প্রধানমন্ত্রীগী লোইশঙ
ঙসি অসি ঐখোয়গী প্রজাশিংবু তিকা থাদোক্নবা ভারতনা হোৎনখিবশিং অদুগী য়াম্না মরু ওইবা নুমিৎ অমনি হায়না পি.এম.না হায়রি
চহি ১২-১৪ ফাওবগী কাংলুপকী নহাশিং অমসুং চহি ৬০গী মথক্তা লৈবশিং পুম্নমকপু তিকা থাদোক্নবা হায়রকখ্রে
Posted On:
16 MAR 2022 10:12AM by PIB Imphal
প্রধান মন্ত্রী, শ্রী নরেন্দ্র মোদীনা ঙসি অসি ঐখোয়গী প্রজাশিংবু তিকা থাদোক্নবা ভারতনা হোৎনখিবশিং অদুগী য়াম্না মরু ওইবা নুমিৎনি হায়না হায়খি অমসুং চহি ১২-১৪ ফাওবগী কাংলুপকী নহাশিং অমসুং চহি ৬০গ মথক্তা লৈবশিং পুম্নমকপু তিকা থাদোক্নবা হায়রকখ্রে।
ত্বীত কয়া অমদা, প্রধান মন্ত্রীনা হায়খি;
“ঙসি অসি ঐখোয়গী প্রজাশিংবু তিকা থাদোক্নবা ভারতনা হোৎনখিবশিং অদুগী য়াম্না মরু ওইবা নুমিৎনি। হৌজিক্তগী হৌনা, চহি কাংলুপ ১২-১৪ ফাওবগী মনুংদা লৈবা নহাশিংনা ভেক্সিন কাপ্পা য়ারে অমসুং চহি ৬০গী মথক্তা লৈবশিংনা প্রিকোশন দোজকীদমক কাপ্পা য়ারে। ঐহাক্না মসিগী চহি কাংলুপশিং অসিগী মীশিংদা ভেক্সিন কাপথোক্নবা তকশিল্লি।”
“মালেম পুম্বগীদমক্তা খনবা ভারতকী ৱাখল্লোন অদুগী মতুং ইন্না, ঐখোয়না ভেক্সিন মাইত্রি প্রোগ্রামগী মখাদা লৈবাক কবা অমদা ভেক্সিনশিং থারি। ঐহাক্না চা্থোকচৈ মদুদি ভারতনা ভেক্সিন কাপথোক্নবগীদমক্তা হোৎনরিবশিং অদুনা মালেম অসিবু কোবিদ-১৯গী মায়োক্তা লান্থেংনবদা হেন্না কনখৎহল্লে। ”
“ঙসি, ভারত্তা “মেদ ইন ইন্দিয়া” ভেক্সিন ময়াম অমা লৈ। নিংথিংনা ইভাল্যুএত তৌবগী থৌওং কয়া চত্থরবা মতুংদা ঐখোয়না অতোপ্পা ভেক্সিনশিংদসু অয়াবা পীখ্রে। মসিগী তমথিরবা লাইচৎ অসিগা লান্থেংনবদা ঐখোয়না য়াম্না খুদোংচানিংঙাই ওইবা ফিভমদা লৈরি। অমরোমদনা , ঐখোয়না কোবিদকা মরী লৈনবা চেকশিংন-থৌরাংশিং পুম্নমক ঙাক্না চৎকদবনি”
***
(Release ID: 1806448)
Visitor Counter : 177
Read this release in:
Odia
,
Malayalam
,
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada