কেন্দ্রগী মন্ত্রী-মন্দোলনা ঙরাং স্ত্রেস্‌দ লোন এসেৎ লৌশিন্নবগীদমক্তা নেস্নেল এসেৎ রিকন্ত্রক্সন কম্পেনী লিমিতেদনা (এন.এ.আর.সি.এল.) পীবা সেক্যুরিতী রিসিপকী ঙাক্লৌ পীনবা লুপা করোর ৩০,৬০০কী কেন্দ্র সরকারগী গেরেন্তীগী অয়াবা পীখ্রে

আর.বি.আই.গী হৌজিক লৈরিবা কাংলোনগী মনুং-চন্না এন.এ.আর.সি.এল.না চাউরাকপা লুপা লাখ করোর ২গী স্ত্রেস্‌দ এসেৎশিং থাক খায়না লৌশিন্নবা ৱাফম হৌদোকখ্রে। মখোয়না শেল ওইনা ১৫% অমসুং সেক্যুরিতী রিসিপ (এস.আর.) ওইনা ৮৫%গী খুত্থাংদা হায়রিবশিং অসি লৌশিন্নবা পান্দম থম্লি। মখাদা পীরিবা তোয়না হংবা ৱাহংগী পাউখুমশিংনা স্ত্রেস্‌দ লোন এসেৎ লৌশিন্নবগীদমক্তা নেস্নেল এসেৎ রিকন্ত্রক্সন কম্পেনী লিমিতেদনা ফোঙবা সেক্যুরিতী রিসিপকী ঙাক্লৌ পীনবা কেন্দ্র সরকারগী গেরেন্তীগী তোঙানবা হীরমশিং শন্দোক্না তাক্লি।

 (১) নেস্নেল এসেৎ রিকন্সত্রক্সন কম্পেনী লিমিতেদ (এন.এ.আর.সি.এল.) অসি করিনো? মসি কনানা লিংখৎপনো?

এন.এ.আর.সি.এল. অসি কম্পেনীজ এক্তকী মখাদা ইনকোর্পোরেৎ তৌবনি অমসুং এসেৎ রিকন্সত্রক্সন কম্পেনী (এ.আর.সি.) ওইনা চলায়নবা লাইসেন্স পীনবা আর.বি.আই.দা চে-থাখ্রবনি। স্ত্রেস্‌দ এসেৎশিংবু তাশিন্দুনা অমত্তা ওইনা পুন্সিন্দুনা মখা তানা অরোইবা ৱারোইশিন পুরক্নবগীদমক্তা বেঙ্কশিংনা এন.এ.আর.সি.এল. অসি শেম্বনি। পি.এস.বি.শিংনা এন.এ.আর.সি.এল.দা ৫১%গী মপু ওইগনি।

 (২) ইন্দিয়া দেৎ রিজোল্যুসন কম্পেনী লিমিতেদ (আই.দি.আর.সি.এল.) অসি করিনো? মসিবু কনানা শেম্বনো?

আই.দি.আর.সি.এল. অসি এসেৎ শেন্নগদবা অমসুং মার্কেৎ প্রোফেস্নেল অমদি তর্ন-অরাউন্দ এক্সপর্তশিংবু শিজিন্নগদবা সর্ভিস কম্পেনী/থবক শুনবা ইন্তাইতী অমনি। পব্লিক সেক্তর বেঙ্ক (পি.এস.বি.) অমসুং পব্লিক এফ.আই.শিংনা খ্বাইদগী য়াম্বা ৪৯% স্তেক পায়গনি অমসুং লেমহৌরিবশিংনা প্রাইভেৎ সেক্তর লেন্দরশিংগী ওইগনি।

 (৩) এ.আর.সি. ২৮ লৈনা-লৈনা এন.এ.আর.সি.এল. – আই.দি.আর.সি.এল.গুম্বা মখলগী স্ত্রকচর করিগী মথৌ তারিবনো?

হৌজিক লৈরিবা এ.আর.সি.শিং অসি মরু ওইনা অপিকপা ভেল্যুগী লোনশিংগী স্ত্রেস্‌দ এসেৎকী ৱারোইশিন পুরকপদা য়াম্না মতেং ওইদুনা লাক্লি। আই.বি.সি. য়াওনা অসিগুম্বা ৱারোইশিন পুরক্নবা লৈরিবা তোঙান-তোঙানবা থৌওং কয়াসু কান্নৈ হায়বা উবা ফংখ্রে। অদুবু, লেগাসী এন.পি.এ.শিংগী য়াম্লবা স্তোকশিং খন্নরুবা মতমদদি, তোঙানবা থৌওং কয়া মথৌ তারকই অমসুং কেন্দ্রগী বজেত্তা লাউথোকখিবা এন.এ.আর.সি.এল. – আই.দি.আর.সি.এল. অসিনা অসিগুম্বা খোঙথাং অমনি।

 (৪) করিগীদমক্তা সরকারগী গেরেন্তী মথৌ তারিবনো?

এন.পি.এ.শিংগী বেকলোগ কয়া থেংনবা অসিগুম্বা মখলগী ৱারোইশিন পুরক্নবা থৌওংশিং অসিদা সরকারগী ঙাক্লৌগী তঙাই ফদবা লৈগল্লি। মসিনা থাজহনবা পোকহনবগা লোয়ননা কন্তিঞ্জেন্সী বফরসু পী। মরম অদুনা, চাউরাকপা লুপা করোর ৩০,৬০০গী জি.ও.আই. গেরেন্তী অসিনা এন.এ.আর.সি.এল.না পীবা সেক্যুরিতী রিসিপ (এস.আর.)গী ঙাক্লৌ পীগনি। গেরেন্তী অসি চহি ৫ ফাওবা চৎনগনি। গেরেন্তী অসি পীবগী পান্দমদি ৱারোইশিন পুরকপা নত্ত্রগা লিক্বিদেসন তৌবনি। গেরেন্তী অসিনা এস.আর.গী ফেস ভেল্যু অমসুং লোইশিনগদবা অশেংবা ভেল্যুগী মরক্তা লৈবা খেন্নবা অদু মেনখৎকনি। অসিগুম্বা এস.আর.শিং ত্রেদ তৌবা য়াবা মরম্না জি.ও.আই.গী গেরেন্তী অসিনা এস.আর.শিংগী লিক্বিদিতী হেনগৎহনগনি।

 (৫) এন.এ.আর.সি.এল. অমসুং আই.দি.আর.সি.এল.না করম্না মথৌ তৌগনি?

এন.এ.আর.সি.এল.না মরু ওইনা থৌদাং লৌরিবা বেঙ্কতা ওফর অমা পীদুনা এসেৎশিং লৌশিনগনি। হায়রিবা এন.এ.আর.সি.এল.গী ওফর অসি হেক য়ানবগা, আই.দি.আর.সি.এল.না মদুবু শেন্নবা অমসুং ভেল্যু হাপ্পগী থৌওং অমুক চত্থগনি।

 (৬) অনৌবা স্ত্রকচর অসিদগী বেঙ্কশিংনা করি কান্নবা ফংগনি?

মসিনা স্ত্রেস্‌দ এসেৎশিংগী ৱারোইশিন পুরকপগী থবকশিং হেন্না খুমাঙ য়াংশিনহনগনি অমসুং মসিনা ফংফম থোকপা ভেল্যু হেন্না ফংহনবদা তেংবাংগনি। মসিনা বেঙ্ককী মীওই শিজিন্নবগী চাংসু হন্থহনবা ঙমদুনা মখোয়গী কারবার অমসুং ক্রেদিৎ গ্রোথ হেন্না লৈনবা মিৎয়েং চঙহনবসু ঙমগনি। হায়রিবা স্ত্রেস্‌দ এসেৎ অমসুং এস.আর.গী হোলদর ওইবনা, বেঙ্কশিংনা কান্নবা কয়া ফংগনি। মখা তাবা ওইনা, মসিনা বেঙ্ককী ভেলুএসন্দা হেন্না ফগৎহনগনি অমসুং মখোয়গী মার্কেৎ কেপিতেল শাগৎপা ঙম্বগী মতিকপুসু হেনগৎহনগনি।

 (৭) মসিবু করিগীদমক্তা হৌজিক শেম্লিবনো?

ইন্সোল্ভেন্সী অমসুং বেঙ্ক্রপসী কোদ (আই.বি.সি.), সেক্যুরিতাইজেসন অমসুং রিকন্সত্রক্সন ওব ফাইনেন্সিএল এসেৎ অমসুং ইনফোর্সমেন্ত ওব সেক্যুরিতী ইন্তরেস্ত (এস.এ.আর.এফ.এ.ই.এস.আই. এক্ত) অমসুং দেৎ রিকোভরী ত্রাইব্যুনেল মপাঙ্গল হেনগৎহনবগা লোয়ননা বেঙ্কশিংদা ভেল্যু য়াম্বা এন.পি.এ. একাউন্তশিংগী দেদিকেতেদ স্ত্রেস্‌দ এসেৎ মেনেজমেন্ত ভর্তিকেল্স (এস.এ.এম.ভি.) শেম্বনা রিকভরী তৌবদা অহেনবা মিৎয়েং চঙহল্লি। থৌওংসিং অসি পাংথোক্লবসু, বেঙ্কশিংগী বেলেন্স শিত্তা মশিং য়াম্লবা এন.পি.এ.শিং অদুমক লৈরি অমসুং মসিগী মপুং ওইবা মরমদি এসেৎ ক্বালিতী রিভিয়ুনা উৎলিবা বেদ লোনশিং মশিং য়াম্বতা নত্তনা লেন্দর কয়া অমদা চাইথোক্তুনা লৈবননি। লেগাসি এন.পি.এ.শিংগী মথক্তা বেঙ্কশিংনা অৱাংবা থাক্তা প্রোভিজনিং তৌবনা ৱারোইশিন পুরকপদা হেন্না থুজিনবগী তোপ তোপ্পা খুদোংচাবা অমসু পীরি।

 (৮) গেরেন্তী অসি শিজিন্নবগী ওইথোকপা লৈবরা?

সরকারগী গেরেন্তী অসি চহি ৫ ফাওবা চৎনবা য়াদুনা লুপা করোর ৩০,৬০০গী অপুনবা শেফমগী মনুংদা লৈবা ওইরগদি লৈরিবা এসেৎশিংদগী লাক্কদবা শেনফমশিং অমসুং এসেৎ অদুগীদমক্তা পীথোক্লিবা এস.আর.গী ফেস ভেল্যুগী মরক্তা লৈরিবা খেন্নবা অদু মেনখৎনবা শিজিন্নগনি। এসেৎ কয়া অমগী পুন্সিন্নবা অমা লৈগদবনা মরম ওইরগা, ময়াম অদুদগী লাকপা শেনফম্না এক্বিজিসন তৌবদা লাক্কদবা শেনফমদগী হেল্লক্কনি হায়না থাজবগী মতিক চাবা ফিভম লৈ।

 (৯) মতৌ করম্না সরকারনা খোঙজেল থুনা অমসুং মতম চানা ৱারোইশিন পুরকপা ঙমগনি?

জি.ও.আই. গেরেন্তী অসি চহি মঙা চৎনগনি অমসুং মসিবু শিজিন্নবগী কন্দিসন্দি অরোইবা ৱারোইশিন পুরকপা নত্ত্রগা লিক্বিদেসন তৌবনি। মখা তাবা ওইনা, ৱারোইশিন পুরকপদা তপথবগী থৌওং থোকহন্দনবগীদমক্তা, এন.এ.আর.সি.এল.না গেরেন্তী ফী অমুক পীবা তাগনি অমসুং মসিসু মতম হেনগৎলকপগী মতুং ইন্না হেনগৎলক্কনি।

 (১০) এন.এ.আর.সি.এল.গী কেপিতেল স্ত্রকচর অসি করিনো অমসুং মসিদা সরকারনা কয়া য়াম্না তেংবাংগনি?

এন.এ.আর.সি.এল.গী কেপিতেলাইজেসন অসি বেঙ্ক অমসুং নন-বেঙ্কিং ফাইনেন্সিএল কম্পেনী (এন.বি.এফ.সি.)শিংদগী লাকপা ইক্বিতীগী খুত্থাংদা ওইগনি। মসিনা তঙাই ফদবগী মতুং ইন্না দেৎসু শাগৎকনি। জি.ও.আই.গী গেরেন্তীনা হান্না পুথোক্কদবা কেপিতেলাইজ তৌবগী তঙাই ফদবশিংসু হন্থহনগনি।

 (১১) স্ত্রেস্‌দ এসেৎশিংগী ৱারোইশিন পুরক্নবা এন.এ.আর.সি.এল.গী করি থৌশিল-থৌরাং ওইগনি?

এন.এ.আর.সি.এল.না চাউরাকপা লুপা করোর লাখ ২ তাগদবা অমসুং অমমম্না লুপা করোর ৫০০ ওইগদবা স্ত্রেস্‌দ লোন এসেৎশিংগী ৱারোইশিন পুরকপগী পান্দম থম্লি। ফেজ Iদা, চাউরাকপা লুপা করোর ৯০,০০০গী মপুং ফানা প্রোভিজন তৌরবা এসেৎশিং এন.এ.আর.সি.এল.দা থাজিনগনি হায়বগী থাজবা থম্লি অমসুং লেমহৌরিবা প্রোভিজন নেম্বা এসেৎশিংনা ফেজ IIদা থাজিনগনি হায়বগী থাজবা থম্লি।

*****