ਪ੍ਰਧਾਨ ਮੰਤਰੀ ਦਫਤਰ
ਪੀਐੱਮ ਕੇਅਰਸ ਦੇ ਤਹਿਤ ਸਥਾਪਿਤ ਪੀਐੱਸਏ ਆਕਸੀਜਨ ਪਲਾਂਟ ਰਾਸ਼ਟਰ ਨੂੰ ਸਮਰਪਿਤ ਕਰਨ ਸਮੇਂ ਪ੍ਰਧਾਨ ਮੰਤਰੀ ਦੇ ਸੰਬੋਧਨ ਦਾ ਮੂਲ-ਪਾਠ
Posted On:
07 OCT 2021 3:04PM by PIB Chandigarh
ਭਾਰਤ ਮਾਤਾ ਕੀ ਜੈ, ਭਾਰਤ ਮਾਤਾ ਕੀ ਜੈ, ਉੱਤਰਾਖੰਡ ਦੇ ਰਾਜਪਾਲ ਲੈਫਟੀਨੈਂਟ ਜਨਰਲ ਰਿਟਾਇਰਡ ਗੁਰਮੀਤ ਸਿੰਘ ਜੀ, ਯੁਵਾ, ਊਰਜਾਵਾਨ ਅਤੇ ਉਤਸ਼ਾਹੀ ਮੁੱਖ ਮੰਤਰੀ ਮੇਰੇ ਮਿੱਤਰ ਸ਼੍ਰੀ ਪੁਸ਼ਕਰ ਸਿੰਘ ਧਾਮੀ ਜੀ, ਕੇਂਦਰੀ ਮੰਤਰੀ ਮੰਡਲ ਦੇ ਮੇਰੇ ਸਹਿਯੋਗੀ ਸ਼੍ਰੀ ਮਨਸੁਖ ਮਾਂਡਵੀਯਾ ਜੀ, ਸ਼੍ਰੀ ਅਜੈ ਭੱਟ ਜੀ, ਉੱਤਰਾਖੰਡ ਵਿਧਾਨ ਸਭਾ ਦੇ ਸਪੀਕਰ ਸ਼੍ਰੀ ਪ੍ਰੇਮ ਚੰਦ ਅਗਰਵਾਲ ਜੀ, ਉੱਤਰਾਖੰਡ ਸਰਕਾਰ ਵਿੱਚ ਮੰਤਰੀ ਅਤੇ ਅੱਜ ਉਨ੍ਹਾਂ ਦਾ ਜਨਮ ਦਿਨ ਵੀ ਹੈ, ਡਾਕਟਰ ਧਨ ਸਿੰਘ ਰਾਵਤ ਜੀ, ਉਨ੍ਹਾਂ ਨੂੰ ਜਨਮ ਦਿਨ ਦੀਆਂ ਬਹੁਤ-ਬਹੁਤ ਵਧਾਈਆਂ। ਦੇਸ਼ ਦੇ ਅਨੇਕ ਸਥਾਨਾਂ ਤੋਂ ਜੁੜੇ ਰਾਜਾਂ ਦੇ ਮੁੱਖ ਮੰਤਰੀਗਣ, ਲੈਫੀਨੈਂਟ ਗਵਰਨਰਸ, ਰਾਜਾਂ ਦੇ ਹੋਰ ਮੰਤਰੀਗਣ, ਸਾਂਸਦ ਅਤੇ ਵਿਧਾਇਕ ਗਣ ਅਤੇ ਮੇਰੇ ਪਿਆਰੇ ਭਾਈਓ ਅਤੇ ਭੈਣੋਂ!!
ਇਹ ਦੇਵਭੂਮੀ ਰਿਸ਼ੀਆਂ ਦੀ ਤਪੋਸਥਲੀ ਰਹੀ ਹੈ। ਯੋਗਨਗਰੀ ਦੇ ਰੂਪ ਵਿੱਚ ਇਹ ਵਿਸ਼ਵ ਦੇ ਲੋਕਾਂ ਨੂੰ ਆਕਰਸ਼ਿਤ ਕਰਦੀ ਰਹੀ ਹੈ। ਮਾਂ ਗੰਗਾ ਦੇ ਸਮੀਪ, ਸਾਨੂੰ ਸਭ ਨੂੰ ਉਨ੍ਹਾਂ ਦਾ ਅਸ਼ੀਰਵਾਦ ਮਿਲ ਰਿਹਾ ਹੈ। ਅੱਜ ਤੋਂ ਨਵਰਾਤ੍ਰਿਆਂ ਦਾ ਪਾਵਨ ਪੁਰਬ ਵੀ ਸ਼ੁਰੂ ਹੋ ਰਿਹਾ ਹੈ। ਅੱਜ ਪਹਿਲੇ ਦਿਨ ਮਾਂ ਸ਼ੈਲਪੁਤਰੀ ਦੀ ਪੂਜਾ ਹੁੰਦੀ ਹੈ। ਮਾਂ ਸ਼ੈਲਪੁਤਰੀ, ਹਿਮਾਲਯ ਪੁਤ੍ਰੀ ਹਨ। ਅਤੇ ਅੱਜ ਦੇ ਦਿਨ ਮੇਰਾ ਇੱਥੇ ਹੋਣਾ, ਇੱਥੇ ਆਕੇ ਇਸ ਮਿੱਟੀ ਨੂੰ ਪ੍ਰਣਾਮ ਕਰਨਾ, ਹਿਮਾਲਯ ਦੀ ਇਸ ਧਰਤੀ ਨੂੰ ਪ੍ਰਣਾਮ ਕਰਨਾ, ਇਸ ਤੋਂ ਬੜਾ ਜੀਵਨ ਵਿੱਚ ਕਿਹੜਾ ਧੰਨ ਭਾਵ ਹੋ ਸਕਦਾ ਹੈ। ਅਤੇ ਮੈਂ ਅੱਜ ਜੋ ਉੱਤਰਾਖੰਡ ਆਇਆ ਹਾਂ ਤਾਂ ਇੱਕ ਵਿਸ਼ੇਸ਼ ਤੌਰ ‘ਤੇ ਵੀ ਵਧਾਈਆਂ ਦੇਣਾ ਚਾਹੁੰਦਾ ਹਾਂ। ਕਿਉਂਕਿ ਇਸ ਵਾਰ ਟੋਕੀਓ ਓਲੰਪਿਕਸ ਵਿੱਚ ਇਹ ਦੇਵਭੂਮੀ ਨੇ ਵੀ ਆਪਣਾ ਝੰਡਾ ਗੱਡ ਦਿੱਤਾ ਹੈ ਅਤੇ ਇਸ ਲਈ ਆਪ ਸਭ ਅਭਿਨੰਦਨ ਦੇ ਅਧਿਕਾਰੀ ਹੋ। ਉੱਤਰਾਖੰਡ ਦੀ ਦਿੱਵਯਧਰਾ ਨੇ ਮੇਰੇ ਜਿਹੇ ਅਨੇਕ ਲੋਕਾਂ ਦੇ ਜੀਵਨ ਦੀ ਧਾਰਾ ਨੂੰ ਬਦਲਣ ਵਿੱਚ ਬੜੀ ਭੂਮਿਕਾ ਨਿਭਾਈ ਹੈ। ਇਹ ਭੂਮੀ ਇਸ ਲਈ ਮੇਰੇ ਲਈ ਮਹੱਤਵਪੂਰਨ ਹੈ। ਇਸ ਭੂਮੀ ਨਾਲ ਮੇਰਾ ਨਾਤਾ ਮਰਮ ਦਾ ਵੀ ਹੈ, ਕਰਮ ਦਾ ਵੀ ਹੈ, ਸਤਵ(ਸਤ) ਦਾ ਵੀ ਹੈ, ਤਤਵ(ਤੱਤ) ਦਾ ਵੀ ਹੈ।
ਸਾਥੀਓ,
ਜੈਸਾ ਹੁਣੇ ਮੁੱਖ ਮੰਤਰੀ ਜੀ ਨੇ ਯਾਦ ਦਿਵਾਇਆ ਅੱਜ ਦੇ ਹੀ ਦਿਨ 20 ਸਾਲ ਪਹਿਲਾਂ ਮੈਨੂੰ ਜਨਤਾ ਦੀ ਸੇਵਾ ਦੀ ਇੱਕ ਨਵੀਂ ਜ਼ਿੰਮੇਵਾਰੀ ਮਿਲੀ ਸੀ। ਲੋਕਾਂ ਦੇ ਵਿੱਚ ਰਹਿ ਕੇ ਲੋਕਾਂ ਦੀ ਸੇਵਾ ਕਰਨ ਦੀ ਮੇਰੀ ਯਾਤਰਾ ਤਾਂ ਕਈ ਦਹਾਕੇ ਪਹਿਲਾਂ ਤੋਂ ਚਲ ਰਹੀ ਸੀ। ਲੇਕਿਨ ਅੱਜ ਤੋਂ 20 ਵਰ੍ਹੇ ਪਹਿਲਾਂ ਗੁਜਰਾਤ ਦੇ ਮੁੱਖ ਮੰਤਰੀ ਦੇ ਰੂਪ ਵਿੱਚ ਮੈਨੂੰ ਨਵੀਂ ਜ਼ਿੰਮੇਦਾਰੀ ਮਿਲੀ ਸੀ। ਵੈਸੇ ਇਹ ਵੀ ਇੱਕ ਸੰਜੋਗ ਹੈ ਕਿ ਉੱਤਰਾਖੰਡ ਦਾ ਗਠਨ ਸਾਲ 2000 ਵਿੱਚ ਹੋਇਆ, ਅਤੇ ਮੇਰੀ ਯਾਤਰਾ ਇਸ ਦੇ ਕੁਝ ਹੀ ਮਹੀਨਿਆਂ ਬਾਅਦ, ਸਾਲ 2001 ਵਿੱਚ ਸ਼ੁਰੂ ਹੋਈ।
ਸਾਥੀਓ,
ਸਰਕਾਰ ਦੇ ਮੁਖੀਆ ਦੇ ਤੌਰ ‘ਤੇ ਪਹਿਲੇ ਮੁੱਖ ਮੰਤਰੀ ਅਤੇ ਫਿਰ ਦੇਸ਼ ਦੇ ਲੋਕਾਂ ਦੇ ਅਸ਼ੀਰਵਾਦ ਨਾਲ ਦੇਸ਼ ਦੇ ਪ੍ਰਧਾਨ ਮੰਤਰੀ ਪਦ ‘ਤੇ ਪਹੁੰਚਣਾ, ਇਸ ਦੀ ਕਲਪਨਾ ਮੈਂ ਕਦੇ ਨਹੀਂ ਕੀਤੀ ਸੀ। 20 ਵਰ੍ਹੇ ਦੀ ਇਹ ਅਖੰਡ ਯਾਤਰਾ, ਅੱਜ ਆਪਣੇ 21ਵੇਂ ਵਰ੍ਹੇ ਵਿੱਚ ਪ੍ਰਵੇਸ਼ ਕਰ ਰਹੀ ਹੈ। ਅਤੇ ਐਸੇ ਮਹੱਤਵਪੂਰਨ ਵਰ੍ਹੇ ਵਿੱਚ, ਜਿਸ ਧਰਤੀ ਨੇ ਮੈਨੂੰ ਨਿਰੰਤਰ ਆਪਣਾ ਸਨੇਹ ਦਿੱਤਾ ਹੈ, ਅਪਣੱਤ ਦਿੱਤੀ ਹੈ, ਉੱਥੇ ਆਉਣਾ, ਮੈਂ ਆਪਣਾ ਬਹੁਤ ਬੜਾ ਸੁਭਾਗ ਸਮਝਦਾ ਹਾਂ। ਹਿਮਾਲਯ ਦੀ ਇਹ ਤਪੋਭੂਮੀ, ਜੋ ਤਪ ਅਤੇ ਤਿਆਗ ਦਾ ਮਾਰਗ ਦਿਖਾਉਂਦੀ ਹੈ, ਉਸ ਭੂਮੀ ‘ਤੇ ਆਕੇ, ਕੋਟਿ-ਕੋਟਿ ਦੇਸ਼ਵਾਸੀਆਂ ਦੀ ਸੇਵਾ ਦਾ ਮੇਰਾ ਸੰਕਲਪ ਹੋਰ ਦ੍ਰਿੜ੍ਹ ਹੋਇਆ ਹੈ, ਅਤੇ ਮਜ਼ਬੂਤ ਹੋਇਆ ਹੈ। ਇੱਥੇ ਆਕੇ ਇੱਕ ਨਵੀਂ ਊਰਜਾ ਮੈਨੂੰ ਮਿਲਦੀ ਹੈ।
ਭਾਈਓ ਅਤੇ ਭੈਣੋਂ,
ਯੋਗ ਅਤੇ ਆਯੁਰਵੇਦ ਦੀ ਸ਼ਕਤੀ ਨਾਲ ਜਿਸ ਖੇਤਰ ਨੇ ਜੀਵਨ ਨੂੰ ਆਰੋਗਯ ਬਣਾਉਣ ਦਾ ਸਮਾਧਾਨ ਦਿੱਤਾ ਹੈ, ਉੱਥੋਂ ਹੀ ਅੱਜ ਦੇਸ਼ ਭਰ ਵਿੱਚ ਅਨੇਕ ਨਵੇਂ ਆਕਸੀਜਨ ਪਲਾਂਟਸ ਦਾ ਲੋਕਅਰਪਣ ਹੋਇਆ ਹੈ। ਇਹ ਦੇਸ਼ ਦੇ ਅਲੱਗ-ਅਲੱਗ ਰਾਜਾਂ ਵਿੱਚ ਆਕਸੀਜਨ ਪਲਾਂਟਸ ਦੀ ਨਵੀਂ ਸੁਵਿਧਾ ਦੇ ਲਈ ਮੈਂ ਆਪ ਸਭ ਨੂੰ, ਦੇਸ਼ਵਾਸੀਆਂ ਨੂੰ ਬਹੁਤ-ਬਹੁਤ ਵਧਾਈਆਂ ਦਿੰਦਾ ਹਾਂ।
ਸਾਥੀਓ,
ਸੌ ਸਾਲ ਦੇ ਇਸ ਸਭ ਤੋਂ ਬੜੇ ਸੰਕਟ ਦਾ ਸਾਹਮਣਾ ਅਸੀਂ ਭਾਰਤੀ ਜਿਸ ਬਹਾਦਰੀ ਨਾਲ ਕਰ ਰਹੇ ਹਾਂ, ਇਹ ਦੁਨੀਆ ਬਹੁਤ ਬਰੀਕੀ ਨਾਲ ਦੇਖ ਰਹੀ ਹੈ। ਕੋਰੋਨਾ ਖ਼ਿਲਾਫ਼ ਲੜਾਈ ਦੇ ਲਈ ਇਤਨੇ ਘੱਟ ਸਮੇਂ ਵਿੱਚ ਭਾਰਤ ਨੇ ਜੋ ਸੁਵਿਧਾਵਾਂ ਤਿਆਰ ਕੀਤੀਆਂ, ਉਹ ਸਾਡੇ ਦੇਸ਼ ਦੀ ਸਮਰੱਥਾ ਨੂੰ ਦਿਖਾਉਂਦਾ ਹੈ। ਸਿਰਫ਼ ਇੱਕ ਟੈਸਟਿੰਗ ਲੈਬ ਤੋਂ ਕਰੀਬ 3 ਹਜ਼ਾਰ ਟੈਸਟਿੰਗ ਲੈਬਸ ਦਾ ਨੈੱਟਵਰਕ ਬਣਨਾ, ਮਾਸਕ ਅਤੇ ਕਿਟਸ ਦੇ ਆਯਾਤ ਨਾਲ ਸ਼ੁਰੂ ਸਾਡੀ ਜ਼ਿੰਦਗੀ ਅੱਜ ਨਿਰਯਾਤਕ ਬਣਨ ਦਾ ਸਫ਼ਰ ਤੇਜ਼ੀ ਨਾਲ ਪਾਰ ਕਰ ਰਹੀ ਹੈ। ਦੇਸ਼ ਦੇ ਦੂਰ-ਦਰਾਜ ਵਾਲੇ ਇਲਾਕਿਆਂ ਵਿੱਚ ਵੀ ਨਵੇਂ ਵੈਂਟੀਲੇਟਰਸ ਦੀਆਂ ਸੁਵਿਧਾਵਾਂ, ਮੇਡ ਇਨ ਇੰਡੀਆ ਕੋਰੋਨਾ ਵੈਕਸੀਨ ਦਾ ਤੇਜ਼ੀ ਨਾਲ ਅਤੇ ਬੜੀ ਮਾਤਰਾ ਵਿੱਚ ਨਿਰਮਾਣ, ਦੁਨੀਆ ਦਾ ਸਭ ਤੋਂ ਬੜਾ ਅਤੇ ਸਭ ਤੋਂ ਤੇਜ਼ ਟੀਕਾਕਰਣ ਅਭਿਯਾਨ ਭਾਰਤ ਨੇ ਜੋ ਕਰ ਦਿਖਾਇਆ ਹੈ, ਉਹ ਸਾਡੀ ਸੰਕਲਪ-ਸ਼ਕਤੀ, ਸਾਡੇ ਸੇਵਾਭਾਵ, ਸਾਡੀ ਇਕਜੁੱਟਤਾ ਦਾ ਪ੍ਰਤੀਕ ਹੈ।
ਭਾਈਓ ਅਤੇ ਭੈਣੋਂ,
ਭਾਰਤ ਦੀ ਕੋਰੋਨਾ ਖ਼ਿਲਾਫ਼ ਲੜਾਈ ਦੇ ਲਈ, ਇੱਕ ਬੜੀ ਚੁਣੌਤੀ ਸਾਡੀ ਜਨਸੰਖਿਆ ਤਾਂ ਸੀ ਹੀ, ਭਾਰਤ ਦਾ ਵਿਵਿਧ ਭੂਗੋਲ ਵੀ ਬੜੀ ਚੁਣੌਤੀ ਰਿਹਾ ਹੈ। ਆਕਸੀਜਨ ਦੀ ਸਪਲਾਈ ਤੋਂ ਲੈਕੇ ਵੈਕਸੀਨ ਤੱਕ, ਇਹ ਦੋਵੇਂ ਚੁਣੌਤੀਆਂ ਦੇਸ਼ ਦੇ ਸਾਹਮਣੇ ਆਉਂਦੀਆਂ ਰਹੀਂਆਂ, ਨਿਰੰਤਰ ਆਉਂਦੀਆਂ ਰਹੀਆਂ। ਦੇਸ਼ ਇਨ੍ਹਾਂ ਨਾਲ ਕਿਵੇਂ ਲੜਿਆ, ਇਹ ਜਾਣਨਾ, ਇਹ ਸਮਝਣਾ, ਹਰ ਦੇਸ਼ਵਾਸੀ ਦੇ ਲਈ ਬਹੁਤ ਜ਼ਰੂਰੀ ਹੈ।
ਸਾਥੀਓ,
ਆਮ ਦਿਨਾਂ ਵਿੱਚ ਭਾਰਤ ਵਿੱਚ ਇੱਕ ਦਿਨ ਵਿੱਚ 900 ਮੀਟ੍ਰਿਕ ਟਨ, ਲਿਕੁਇਡ ਮੈਡੀਕਲ ਆਕਸੀਜਨ ਦੀ ਪ੍ਰੋਡਕਸ਼ਨ ਹੁੰਦੀ ਸੀ। ਡਿਮਾਂਡ ਵਧਦੇ ਹੀ ਭਾਰਤ ਨੇ ਮੈਡੀਕਲ ਆਕਸੀਜਨ ਦੀ ਪ੍ਰੋਡਕਸ਼ਨ 10 ਗੁਣਾ ਤੋਂ ਵੀ ਜ਼ਿਆਦਾ ਵਧਾਇਆ। ਇਹ ਦੁਨੀਆ ਦੇ ਕਿਸੇ ਵੀ ਦੇਸ਼ ਦੇ ਲਈ ਅਕਲਪਨੀ ਲਕਸ਼ ਸੀ, ਲੇਕਿਨ ਭਾਰਤ ਨੇ ਇਸ ਨੂੰ ਹਾਸਲ ਕਰਕੇ ਦਿਖਾਇਆ।
ਸਾਥੀਓ,
ਇੱਥੇ ਉਪਸਥਿਤ ਕਈ ਮਹਾਨੁਭਾਵ ਇਸ ਗੱਲ ਤੋਂ ਪਰੀਚਿਤ ਹਨ, ਕਿ ਆਕਸੀਜਨ ਦੀ ਪ੍ਰੋਡਕਸ਼ਨ ਦੇ ਨਾਲ ਹੀ ਉਸ ਦੀ ਟ੍ਰਾਂਸਪੋਰਟੇਸ਼ਨ ਵੀ ਕਿਤਨੀ ਬੜੀ ਚੁਣੌਤੀ ਹੁੰਦੀ ਹੈ। ਆਕਸੀਜਨ ਐਸੇ ਹੀ ਕਿਸੇ ਟੈਂਕਰ ਵਿੱਚ ਨਹੀਂ ਲਿਜਾਈ ਜਾ ਸਕਦੀ। ਇਸ ਦੇ ਲਈ ਖ਼ਾਸ ਟੈਂਕਰ ਚਾਹੀਦਾ ਹੁੰਦਾ ਹੈ। ਭਾਰਤ ਵਿੱਚ ਆਕਸੀਜਨ ਪ੍ਰੋਡਕਸ਼ਨ ਦਾ ਕੰਮ ਸਭ ਤੋਂ ਜ਼ਿਆਦਾ ਪੂਰਬੀ ਭਾਰਤ ਵਿੱਚ ਹੁੰਦਾ ਹੈ, ਲੇਕਿਨ ਮੁਸ਼ਕਿਲ ਇਹ ਕਿ ਜ਼ਰੂਰਤ ਸਭ ਤੋਂ ਅਧਿਕ ਉੱਤਰ ਅਤੇ ਪੱਛਮੀ ਭਾਰਤ ਵਿੱਚ ਪਈ।
ਭਾਈਓ ਅਤੇ ਭੈਣੋਂ,
ਲੌਜਿਸਟਿਕਸ ਦੀ ਇਤਨੀਆਂ ਚੁਣੌਤੀਆਂ ਨਾਲ ਜੂਝਦੇ ਹੋਏ ਦੇਸ਼ ਨੇ ਜੰਗੀ ਪੱਧਰ ‘ਤੇ ਕੰਮ ਕੀਤਾ। ਦੇਸ਼ ਅਤੇ ਦੁਨੀਆ ਵਿੱਚ ਦਿਨ-ਰਾਤ ਜਿੱਥੋਂ ਵੀ ਸੰਭਵ ਹੋਵੇ, ਉੱਥੋਂ ਆਕਸੀਜਨ ਪਲਾਂਟਸ, ਆਕਸੀਜਨ ਟੈਂਕਰ ਅਰੇਂਜ ਕੀਤੇ ਗਏ। ਸਪੈਸ਼ਲ ਆਕਸੀਜਨ ਟ੍ਰੇਨ ਚਲਾਈ ਗਈ, ਖ਼ਾਲੀ ਟੈਂਕਰਾਂ ਨੂੰ ਤੇਜ਼ੀ ਨਾਲ ਪਹੁੰਚਾਉਣ ਦੇ ਲਈ ਵਾਯੂ ਸੈਨਾ ਦੇ ਹਵਾਈ ਜਹਾਜ਼ ਲਗਾਏ ਗਏ। ਪ੍ਰੋਡਕਸ਼ਨ ਵਧਾਉਣ ਦੇ ਲਈ DRDO ਦੇ ਮਾਧਿਅਮ ਨਾਲ ਤੇਜਸ ਫਾਈਟਰ ਪਲੇਨ ਦੀ ਟੈਕਨੋਲੋਜੀ ਨੂੰ ਲਗਾਇਆ ਗਿਆ। ਪੀਐੱਮ ਕੇਅਰਸ ਨਾਲ ਦੇਸ਼ ਵਿੱਚ PSA ਆਕਸੀਜਨ ਪਲਾਂਟਸ ਲਗਾਉਣ ‘ਤੇ ਕੰਮ ਤਾਂ ਤੇਜ਼ ਹੋਇਆ ਹੀ, ਇੱਕ ਲੱਖ ਤੋਂ ਅਧਿਕ ਆਕਸੀਜਨ ਕੰਸਨਟ੍ਰੇਟਰ ਦੇ ਲਈ ਪੈਸਾ ਵੀ ਦਿੱਤਾ ਗਿਆ।
ਸਾਥੀਓ,
ਭਵਿੱਖ ਵਿੱਚ ਕੋਰੋਨਾ ਖ਼ਿਲਾਫ਼ ਲੜਾਈ ਦੇ ਲਈ ਸਾਡੀ ਤਿਆਰੀ ਹੋਰ ਪੁਖ਼ਤਾ ਹੋਵੇ, ਇਸ ਦੇ ਲਈ ਦੇਸ਼ ਭਰ ਵਿੱਚ PSA ਆਕਸੀਜਨ ਪਲਾਂਟਸ ਦਾ ਨੈੱਟਵਰਕ ਤਿਆਰ ਹੋ ਰਿਹਾ ਹੈ। ਬੀਤੇ ਕੁਝ ਮਹੀਨਿਆਂ ਵਿੱਚ ਪੀਐੱਮ ਕੇਅਰਸ ਦੁਆਰਾ ਸਵੀਕ੍ਰਿਤ 1150 ਤੋਂ ਅਧਿਕ ਆਕਸੀਜਨ ਪਲਾਂਟਸ ਕੰਮ ਕਰਨਾ ਸ਼ੁਰੂ ਕਰ ਚੁੱਕੇ ਹਨ। ਹੁਣ ਦੇਸ਼ ਦਾ ਹਰ ਜ਼ਿਲ੍ਹਾ, ਪੀਐੱਮ ਕੇਅਰਸ ਦੇ ਤਹਿਤ ਬਣੇ ਹੋਏ ਆਕਸੀਜਨ ਪਲਾਂਟਸ ਨਾਲ ਕਵਰ ਹੋ ਗਿਆ ਹੈ। ਪੀਐੱਮ ਕੇਅਰਸ ਦੇ ਸਹਿਯੋਗ ਨਾਲ ਬਣੇ ਇਸ ਆਕਸੀਜਨ ਪਲਾਂਟਸ ਨੂੰ ਜੋੜ ਲਈਏ, ਤਾਂ ਕੇਂਦਰ ਸਰਕਾਰ, ਰਾਜ ਸਰਕਾਰ, ਇਨ੍ਹਾਂ ਸਭ ਦੇ ਪ੍ਰਯਤਨਾਂ ਨਾਲ ਦੇਸ਼ ਨੂੰ ਕਰੀਬ 4 ਹਜ਼ਾਰ ਨਵੇਂ ਆਕਸੀਜਨ ਪਲਾਂਟਸ ਮਿਲਣ ਜਾ ਰਹੇ ਹਨ। ਆਕਸੀਜਨ ਦੀ ਚੁਣੌਤੀ ਦਾ ਮੁਕਾਬਲਾ ਕਰਨ ਵਿੱਚ ਹੁਣ ਦੇਸ਼ ਅਤੇ ਦੇਸ਼ ਦੇ ਹਸਪਤਾਲ, ਪਹਿਲਾਂ ਤੋਂ ਕਿਤੇ ਜ਼ਿਆਦਾ ਸਮਰੱਥ ਹੋ ਰਹੇ ਹਨ।
ਸਾਥੀਓ,
ਇਹ ਹਰ ਭਾਰਤਵਾਸੀ ਦੇ ਲਈ ਮਾਣ ਦੀ ਗੱਲ ਹੈ ਕਿ ਕੋਰੋਨਾ ਵੈਕਸੀਨ ਦੀ 93 ਕਰੋੜ ਡੋਜ਼ ਲਗਾਈਆਂ ਜਾ ਚੁੱਕੀਆਂ ਹਨ। ਬਹੁਤ ਜਲਦੀ ਅਸੀਂ 100 ਕਰੋੜ ਦੇ ਅੰਕੜੇ ਨੂੰ ਪਾਰ ਕਰ ਪਾਵਾਂਗੇ ਅਤੇ ਪਾਰ ਕਰ ਜਾਵਾਂਗੇ। ਭਾਰਤ ਨੇ Cowin ਪਲੈਟਫਾਰਮ ਦਾ ਨਿਰਮਾਣ ਕਰਕੇ ਪੂਰੀ ਦੁਨੀਆ ਨੂੰ ਰਾਹ ਦਿਖਾਇਆ ਹੈ ਕਿ ਇਤਨੇ ਬੜੇ ਪੈਮਾਨੇ ‘ਤੇ ਵੈਕਸੀਨੇਸ਼ਨ ਕੀਤਾ ਕਿਵੇਂ ਜਾਂਦਾ ਹੈ। ਪਹਾੜ ਹੋਵੇ ਜਾਂ ਰੇਗਿਸਤਾਨ, ਜੰਗਲ ਹੋਵੇ ਜਾਂ ਸਮੁੰਦਰ, 10 ਲੋਕ ਹੋਣ ਜਾਂ 10 ਲੱਖ, ਹਰ ਖੇਤਰ ਤੱਕ ਅੱਜ ਅਸੀਂ ਪੂਰੀ ਸੁਰੱਖਿਆ ਦੇ ਨਾਲ ਵੈਕਸੀਨ ਪਹੁੰਚਾ ਰਹੇ ਹਨ। ਇਸ ਦੇ ਲਈ ਦੇਸ਼ ਭਰ ਵਿੱਚ 1 ਲੱਖ 30 ਹਜ਼ਾਰ ਤੋਂ ਜ਼ਿਆਦਾ ਟੀਕਾਕਰਣ ਕੇਂਦਰ ਸਥਾਪਿਤ ਕੀਤੇ ਗਏ ਹਨ। ਇੱਥੇ ਰਾਜ ਸਰਕਾਰ ਦੇ ਪ੍ਰਭਾਵੀ ਮੈਨੇਜਮੈਂਟ ਦੀ ਵਜ੍ਹਾ ਨਾਲ ਉੱਤਰਾਖੰਡ ਵੀ ਬਹੁਤ ਜਲਦੀ ਸ਼ਤ-ਪ੍ਰਤੀਸ਼ਤ ਪਹਿਲੀ ਡੋਜ਼ ਦਾ ਪੜਾਅ ਪੂਰਾ ਕਰਨ ਵਾਲਾ ਹੈ, ਅਤੇ ਇਸ ਦੇ ਲਈ ਮੁੱਖ ਮੰਤਰੀ ਜੀ ਨੂੰ, ਉਨ੍ਹਾਂ ਦੀ ਪੂਰੀ ਟੀਮ ਨੂੰ, ਇੱਥੇ ਦੇ ਹਰ ਛੋਟੇ-ਮੋਟੇ ਸਰਕਾਰ ਦੇ ਸਾਥੀਆਂ ਨੂੰ ਮੈਂ ਹਿਰਦੇ ਤੋਂ ਬਹੁਤ-ਬਹੁਤ ਵਧਾਈਆਂ ਦਿੰਦਾ ਹਾਂ।
ਭਾਈਓ ਅਤੇ ਭੈਣੋਂ,
ਜਿੱਥੇ ਤਰਾਈ ਜਿਹੀ ਸਮਤਲ ਭੂਮੀ ਹੈ। ਉੱਥੇ ਸ਼ਾਇਦ ਇਨ੍ਹਾਂ ਕੰਮਾਂ ਵਿੱਚ ਸਰਲਤਾ ਰਹਿੰਦੀ ਹੈ। ਮੈਂ ਇਸ ਧਰਤੀ ਨਾਲ ਬਹੁਤ ਜੁੜਿਆ ਰਿਹਾ। ਇੱਥੇ ਵੈਕਸੀਨ ਪੰਹੁਚਾਉਣਾ ਵੀ ਕਿਤਨਾ ਕਠਿਨ ਹੁੰਦਾ ਹੈ। ਹਿਮਾਲਯ ਦੇ ਪਹਾੜਾਂ ਦੇ ਉਸ ਪਾਰ ਪਹੁੰਚ ਕੇ ਲੋਕਾਂ ਦੇ ਪਾਸ ਜਾਣਾ ਕਿਤਨਾ ਕਠਿਨ ਹੁੰਦਾ ਹੈ। ਇਹ ਅਸੀਂ ਭਲੀ ਭਾਂਤ ਜਾਣਦੇ ਹਾਂ। ਉਸ ਦੇ ਬਾਵਜੂਦ ਵੀ ਇਤਨੀ ਬੜੀ ਸਿੱਧੀ ਪ੍ਰਾਪਤ ਕਰਨਾ ਵਾਕਈ ਆਪ ਸਭ ਅਭਿਨੰਦਨ ਦੇ ਅਧਿਕਾਰੀ ਹੋ।
ਭਾਈਓ ਅਤੇ ਭੈਣੋਂ,
21ਵੀਂ ਸਦੀ ਦਾ ਭਾਰਤ, ਜਨਤਾ ਦੀਆਂ ਉਮੀਦਾਂ, ਜਨਤਾ ਦੀਆਂ ਜ਼ਰੂਰਤਾਂ ਦਾ ਪੂਰਨ ਸਮਾਧਾਨ ਕਰਦੇ ਹੋਏ ਹੀ ਅੱਗੇ ਵਧੇਗਾ। ਅੱਜ ਸਰਕਾਰ ਇਸ ਗੱਲ ਦਾ ਇੰਤਜ਼ਾਰ ਨਹੀਂ ਕਰਦੀ ਕਿ ਨਾਗਰਿਕ ਉਸ ਦੇ ਪਾਸ ਆਪਣੀਆਂ ਸਮੱਸਿਆਵਾਂ ਲੈ ਕੇ ਆਵੇਗਾ ਤਦ ਕੋਈ ਕਦਮ ਉਠਾਵਾਂਗੇ। ਸਰਕਾਰੀ ਮਾਈਂਡਸੈੱਟ ਅਤੇ ਸਿਸਟਮ ਤੋਂ ਇਸ ਵਹਿਮ ਨੂੰ ਅਸੀਂ ਬਾਹਰ ਕੱਢ ਰਹੇ ਹਨ। ਹੁਣ ਸਰਕਾਰ ਨਾਗਰਿਕ ਦੇ ਪਾਸ ਜਾਂਦੀ ਹੈ। ਗ਼ਰੀਬਾਂ ਨੂੰ ਪੱਕਾ ਘਰ ਹੋਵੇ, ਬਿਜਲੀ, ਪਾਣੀ, ਸ਼ੌਚਾਲਯ ਅਤੇ ਗੈਸ ਕਨੈਕਸ਼ਨ ਹੋਵੇ, 80 ਕਰੋੜ ਤੋਂ ਅਧਿਕ ਲੋਕਾਂ ਨੂੰ ਮੁਫ਼ਤ ਰਾਸ਼ਨ ਹੋਵੇ, ਕਿਸਾਨਾਂ ਦੇ ਬੈਂਕ ਖਾਤੇ ਵਿੱਚ ਸਿੱਧੇ ਹਜ਼ਾਰਾਂ ਕਰੋੜ ਰੁਪਏ ਭੇਜਣੇ ਹੋਣ, ਪੈਨਸ਼ਨ ਅਤੇ ਬੀਮਾ ਦੀ ਸੁਵਿਧਾ ਹਰ ਭਾਰਤੀ ਤੱਕ ਪਹੁੰਚਾਉਣ ਦੇ ਪ੍ਰਯਤਨ ਹੋਣ, ਜਨਹਿਤ ਦੇ ਅਜਿਹੇ ਹਰ ਲਾਭ, ਇਸੇ ਵਜ੍ਹਾ ਨਾਲ ਤੇਜ਼ੀ ਨਾਲ ਸਹੀ ਹੱਕਦਾਰ ਤੱਕ ਪਹੁੰਚੇ ਹਨ।
ਸਾਥੀਓ,
ਸਿਹਤ ਦੇ ਖੇਤਰ ਵਿੱਚ ਵੀ ਭਾਰਤ ਇਸੇ ਅਪ੍ਰੋਚ ਤੋਂ ਅੱਗੇ ਵਧ ਰਿਹਾ ਹੈ। ਇਸ ਨਾਲ ਗ਼ਰੀਬ ਅਤੇ ਮੱਧ ਵਰਗ ਦੀ ਬੱਚਤ ਵੀ ਹੋ ਰਹੀ ਹੈ ਅਤੇ ਉਸ ਨੂੰ ਸੁਵਿਧਾ ਵੀ ਮਿਲ ਰਹੀ ਹੈ। ਪਹਿਲਾਂ ਜਦੋਂ ਕਿਸੇ ਨੂੰ ਗੰਭੀਰ ਬਿਮਾਰੀ ਹੁੰਦੀ ਸੀ, ਤਾਂ ਉਹ ਆਰਥਿਕ ਮਦਦ ਦੇ ਲਈ ਇੱਥੇ ਉੱਥੇ ਨੇਤਾਵਾਂ ਜਾਂ ਫਿਰ ਸਰਕਾਰੀ ਦਫ਼ਤਰਾਂ ਦੇ ਚੱਕਰ ਕੱਟਦਾ ਸੀ। ਆਯੁਸ਼ਮਾਨ ਭਾਰਤ ਨੇ ਇਸ ਪਰੇਸ਼ਾਨੀ ਨੂੰ ਹਮੇਸ਼ਾ ਲਈ ਖ਼ਤਮ ਕਰ ਦਿੱਤਾ ਹੈ। ਹਸਪਤਾਲ ਦੇ ਬਾਹਰ ਲੰਬੀਆਂ ਲਾਈਨਾਂ, ਇਲਾਜ ਵਿੱਚ ਹੋਣ ਵਾਲੀ ਦੇਰੀ, ਮੈਡੀਕਲ ਹਿਸਟਰੀ ਦਾ ਅਭਾਵ, ਇਸ ਵਜ੍ਹਾ ਨਾਲ ਕਿਤਨੇ ਹੀ ਲੋਕ ਪਰੇਸ਼ਾਨ ਹੁੰਦੇ ਰਹੇ ਹਨ। ਹੁਣ ਆਯੁਸ਼ਮਾਨ ਭਾਰਤ ਡਿਜੀਟਲ ਮਿਸ਼ਨ ਇਸ ਨੂੰ ਪਹਿਲੀ ਵਾਰ ਇਸ ਦਾ ਸਮਾਧਾਨ ਕਰਨ ਦਾ ਵੀ ਪ੍ਰਯਤਨ ਸ਼ੁਰੂ ਹੋਇਆ ਹੈ।
ਸਾਥੀਓ,
ਛੋਟੇ-ਛੋਟੇ ਉਪਚਾਰ ਦੇ ਲਈ, ਬਿਮਾਰੀ ਦੇ ਦੌਰਾਨ ਰੁਟੀਨ ਚੈੱਕਅੱਪ ਲਈ ਵਾਰ-ਵਾਰ ਆਉਣਾ-ਜਾਣਾ ਕਿਤਨਾ ਮੁਸ਼ਕਿਲ ਹੁੰਦਾ ਹੈ, ਇਹ ਉੱਤਰਾਖੰਡ ਦੇ ਲੋਕਾਂ ਤੋਂ ਬਿਹਤਰ ਕੌਣ ਸਮਝ ਸਕਦਾ ਹੈ। ਲੋਕਾਂ ਦੀ ਇਸ ਮੁਸ਼ਕਿਲ ਨੂੰ ਦੂਰ ਕਰਨ ਦੇ ਲਈ ਹੁਣ ਈ-ਸੰਜੀਵਨੀ ਐਪ ਦੀ ਸੁਵਿਧਾ ਦਿੱਤੀ ਗਈ ਹੈ। ਇਸ ਤੋਂ, ਪਿੰਡ ਵਿੱਚ ਆਪਣੇ ਘਰ ’ਤੇ ਬੈਠੇ-ਬੈਠੇ ਮਰੀਜ਼, ਸ਼ਹਿਰਾਂ ਦੇ ਹਸਪਤਾਲਾਂ ਵਿੱਚ ਡਾਕਟਰ ਤੋਂ ਕੰਸਲਟੇਸ਼ਨ ਲੈ ਰਹੇ ਹਨ। ਇਸ ਦਾ ਲਾਭ ਹੁਣ ਉੱਤਰਾਖੰਡ ਦੇ ਲੋਕਾਂ ਨੇ ਵੀ ਉਠਾਉਣਾ ਸ਼ੁਰੂ ਕੀਤਾ ਹੈ।
ਭਾਈਓ ਅਤੇ ਭੈਣੋਂ,
ਸਿਹਤ ਸੁਵਿਧਾਵਾਂ ਸਭ ਤੱਕ ਪਹੁੰਚਾਉਣ ਦੇ ਲਈ ਲਾਸਟ ਮਾਇਲ ਡਿਲਿਵਰੀ ਨਾਲ ਜੁੜਿਆ ਇੱਕ ਸਸ਼ਕਤ ਹੈਲਥ ਇਨਫ੍ਰਾਸਟ੍ਰਕਚਰ ਵੀ ਬਹੁਤ ਜ਼ਰੂਰੀ ਹੁੰਦਾ ਹੈ। 6-7 ਸਾਲ ਪਹਿਲਾਂ ਤੱਕ ਸਿਰਫ਼ ਕੁਝ ਰਾਜਾਂ ਤੱਕ ਹੀ ਏਮਸ ਦੀ ਸੁਵਿਧਾ ਸੀ, ਅੱਜ ਹਰ ਰਾਜ ਤੱਕ ਏਮਸ ਪਹੁੰਚਾਉਣ ਲਈ ਕੰਮ ਹੋ ਰਿਹਾ ਹੈ। 6 ਏਮਸ ਤੋਂ ਅੱਗੇ ਵਧ ਕੇ 22 ਏਮਸ ਦਾ ਸਸ਼ਕਤ ਨੈੱਟਵਰਕ ਬਣਾਉਣ ਦੀ ਤਰਫ਼ ਅਸੀਂ ਤੇਜ਼ੀ ਨਾਲ ਅੱਗੇ ਵਧ ਰਹੇ ਹਾਂ। ਸਰਕਾਰ ਦਾ ਇਹ ਵੀ ਲਕਸ਼ ਹੈ ਕਿ ਦੇਸ਼ ਦੇ ਹਰ ਜ਼ਿਲ੍ਹੇ ਵਿੱਚ ਘੱਟ ਤੋਂ ਘੱਟ ਇੱਕ ਮੈਡੀਕਲ ਕਾਲਜ ਜ਼ਰੂਰ ਹੋਵੇ। ਇਸ ਦੇ ਲਈ ਬੀਤੇ 7 ਵਰ੍ਹਿਆਂ ਵਿੱਚ ਦੇਸ਼ ਵਿੱਚ 170 ਨਵੇਂ ਮੈਡੀਕਲ ਕਾਲਜ ਸ਼ੁਰੂ ਕੀਤੇ ਗਏ ਹਨ। ਦਰਜਨਾਂ ਨਵੇਂ ਮੈਡੀਕਲ ਕਾਲਜਾਂ ਦਾ ਕੰਮ ਜਾਰੀ ਹੈ। ਇੱਥੇ ਮੇਰੇ ਉੱਤਰਾਖੰਡ ਵਿੱਚ ਵੀ ਰੁਦਰਪੁਰ, ਹਰਿਦੁਆਰ ਅਤੇ ਪਿਥੌਰਾਗੜ੍ਹ ਵਿੱਚ ਨਵੇਂ ਮੈਡੀਕਲ ਕਾਲਜਾਂ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ।
ਸਾਥੀਓ,
ਉੱਤਰਾਖੰਡ ਦੇ ਨਿਰਮਾਣ ਦਾ ਸੁਪਨਾ ਅਟਲ ਜੀ ਨੇ ਪੂਰਾ ਕੀਤਾ ਸੀ। ਅਟਲ ਜੀ ਮੰਨਦੇ ਸਨ ਕਨੈਕਟੀਵਿਟੀ ਦਾ ਸਿੱਧਾ ਕਨੈਕਸ਼ਨ ਵਿਕਾਸ ਨਾਲ ਹੈ। ਉਨ੍ਹਾਂ ਦੀ ਪ੍ਰੇਰਣਾ ਨਾਲ ਅੱਜ ਦੇਸ਼ ਵਿੱਚ ਕਨੈਕਟੀਵਿਟੀ ਦੇ ਇਨਫ੍ਰਾਸਟ੍ਰਕਚਰ ਦੇ ਲਈ ਅਭੂਤਪੂਰਵ ਸਪੀਡ ਅਤੇ ਸਕੇਲ ’ਤੇ ਕੰਮ ਹੋ ਰਿਹਾ ਹੈ। ਮੈਨੂੰ ਸੰਤੋਸ਼ ਹੈ ਕਿ ਉੱਤਰਾਖੰਡ ਦੀ ਸਰਕਾਰ ਇਸ ਦਿਸ਼ਾ ਵਿੱਚ ਗੰਭੀਰਤਾ ਨਾਲ ਕੰਮ ਕਰ ਰਹੀ ਹੈ। ਬਾਬਾ ਕੇਦਾਰ ਦੇ ਅਸ਼ੀਰਵਾਦ ਨਾਲ ਕੇਦਾਰਧਾਮ ਦੀ ਸ਼ਾਨ ਨੂੰ ਹੋਰ ਵਧਾਇਆ ਜਾ ਰਿਹਾ ਹੈ, ਉੱਥੇ ਸ਼ਰਧਾਲੂਆਂ ਦੇ ਲਈ ਨਵੀਆਂ ਸੁਵਿਧਾਵਾਂ ਵਿਕਸਿਤ ਕੀਤੀਆਂ ਜਾ ਰਹੀਆਂ ਹਨ। ਮੈਂ ਵੀ ਕਈ ਵਾਰ ਡ੍ਰੋਨ ਕੈਮਰੇ ਦੇ ਮਾਧਿਅਮ ਨਾਲ ਇਨਾਂ ਕੰਮਾਂ ਦੀ ਪ੍ਰਗਤੀ ਦੀ ਸਮੀਖਿਆ ਕਰਦਾ ਰਹਿੰਦਾ ਹਾਂ। ਚਾਰਧਾਮ ਨੂੰ ਜੋੜਨ ਵਾਲੀ all weather road ’ਤੇ ਕੰਮ ਤੇਜ਼ੀ ਨਾਲ ਚਲ ਰਿਹਾ ਹੈ। ਚਾਰਧਾਮ ਪ੍ਰੋਜੈਕਟ, ਦੇਸ਼ ਅਤੇ ਦੁਨੀਆ ਤੋਂ ਆਉਣ ਵਾਲੇ ਸ਼ਰਧਾਲੂਆਂ ਦੇ ਲਈ ਬਹੁਤ ਬੜੀ ਸੁਵਿਧਾ ਤਾਂ ਬਣਾ ਹੀ ਰਹੀ ਹੈ, ਗੜ੍ਹਵਾਲ ਅਤੇ ਕੁਮਾਊਂ ਦੇ ਚੁਣੌਤੀ ਭਰਪੂਰ ਖੇਤਰਾਂ ਨੂੰ ਵੀ ਆਪਸ ਵਿੱਚ ਜੋੜ ਰਹੀ ਹੈ। ਕੁਮਾਊਂ ਵਿੱਚ ਚਾਰਧਾਮ ਰੋਡ ਦੇ ਲਗਭਗ ਡੇਢ ਸੌ ਕਿਲੋਮੀਟਰ ਹਿੱਸੇ ਤੋਂ ਇਸ ਖੇਤਰ ਦੇ ਵਿਕਾਸ ਨੂੰ ਨਵਾਂ ਨਿਯਮ ਮਿਲਣ ਵਾਲਾ ਹੈ। ਰਿਸ਼ੀਕੇਸ਼-ਕਰਣਪ੍ਰਯਾਗ ਰੇਲ ਲਾਈਨ ਤੋਂ ਵੀ ਉੱਤਰਾਖੰਡ ਦੀ ਰੇਲ ਕਨੈਕਟੀਵਿਟੀ ਨੂੰ ਹੋਰ ਵਿਸਤਾਰ ਮਿਲੇਗਾ। ਸੜਕ ਅਤੇ ਰੇਲ ਦੇ ਇਲਾਵਾ ਏਅਰ ਕਨੈਕਟੀਵਿਟੀ ਨੂੰ ਲੈ ਕੇ ਹੋਏ ਕੰਮਾਂ ਦਾ ਲਾਭ ਵੀ ਉੱਤਰਾਖੰਡ ਨੂੰ ਮਿਲਿਆ ਹੈ। ਦੇਹਰਾਦੂਨ ਹਵਾਈ ਅੱਡੇ ਦੀ ਸਮਰੱਥਾ ਨੂੰ 250 ਪੈਸੇਂਜਰ ਤੋਂ ਵਧਾ ਕੇ 1200 ਤੱਕ ਪਹੁੰਚਾਇਆ ਗਿਆ ਹੈ। ਮੁੱਖ ਮੰਤਰੀ ਸ਼੍ਰੀਮਾਨ ਧਾਮੀ ਜੀ ਦੀ ਉਤਸ਼ਾਹੀ ਅਤੇ ਊਰਜਾਵਾਨ ਅਗਵਾਈ ਵਿੱਚ ਉੱਤਰਾਖੰਡ ਵਿੱਚ ਹੈਲੀਪੋਰਟ ਇਨਫ੍ਰਾਸਟ੍ਰਕਚਰ ਨੂੰ ਵੀ ਪ੍ਰੋਤਸਾਹਿਤ ਕੀਤਾ ਜਾ ਰਿਹਾ ਹੈ।
ਸਾਥੀਓ,
ਪਾਣੀ ਦੀ ਕਨੈਕਟੀਵਿਟੀ ਨੂੰ ਲੈ ਕੇ ਵੀ ਉੱਤਰਾਖੰਡ ਵਿੱਚ ਅੱਜ ਸ਼ਲਾਘਾਯੋਗ ਕਾਰਜ ਹੋ ਰਿਹਾ ਹੈ। ਇਸ ਦਾ ਬਹੁਤ ਬੜਾ ਲਾਭ ਇੱਥੋਂ ਦੀਆਂ ਮਹਿਲਾਵਾਂ ਨੂੰ ਮਿਲਣਾ ਸ਼ੁਰੂ ਹੋਇਆ ਹੈ, ਉਨ੍ਹਾਂ ਦਾ ਜੀਵਨ ਹੋਰ ਅਸਾਨ ਬਣ ਰਿਹਾ ਹੈ। 2019 ਵਿੱਚ ਜਲ ਜੀਵਨ ਮਿਸ਼ਨ ਸ਼ੁਰੂ ਹੋਣ ਤੋਂ ਪਹਿਲਾਂ ਉੱਤਰਾਖੰਡ ਦੇ ਸਿਰਫ਼ 1 ਲੱਖ 30 ਹਜ਼ਾਰ ਘਰਾਂ ਵਿੱਚ ਹੀ ਨਲ ਸੇ ਜਲ ਪਹੁੰਚਦਾ ਸੀ। ਅੱਜ ਉੱਤਰਾਖੰਡ ਦੇ 7 ਲੱਖ 10 ਹਜ਼ਾਰ ਤੋਂ ਜ਼ਿਆਦਾ ਘਰਾਂ ਵਿੱਚ ਨਲ ਸੇ ਜਲ ਪਹੁੰਚਣ ਲਗਿਆ ਹੈ। ਯਾਨੀ ਸਿਰਫ਼ 2 ਵਰ੍ਹੇ ਦੇ ਅੰਦਰ ਰਾਜ ਦੇ ਕਰੀਬ-ਕਰੀਬ 6 ਲੱਖ ਘਰਾਂ ਨੂੰ ਪਾਣੀ ਦਾ ਕਨੈਕਸ਼ਨ ਮਿਲਿਆ ਹੈ। ਜਿਵੇਂ ਉੱਜਵਲਾ ਯੋਜਨਾ ਦੇ ਤਹਿਤ ਮਿਲੇ ਗੈਸ ਕਨੈਕਸ਼ਨ ਨੇ ਮਹਿਲਾਵਾਂ ਨੂੰ ਰਾਹਤ ਦਿੱਤੀ, ਸਵੱਛ ਭਾਰਤ ਮਿਸ਼ਨ ਦੇ ਤਹਿਤ ਬਣੇ ਪਖਾਨਿਆਂ ਨੇ ਮਹਿਲਾਵਾਂ ਨੂੰ ਸੁਵਿਧਾ, ਸੁਰੱਖਿਆ ਅਤੇ ਸਨਮਾਨ ਦਿੱਤਾ, ਵੈਸੇ ਹੀ ਜਲ ਜੀਵਨ ਮਿਸ਼ਨ ਨਾਲ ਹੋ ਰਿਹਾ ਪਾਣੀ ਦਾ ਕਨੈਕਸ਼ਨ, ਮਹਿਲਾਵਾਂ ਨੂੰ ਬਹੁਤ ਰਾਹਤ ਦੇ ਰਿਹਾ ਹੈ।
ਸਾਥੀਓ,
ਉੱਤਰਾਖੰਡ ਦੀ ਦੇਸ਼ ਦੀ ਸੁਰੱਖਿਆ ਵਿੱਚ ਬਹੁਤ ਬੜੀ ਭੂਮਿਕਾ ਹੈ। ਇੱਥੇ ਦਾ ਵੀਰ ਨੌਜਵਾਨ, ਵੀਰ ਬੇਟੀਆਂ, ਭਾਰਤੀ ਸੁਰੱਖਿਆ ਬਲਾਂ ਦੀ ਆਨ, ਬਾਨ ਅਤੇ ਸ਼ਾਨ ਹਨ। ਸਾਡੀ ਸਰਕਾਰ, ਹਰ ਫੌਜੀ, ਹਰ ਸਾਬਕਾ ਫੌਜੀ ਦੇ ਹਿਤਾਂ ਨੂੰ ਲੈ ਕੇ ਵੀ ਪੂਰੀ ਗੰਭੀਰਤਾ ਨਾਲ ਕੰਮ ਕਰ ਰਹੀ ਹੈ। ਇਹ ਸਾਡੀ ਹੀ ਸਰਕਾਰ ਹੈ ਜਿਸ ਨੇ ਵੰਨ ਰੈਂਕ ਵੰਨ ਪੈਨਸ਼ਨ ਨੂੰ ਲਾਗੂ ਕਰਕੇ ਆਪਣੇ ਫੌਜੀ ਭਾਈਆਂ ਦੀ 40 ਸਾਲ ਪੁਰਾਣੀ ਮੰਗ ਪੂਰੀ ਕੀਤੀ। ਅਤੇ ਸਾਡੇ ਧਾਮੀ ਜੀ ਤਾਂ ਖ਼ੁਦ ਫੌਜੀ ਦੇ ਬੇਟੇ ਹਨ। ਉਹ ਦੱਸ ਵੀ ਰਹੇ ਸਨ ਕਿ ਵੰਨ ਰੈਂਕ ਵੰਨ ਪੈਨਸ਼ਨ ਇਸ ਫੈਸਲੇ ਨੇ, ਫੌਜੀਆਂ ਨੂੰ ਕਿਤਨੀ ਬੜੀ ਮਦਦ ਕੀਤੀ ਹੈ।
ਸਾਥੀਓ,
ਇਹ ਸਾਡੀ ਹੀ ਸਰਕਾਰ ਹੈ ਜਿਸ ਨੇ ਦਿੱਲੀ ਵਿੱਚ ਨੈਸ਼ਨਲ ਵਾਰ ਮੇਮੋਰੀਅਲ ਬਣਾ ਕੇ ਦੇਸ਼ ਦੇ ਵੀਰ ਜਵਾਨਾਂ ਨੂੰ ਸ਼ਰਧਾਂਜਲੀ ਅਰਪਿਤ ਕੀਤੀ ਹੈ। ਇਹ ਸਾਡੀ ਹੀ ਸਰਕਾਰ ਹੈ ਜਿਸ ਨੇ Battle Casualties Welfare Fund ਦਾ ਲਾਭ ਆਰਮੀ ਦੇ ਨਾਲ-ਨਾਲ ਨੌਸੈਨਾ ਅਤੇ ਵਾਯੂ ਸੈਨਾ ਦੇ ਸ਼ਹੀਦਾਂ ਨੂੰ ਵੀ ਸੁਨਿਸ਼ਚਿਤ ਕੀਤਾ ਹੈ। ਇਹ ਸਾਡੀ ਹੀ ਸਰਕਾਰ ਹੈ ਜਿਸ ਨੇ JCO ਅਤੇ ਹੋਰ Ranks ਦੀ ਪਦ ਉੱਨਤੀ ਨੂੰ ਲੈ ਕੇ ਪਿਛਲੇ 4 ਦਹਾਕਿਆਂ ਤੋਂ ਚਲਿਆ ਆ ਰਿਹਾ ਮਾਮਲਾ ਸੁਲਝਾ ਦਿੱਤਾ ਹੈ। ਸਾਬਕਾ-ਸੈਨਿਕਾਂ ਨੂੰ ਪੈਨਸ਼ਨ ਨਾਲ ਜੁੜੀਆਂ ਦਿੱਕਤਾਂ ਨਾ ਆਉਣ, ਇਸ ਦੇ ਲਈ ਵੀ ਅਸੀਂ ਡਿਜੀਟਲ ਟੈਕਨੋਲੋਜੀ ਦਾ ਇਸਤੇਮਾਲ ਵਧਾ ਰਹੇ ਹਾਂ।
ਸਾਥੀਓ,
ਜਦੋਂ ਫੌਜ ਦੇ ਵੀਰ ਜਾਂਬਾਜ਼ਾਂ ਦੇ ਪਾਸ ਆਧੁਨਿਕ ਹਥਿਆਰ ਹੁੰਦੇ ਹਨ, ਆਪਣੀ ਰੱਖਿਆ ਦੇ ਲਈ ਆਧੁਨਿਕ ਉਪਕਰਣ ਹੁੰਦੇ ਹਨ, ਤਾਂ ਉਹ ਉਤਨੀ ਹੀ ਅਸਾਨੀ ਨਾਲ ਦੁਸ਼ਮਣ ਨਾਲ ਮੁਕਾਬਲਾ ਕਰ ਪਾਉਂਦੇ ਹਨ। ਐਸੀ ਜਗ੍ਹਾ ‘ਤੇ ਜਿੱਥੇ ਮੌਸਮ ਹਮੇਸ਼ਾ ਖਰਾਬ ਰਹਿੰਦਾ ਹੈ, ਉੱਥੇ ਵੀ ਆਧੁਨਿਕ ਉਪਕਰਣਾਂ ਨਾਲ ਉਨ੍ਹਾਂ ਨੂੰ ਬਹੁਤ ਮਦਦ ਮਿਲਦੀ ਹੈ। ਸਾਡੀ ਸਰਕਾਰ ਨੇ ਰੱਖਿਆ ਖੇਤਰ ਵਿੱਚ ਜੋ ਆਤਮਨਿਰਭਰਤਾ ਦਾ ਅਭਿਯਾਨ ਚਲਾਇਆ ਹੈ, ਉਹ ਵੀ ਬਹੁਤ ਬੜੀ ਮਦਦ ਸਾਡੇ ਫੌਜੀ ਸਾਥੀਆਂ ਦੀ ਕਰਨ ਵਾਲਾ ਹੈ। ਅਤੇ ਨਿਸ਼ਚਿਤ ਤੌਰ ‘ਤੇ ਸਰਕਾਰ ਦੇ ਇਨ੍ਹਾਂ ਸਾਰੇ ਪ੍ਰਯਤਨਾਂ ਦਾ ਲਾਭ ਉੱਤਰਾਖੰਡ ਨੂੰ ਹੋਵੇਗਾ, ਇੱਥੇ ਦੇ ਲੋਕਾਂ ਨੂੰ ਵੀ ਹੋਵੇਗਾ।
ਭਾਈਓ ਅਤੇ ਭੈਣੋਂ,
ਅਸੀਂ ਦਹਾਕਿਆਂ ਦੀ ਨਜ਼ਰਅੰਦਾਜੀ ਤੋਂ ਦੇਵਭੂਮੀ ਨੂੰ ਕੱਢਣ ਦਾ ਬਹੁਤ ਇਮਾਨਦਾਰੀ ਨਾਲ, ਪੂਰੀ ਗੰਭੀਰਤਾ ਨਾਲ ਪ੍ਰਯਤਨ ਕਰ ਰਹੇ ਹਾਂ। ਬਿਹਤਰ ਇਨਫ੍ਰਾਸਟ੍ਰਕਚਰ ਬਣਨ ਦੇ ਬਾਅਦ, ਵੀਰਾਨ ਪਏ ਪਿੰਡ ਫਿਰ ਤੋਂ ਆਬਾਦ ਹੋਣ ਲਗੇ ਹਨ। ਕੋਰੋਨਾ ਕਾਲ ਵਿੱਚ ਮੇਰੀ ਇੱਥੋਂ ਦੇ ਅਨੇਕ ਨੌਜਵਾਨਾਂ ਨਾਲ, ਕਿਸਾਨਾਂ ਨਾਲ ਕਈ ਵਾਰ ਗੱਲਬਾਤ ਹੋਈ ਹੈ। ਜਦੋਂ ਉਹ ਦੱਸਦੇ ਹਨ ਕਿ ਉਨ੍ਹਾਂ ਦੇ ਘਰ ਸੜਕ ਪਹੁੰਚ ਚੁੱਕੀ ਹੈ, ਹੁਣ ਉਨ੍ਹਾਂ ਨੇ Home Stay ਖੋਲ੍ਹ ਦਿੱਤਾ ਹੈ, ਤਾਂ ਮਨ ਨੂੰ ਬਹੁਤ ਸੰਤੁਸ਼ਟੀ ਮਿਲਦੀ ਹੈ। ਨਵੇਂ ਇਨਫ੍ਰਾਸਟ੍ਰਕਚਰ ਨਾਲ ਖੇਤੀਬਾੜੀ, ਟੂਰਿਜ਼ਮ – ਤੀਰਥਯਾਤਰਾ ਅਤੇ ਉਦਯੋਗਾਂ ਦੇ ਲਈ, ਨੌਜਵਾਨਾਂ ਦੇ ਲਈ ਅਨੇਕ ਨਵੇਂ ਅਵਸਰ ਖੁੱਲ੍ਹਣ ਵਾਲੇ ਹਨ।
ਸਾਥੀਓ,
ਇੱਥੇ ਉੱਤਰਾਖੰਡ ਵਿੱਚ ਯੁਵਾ ਊਰਜਾ ਨਾਲ ਭਰਪੂਰ ਉਤਸ਼ਾਹੀ ਟੀਮ ਹੈ। ਅਗਲੇ ਕੁਝ ਵਰ੍ਹਿਆਂ ਵਿੱਚ ਉੱਤਰਾਖੰਡ ਆਪਣੇ ਗਠਨ ਦੇ 25 ਵਰ੍ਹਿਆਂ ਵਿੱਚ ਪ੍ਰਵੇਸ਼ ਕਰੇਗਾ। ਉੱਤਰਾਖੰਡ ਨੂੰ ਬਹੁਤ ਨਿਕਟ ਭਵਿੱਖ ਵਿੱਚ 25 ਸਾਲ ਹੋਣ ਵਾਲੇ ਹਨ। ਤਦ ਉੱਤਰਾਖੰਡ ਜਿਸ ਉਚਾਈ ‘ਤੇ ਹੋਵੇਗਾ, ਇਹ ਤੈਅ ਕਰਨਾ, ਉਸ ਦੇ ਲਈ ਜੁਟ ਜਾਣ ਦਾ ਇਹੀ ਸਮਾਂ ਹੈ, ਸਹੀ ਸਮਾਂ ਹੈ। ਕੇਂਦਰ ਵਿੱਚ ਜੋ ਸਰਕਾਰ ਹੈ, ਉਹ ਉੱਤਰਾਖੰਡ ਦੀ ਇਸ ਨਵੀਂ ਟੀਮ ਨੂੰ, ਪੂਰੀ ਮਦਦ ਦੇ ਰਹੀ ਹੈ। ਕੇਂਦਰ ਅਤੇ ਰਾਜ ਸਰਕਾਰ ਦੇ ਸਾਂਝੇ ਪ੍ਰਯਤਨ, ਇੱਥੇ ਦੇ ਲੋਕਾਂ ਦੇ ਸੁਪਨਿਆਂ ਨੂੰ ਪੂਰਾ ਕਰਨ ਦਾ ਬਹੁਤ ਬੜਾ ਅਧਾਰ ਹਨ। ਵਿਕਾਸ ਦਾ ਇਹੀ ਡਬਲ ਇੰਜਣ ਉੱਤਰਾਖੰਡ ਨੂੰ ਨਵੀਂ ਬੁਲੰਦੀ ਦੇਣ ਵਾਲਾ ਹੈ। ਬਾਬਾ ਕੇਦਾਰ ਦੀ ਕ੍ਰਿਪਾ ਨਾਲ, ਅਸੀਂ ਹਰ ਸੰਕਲਪ ਨੂੰ ਸਿੱਧ ਕਰੀਏ, ਇਸੇ ਕਾਮਨਾ ਦੇ ਨਾਲ ਆਪ ਸਭ ਨੂੰ ਬਹੁਤ-ਬਹੁਤ ਸ਼ੁਭਕਾਮਨਾਵਾਂ।
ਧੰਨਵਾਦ !
**********
ਡੀਐੱਸ/ਐੱਸਐੱਚ/ਡੀਕੇ
(Release ID: 1761935)
Visitor Counter : 132
Read this release in:
Urdu
,
English
,
Hindi
,
Marathi
,
Manipuri
,
Bengali
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam