പ്രധാനമന്ത്രിയുടെ ഓഫീസ്
നമ്മുടെ പൗരന്മാർക്ക് വാക്സിനേഷൻ നൽകാനുള്ള ഇന്ത്യയുടെ ശ്രമങ്ങളിലെ സുപ്രധാന ദിനമാണ് ഇന്ന് : പ്രധാനമന്ത്രി
12-14 വയസ്സ് പ്രായപരിധിയിലുള്ള യുവാക്കളോടും 60 വയസ്സിന് മുകളിലുള്ളവരോടും വാക്സിനേഷൻ എടുക്കാൻ അഭ്യർത്ഥിച്ചു
Posted On:
16 MAR 2022 10:12AM by PIB Thiruvananthpuram
നമ്മുടെ പൗരന്മാർക്ക് വാക്സിനേഷൻ നൽകാനുള്ള ഇന്ത്യയുടെ ശ്രമങ്ങളിലെ സുപ്രധാന ദിനമാണ് ഇന്ന് എന്ന് പറഞ്ഞ പ്രധാനമന്ത്രി ശ്രീ നരേന്ദ്ര മോദി, 12-14 വയസ്സ് പ്രായത്തിലുള്ള യുവാക്കളോടും 60 വയസ്സിന് മുകളിലുള്ളവരോടും വാക്സിനേഷൻ എടുക്കണമെന്ന് അഭ്യർത്ഥിച്ചു.
ട്വീറ്റുകളുടെ പരമ്പരയിൽ പ്രധാനമന്ത്രി പറഞ്ഞു :
"ഇന്ന് നമ്മുടെ പൗരന്മാർക്ക് വാക്സിനേഷൻ നൽകാനുള്ള ഇന്ത്യയുടെ ശ്രമങ്ങളിലെ സുപ്രധാന ദിനമാണ്. ഇപ്പോൾ മുതൽ, 12-14 വയസ്സ് പ്രായത്തിലുള്ള ചെറുപ്പക്കാർ വാക്സിനുകൾക്ക് യോഗ്യരാണ്. 60 വയസ്സിന് മുകളിലുള്ള എല്ലാവരും മുൻകരുതൽ ഡോസിന് അർഹരാണ്. ഈ പ്രായത്തിലുള്ള ആളുകളോട് വാക്സിനേഷൻ എടുക്കാൻ ഞാൻ അഭ്യർത്ഥിക്കുന്നു. "
"ഈ ഭൂമിയെ മുഴുവൻ പരിപാലിക്കുന്നതിനുള്ള ഇന്ത്യയുടെ ധാർമ്മികതയ്ക്ക് അനുസൃതമായി, വാക്സിൻ മൈത്രി പരിപാടിയ്ക്ക് കീഴിൽ നാം നിരവധി രാജ്യങ്ങളിലേക്ക് വാക്സിനുകൾ അയച്ചു. ഇന്ത്യയുടെ വാക്സിനേഷൻ ശ്രമങ്ങൾ കോവിഡ് -19 നെതിരായ ആഗോള പോരാട്ടം ശക്തമാക്കിയതിൽ എനിക്ക് സന്തോഷമുണ്ട്."
"ഇന്ന്, ഇന്ത്യയിൽ തദ്ദേശീയമായി നിർമ്മിച്ച നിരവധി വാക്സിനുകൾ ഉണ്ട്. മൂല്യനിർണ്ണയ പ്രക്രിയയ്ക്ക് ശേഷം മറ്റ് വാക്സിനുകൾക്കും നാം അംഗീകാരം നൽകിയിട്ടുണ്ട്. ഈ മാരകമായ മഹാമാരിയെ ചെറുക്കാൻ നാമിന്ന് കൂടുതൽ മെച്ചപ്പെട്ട നിലയിലാണ്. അതേ സമയം, നമുക്ക് സൂക്ഷിക്കേണ്ടതുണ്ട്. കൊവിഡുമായി ബന്ധപ്പെട്ട എല്ലാ മുൻകരുതലുകളും പാലിക്കപ്പെടേണ്ടതുണ്ട്. "
***
-ND-
(Release ID: 1806451)
Visitor Counter : 181
Read this release in:
Odia
,
English
,
Urdu
,
Hindi
,
Marathi
,
Bengali
,
Manipuri
,
Assamese
,
Punjabi
,
Gujarati
,
Tamil
,
Telugu
,
Kannada