৎ, ইনর্জী, সাইন্স, তেক্নোলোজী অমসুং রিসর্চ কোর্পোরেসন

৮. লৈবাক অনি অসিগী মরক্তা সাইন্স অমসুং তেক্নোলোজীগী কোর্পোরেসন অঙকপা ফংনা চাউথোক্লক্লিবা অসি লুচিংবশিংনা মশক খংখি। মখোয়না সাইন, তেক্নোলোজী অমসুং রিসর্সকী কোলাবোরেসনগী য়ুম্বী অমা ওইরিবা – ওস্ত্রেলিয়া-ইন্দিয়া স্ত্রেতেজিক রিসর্স ফন্দ (এ.আই.এস.আর.এফ.) মখাতানা শাংদোকখিবা অমসুং ২০২১ ইন্দিয়া ওস্ত্রেলিয়া সর্কুলর ইকনোমী হেকাত্রোন মাইপাক্না শেমগৎনবা ৱারেপ অদুবু তরাম্না ওকখি।

৯. লুচিংবশিংনা ক্লাইমেৎ চেঞ্জ, ইনর্জী সেক্যুরিতী ঙাক্নবা ইমিসনশিং হন্থহনবা অমসুং থবক পীনবা নেস্নেলগী থাক্তা চুনরবা থবকশিংদা পুক্নিং থৌগৎনবা অমসুং ক্বার্দ, জি২০, য়ু.এন.এফ.সি.সি.সি. অমসুং ইন্তরনেস্নেল সোলর এলাইন্সকী খুত্থাংদা ইন্তরনেস্নেল কোলাবোরেসন মখা চত্থনবা মখোয়গী ৱারেপশিং লৌখি। মখোয়না ক্লাইমেৎ চেঞ্জ মায়োক্নবদা সস্তেনেবল কঞ্জম্পসন অমসুং প্রদক্সন অমসুং রিসোর্স ইফিসিএন্ত, সরকুলর ইকোনোমীশিংনা লৌরিবা থৌদাং অদুগী মতাংদা ফোঙদোকখি। হায়রিবা হীরম অসিদা লুচিংবশিংনা চেকশিন্না কঞ্জম্পসন তৌবা, অহেনবা সস্তেনেবল লাইফস্তাইলশিং অমসুং ৱেস্ত হন্থহনবগী মরুওইবা অদুগী মতাংদা ফোঙদোকখি। চেকশিন্না কঞ্জম্পসন তৌবা অমসুং ৱেস্ত হন্থহনববু পুক্নিং থৌগৎনবা সস্তেনেবল লাইফস্তাইলশিংদা মালেম পুম্বগী ইহৌ অমগী খোলাউ অদুবু প্রধান মন্ত্রী মোদীনা অমুক হন্না ফোঙদোকখি। 

১০. ৱাইদর ইনর্জী অমসুং রিসোর্সেস কোলাবোরেসন শৌগত্তুনা মিনিস্তর সিংহ অমসুং মিনিস্তর তেলরগী মরক্তা পাংথোকখিবা মরিশুবা ইন্দিয়া-ওস্ত্রেলিয়া ইনর্জী দাইলোগ অদুবু লুচিংবশিংনা তরাম্না ওকখি। অৱাংবা ইমিত্তিং অল্তরনেতিবশিংগা লোয়ননা কোস্ত কম্পিতিতিব ওইগদবা লো অমসুং জিরো ইমিসন্স তেক্নোলোজিশিংগী মমল হন্থহন্নবা পান্দম থম্লিবা অনৌবা অমসুং রিন্যুৱেবল ইনর্জী তেক্নোলোজীদা ভারত অমসুং ওস্ত্রেলিয়াগী মরক্তা খুৎয়েক পীনখিবা লেত্তর ওফ ইন্তেন্ত অদুবু মখোয়না তরাম্না ওকখি অমসুং খোঙজেল য়াংখৎহন্নবা রিসর্চ অমসুং দিভেলপমেন্তগী খুত্থাংদা অমসুং মিসন ইনোবেসনগুম্বা ফোরমশিংগী খুত্থাং য়াওনা ক্লিন ইনর্জীদা কোর্পোরেসন হেনগৎহন্নবা ৱারেপ লৌখি। আই.ই.এ. ইন্দিয়া এক্তিবিতীশিং হেনগৎহনবদা তেংবাং ওইনবা অমসুং ভারতকী আই.ই.এ. মেম্বরশীপতা খুমাং চাউশিন্নবা আই.ই.এ. ক্লিন ইনর্জী ত্রাঞ্জিসন্স প্রোগ্রামদা মিলিয়ন $২গী ফন্দিং কন্ত্রিব্যুসন য়াওনা ২০২২ ইন্তরনেস্নেল ইনর্জী এজেন্সী (আই.ই.এ.) মিনিস্ত্রিএল মীফমগা মাংওইননা মখাতানা মল্তিলেতরেল ইনর্জী কোর্পোরেসন চত্থখিবা অদুবু লুচিংবশিংনা তরাম্না ওকখি। জুলাই ২০২২দা পাংথোক্কদবা সীদনী ইনর্জী ফোরম ওন ক্লিন ইনর্জী সপ্লাই চেন্স ইন দি ইন্দো পেসিফিক্তা ভারতনা শরুক য়াবগী মতাংদা লুচিংবশিংনা মিৎয়েং চংখি।

১১. গ্লোবল লো কার্বন ত্রাঞ্জিসন্দা ক্লিন তেক্নোলোজীশিং খোঙজেল য়াংনা হেনগৎহনবা অমসুং ক্রিতিকেল মিনরেলশিংদা ইকুইতেবল এক্সেস মথৌ তাই হায়না লুচিংবা অনিনা ফোঙদোকখি।   লুচিংবশিংনা ক্রিতিকেল মিনরেলশিং অমসুং বিল্দিং সেক্যুর, রেসিলেন্ত অমসুং সস্তেনেবল ক্রিতিকেল মিনরেলস সপ্লাই চেনশিংগী কোর্পোরেসন্দা মখোয়না পুন্না লৌরিবা থৌদাং অদু অমুক হন্না ফোঙদোকখি। রিসর্স অমসুং সাইন্তিফিক ওর্গনাইজেসনশিংগী মরক্তা তেক্নিকেল এক্সচেঞ্জ তৌবা অমসুং বাইলেতরেল বিজিনেস অমা অমসুং ইনবেস্তমেন্ত রাউন্দতেবল য়াওনা ইন্দিয়া-ওস্ত্রেলিয়া জোইন্ত ৱর্কিং গ্রুপনা ইম্প্লিমেন্তেসন প্লান খুমাং চাউশিনহনবদা লুচিংবশিংনা অপেনবা ফোঙদোকখি। ক্রিতিকেল মিনরেল প্রোজেক্ততা পুন্না কোওপেরেসন পীননবা ভারতকী খানিজবিদেশ লিমিতেদ (কাবিল) অমসুং ওস্ত্রেলিয়াগী ক্রিতিকেল মিনরেল্স ফেসিলেতেসন ওফিসকী মরক্তা খুৎয়েক পীনখিবা মেমোরেন্দম ওফ অন্দরস্তেন্দিং অদুবু মখোয়না তরাম্না ওকখি। 

১২. লুচিংবশিংনা ফেব্রুৱারী ১২, ২০২২দা মিনিস্তর পাইন অমসুং মিনিস্তর জয়শঙ্করগী মরক্তা পাংথোকখিবা ইনোগ্রেল ইন্দিবা-ওস্ত্রেলিয়া ফোরেন মিনিস্তর’স সাইবর ফ্রেমৱর্ক দাইলোগ অদুবু তরাম্না ওকখি। মখোয়না সাইবর গভর্নেন্স, সাইবর সিক্যুরিতী, কেপাসিতী বিল্দিং, সাইবরক্রাইম, দিজিতেল ইকনোমী অমসুং ক্রিতিকেল অমসুং ইমর্জিং তেক্নোলোজীশিংদা কোওপরেসন পীনবা অদুবু তরাম্না ওকখি। তেক্নোলোজী অসি ঐখোয়গী শিয়র দেমোক্রেতিক ভেল্যুশিংগা অমসুং মীওইগী হকশিংবু ইকাই খুম্নবা উৎপগা লোয়ননা দিজাইন, দিভেলপ, গভর্ন তৌগদবনি অমসুং লেপ্পা লৈতনা শিজিন্নগদবনি হায়না মখোয়না ফোঙদোকখি। মখোয়না ইন্তর্নেস্নেল লো ঙাকপা ওপন, সিক্যুর, ফ্রী, এক্সেসিবল, স্তেবল, শান্তি লৈবা অমসুং ইন্তরোপেরেবল সাইবরস্পেস অমসুং তেক্নোলোজীশিং শিজিন্ননবা অমুক হন্না ৱারেপ লৌখি।   মখোয়না মালেমগী শান্তি অমসুং তংদু লৈতাবা থুগাইনবা সাইবরস্পেস অমসুং সাইবর-ইনেবল তেক্নোলোজীশিং শিজিন্ননবা হোৎনরিবা অদুবু য়ানিংদবা ফোঙদোকখি। মখোয়না সাইবরস্পেসকী ইন্তরনেস্নেল স্তেন্দর্দশিং, চৎন-কাংলোনশিং অমসুং ফ্রেমৱর্কশিং দিবেলপ তৌবদা য়ুনাইতেদ নেসন্স য়াওবা মল্তিলেতরেল ফোরাদা অমগা অমগা তেংবাং পীনবা হেনগৎনবা পুন্না থবক পাইখৎনবা ৱারেপ লৌখি।

১৩. লুচিংবশিংনা ক্রিতিকেল অমসুং ইমর্জিং তেক্নোলোজীদা পুন্না চৎমিন্নবা অমসুং দাইভর্স অমসুং থাজবা য়াবা তেক্নোলোজী সপ্লাই চেনশিং শেমগৎপগী মরুওইবা অদু ফোঙদোকখি। মখোয়না বেঙ্গলুরুদা ক্রিতিকেল অমসুং ইমর্জিং তেক্নোলোজী পোলিসীগী ইন্দিয়া-ওস্ত্রেলিয়া সেন্তর ফোর এক্সিলেন্সী লিংখৎনবা য়ান-ৱারোল অদুবু মখোয়না তরাম্না ওকখি।

১৪. ভারতকী গগনয়ান স্পেস প্রোগ্রামদা ওস্ত্রেলিয়ানা হৌজিক তেংবাং পীরিবা অসি য়াওনা ভারত অমসুং ওস্ত্রেলিয়াগী স্পেস থৌবক ধৌরমশিংগী মরুওইবা অদু লুচিংবশিংনা ফোঙদোকখি। চারকী স্পেস সেক্তরদা অওনবশিং পুরকপনা মরম ওইরগা বাইলেতরেল স্পেস কোওপরেসন চাউথোরক্নবা লুচিংবশিংনা পুক্নিং থৌগৎখি। ওস্ত্রেলিয়ন স্পেস এজেন্সীগী ইন্তরনেস্নেল স্পেস ইনবেস্তমেন্ত ইনিসিএতিবগী কত্থোক্লবা ভারতকী স্ত্রীম অমা লাউথোকপদা প্রধান মন্ত্রী মোরিসন্না অপেনবা পোকখি। 

মীওই অমগা অমগগী মরক্তা লৈনরিবা মরী

১৫. লুচিংবশিংনা ভারত অমসুং ওস্ত্রেলিয়াগী মরক্তা লৈরিবা অকনবা মীওই অমগা অমগগী মরী অদুবু মশক খংখি। ওস্ত্রেলিয়াদা য়ুম্ফম ওইবা সেন্তর ফোর ওস্ত্রেলিয়া ইন্দিয়া রিলেসন্স লীংখৎপা, অনৌবা মাইত্রি স্কোলর্শীপস প্রোগ্রামগী মথক্তা, মাইত্রি গ্রান্তশিং অমসুং ফেলোশীপ প্রোগ্রাম অমসুং ওস্ত্রেলিয়া ইন্দিয়া কলচরেল পার্তনর্শীপ প্রধান মন্ত্রী মোরিসন্না লাউথোকখি।   লুচিংবশিংনা মাইগ্রেসন অমসুং মোবিলিতীগী লেত্তর ওফ ইন্তেন্ত অদুবু তরাম্না ওকখি অমসুং মহৈরোয়শিং অমসুং প্রোফেস্নেলশিংদা মোবিলিতী হেনগৎহনবদা মতেং পাংগদবা মাইগ্রেসন অমসুং মোবিলিতী পার্তনর্শীপ এগ্রীমেন্ত অথুবা মতমদা ৱারোইশিন পুরক্নবা ৱারেপ লৌখি। ওস্ত্রেলিয়া সরকারনা আর্তিফেক্ত ২৯ হন্দোরকখিবা অদুবু প্রধান মন্ত্রী মোদীনা তরাম্না ওকখি। লুচিংবশিংনা প্রসারভার্তী, ইন্দিয়া অমসুং এস.বি.এস., ওস্ত্রেলিয়াগী মরক্তা ব্রোদকাস্তিংগী কোওপরেসন অমসুং কোলাবোরেসন্দা খুৎয়েক পীনখিবা মেমোরেন্দম ওফ অন্দরস্তেন্দিং অদুবুসু তরাম্না ওকখি।  

১৬. লুচিংবশিংনা লৈবাক অনিনা জেন্দর ইক্বেলিতীদা পাইখৎলিবা থবক অদুবু মশক খংখি অমসুং সাইন্স, তেক্নোলোজী, ইঞ্জিনিয়রিং অমসুং মেথস দিসিপ্লিনশিংদা জেন্দর গেপ লৈহন্দবা য়াওনা নুপী অমসুং নুপীমচাশিংবু এম্পাৱর তৌনবা মখাতানা পুন্না থবক পাইখৎনবা য়ানবসু পুরকখি।

১৭. ইন্দিয়া ওস্ত্রেলিয়াগী মতম শাংনা লৈরক্লবা এজুকেসন অমসুং স্কিলিংগী মরী অদু চাউথোক্নবা অমসুং অফবা মাইকৈদা পুরক্নবা মীৎয়েং অমগা লোয়ননা অমসুং এজুকেসন ক্বালিফিকেসনশিং মশক খংবদা লৈবাক অনিগী মরক্তা লৈরিবা তোঙানবা সিস্তেমশিং অসিবু মশক খংলদুনা লুচিংবা অনিনা এজুকেসন ক্বালিফিকেসন্স রিকক্নেসন্দা তাস্কফোর্স অমা লীংখৎনবা য়ান-ৱারোল অদুবু তরাক্না ওকখি। তাস্কফোর্স অসিনা হায়র এজুকেসন এক্সেস তৌনবা অমসুং এম্প্লোয়মেন্তগী খুদোংচাবশিং ফংহন্নবা ক্বালিফিকেসনশিং মশক খংবগী (দাইভর্স দিলিভরী মোদেলশিংগী খুত্থাংদা ফংবা মীওইশিং য়াওনা) শিল্লি লাংলিবশিং অদুবু মশক খংনবা মসি লিংখৎখিবগী থা তরুক্কী মনুংদা কোওপরেতিব মেকানিজম অমা ফংহন্নগনি।

কোবিদ-১৯গী কোওপরেসন

১৮. লুচিংবশিংনা ভেক্সিনেসন সর্তিফিকেৎ সোল্যুসনশিংগী গ্লোবেল ইন্তেরোপেরেবিলিতীগী মরু ওইবগী মতাংদা য়ান্নখি। প্রধান মন্ত্রী মোরিসন্না ভারতকী ভেক্সিন মৈত্রিগী খোঙথাং অমসুং ভারতনা গ্লোবেল ভেক্সিনেসনগী খোঙথাংদা লৌরিবা মরু ওইবা থৌদাং অসিবু তরাক্না ওকখি।

 
১৯. ক্বাদ অমসুং কোভেক্সকী খুত্থাংদা মখোয়গী অচেৎপা কোওপরেসন অসি মশক খঙলদুনা লুচিংবশিংনা কাংলোন চুম্না, মতম চানা অমসুং ইক্বিতেবল ওইনা ক্বালিতী লৈবা, শাফবা, কান্নবা অমসুং অহোংবা কোবিদ-১৯ ভেক্সিনশিং, লায়েং অমসুং মরু ওইবা মেদিকেল সপ্লাই মালেমশিনবা থুংবদা ফংহন্নবা মখোয়গী ফিরেপ অদু নৌহৌনা ফোঙদোকখি। মখোয়না হৌজিক চত্থরিবা কোওপরেসন অসিনা ইন্দো-পেসিফিক অমসুং গ্লোবেল পার্তনরশিংদা হায়-ক্বালিতী ভেক্সিনশিং ফংহনবা ঙম্নবা মীৎয়েং চংখি।

সেক্যুরিতী অমসুং দিফেন্স কোওপরেসন

২০. লুচিংবশিংনা সেক্যুরিতী অমসুং দিফেন্সতা পীরকপা অকাইবা অমসুং শীংনবশিং কোকহন্নবা কোওপরেসন চেৎশিনহনবদা য়ান্নখি অমসুং জেনরেল রাৱত ইন্দিয়া-ওস্ত্রেলিয়া য়ং দিফেন্স ওফিসর একচেঞ্চ প্রোগ্রাম থম্ববু তরাম্না ওকখি। মখোয়না মেরিতাইমগী ই-পাউ শিয়র তৌবা অমসুং মেরিতাইম দোমেন এৱের্নেস হেনগৎহনববু তরাম্না ওকখি। মখোয়না ইন্দো-পেসিফিক শিনবা থুংবদা হেন্না কুপ্না কোওর্দিনেৎ তৌনবা দিফেন্দ ইনফোর্মেসন শিয়রিংগী শিল-লাংনবা মখোয়গী থাজবা পীনখি। মখোয়না ভারতনা চহি অসি লোইশিল্লকপদা পাঙথোক্কদবা ওস্ত্রেলিয়া ইন্দো-পেসিফিক এন্দেবর এক্সর্সাইজতা শরুক য়ারক্কনি হায়বগী থাজবা থমখি।

২১. লুচিংবশিংনা ওপরেস্নেল দিফেন্স কোওপরেসন চেৎশিনহনবা মতেং ওইগদবা রেসিপ্রোকেল এক্সেস এরেঞ্জমেন্তশিংগী মরু ওইবা অমসুং মসিনা ফ্রী অমসুং ওপন ওইবা মরু ওইবা রিজনেল মেরিতাইম কোরিদোরশিংদা শরুক তমগদবা অদু ফোঙদোকখি। লুচিংবশিংনা নাকল অনিমক্কী কান্নগদবা লমশিংদা মখা তানা দিফেন্স কোওপরেসন হেনগৎহন্নবগী খুদোংচাবশিং অদু ফংহন্নবা অমুক হন্না থাজবা পীখি।

২২. ঐখোয়গী রিজন অসিদা তেরোরিজমনা শান্তি অমসুং তংদু-লৈতানা হিংবদা অকাইপা অমা অমা ওইরিবা অসি খঙলদুনা লুচিংবশিংনা তেরোতিজমগী মখল পুম্নমক অমসুং শক্লোনশিং অমদি ক্রোস-বোর্দর তেরোরিজমদা তেরোরিস্ত প্রোক্সিশিং শীজিন্নবা অসিবু অকনবা মওংদা য়ানীংদবা ফোঙদোকখি। মখোয়গী কন্ত্রোলদা লৈরিবা লম অমত্তা তেরোরিস্ত এতেক্তশিং চত্থবদা শীজিন্নহনদনবা অমসুং অসিগুম্বা এতেক্তশিং চত্থবদা অৱাবা নংলবা মীওইশিংদা অথুবদা ৱায়েল পীনবগী খুদক্কী, তুংকোইগদবা, ভেরিফাইএবল ওইবা অমসুং ইররেভর্সিবল এক্সন লৌখৎনবা লৈবাক পুম্নমক্তা অথুবদা মথৌ তারে হায়না নৌনা ফোঙদোকখি। মখোয়না বাইলেতরেল ওইনা অমসুং ক্বাদ কনসল্তেসনশিং অমসুং মল্তিলেতরে ফোরাদা কাউন্তর-তেরোরিজমদা ই-পাউ শিয়র তৌনবা অমসুং মতেং পাংননবা য়ান্নখি।

রিজনেল অমসুং মল্তিলেতরেল কোওপরেসন

২৩. লুচিংবশিংনা য়ুক্রেন্দা হৌজিক চত্থরিবা লান অমসুং হ্যুমেনিতরিয়ন ক্রাইসিস অসিগী মতাংদা মখোয়না য়ানীংদবা ফোঙদোকখি। মখোয়না লান অসি খুদক্তা লেপ্পা মথৌ তাই হায়না নৌহৌনা ফোঙদোকখি। মখোয়না হৌজিক লৈরিবা গ্লোবেল ওর্দর অসি য়ু.এন. চার্তর, ইন্তর্নেস্নেল লো অমসুং লৈবাকশিংগী সোবরেন্তী অমসুং তেরিতোরিএল ইন্তিগ্রিতীদা য়ুম্ফম ওইরগা শেমখি হায়না ফোঙদোকখি। মখোয়না ইস্যু অসি কুপ্না য়েংশিন্নবা অমসুং ইন্দো-পেসিফিক্কী ওইনা চাউনা শরুক য়ান্নবা হায়নখি।

২৪. এসিয়ননা ময়াইদা লৈরিবা অচৌবা রিজনেল আর্কিতেকচর অমনা ঙাকলৌ পীবা ফ্রী, ওপন অমসুং রুলশিংদা য়ুম্ফম ওইবা ইন্দো পেসিফিক্কী মখোয়গী মান্নবা ফিরেপ অসি লুচিংবশিংনা ফোঙদোকখি। মখোয়না লৈবাক পুম্নমক্কী সোভরেন্তী অমসুং তেরিতোরিএল ইন্তিগ্রিতী অসিবু ইকাই খুম্নবা অমসুং লৈবাকশিংবু মিলিতরী, ইকনোমিক অমসুং পোলিতিকেল অপনবদগী নীংতম্বা ফংনবা ইনক্লুসিব অমসুং চাউখৎপা রিজন ওইনবা মখোয়গী ফিরেপ অদু অমুক হন্না থাজবা পীখি।

২৫. লুচিংবশিং ভারর. ওস্ত্রেলিয়া, জপান অমসুং য়ুনাইতেদ স্তেৎসকী মরক্তা রিজনেল স্তেবিলিতী অমসুং প্রোস্পরিতী অসি প্রমোৎ তৌনবা ক্বাদকী অফবা অমসুং অচৌবা পান্দম অসি খুমাং চাউশিন্নবা কোওপরেসন পীনসি হায়না ফোঙদোকখি। মখোয়না ২০২২গী মার্চতা ক্বাদ লীদরশিংগী মরক্তা পাঙথোকখিবা ভর্চুএলগী মীফম অদুবু তরাম্না ওকখি অমসুং তুংদা লাক্কদবা থাশিংদা লুচিংবশিংনা হকথেংননা উনরগা মীফম পাঙথোক্নবা আশা থমখি। মখোয়না ইন্দো-পেসিফিক ওসিন্স ইনিসিএতিবতা ভারত অমসুং ওস্ত্রেলিয়াগী মরক্তা কোওপরেসন পীনববু তরাম্না ওকখি।

 
২৬. প্রধান মন্ত্রী মোদীনা ওস্ত্রেলিয়া-য়ু.কে.-য়ু.এস. (এ.য়ু.কে.য়ু.এস.) পার্তনরশিপকী মতাংদা প্রধান মন্ত্রী মোরিসননা পাউদমখিবা অদুবু থাগৎপা ফোঙদোকখি। লুচিংবশিংনা ওস্ত্রেলিয়ানা ন্যুক্লিয়র ৱিপনশিং শাদনবা লৌখিবা ফিরেপ অমসুং নন-প্রোলিফেরেসনগী খ্বাইদগী ৱাংবা থাকশিং ঙাক্নবা থাজবা পীখিবা অদু থাগৎখি।

২৭. লুচিংবশিংনা ইন্দিয়ন ওসিন রিজনদা অমসুং ইন্দিয়ন ওসীন রিম এসোসিএসন্দা মখোয়না মতেং পীবা য়াওনা অতোপ্পা ইন্দিয়ন ওসীনগী লৈবাকশিংগা লোয়ননা কোওপরেসন পীনবা মপাঙ্গল কনখৎহন্নবা মখোয়গী ফিরেপ অদু অমুক হন্না ফোঙদোকখি। প্রধান মন্ত্রীনা ওস্ত্রেলিয়ানা মেরিতাইম অমসুং দিজাস্তর প্রিপিয়র্দনেস, ত্রেদ, ইনভেস্তমেন্ত অমসুং কন্নেক্তিবিতীদা ইন্দিয়ন ওসীনগী হীরমদা থবক পাইখৎআ হেনগৎলকপা অসিবু তরাম্না ওকখি।

২৮. লুচিংবশিংনা পেসিফিক্কী রেসিলিয়েন্স অমসুং রিকবরীদা মতেং পীনবা মখোয়গী হৌজিক পীনরবা কোওপরেসন অসিগী মতাংদা খন্নখি। প্রধান মন্ত্রী মোরিসন্না হুঙ্গা তোঙ্গা-হুঙ্গা হা’অপাইদা মৈগী চীং পোখাইবা অমসুং সুনামি থোকখিবদা তোঙ্গাদা ভারতনা মতেং পাংখিবা অমসং কোবিদ-১৯ লাইচৎকী মনুংদা কিরিবাতিদা মতেং পাংখিবা অদুবু তরাম্না ওকখি। প্রধান মন্ত্রী মোদীনা ইন্দিয়ন ঐচ.এ.দি.আর. মাগী পেসিফিক পার্তনরশিংদা দেলিবরী তৌবা মতেং পাংখিবগী ওস্ত্রেলিয়াগী থৌদাং অদুবু থাগৎখি।

২৯. নেবিগেসন অমসুং ওভরফ্লাইৎকী ফ্রীদম য়াওনা লুচিংবশিংনা ইন্তর্নেস্নেল লো, মরু ওইনা য়ু.এন. কনভেন্সন ওন দি লো ওফ সি সী (য়ু.এন.সি.এল.ও.এস.)গী মতুং ইন্না ইন্দো-পেসিফিক রিজন্দা লৈরিবা ঈশিংগী ইপাক পুম্নমক্তা হকশিং অমসুং মনীং-মখা তমহন্নবগী মরু ওইবা অদু ফোঙদোক্নখি। মখোয়না দিস্প্যুতশিংগী ৱারোইশিন পুরকপা অসি অকি-অখং পীদনা নত্ত্রগা ফোর্স শীজিন্নদনা নত্ত্রগা স্তেতস কোদা য়ুনিলেতরেল ওইনা অহোংবা পুরকপা তৌনা ইন্তর্নেস্নেল লোগী মতুং ইন্না শান্তি ওইবা মওংদা পাঙথোক্কদবনি হায়না হায়খি অমসুং লৈবাকশিং অসিনা শান্তি অমসুং তংদু লৈতানা লৈবদা অকাইবা পীবা থবক-থৌরমশিং পাঙথোকপদা মশানা অথিংবা পীজনবা থবক পাইখৎনবসু হায়খি। মখোয়না সাউথ চিনা সী য়াওনা মেরিতাইল রুল্স-বেজ ওর্দরদা পীবা শীংনবশিং কোকহন্নবা, মরু ওইনা য়ু.এন. কনভেন্সন ওন দি লো ওফ সি সী (য়ু.এন.সি.এল.ও.এস.)দা য়াওরিবা ইন্তর্নেস্নেল লো অসি ঙাক্না চৎপগী মথৌ তাবা অদু নৌহৌনা ফোঙদোকখি। মখোয়না ইন্তর্নেস্নেল লো অমসুং হৌজিক লৈরিবা ইনক্লুসিব রিজনেল আর্কিতেকচরগী মখাদা নেগোসিএসনশিং অসিগী পার্তী ওইদবা য়াওনা লৈবাক অমত্তগী ফংফম থোকপা হক অদুদা অকাইবা পীদনবা ইফেক্তিব ওইবা, সবস্তেন্তিব অমসুং ইন্তর্নেস্নেল লোগা মপুং ফানা কনসিস্তেন্ত ওইবা কোদ ওফ কন্দক্ত সাউথ চিনা সীদা থম্নবা মখোয়না হায়খি।

৩০. লুচিংবশিংনা ম্যান্মারদা মীচম প্রজাশিংগী মায়োক্তা চত্থরিবা হিংসা অসি খুদক্তা লেপহন্নবা, মীরৈবাকমচাশিং য়াওনা অর্বিতরিলী দিতেন তৌখিবা পুম্নমক থাদোক্নবা অমসুং হ্যুমেনিতরিয়ন এক্সেস ফংহন্নবদা অপনবা পীদনবা হায়খি। মখোয়না ম্যান্মারদা এসিয়নগী ফাইব-পোইন্ত কনসেন্সস অদু চৎনহন্নবা অমসুং হিংসা অসি লেপহনবদা মালেমগী থাক্কী কাংলুপশিংনা অমত্তা ওইনা থবক পাইখৎনবা হায়খি।

 
৩১. লুচিংবশিংনা অফঘান মীয়ামদা হ্যুমেনিতরিয়নগী ফীভম শোকচিল্লক্লিবা অসি য়েংলগা মখোয়দা হ্যুমেনিতরিয়নগী ওইবা মতেং পীনবা অমসুং য়ু,এন.এস.সি.আর. ২৫৯৩গী মতুং ইন্না তেরোরিজম থিংনবগী ফিরেপশিং অমসুং মীওইবগী হকশিং ঙাক্নবা অফঘানিস্তান্দা হায়খি। মখোয়না নুপী অমসুং নুপীমচাশিংবু খুন্নাইগী ওইবা পুন্সিদা মখোয়বু মপুং ফানা শরুক য়াহন্নবগীদমক মখোয়গী হকশিং ঙাকশেন্নবা মখোয়না নৌহৌনা ফোঙদোকখি। মখোয়না অফঘানিস্তানদা তুং কোইনা শান্তি অমসুং তংদু লৈতানা হিংনবগীদমক ইনক্লুসিব ওইবা সরকার অমা মথৌ তাই হায়না য়ান্নখি।

৩২. মীফম অসিনা ভারত অমসুং ওস্ত্রেলিয়াগী মরক্তা নুংশি-চানবা অমসুং অচেৎপা মরীশিং অমুক হন্না থম্বা ঙমহল্লি অমসুং লুচিংবশিংনা কম্প্রিহেন্সিব স্ত্রেতেজিক পার্তনরশিপ অসিবু অনৌবা পনখৈশিং য়ৌনবা মখোয়গী ফিরেপ নৌহৌননা ফোঙদোকখি।

*****