প্রধানমন্ত্রীগী লোইশঙ
azadi ka amrit mahotsav

পি.এম.না পুর্বঞ্চল এক্সপ্রেসৱে শঙ্গাখ্রে

সুলতানপুর দিস্ত্রীক্তকী এক্সপ্রেসৱেদা শাগৎলিবা কিলোমিতর ৩.২ শাংবা এয়রস্ত্রীপতা এয়রশোসু উবা ফংখি

“মসিগী এক্সপ্রেসৱে অসি য়ু.পি.দা লৌখিবা ৱারেপশিং ফংহনখিবগী প্রমান অমনি অমসুং মসি য়ু.পি.গী চাউথোকচবা অমসুং অঙকপনি”

“ঙসিদি, পুর্বঞ্চলগী দিমান্দ অসি নোংচুপলোমগী দিমান্দশিংগা মান্নবা মরুওইবা পীরি”

“দিকেদ অসিগী তঙাইফদবশিং ৱাখলদা থমদুনা, উত্তর প্রদেশকী য়াইফ- নুঙাইবা অমা ওইনবা ইনফ্রাস্ত্রকচরশিং শাগৎলি”

“দবল ইঞ্জিন সরকার’না উত্তর প্রদেশকী চাউখৎ-থৌরাংগীদমক মপুং ফানা লেপ্লি”

Posted On: 16 NOV 2021 4:27PM by PIB Imphal

প্রধান মন্ত্রী, শ্রী নরেন্দ্র মোদীনা ঙসি মফম অসিদা পুর্বঞ্চল এক্সপ্রেসৱে শঙ্গাখ্রে। মহাক্না সুলতানপুর দিস্ত্রীক্তকী এক্সপ্রেসৱেদা শাগৎলিবা কিলোমিতর ৩.২ শাংবা এয়রস্ত্রীপতা এয়রশোসু উবা ফংখি।    

মীতিন অসিদা ৱা ঙাংলদুনা, প্রধান মন্ত্রীনা হায়খি চহি অহুমগী মমাংদা পুর্বঞ্চল এক্সপ্রেসৱেগী উরেপ উয়ুং তম্বা মতমদা, মহাক্না নোংমদি চপ মান্নবা এক্সপ্রেসৱে অসিদা খোঙদারক্কনি হায়বা থাজখিদে। মহাক্না হায়খি “মসিগী এক্সপ্রেসৱে অসিনা য়াম্না য়াংনা হেন্না ফবা তুংলমচৎ অমগীদমক লমজিংলগনি, মসিগী এক্সপ্রেসৱে অসি য়ু.পি.গী চাউখৎ থৌরাংগীদমক্নি, মসিগী এক্সপ্রেসৱে অসি অনৌবা উত্তর প্রদেশ অমা শাগৎনবগীদমক্তনি, মসিগী এক্সপ্রেসৱে অসি য়ু.পি.দা মতমগা চুনরবা খুদোংচাবশিংগী শক্তম অমনি, মসিগী এক্সপ্রেসৱে য়ু.পি.দা লৌখিবা ৱারেপশিং ফংহনখিবগী প্রমান অমনি অমসুং মসি য়ু.পি.গী চাউথোকচবা অমসুং অঙকপনি”।  

প্রধান মন্ত্রীনা হায়খি মদুদি লৈবাক অসিগী অপুনবা চাউখৎ থৌরাংগীদমক লৈবাক অসিদা চপ মান্ননা চাউখৎমিন্নবা অমা মথৌ তাই। চহি কয়া অমা লৈবাক খরদনা চাউখৎ থৌরাংদা মাংজিল থাদুনা চৎলি অমদি খরদা য়াম্না ৱাৎনা লৈহৌরি। মসিগী মান্নদবা অসি লৈবাক অমগী ওইনা অফবা নত্তে। মহাক্না হায়খি মদুদি ভারতকী নোংপোক থংবা শরুক অমসুং অৱাং-নোংপোক থংবা রাজ্যশিংদা, চাউখৎ-থৌরাংগী ওইবা য়াবা কয়া অমা লৈরবসু, লৈবাক অসিদা পীরিবা চাউখৎ-থৌরাংগী কান্নবশিং ইফং ফংদ্রি। প্রধান মন্ত্রীনা হায়খি মতম শাংনা লৈঙাক পায়রম্বা মমাংগী সরকারনা, য়ু.পি.গী অপুনবা চাউখৎ থৌরাংদা পুক্নিং চংখিদে। মহাক্না হরাওবা ফোংদোকখি মদুদি নোংপোক থংবা উত্তর প্রদেশতা ঙসিদি চাউখৎ থৌরাংগী অনৌবা পন্দুপ অমা ইরগনি।

প্রধান মন্ত্রীনা উত্তর প্রদেশকী মুখ্য মন্ত্রী শ্রী য়োগী অদিত্যনাথ অমসুং মহাক্কী তীম অমসুং য়ু.পি.গী মীয়াম্বু পুর্বঞ্চল এক্সপ্রেসৱে অসিবু লোইশিনবদা মপুং ফাহনবগীদমক থাগৎপা ফোংদোকখ্রে। মহাক্না প্রোজেক্ত অসিগীদমক লম পীরকখিবা লৌমীশিংবুসু থাগৎপা ফোংদোকখি। মহাক্না প্রোজেক্ত অসিদা য়াওরিবা ৱার্কর অমসুং ইঞ্জিনিয়রশিংবিসু থাগৎপা ফোংদোকখি।

প্রধান মন্ত্রীনা হায়খি মদুদি লৈবাক অসিনা য়াইফ-নুঙাইবা অমা ওইবদা লৈবাক অসিগী সেক্যুরিতী অসি চপ মান্ননা মরু ওইরি। মহাক্না হায়খি মদুদি মসি ৱাখলদা থমদুনা, পুর্বঞ্চল এক্সপ্রেসৱে অসি শেমগৎপা মতমদা ফাইত্তর জেতকী অথু-অকাইগী তানবা মফমসু শেম্লি। মহাক্না হায়খি মদুদি প্লেন অসিনা ঙংবা অসি লৈবাক অসদা দিকেদ কয়া অমা দিফেন্স ইনফ্রাস্ত্রকচরদা থওইদনা লৈখিবা মীওইশিংদমক ওইগদৌরিবনি।    

প্রধান মন্ত্রীনা নিন্দা তৌখি মদুদি গঙ্গা জী অমসুং অতৈ অতোপ্পা তুরেল অচৌবা কয়া অমা লৈরবসু চহি ৭-৮গী মমাং ফাওবদা চাউখৎ থৌরাং অমত্তা লৈরমদে। মহাক্না হায়খি ২০১৪দা, লৈবাক অসি মঙোন্দা সেবা তৌনবা পীবিরকপা মতমদগী, মহাক্না য়ু.পি.গী চাউখৎ থৌরাংশিংদা হান্না খুদোংচাবা পীখি। মহাক্না মিৎয়েং থমখি মদুদি লায়রবনা পক্কা য়ুম লৈহগদবনি, লায়রবশিং তোইলেত লৈগদবনি, নুপীশিংনা লমহাংদা অমাংবা তৌহল্লোইদবনি অমসুং মীপুম খুদিংমক ময়ুমদা ইলেক্ত্রিসিতী ফংহনগদবনি অমসুং অসিগুম্বা থবকশিং অসি মফম অসিদা পাংথোকপা অমা চংই। মমাংগী সরকারবু মরাল শীরদুনা, প্রধান মন্ত্রীনা হায়খি মসিগী মচাকশিং থম্নবা হোৎনবদা য়ু.পি. সরকারনা মতেং পাংবিখিদে হায়না নুঙাইতবা ফোংদোকখি। মহাক্না হায়খি মদুদি “য়ু.পি. মীয়াম্না সরকারবু মথৌদাং পীরি অমসুং য়ু.পি.গী মীয়ামদা নিংথিনা তৌদবা লৌথোক্লি, চাউখৎ থৌরাংদা থিন্থবা অমসুং মতম অদুগী সরকারনা মখোয়গী ইমুংগী খক্তা খনবা অসি লৌথোক্লি”।      

প্রধান মন্ত্রীনা হংখি মদুদি মমাংদা য়ু.পি.দা কয়া য়াম্না মৈ মুৎখিবগে হায়বা কনানা কাওবা ঙমগনি, য়ু.পি.দা লো অমসুং ওর্দরগী ফিভম কনানা কাওবা ঙমগনি অমসুং য়ু.পি.দা মেদিকেলগী খুদোংচাবা পীবগী ফিভম কনানা কাওবা ঙমগনি। মহাক্না হায়খি য়ু.পি.দা হৌখিবা চহি মরি অমগা মখায় অসিদা নোংপোক ওইগেরা নোচুপ ওইগেরা খুঙ্গং লিশিং কয়া অমা লম্বী শেমদুনা শম্নহল্লি।

প্রধান মন্ত্রীনা হায়খি মদুদি মীয়াম্না চোংথোরক্তুনা শরুক য়ারকপা অসিনা, য়ু.পি.গী চাউখৎ থৌরাংশিংগী মংলানশিং ঙসি উবা ফংলিবা অসিনা। অনৌবা মেদিকেল কোলেজশিং শাখ্রে, এ.আই.আই.এম.এস. লাক্লে, মতমগা চুনরবা এজুকেসনেল ইন্সতিত্যুসন য়ু.পি.দা শারে। চয়োল খরগী মমাং মত্তদা কুশিনগরদা ইন্তরেনেস্নেল এয়রপোর্ত শঙ্গাখ্রে।

প্রধান মন্ত্রীনা হায়কি মদুদি মসি অচুম্বনি মমাংদা য়াম্না পাক চাউরবা য়ু.পি.গী মফম অসি অমগা অমগা শম্নদে। মীয়াম্না রাজ্য অসিগী মফম কয়াদা চৎলি অদুবু লম্বী ফত্তবনা মরম ওইদুনা অৱাবা কয়া অমা থেংনরি। নোংপোক থংবা উত্তর প্রদেশকী মীওইশিংনা লখনৌ য়ৌবা হায়বা অসি থবক অমনি। “মমাংদা লৈরম্বা মুখ্য মন্ত্রীনা, চাউখৎ থৌরাং অসি য়াম্না অকক্নবা অমা ওইরম্মী। অদুবু ঙসিদি, পুর্বঞ্চলগী দিমান্দশিং অসি নোংচুপকী দিমান্দশিংগা চপ মান্ননা মরুওইবা পীরি”। মহাাক্না হায়খি এক্সপ্রেসৱে অসিনা সহরশিং শম্নরগনি অমসুং লখনৌগী চাউখৎ থৌরাংদা য়াম্না কান্নবা পীরি। মহাক্না হায়খি অফবা লম্বী অমা লৈরবা, হায়ৱে অফবা লৈরবা চাউকৎপগী খোঙজেল হেনগৎলক্কনি, থবক হেন্না ফংলগনি।

প্রধান মন্ত্রীনা হায়খি মদুদি ঙসিগী য়ু.পি.দা লৈরিবা দবল ইঞ্জিন সরকার অসিনা য়ু.পি.গী মীচম প্রজাবু মখোয়গী ইমুংমক্নি হায়না থবক তৌরি। অনৌবা ফেক্তরীশিংগী মওং অমা শেম্লি। মহাক্না হায়খি দিকেদ অসিগী তঙাইফদবা য়েংলগা, উত্তর প্রদেশকী য়াইফনবা ইনফ্রাস্ত্রকচর শেমগৎলি।

প্রধান মন্ত্রীনা অমুকসু উত্তর প্রদেশ সরকারবু মখোয়না কোরোনা ভেক্সিনেসন্দা মখোয়না তৌখিবা থোইদোক হেন্দোকপা থবকশিংদা থাগৎপা ফোংদোকখি। মহাক্না য়ু.পি.গী প্রজাশিংবু রাজনিতীগী ওইবা লান্না শন্দোকপা পাউদা ইন্দবগীদমক থাগৎপা ফোংদোকখি।

প্রধান মন্ত্রীনা হায়খি মদুদি সরকার অসিনা অহিং নুংথিল খায়দনা য়ু.পি.গী মাইকৈ খুদিং চাউখৎনবা হোৎনরি। লম্বী ফাওনবগা লোয়ননা, খ্বায়দগী অহানবা থবকশিং য়ু.পি. গী ইনফ্রাস্ত্রকচরদা পীরি। মহাক্না হায়খি চহি অনিগী মনুংদা, য়ু.পি. সরকারনা ঙম্নমক ইমুং লাখ ৩০দা তোতি ঈশিং পীখি। অমসুং হন্দক্কী চহি অসিদা দবল ইঞ্জিন সরকার অসিনা ইমুং কয়া অমদা থক্ননবা ঈশিং পীনবা ৱা ঙাক্লি।

***



(Release ID: 1773037) Visitor Counter : 63