থৌরম অসিদা ঐখোয়গী নাক্তা লেংশিনবীরিবা লৈবাক অসিগী কম্পত্রোলর এমসুং ওদিতর জেনরেল, শ্রী জি.সি. মুর্মুজী, দিপুতী সি.এ.জি. সুশ্রী পরবীন মেহতাজী, মসিগী মরুওইরবা ইন্সতিত্যুৎ অসিগী থোংদা লৈবাক্কী থৌদাংগীদমক কৎথোকপীরবা মেম্বর পুম্নমক, ইবুংঙো অমদি ইবেম্মশিং! অদোম পুম্নমক্তা ওদিৎ দেগীদমক নুংঙাইবা ফোংদোকচরি। 

ইন্সতিত্যুৎ অমা ওইনা সি.এ.জি. অসি, শুপ্নগী লৈবাক অসিগী একাউন্তশিংখক্তা য়েংশিনবা নত্তনা প্রদক্তিবিতীদা, ইফিসিএন্সীদা ‘ভেল্যু এদিশন’সু তৌরি। মরম অসিনা, ওদিৎ দে অমসুং মসিগা মরী লৈনবা থৌরম, তাঞ্জা অসিদা ঐখোযগী খন্ন-নৈনবা অসি ঐখোয়গী ইম্প্রুবমেন্ত অমসুং ইম্প্রোবাইজেসনগী মরুওইরবা শরুক অমনি। ঐনা অদোম পুম্নমক্তা অদোমগী পুকশেল শেংবা অদুগীদমক, সি.এ.জি.গী রেলিবেন্স অমসুং দিগনিতী অদুদা লেপ্তনা অনৌবা মায়কৈ তাকপীবগীদমক থাগৎপা ফোংদোকচরি।

মরূপশা,

মতম অসুম অসুম হৌখিবগা লোইননা হেন্না মপাঙ্গল কনশিল্লকপা অমসুং হেন্না মেচ্যোর ওইরকপা অমসুং হেন্না কান্নবা ওইরকপা ইন্সতিত্যুসন মশিং য়াম্না তাংই। অনম্বা ইন্সতিত্যুসনশিংদি পোক্লকই, চহি তরাগী খুজিং অহুম, খুজিং মরি, খুজিং মঙা য়ৌরকপদা ফিভম অদুক্কী মতিক হোংলকই মদুদি মখোয় করিগুম্বদা মখোয়গী রেরিবেন্স অদুমক মাংজখি। অদুবু সি.এ.জি.গী মতাংদদি ঐখোয়না হায়বা য়াই মদুদি চহি অসুক কুইরবগী মতুংদসু ইন্সতিত্যুৎ অসি মশানা য়াম্না চাউবা হেরিতেজ অমা ওইজরি, য়াম্না চাউবা লিগেসী অমনি। অমসুং মীরোল খুদিংমক্না মসিবু শেন্নবা, মসিবু ফগৎহনবা, মসিবু লৈতেংবা অমসুং লাক্কদৌরিবা মীরোলশিংগীদমক হেন্না কান্নবা মওংদা ওইহন্দুনা শন্দোকপা, ত্রান্সপোর্ত তৌবা, ঐনা খল্লি মদুদি য়াম্না চাউবা থৌদাং অমসুনি।

মরূপশা,

মমাংগী মতমদা ঐনা মফম অসিদা লাকখিবদা, অদোম ময়ামগা উনখি, মতমদুদা ঐখোয় মহাত্মা গান্ধীজীগী ১৫০শুবা মপোক কুমওন পাংথোকখি। থৌরম অদুদা বাপুগী মীতম মায়খুম হাংদোকখি। অমসুং ঙসি ওদিৎ দেগী মরুওইবা থৌরম পাংথোকপা অসিদা, লৈবাক অসিনা মসিগী নীং খা তম্বগী ৭৫শুবা অমৃত মহোৎসব পাংথোক্লি। ঙসি ঐখোয় লৈবাক অসিগী অপুনবগী হীরো সরদার পতেলজীগী মীতম মায়খুম হাংদোকপগী লাইবক ফবা তাঞ্জা অদু ফংজরে। গান্ধীজীবু ওইরো, সরদার পতেলবু ওইরো, নত্ত্রগা বাবা সাহেব অম্বেদকরবু ওইরো, লৈবাক অসি শেমগৎপদা মখোয় পুম্নমক্কী থৌদাং, সি.এ.জি.গীদমক্তা ঐখোয় পুম্নমক্কীদমক্তা, ইরৈবাকচা কোতি কয়াগীদমক্তা য়াম্না চাউবা ইথিল অমনি। লৈবাক্কীদমক্তা অচৌবা পান্দম করম্না লেপথোকপগে, করম্না মখোয়বু ফংবা ঙমগদগে, করম্না থৌরাংশিংদা অহোংবা পুরক্কদগে, হায়রিবা অফাওবা মীওইশিং অসিগী পুন্সিগী ৱারীনা ঐখোয়বু কয়া অমা তম্বী।

মরূপশা,

মতম অমদা, লৈবাক অসিদা ওদিৎ অসি চিংনবা, অকিবা অমগা লোইননা য়েংনরম্মি। ‘সি.এ.জি. ভর্সেস সরকার’ মসি ঐখোয়গী থৌরাংগী মহৌশা ওইবা ৱাখল্লোল ওইখি। অমসুং করিগুম্বদদি মসিসু ওইখি মদুদি বাবুশিংদি অসুম্না তৌই, অসুম্নমক পী। বাবুশিংনা খল্লম্মি সি.এ.জি.গী মীওইশিংদি অসুম্না অসুম্মক তৌবনি মদুদি হিরম খুদিংমক্তি মখোয়দি অশোয়বতা উবনি। পুম্নমক্না মানা মানা থোকপা ঙাংনৈ। অদুবু, ঙসি ৱা খল্লোল অসি হোংদোকখ্রে। ঙসি ওদিৎপু ভেল্যু এদিশনগী মরুওইবা শরুক ওইনা লৌনরে।

সরকারগী থবক থৌরমশিং য়েংশিনবা মতমদা সি.এ.জি.গী মফমদা আউৎসাইদর ভ্যুপোইন্তকী এদভান্তেজ লৈ। অদোম্না ঐখোয়দা তম্বা পুম্নমক অদুদগী ঐখোয়না সিস্তেমেতিক ইম্প্রুবমেন্ত তৌরিবনি, মদু ঐখোয়গীদমক মতেং অমা ওইনা উজৈ।

ঐহাক মতম শাংনা সরকারশিং লুচিংজবগী লাইবক ফবা তাঞ্জা অদু ফংজৈ। ঐনা গুজরাতকী মুখ্যমন্ত্রী ওইরিঙৈদসু ঐগী ওফিসরশিংদা হায়খি, অমসুং ঙসিসু মসিমক হায়জরি, সি.এ.জি.দা দোক্যুমেন্ত অমসুং দেতা পীয়ু হায়রকপদা অদোম মদু শোইদনা পীবীয়ু, অদোমগী থবক্কা মরী লৈনবা ফাইলশিংসু মখোয়দা পীবীয়ু। মদুনা ঐখোয়গীদমক্তা হেন্না ফবা থবক তৌননবা স্কোপ শেম-শারিবনি। ঐখোয়গী সেল্ফ এসেসমেন্তগী থবক লাইথোকহল্লি। 

মরূপশা,

পুকচেল শেংবা অমসুং নুং পান উবা অসি ঐখোয়গী লনাইগী পুন্সিবু ওইরো নত্ত্রগা সরকারদা, মসি ঐখোয়গীদমক্তদি খ্বাইদগী চাউবা মোরেল বুস্তরনি। খুদম ওইনা, হান্নদি লৈবাক অসিগী বেঙ্কিং সেক্তরদা ত্রান্সপিরেন্সী ৱাৎপগা লোইননা মখল কয়াগী প্রেক্তিসশিং তৌনরম্মি। মদুগী ফল ওইনা বেঙ্কশিংগী পি.এন.এ.শিং হেনগৎলম্মি। পি.এন.এ.শিংবু কোর্পোরেতকী মখাদা কবর তৌবগী থবক মমাংগী মতমদা তৌনরম্বদু, ঐঙোন্দগী অদোম্না হেন্না খঙবীরমগনি। অদুবু ঐখোয়না থমোইশেংনা মমাংগী সরকারগী অচুম্বা, ফিভম অমবু ওইরো, লৈবাক অসিগী মাংদা হাংদোক্তুনা থমখি। সমস্যা পুম্নমক খঙদোক্কদবনি মদুতদা পাম্বৈ পুথোকপা ঙমগদৌরিবনি।

মতৌ অসুম্না, অদোমগী মায়কৈদগী ফিস্কেল দিফিজিৎকা মরী লৈননা, সরকারগী চাদিংশিংগী মতাংদা লেপ্তনা খঙহনখি। ঐখোয়না অদোমগী কন্সর্ন অদু পোজিতিব ওইবা মওংদা লৌখি, অনয়ুজ অমসুং অন্দর-য়ুজ ইলিমেন্তশিংবু মোনিতাইজ তৌনবগী থৌনা ফবা ৱারেপ লৌখি।

মরূপশা,

কোরোনাগী অৱাবা মতম অসিদসু সি.এ.জি.না কয়াদা পুক্নীং চংনা থবক তৌরিবনো, মসিগী মতাংদা ই-পাউ ঐ তত্তনা ফংই অমসুং হৌজিক ৱাফম খরা মুর্মুজীদগী তাবসু ফংজরে। মালেমগী অতোপ্পা অচৌবা লৈবাকশিংদা ওইরিবা কোরোনাগী ইথক অসি ঐখোয়গী অসিদা য়ৌরকখি, অসু য়াম্লবা মীয়ামগী শিংনবা ঐখোয়গী মাংদা তারখি, অকক্নবা রিসোর্সশিংগী শাফু ঐখোয়গী হেল্ত ৱার্করশিংদা ননখি, অদুবু লৈবাক অসিনা লায়েংবদগী হৌরগা মী কনবা ফাওবা ফ্রন্ত খুদিংমক্তা ৱার ফুতিংদা থবক তৌখি।

ঐঙোন্দা তমখি মদুদি সি.এ.জি.নসু মসাগী থৌদাংদগী হেন্দোক্তুনা, মীচম মীয়ামগী ভেক্সিন কাপ্পদসু মতেং পাংলি। রিপোর্ত অসিগা লোইননা লৈবাক অসিগী ইন্সতিত্যুৎ, ইরৈবাকচা পুম্নমক মখোয়গী থৌদাং পাংথোক্নবা হোৎনবদা পুক্নীং চংখি। ঐখোয়না ঐখোয়গী থবক অসি করিনো হায়বসি য়েংখিদে, ঐখোয়না উখি মদুদি ঐখোয় করি তৌবা য়াই! মরম অসিনা, চহি চা অসিগী খ্বাইদগী চাউবা লাইচৎ অদুক্কী মতিক শিংননীংঙাই ওইরিবা অসিগী মায়োক্তা লৈবাক অসিগী লাঞ্জংসু অদুক্কী মতিক অচম্বা ওইদ্রি।

ঙসি ঐখোয় মালেমগী খ্বাইদগী চাউবা ভেক্সিনেসন প্রোগ্রামসু চৎথরি। চয়োল খরগী মমাংমক্তদা লৈবাক অসিনা ভেক্সিন দোজ করোর ১০০ লানথোকখ্রে। ঐনা পাম্মি মদুদি ইশাগী রুতিন ওইবা থবক থৌরমগা লোইননা সি.এ.জি.না, লাইচৎ অসিগী মায়োক্তা চংশিল্লিবা লৈবাক অসিগী লাঞ্জং অসিদা অফবা প্রেক্তিস শেমগৎপীদুনা মসিবু নৈনবীয়ু। লৈবাক অসিনা মসিদগী তমজরকপা অনৌবশিং, অনৌবা লৌশিঞ্জখিবশিং, সিস্তেমিক তর্নিং পুম্নমক অসি তুংলমচৎতা গ্লোবেল গুদ প্রাক্তিসেস ওইহনবদা মতেং পাংগনি, মালেম্বু লাক্কদৌরিবা লাইচৎশিংগা মায়োক্ননবা শেম-শাহনগনি, মপাঙ্গল কলহনগনি।

মরূপশা,

 অরিবা মতমদা ইনফোর্মেসন, স্তোরিজগী থোংদা লৈঙাক্লম্মি। ৱারীশিংগী থোঙ মক্তদা পুৱারী ইনরম্মি। অদুবু ঙসি ২১শুবা চহি চা অসিদা, দেতা অসিমক ইনফোর্মেসন্নি, অমসুং লাক্কদৌরিবা মতম অসিদা ঐখোয়গী হিস্তরীসু দেতাগী থোংদা য়েংবা অমসুং খঙনরক্লগনি। ইন ফ্যুচর, দেতা ৱিল বি দিক্তেতিং দ হিস্তরী! অমসুং, দেতা অমসুং মসিগী এসেসমেন্তকী মতাংদা পল্লকপা অসিদদি অদোমদগী হেনবা মাস্তর লৈতে মসিগীদমক। মরম অসিনা, ঙসি আজাদীগী অমৃত মহোৎসব অসিদা লৈবাক্না হোৎনরিবশিং অসি, পান্দমশিং অসি পুদুনা মাংদা চখৎলি, তুংলমচৎতা লৈবাক্কী হোৎনরিবশিং অসি, মতম অসিবু নৈনরকপা মতমদা অদোমগী থবক, অদোমগী দোক্যুমেন্ত অসি মদুগী খুম অমা ওইরগনি। ঙসি ঐখোয়না ঐখোয়গী নীংতম খোঙজংগা মরী লৈনবা পুৱারী য়েংজবগুম, মসিদগীইথিল লৌজবগুম, লৈবাক অসিনা নীংখা তম্বা চহি চাম্মা মপুং ফারকপদা অদোমগী ঙসিগী স্তদী রিপোর্তশিং অসি মতম অদুগী ভারতকীদমক্তা অদোম্না পুৱারীদা মিৎয়েং তানবগী, মদুদগী তম্নবগী লম্বী অমা ওইবা য়াই।

মরূপশা,

ঙসি লৈবাক অসিনা তৌরিবা থবক পুম্নমক অসি মসানা অঙকপা অমদি চাংদমনীংঙাই লৈত্রবা অমনি। মালেমগী খ্বাইদগী চাউবা ভেক্সিনেসনগী খোঙজংগী মতাংদা হৌজিক ঐনা খুম অমা ওইনা অদোমগী মাংদা থমখ্রে, মতৌ অসুম্না, অদোম ৱাশক কয়াদা পুক্নীং চংলিবা ইরৈবাকচা কয়াগী হোৎনরিবা কয়া অসি উবা ফংলি। চহি খরগী মমাং ফাওবদা ঐখোয় সরকারগী একাউন্ততা লাখ-করোরগা হিসাবতি তৌখি, অদুবু লৈবাক্কী নাগরীক করোর কয়াগী মফমদা মসাগী বেঙ্ক অকাউন্ত ফাওবা লৈরমদে হায়বসিসু অচুম্বনি। লৈননবা মসাগী য়ুম লৈজদবা ইমুং কয়ানি, মথক কুপ্পা য়ুম ফাওবা লৈখিদে। থক্নবা ঈশিংগী খুদোংচাবা, মৈগী কনেক্সন লৈবা, য়ুমদা অমাংশঙ লৈবা, লাইরবদগী লাইরবশিংনা লাইয়েংবগী খুদোংচাবা ফংবা, ঐখোয়গী লৈবাক অসিমক্তদা মীওই করোর কয়াগীদমক মসিগী য়ুম্ফম ওইবা তঙাইফদবশিং, লগজরী লৈরম্মি। অদুবু ঙসি ফিভম হোংলক্লে, অমসুং খোঙজেল য়াংনসু হোংলক্লি। লৈবাক অসিনা ঙসি থাক অসি ফাওবা য়ৌরক্লিবা অসিগী মরুমদা ইরৈবাক চা কয়াগী অহিং নুংথিল নাইদনা হোৎনজবগী হোৎনমল অদু য়াওরিবনি। ঐখোয়গী হেল্থ সেক্তরগী মীয়াম্বু ওইরো, বেঙ্কিং সেক্তরগীমীয়াম্বু ওইরো, সরকারগী বিভাগশিং অমসমুং এদমিনিস্ত্রেসনগী মীওইশিংবু ওইরো, নত্ত্রগা ঐখোয়গী প্রাইবেৎ সেক্তরবু ওইরো, পুম্নমক অসিনা অঙকপা মওংদা মান্নবা অমগী থাক্তা অঙকপা থাক অমদা থবক তৌখি। মদুতদা লাইরবগী থোঙ্গাল ফাওবা মখোয়গী হকশিং দিলিবরী তৌবা ঙমহনখি, মতম অদুতদা চাউখৎ-থৌরাং অসিনা খোঙজেল অসি ফংবা ঙমখি।

মরূপশা,

খুন্নাইদা ৱারেপশিং অসিগী মগুন অসি অদুক্কী মতিক পাক-চাউই মদুদি মখোয়বু ঐখোয়না লৈবাক অসিদা ফোকস স্তদী তৌরবতদা খঙবা ঙম্মি! সি.এ.জি.সু লৈবাক অসিগী হোৎনরিবশিং অসিগী, ফলশিং অসি য়েংশিনফম থোকই। একাউন্ত অসি লৈবাক অসিগী পুন্না হোৎনমিন্নবগী ময়েক শেংলবা দোকুমেন্ত ওইরগনি। লোইননা, মসিদগী লাক্কদৌরিবা সরকারশিংগীদমক্তা থবক-থৌরমগী হেন্না ফবা থৌওং থিদোকপদসু অদোমগী দোকুমেন্তশিং অসি কান্নরক্কনি।

ঐনা তশেংনা থাজৈ মদুদি লৈবাক অসিগীদমক্তা অদোমগী থৌদাং লেপ্তনা য়াবীখিগনি, লৈবাক্কী চাউখৎ-থৌরাং অনৌবা খোংজেল হাপলকখিনি।

থাজবা অসিগা লোইননা, অদোম পুম্নমকপু হন্না হন্না থাগৎচরি! অমসুং অদোম পুম্নমকপু হন্না হন্না য়াইফ-পাউজেল পীজরি।

***