প্রধান মন্ত্রী শ্রী নরেন্দ্র মোদী অমদি অবু ধাবিগী ক্রাউন প্রিন্স অমসুং য়ু.এ.ই. আর্ম ফোর্সেসকী দিপুতী সুপ্রিম কম্মান্দর ঐচ.ঐচ. শৈখ মোহামেদ  বিন জায়েদ অল নায়াননা ২০২২গী ফেব্রুৱারী ১৮দা ভর্চুএল মীফম অমা পাংথোক্লগনি৷ ভারতনা অজাদি কা অমিৃত মহোতসব ওইনা মহাক্কী নিং-খা তম্বগী হরাউ নুংঙাইবা ফোংদোক্লিঙৈ অমদি য়ু.এ.ই.না লৈবাক অসি শেমখিবগী ৫০শুবা মপোক-কুমওন পাংথোক্লিঙৈ মতম অমদা লিদর অনিমক্না লৈবাক অনিগী মরক্তা লৈরিবা মরুপ-মপাং ওইবগী মরীশিং অমদি ইতিহাসিক ওইরবা মখোয়গী মংলান অদু পুথোক্নরক্লগনি হায়না থাজনরি৷
লিদর অনিনা বাইলেতরেল কোওপরেসনগী মতাংদসু খন্ন-নৈনরগনি অমদি মুচুএল ইন্তরেস্তকী রিজনেল অমদি ইন্তরনেস্নেল ইসুশিংদা ৱাখল্লোনশিং ফোংদোক্নরক্লগনি৷
ইকুই কুইদ্রিঙৈ চহিশিংদা, হিরম খুদিংমক্তা ভারত অমদি য়ু.এ.ই.গী মরক্তা লৈরিবা বাইলেতরেল মরীশিং হেন্না ফগৎহনখ্রে, অমদি নাকল অনিমক্না অচৌবা স্ত্রাতিজিক পার্তনরশিপ অমগীদমক চংশিল্লকখ্রে৷ প্রধান মন্ত্রীনা ২০১৫,২০১৮ অমসুং ২০১৯দা য়ু.এ.ই.দা খোংশানখি অদুগা অবু ধাবিগী ক্রাউন প্রিন্সনা ২০১৬ অমসুং ২০১৭তা ভারত্তা খোংশাল্লকখি৷ ২০২১দা এক্সতর্নেল এফিয়র্স মন্ত্রীনা য়ু.এ.ই.দা খোংচৎ অহুমলক চৎখিবা অমদি কম্মর্স অমসুং ইন্দস্ত্রী মন্ত্রীনা খোংচৎ অমা চৎখিবা য়াওনা নাকল অনিমক্কী মরক্তা মন্ত্রীশিংগী ওইবা খোংচৎসু মখা চৎথরকখ্রে৷
কোবিদ-১৯ লাইনা-লাইচৎকী মতমদা নাকল অনিমক্না হেল্থকেয়র অমসুং ফুদ সেক্যুরিতীগী মরু ওইবা এরিয়াশিংদা চেৎনা কোলাবোরেত তৌখ্রে৷ বাইলেতরেল ত্রেদ, ইনবেস্তমেন্ত অমসুং ইনর্জী ওইবা মরীশিং লেংদনা অদুমক ফনা লৈখেরে৷ নাকল অনিনা রেনিৱেবল ইনর্জী, স্তার্ত-অপশিং, ফিনতেখনচিংবগী অনৌবা এরিয়াশিংদা মখোয়না হেন্না কোওপরেসন পীনরি৷ দুবাই এক্সপো ২০২০দা ভারতনা খ্বাইদগী চাওবা পেবিলিয়নশিংগী মনুংদা অমা ওইরিবগা শরুক য়ামিন্নরি৷
কমপ্রিহেন্সিব ইকোনোমিক পার্তনরশিপ এগ্রীমেন্ত(সি.ই.পি.এ.) অসিনা বাইলেতরেল রিলেসনশিংদা অচৌবা ইনিসিয়েতিব অমা ওইরি৷ ২০২১গী সেপ্তেম্বর থাদা সি.ই.পি.এ.গী নেগোসিয়েসনশিং হৌদোকখি অমদি মপুং ফাখ্রে৷ এগ্রীমেন্ত অসিনা ভারত-য়ু.এ.ই.গী ইকোনোমিক অমসুং কম্মর্সিয়েল এঙ্গেজমেন্ত অদু মথংগী থাক্তা পুখৎলগনি৷ য়ু.এ.ই. অসি ভারতকী খ্বাইদগী চাওবা অহুমশুবা ত্রেদ পার্তনরনি অমদি ইনবেস্তমেন্ত তাইশিং অসিনা মরু ওইবা এনহান্সমেন্তশিং উহল্লগনি হায়না পানরি৷

মীওই মিলিয়ন ৩.৫গা নক্নরিবা মশিং য়াম্লবা ভারতকী কম্ম্যুনিতী অমা য়ু.এ.ই.দা লৈরি৷ লাইনা-লাইচৎকী মতমদা ভারত মচাশিংগী কম্ম্যুনিতী অসিদা সপোর্ত পীবিবা অসিগীদমক য়ু.এ.ই.গী লিদরশিপপু ভারতনা পেঞ্জরি হায়না প্রধান মন্ত্রীনা ফোংদোকখ্রে৷ লৈবাক অসিগী চাওখৎ-থৌরাংদা ভারত মচাশিংগী কম্ম্যুনিতীনা থৌদাং লৌহনখিবা অসিগীসু য়ু.এ.ই. লিদরশিপপু থাগৎখ্রে৷ লাইনা-লাইচৎকী মতমদা ২০২০দা নাকল অনিনা এয়র ববল এরেঞ্জমেন্ত অমদা য়ানবা পুরকখি, মসিনা কোবিদ-১৯না পীরিবা চেলেঞ্জশিং অসি লৈনা-লৈনা লৈবাক অনিগী মরক্তা মীয়াম চৎথোক-চশিন তৌবা য়াহনখি৷

******