প্রধানমন্ত্রীগী লোইশঙ

প্রধান মন্ত্রীনা থানে অমসুং দিবা শম্নহল্লিবা রেলৱেজ লাইনশিং জাতিদা কত্থোকখ্রে


মুম্বাই সবআর্বান রেলৱেগী সবআর্বান ত্রেন অনি লমথাখ্রে

হয়েং জনম জয়েন্তী তারিবা ছত্রপতি শিবাজী মহারাজতা ইকাই খুম্নবা উৎতুনা মহাক্কী ৱারোল ঙাংবা হৌখি

“হায়রিবা লাইনশিং অসিনা কৈদৌনুংদা লেপ্পা নায়দবা মুম্বাইগী মেত্রোপোলিতান সিতীদা লৈরিবা মীওইশিংগী পুন্সিবু হিংবদা হেন্না লাইথোকহল্লগনি”

“আত্মনির্ভর ভারতকীদমক লৌরিবা থৌদাং অদু য়েংলগা মুম্বাইগী কেপাবিলিতী মখল-মখা কয়াদা হেনগৎহন্নবা হোৎনরি”

“মু্ম্বাইগীদমক ২১শুবা চহি চাগী ইনফ্রাস্ত্রকচর শেমগৎপদা ঐখোয়না অখন্ননা মীৎয়েং থম্লি”

“ইন্দিয়ন রেলৱেজপু হেন্না শাফহন্নবা, হেন্না খুদোং চাহন্নবা অমদি মতমগা চুনবা থাক্তা ওন্থোক্নবা সরকারনা হোৎনরিবা অসি কোরোনা লাইনা-লাইচৎ অসিনা ফাওবা অকাইবা পীবা ঙম্লোই”

“হৌখিবা মতমদা লাইরবা অমদি মিদল ক্লাসনা শিজিন্নখিবা রিসোর্সশিংদা ইনবেস্তমেন্ত মরাই-কাইনা তৌদবনা লৈবাক অসিদা পব্লিক ত্রান্সপোর্ত অসিবু মপুং ফাহনখিদবনি”

লুপা কোতি ৬২০রোম চংনা শাখিবনি, অহেনবা রেলৱে লাইনশিং অসিনা সবআর্বান ত্রেন ত্রাফিক অমদি লাপ্ন-লাপ্ন চৎলিবা ত্রেনগী ত্রাফিক্তা চয়েৎনবা লৈরিবা অসি মরু ওইনা লৌথোক্লগনি

Posted On: 18 FEB 2022 6:43PM by PIB Imphal

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সিংগী খুৎথাংদা থানে অমসুং দিবা শম্নহল্লিবা অহেনবা রেলৱে লাইন অনি লৈবাক অসিদা কৎখ্রে৷ মহাক্না মু্ম্বাই সবআর্বান রেলৱেগী সবআর্বান ত্রেন অনিসু লমথাখ্রে৷ মহারাস্ত্রগী রাজ্যপাল অমদি মুখ্য মন্ত্রী, কেন্দ্রগী রেলৱে মন্ত্রীসু থৌরম অসিদা শরুক য়াখি৷

হয়েং জনম জয়েন্তী তারিবা ছত্রপতি শিবাজী মহারাজতা ইকাই খুম্নবা উৎলদুনা প্রধান মন্ত্রীনা মহাক্কী ৱারোল ঙাংবা হৌখি৷ প্রধান মন্ত্রীনা শিবা জী মহারাজপু ভারতকী চাওথোকচনিংঙাই, ভারতকী কল্চরগী প্রোতেক্তর অমদি আইদেন্তিতীনি হায়না ফোংদোকখি৷

থানে অমসুং দিবা শম্নহল্লিবা মঙাশুবা অমদি তরুকশুবা রেল লাইনদা মুম্বাইকর হায়না য়াইফ-পাউজেল পীরদুনা, হায়রিবা লাইনশিং অসিনা মেত্রোপোলিতানদা লৈরিবা মীয়ামগী হিংবগী পুন্সি মরেল অসি লাইথোকহল্লগনি হায়না প্রধান মন্ত্রীনা ফোংদোকখি৷ লাইন অনি অসিগী হকথেংননা পীরিবা কান্নবা মরি অদু প্রধান মন্ত্রীনা পনখি৷ অহানবদা, লোকেল অমসুং এক্সপ্রেস ত্রেনশিংগীদমক তোখায়বা লাইনশিং থম্বা; অনিশুবদা, অতোপ্পা রাজ্যশিংদগী লাক্লিবা ত্রেনশিং অসিনা লোকেল ত্রেনশিং চৎখিবা ঙাইদুনা লৈররোই; অহুমশুবদা, মেল/এক্সপ্রেস ত্রেনশিংনা কলয়ানদগী কুর্লা সেক্সর ফাওবদা কা-হেন্না অথিংবা পীদনা চেনবা য়াগনি অমদি অরোইবদা, নোংমাইজিং খুদিংগী ব্লোকেজনা মরম ওইদুনা কলৱা মমব্রা কম্ম্যুতরনা খুদোংথিবা মাইয়োক্নররোই৷ হায়রিবা লাইনশিং অমদি অয়াম্বনা এ.সি. ওইরিবা সেন্ত্রেল রেলৱে লাইনশিংদা চেল্লিবা অনৌবা লোকেল ত্রেন ৩৬ অসি কেন্দ্র সরকারনা লোকেল ত্রেনশিংগী ফেসিলিতী চাওথোকহন্নবা অমদি মতমগা চুনবা থাক্তা ওন্থোক্নবা হোৎনরিবা অসিগী শরুক অমনি৷

নিং-খা তম্বা ভারতকী প্রোগ্রেসতা মুম্বাইগী মেত্রোপোলিতান সিতীগী থৌদাং অদু নিংশিংলদুনা, আত্মনির্ভর ভারতকীদমক লৌরিবা থৌদাং অদুগা মরী লৈননা মুম্বাইগী কেপাবিলিতী মখল-মখা কয়াদা হেনগৎহনবা হায়বা অসিনা হৌজিক হৌজিক্কী ওইবা থৌদাং ওইরি হায়না প্রধান মন্ত্রীনা ফোংদোকখি৷ “মসিনা মরম ওইদুনা মুম্বাইগীদমক ২১শুবা চহি-চাগী ইনফ্রাস্ত্রকচর শেমগৎপদা ঐখোয়না অখন্ননা মীৎয়েং থম্লিবনি”, হায়না প্রধান মন্ত্রীনা ফোংদোকখি৷ মুম্বাই সবআর্বান রেল সিস্তেম অসিদা খ্বাইদগী নৌরবা তেক্নোলোজী হাপ্লিবনা মু্ম্বাইদা লৈরিবা রেল কন্নেক্তিবিতীদা লুপা কোতি লিশিং কয়াগী শেনফম থাদরি৷ মুম্বাই সবআর্বানদা অহেনবা কি.মি. ৪০০ হাপচিন্নবা হোৎনরি অমদি স্তেসন ১৯না মতমগা চুনবা সি.বি.তি.সি. সিগনেল সিস্তেমগুম্বা ফেসিলিতীশিং হাপতুনা মতমগা চুনবা থাক্তা ওন্থোক্নবা প্লান তৌরি৷

প্রধান মন্ত্রীনা অসুম্না হায়খি “অহমেদবাদ-মুম্বাই হাই স্পীদ রেল অসি লৈবাক্কী ওইনা দরকার ওইরে অমদি মসিনা মুম্বাইগী মশক অসি মংলানশিংগী শহর ওইনা হেন্না মঙাল নাইহল্লগনি৷ প্রোজেক্ত অসিবু খোংলৈ থুনা লোইশিনবা হায়বা অসিনা ঐখোয়গী প্রাইয়োরিতী ওইরি”, হায়না মহাক্না ফোংদোকখি৷

কোরোনা লাইনা-লাইচৎনা ফাওবা ইন্দিয়ন রেলৱেজপু হেন্না শাফনবা, হেন্না খুদোং চানবা অমদি মতমগা চুনবা থাক্তা ওনখৎনবা সরকার অসিনা হোৎনরিবা অসিদা অকাইবা পীবা ঙম্লোই হায়না প্রধান মন্ত্রীনা ফোংদোকখি৷ হৌখিবা চহি অনিগী মতম অসিদা, প্রধান মন্ত্রীনা হায়খি, রেলৱেজনা ফ্রৈত ত্রান্সপোর্তেসনদা অনৌবা রেকোর্দশিং থমখি৷ কি.মি. লিশিং ৮ শাংবা রেলৱে লাইন মৈ ফংহনখি অমদি মতম অসিদা কি.মি. লিশিং ৪.৫ শাংবনা দবল  তৌখি৷ কোরোনাগী মতমদা, লৌমীশিংনা কিসান রেলশিংগী খুৎথাংদা লৈবাক শিনবা থুংবগা শম্নখি হায়না মহাক্না ফোংদোকখি৷

ইনফ্রাস্ত্রকচর প্রোজেক্তশিং লোইশিনবগী মতাংদা অনৌবা ভারতকী চেঞ্জ এপ্রোচ অদুগী মতাংদা পল্লদুনা, প্লানিং তৌবদগী হৌরগা একজিক্যুসন স্তেজশিং ফাওবদা তাথোক-তাশিন তৌবা ৱাৎপনা মরম ওইদুনা হৌখিবা মতমদা প্রোজেক্তশিং অসি থিন্থদুনা লৈখিবনি হায়না প্রধান মন্ত্রীনা ফোংদোকখি৷ মসিনা ২১শুবা চহি-চাগী ইনফ্রাস্ত্রকচর শেমগৎ-শাগৎপা অসি ওইথোকহনখিদবনিi, মসিনা মরম ওইদুনা পি.এম. গতিশক্তি প্লান অসি শেমখিবনি হায়না মহাক্না ফোংদোকখি৷ প্লান অসিনা কেন্দ্রগী সরকারগী দিপার্তমেন্ত খুদিংমক, রাজ্য সরকারগী লোকেল বোদীশিং অমসুং প্রাইভেৎ সেক্তর অসিবু প্লেতফোর্ম অমদা পুরক্লগনি৷ মসিনা স্তেকহোল্দর পুম্নমক্তা নিংথিনা প্লানিং তৌনবা অমদি মতেং পাংননবা মাংজৌননা মরী লৈনবা ই-পাউ ফংহল্লগনি৷

লাইরবা অমসুং মিদল ক্লাসনা শিজিন্নখিবা রিসোর্সশিংদা ইনবেস্তমেন্ত মরাং-কাইনা লাক্কদবদগী থিংলিবা থোত প্রোসেস অদুদা শ্রী মোদীনা নুংঙাইতবা ফোংদোকখি৷ মসিনা লৈবাক অসিদা পব্লিক স্ত্রান্সপোর্তপু হেন্না মপুং ফাহনদ্রে হায়না মহাক্না ফোংদোকখি৷ “হৌজিক্তি ভারতনা ৱাখল্লোন অসি তুংওইনরম্লগা মাংলোমদা চংশিল্লক্লি”, হায়না মহাক্না ফোংদোকখি৷

ইন্দিয়ন রেৱেজতা অনৌবা মমাই হাপ্লিবা খোংথাংশিং অদু প্রধান মন্ত্রীনা পনখি৷ গান্ধীনগর অমসুং ভোপালগুম্বা মতমগা চুনরবা স্তেসনশিং অসিনা খোংলৈ থুনা ইন্দিয়ন রেলৱেজকী আইদেন্তিতী ওইরক্লি অমদি রেলৱে স্তেসন ৬০০০ হেনবনা ৱাই-ফাই. ফেসিলিতী শমহনখি হায়না মহাক্না ফোংদোকখি৷ বন্দে ভারত ত্রেনশিংনা লৈবাক অসিদা লৈরিবা রেলৱেদা অনৌবা মোমেন্তম অমসুং মতমগা চুনবা খুদোংচাবশিং পীরি৷ লৈবাক অসিগী শেবা তৌনবগীদমক অনৌবা বন্দে ভারত ৪০০ লাক্কদৌরিবা চহিশিং অসিদা শিজিন্নবা হৌরগনি হায়না প্রধান মন্ত্রীনা ফোংদোকখি৷

কলয়ান অসি সেন্ত্রেল রেলৱেগী মরু ওইবা জঙ্কসননি৷ লৈবাক অসিগী অৱাং থংবা অমদি খা থংবা মাইকৈদগী লাক্লিবা ত্রাফিক অসি কলয়ানদা পুনশিল্লি অমসুং সি.এস.এম.তি.(ছত্রপতি শিবাজী মহারাজ তর্মিনস)রোমদা চৎলি৷ কলয়ান অমসুং সি.এস.তি.এম.গী মরক্তা লৈরিবা ত্রেক মরিগী মনুংদা, ত্রেন অনিদি তপ্ন চেনবা লোকেল ত্রেনশিংগীদমক শিজিন্নখি অমদি ত্রেক অনিনা খোংজেল য়াংনা চেনবা ত্রেনশিং, মেল এক্সপ্রেস অমসুং গুদস ত্রেনশিংগীদমক শিজিন্নখি৷ সবআর্বান অমদি অরাপ্পা মফমশিংদা চৎলিবা ত্রেনশিংবু পুনশিন্নবা, অহেনবা ত্রেক অনি প্লান তৌখি৷

থানে অমসুং দিবা শম্নরিবা অহেনবা রেলৱে লাইন অনি অসি চাওরাক্না লুপা কোতি ৬২০রোম চংনা শেমগৎখিবনি অমদি মসিদা কি.মি. ১.৪ শাংবা রেল ফ্লাইওভর, অচৌবা থোং ৩, অপিকপা থোং ২১ য়াওরি৷ হায়রিবা লাইনশিং অসিনা মুম্বাইদা সবআর্বান ত্রেনগী ত্রাফিক অমসুং লাপ্ন-লাপ্ন চৎপা ত্রেনগী ত্রাফিক্তা অয়েৎ-অপন লৈরিবা অসি মরু ওইনা লৌথোকপা ঙম্লগনি৷ হায়রিবা লাইনশিং অসিনা শহর অসিদা অনৌবা সবআর্বান ত্রেন ৩৬ শিজিন্নবা হৌহনবসু য়াহল্লগনি৷

******



(Release ID: 1799462) Visitor Counter : 136