শেল-থুম মন্ত্রালয়না শোত্থরবা অমসুং মমাংদা সোসিও-ইকনোমিক্কী ওইবা খুদোংচাবা ফংদ্রবা মীওইশিংদা ফাইনান্সিএল ইনক্লুসিবনেস অমসুং তেংবাং পীনবা হোৎনখি। ফাইনান্সিএল ইনক্লুজন অসি সরকারগী নেস্নেল প্রাইওরিতী অমনি মরমদি মসিনা ইনক্লুসিব গ্রোথ পুরকপা ঙম্মি। মসি মরুওই মরমদি মসিনা লায়রবশিংদা মখোয়গী সেভিংশিং অদু ফোর্মেল ফাইনান্সিএল সিস্তেমদা পুরকপা ঙমনবা ফম্পাক অমা পীরি, খুঙ্গংশিংদা লৈহৌরিবা মখোয়গী ইমুং-মনুংশিংদা শেল থানবা ফম্পাক অমা পীবগী মথক্তা মখোয়বু শেল শান্দোকপা মীওইশিংগী লাংদগী নান্থোকহনবা ঙম্লি। মালেমগী খ্বাইদগী অচৌবা ফাইনান্সিএল ইনক্লুজনগী থৌরাংশিংগী মনুংদা অমা ওইরিবা প্রধান মন্ত্রী জন ধন য়োজনা (পি.এম.জে.দি.ৱাই.) অসি মাইকৈ অসিদা লৌখৎলিবা মরু ওইবা থৌরাং অমনি।

পি.এম.জে.দি.ৱাই. অসি প্রধান মন্ত্রী, শ্রী নরেন্দ্র মোদীনা ইং কুমজা ২০১৫গী ওগস্ত ১৫দা মহাক্না নীংতম নুমিৎতা পীখিবা ৱারোলদা লাউথোকখি। ওগস্ত ২৮দা প্রোগ্রাম অসি হৌদোকপদা প্রধান মন্ত্রীনা থৌরম অসি লায়রবশিংবু লোইনাইদ্রবা অৱাবগী ইরোল নুংদগী নীংতম্বা ফংবগী কুহ্মৈ অমা পালন তৌবনি হায়না ফোঙদোকখি।  

পি.এম.জে.দি.ৱাই.গী চহি ৭শুবগী কুমওনদা শেল-থুম মন্ত্রী নির্মলা সিতারমন্না স্কীম অসিগী মরু ওইবা অদু নৌহৌননা ফোঙদোকখি। “পি.এম.জে.দি.ৱাই.গী খোঙচৎ অসিদা অতেনবা চহি ৭কী মতম অসিগী মনুংদা পাইখৎখিবা খোঙথাংশিংনা ত্রান্সফোর্মেস্নেল লোইননা দিরেক্সনেলগী অহোংবা অনিমক পুরক্তুনা খুন্নাইগী অরোইবা মীওই – লায়রবশিংগী খ্বাইদগী লায়রবদা ফাইনান্সিএল সর্ভিসেস দেলিভর তৌবা ঙম্বা অফবা এফ.আই. ইকোসিস্তেম অমা ওইহল্লি। পি.এম.জে.দি.ৱাই.গী য়ুম্বীশিং ওইরিবা, মমিং ওইনা পল্লদা, বেঙ্কিং দি অনবেঙ্ক, সেক্যুরিং দি অনসেক্যুর্দ অমসুং ফন্দিংদি অনফন্দেদ, হায়রিবশিং অসিনা খুদোংচাবা ফংদ্রিবশিং অমসুং খুদোংচাবা ফংদ্রিবা মফমশিংদা খুদোংচাবা ফংহন্নবা তেক্নোলোজী হেনগৎনবগা লোইননা স্তেকহোল্দর কয়া চুংনবগী থৌশিল পাইখৎপা ওইথোকহল্লি।” হায়না মহাক্না ফোঙদোকখি

শেল-থুমগী রাজ্য মন্ত্রী, দা. ভাগ্বাত করাদনসু থৌরম অসিদা পি.এম.জে.দি.ৱাই.গী মতাংদা মহাক্কী ৱাখল্লোনশিং ফোঙদোকখি। মহাক্না হায়খি, “প্রধান মন্ত্রী জন ধন য়োজনা (পি.এম.জে.দি.ৱাই.) অসি ভারত্তা নত্তনা মালেমগী ওইনা ফাইনান্সিএল ইনক্লুজনগী মাইকৈদা লৌখৎপা খ্বাইদগী অচৌবা থৌরাংশিংগী মনুংদা অমনি। ফাইনান্সিএল ইনক্লুজন অসি সরকারনা খ্বাইদগী মরু ওইবা মীৎয়েং চংলিবশিংগী মরক্তা অমা ওইরি মরমদি মসিনা ইনক্লুসিব গ্রোথ হেনগৎহনবা ঙম্মি। মসিনা লায়রবশিংদা মখোয়গী সেভিংশিং অদু ফোর্মেল ফাইনান্সিএল সিস্তেমদা পুরকপা ঙমনবা ফম্পাক অমা পীরি, খুঙ্গংশিংদা লৈহৌরিবা মখোয়গী ইমুং-মনুংশিংদা শেল থানবা ফম্পাক অমা পীবগী মথক্তা মখোয়বু শেল শান্দোকপা মীওইশিংগী লাংদগী নান্থোকহনবা ঙম্লি।”

স্কীম অসি মাইপাক্না চৎনহনখিবা চহি ৭ মপুং ফারকপা অসিদা ঐখোয়না স্কীম অসিগী মরু ওইবা হীরমশিং অমসুং হৌজিক ফাওবদা মাইপাকখিবশিং অদু য়েংমিন্নসি।

বেকগ্রাউন্দ

প্রধান মন্ত্রী জন ধন য়োজনা (পি.এম.জে.দি.ৱাই.) অসি ফাইনান্সিএল সর্ভিসশিং মমিং ওইনা পল্লবদা বেঙ্কিং/সেভিংস অমসুং দিপোজিত একাউন্তশিং, রেমিতেন্স, ক্রেদিৎ, ইন্সুরেন্স, পেন্সন অসি শেল চংদবা মওংদা এক্সেস তৌবা ঙমহন্নবা ফাইনান্সিএল ইনক্লুজনগী নেস্নেল মিসন অমনি।

১.    পান্দমশিং:

  শেল চংদনা ফাইনান্সিএল প্রদক্তশিং অমসুং সর্ভিসশিং এক্সেস তৌবা ফংহনবা

  শেল চংবা হন্থহন্নবা অমসুং পাক শন্না য়ৌশিনবা ঙম্নবা তেক্নোলোজী শীজিন্নবা

২.    স্কীম অসিগী মরু ওইবা য়ুম্ফম ওইরিবা মচাকশিং:

  বেঙ্কিং দি অনবেঙ্ক - চেচাং য়াম্না চংদনা, কে.ৱাই.সি.দা কোমথোকপা, ই-কে.ৱাই.সি., কেম্প মোদতা, জিরো বেলেন্সতা অমসুং জিরো চার্জতা একাউন্ত হাংবা য়াহনদুনা বেসিক সেভিংস বেঙ্ক দিপোজিত (বি.এস.বি.দি.) একাউন্ত হাংবা

  সেক্যুরিং দি অনসেক্যুর্দ - লুপা লাখ ২গী এক্সিদেন্ত ইন্সুরেন্স কভরেজ লেম্না ফংবগা লোইননা মর্চেন্ত লোকেসনশিংদা শেল কাইবা অমসুং থিবা য়াবা ইন্দিজিনস দেবিত কার্দ পীবা

  ফন্দিং দি অনফন্দেদ - মাইক্রো-ইন্সুরেন্স, কঞ্জুম্পসনগী ওভরদ্রাফ, মাইক্রো-পেন্সন অমসুং মাইক্রো-ক্রেদিতকুম্বা অতৈ ফাইনান্সিএল প্রদক্তশিং

৩.    অহৌবদা ওইরম্বা মওং-মতৌ:

স্কীম অসি পীরিবা য়ুম্বী ৬ অসিদা য়ুম্ফম ওইরগা হৌদোকখি:

  বেঙ্কিং সর্ভিসশিংদা য়ুনিভর্সেল এক্সেস ফংহনবা – ব্রাঞ্চ অমসুং বি.সি.

  ইলিজিবল ওইবা নহা খুদিংমক্তা লুপা ১০,০০০/-গী ওভরদ্রাফকী খুদোংচাবগা লোইননা বেসিক সেভিংস বেঙ্ক একাউন্তশিং

  ফাইনান্সিএল লিতরেসী প্রোগ্রাম– সেভিংস তৌনবা থৌগৎপা, এ.তি.এম.শিং শীজিন্নবা, ক্রেদিৎলীদমক শেম শাদুনা লৈহল্লি, ইন্সুরেন্স অমসুং পেন্সনশিং ফংহল্লি, বেঙ্কিংগীদমক বেসিক মোবাইল ফোনশিং শীজিন্নহল্লি

  ক্রেদিৎ গরেন্তী ফন্দ লৈহনবা –বেঙ্কশিংদা দিফোল্তকী ওইনা গরেন্তী খরা পীবা

  ইন্সুরেন্স –ইং কুমজা ২০১৪গী ওগস্ত ১৫দগী ২০১৫গী জনুৱারী ৩১ ফাওবগী মনুংদা হাংখিবা একাউন্তদা লুপা ১,০০,০০০ ফাওবগী এক্সিদেন্ত কভর অমসুং লুপা ৩০,০০০গী লাইফ কভর পীরি

  অনওর্গনাইজ সেক্তরগী পেন্সন স্কীম

৪.    মমাংগী এক্সপরিয়েন্সতা য়ুম্ফম ওইরগা পি.এম.জে.দি.ৱাই.দা মরু ওইবা থৌশিল শীজিন্নবা:

     ভেন্দরগা তেক্নোলোজী লোক-ইন শীজিন্নদুনা ওফলাইন একাউন্তশিং হাংলম্বগী মমাংঙৈগী মওং অদুগী মহুৎতা বেঙ্কশিংগী কোর বেঙ্কিং সিস্তেমদা ওনলাইন একাউন্তশিং ওইনা একাউন্তশিং হাংহনখ্রে

     রুপে দেবিত কার্দ নত্ত্রগা আধার ইনেবল্দ পেমেন্ত সিস্তেম (এ.ই.পি.এস.)কী খুত্থাংদা ইন্তর-ওপরেবিলিতী লৈহনবা

     ফিক্স-পোইন্ত বিজিনেস কোরেস্পোন্দেন্তশিং

     কান্নদবা কে.ৱাই.সি.গী ফোর্মেলিতীশিংগী মহুৎতা অরায়বা কে.ৱাই.সি./ই-কে.ৱাই.সি. ওইহনবা

৫.    অনৌবা মওং-মতৌশিংগা লোইননা পি.এম.জে.দি.ৱাই. শাংদোকহনবা – সরকারনা খরা শেমদোক-শেমজিন তৌবগা লোইননা কম্প্রিহেনসিব পি.এম.জে.দি.ৱাই. প্রোগ্রাম অসি ২৮.০৮.২০১৮দগী মখা তানা শাংদোক্নবা ৱারেপ লৌখ্রে

     ‘য়ুমথোং খুদিংমক’ ওইরম্বদগী ‘অনবেঙ্ক এদল্ত খুদিংমক’ হায়না ফোকস হোংদোকপা

     রুপে কার্দ ইন্সুরেন্স – ২৮.৮.২০১৮গী মতুংদা হাংবা পি.এম.জে.দি.ৱাই. একাউন্তশিংগী ওইনা রুপে কার্দশিংদা লেম্না ফংবা এক্সিদেন্তেল ইন্সুরেন্স কভর অসি লুপা লাখ ১দগী লুপা লাখ ২দা হেনগৎখ্রে।

     ওভরদ্রাফকী খুদোংচাবশিং হেনগৎহনবা -

     ও.দি. লিমিত অসি লুপা ৫,০০০/-দগী লুপা ১০,০০০/-দা শরুক অনি ওইহনখ্রে; ও.দি. লুপা ২,০০০/- ফাওবা (কন্দিসনশিং য়াওদনা)।

     ও.দি.গী অপ্পর এজ লিমিত চহি ৬০দগী ৬৫দা হেনগৎপা

৬.    পি.এম.জে.দি.ৱাই.গী শাফুশিং:

পি.এম.জে.দি.ৱাই. অসি পিপল-সেন্ত্রিক ইকনোমিক্কী থৌরাংশিংগী য়ুম্ফম ওইখি। দাইরেক্ত বেনিফিত ত্রান্সফরশিং, কোবিদ-১৯গী শেলগী তেংবাং, পি.এম.-কিসান, এম.জি.এন.আর.ই.জি.এ.গী মখাদা খুৎশুমল হেনগৎপা, লাইফ অমসুং হেল্থ ইন্সুরেন্স কভর ওইরবসু থৌরম পুম্নমক অসিগী অহানবা খোঙথাং অসি নহা খুদিংমক্কী বেঙ্ক একাউন্ত অমা লৈহনবনি হায়রিবা অসি পি.এম.জে.দি.ৱাই.না মপুং ফাবা ঙমলক্কদৌরে।

মার্চ’১৪দগী মার্চ’২০গী মরক্তা হাংখিবা একাউন্ত ২দা অমদি পি.এম.জে.দি.ৱাই. একাউন্ত ওইখি। লৈবাক শিনবা থুংবদা থমখিবা লোকদাউনগী নুমিৎ ১০নিগী মনুংদা নুপীগী পি.এম.জে.দি.ৱাই. একাউন্ত করোর ২০রোমদা ক্ষেত্রিপুরন পীখি।

জনধন্না লায়রবশিংদা মখোয়গী সেভিংশিং অদু ফোর্মেল ফাইনান্সিএল সিস্তেমদা পুরকপা ঙমনবা ফম্পাক অমা পীরি, খুঙ্গংশিংদা লৈহৌরিবা মখোয়গী ইমুং-মনুংশিংদা শেল থানবা ফম্পাক অমা পীবগী মথক্তা মখোয়বু শেল শান্দোকপা মীওইশিংগী লাংদগী নান্থোকহনবা ঙম্লি। পি.এম.জে.দি.ৱাই.না অনবেঙ্কশিং বেঙ্কিং সিস্তেমদা পুশিল্লকখি, ভারতকী ফাইনান্সিএল আর্কিতেকচর চাওথোকহনখি অমসুং নহা খুদিংমক্তা ফাইনান্সিএল ইনক্লুজন পুরকখি।

ঙসিগী কোবিদ-১৯গী মতম অসিদা ঐখোয়না খুন্নাইগী শোত্থরবা শরুকশিংদা শীংথানীংঙাই ওইবা লায়না অমসুং অপনবা লৈতবগা লোইননা দাইরেক্ত বেনিফিত ত্রান্সফর (দি.ই.তি.শিং)না এম্পাৱর্দ তৌবা অমসুং ফাইনান্সিএল সেক্যুরিতী ফংহনখিবা উবা ফংখি। মরু ওইবা ৱাফম অমদি দি.বি.তি.গী থোংদা পি.এম. জন ধন একাউন্তশিংনা শেল খুদিংমক অচুম্বা বেনিফিসিয়রীদা য়ৌহনবা ঙমহনখি অমসুং সিস্তেমেতিক লীকেজ লৈহনদে।

৭.    পি.এম.জে.দি.ৱাই.গী মখাদা মাইপাকখিবশিং – ওগস্ত ১৮, ২০২১ ফাওবদা:

ক)    পি.এম.জে.দি.ৱাই. একাইন্তশিং

ওগস্ত ১৮, ২০২১ ফাওবদা লৈরিবা অপুনবা পি.এম.জে.দি.ৱাই. একাউন্তশিং: করোর ৪৩.০৪; জন-ধন একাউন্ত হোল্দর ৫৫.৪% (করোর ২৩.৮৭)দি নুপীশিং ওইখি অমসুং জন ধন একাউন্তশিংগী ৬৬.৬৯% (করোর ২৮.৭০)না রুরেল অমসুং সেমি-অর্বানগী মফমশিংগী ওইখি।

     স্কীম অসিগী অহানবা চহিগী মনুংদা পি.এম.জে.দি.ৱাই. একাউন্ত করোর ১৭.৯০ হাংখি

     পি.এম.জে.দি.ৱাই.গী মখাদা একাউন্তশিংগী মশিং লেপ্তনা হেনগৎলকখি

     পি.এম.জে.দি.ৱাই. একাউন্তশিং অসি মার্চ’১৫দা করোর ১৪.৭২ ওইরম্বদগী ১৮-০৮-২০২১ ফাওবদা করোর ৪৩.০৪ ওইদুনা শরুক-অহুম হেনগৎখ্রে। ফাইনান্সিএল ইনক্লুজন প্রোগ্রামগী শীংথানীংঙাই ওইবা খোঙচৎ অমা ওইখি।

খ)    ওপরেতিব পি.এম.জে.দি.ৱাই. একাউন্তশিং –

     হৌজিক লৈরিবা আর.বি.আই. গাইদলাইনশিংগী মতুং ইন্না, পি.এম.জে.দি.ৱাই. একাউন্তশিং অসি করিগুম্বা কস্তমর ইন্দ্যুস্দ ত্রাঞ্জেক্সনশিং একাউন্ত অদুদা চহি অনিগী মতম ফাওবদা তৌদ্রবদি ইনওপরেতিব ওইনা লৌই।

     ওগস্ত, ২০২১দা অপুনবা পি.এম.জে.দি.ৱাই. একাউন্ত করোর ৪৩.০৪গী মনুংদা করোর ৩৬.৮৬ (৮৫.৬%) ওপরেতিব ওই।

     ওপরেতিব একাউন্তশিংগী %তা লেপ্তনা হেনগৎলকপা অসিনা কস্তমরশিংনা চাং নাইনা একাউন্তশিং অসি হেন্না-হেন্না শীজিন্নৈ হায়বা তাক্লি।

     পি.এম.জে.দি.ৱাই. একাউন্তশিংগী ৮.২% খকআ জিরো বেলেন্স একাউন্ত ওইরি।

গ)    পি.এম.জে.দি.ৱাই. একাউন্তশিংগী মখাদা তৌবা দিপোজিত-

     পি.এম.জে.দি.ৱাই. একাউন্তশিংগী মখাওদা তৌখিবা অপুনবা দিপোজিত অসি লুপা করোর ১,৪৬,২৩০ ওইখি।

     দিপোজিতশিং অসি একাউন্তশিং শরুক ২.৪ হেনগৎলকপগা লোইননা শরুক ৬.৩৮ হেনগৎলকখ্রে (ওগস্ত ২০২১/ওগস্ত ২০১৫)

ঘ)    পি.এম.জে.দি.ৱাই. একাউন্ত অমদা চাংচৎ ওইনা তৌবা দিপোজিত -

     একাউন্ত অমদা চাংচৎ ওইনা তৌবা দিপোজিত অসি লুপা ৩,৩৯৮নি।

     একাউন্ত অমদা চাংচৎ ওইনা তৌবা দিপোজিত অসি ওগস্ত ২০১৫দগী শরুক ২.৭ হেন্না হেনগৎখ্রে।

     চাংচৎ ওইনা তৌবা দিপোজিতশিংদা হেনগৎলক্লিবা অসিনা একাউন্তশিং অসি শীজিন্নবা হেনগৎলে অমসুং একাউন্ত হোল্দরশিংগী মরক্তা সেভিং তৌবগী হৈনবী লৈবা হেনগৎলে হায়বা তাক্লি।

ঙ)    পি.এম.জে.দি.ৱাই. একাউন্ত হোল্দরশিংদা ইসু তৌখিবা রুপে কার্দ

     পি.এম.জে.দি.ৱাই. একাউন্ত হোল্দরশিংদা পুন্না ইসু তৌখিবা রুপে কার্দ: করোর ৩১.২৩

     রুপে কার্দকী মশিং অমসুং মসি শীজিন্নবা মতমগা ইরোইননা হেনগৎলকখ্রে।

৮.    জন ধন সর্শক এপ

লৈবাক অসিদা বেঙ্ক ব্রাঞ্চশিং, এ.তি.এম.শিং, বেঙ্ক মিত্রাশিং, পোস্ত ওফিসশিং অসিগুম্বা বেঙ্কিং তচ পোইন্তশিং লোকেৎ তৌনবগী সিতিজেন সেন্ত্রিক প্লেৎফোর্ম অমা ফংহন্নবা মোবাইল এপ্লিকেসন অমা হৌদোকখি। জি.আই.এস. এপতা বেঙ্কিং তচপোইন্ত লাখ ৮ হেন্না মেপ তৌখি। জন ধন দর্শক এপকী মখাদা ফংলিবা খুদোংচাবশিং অসি মীচম মীয়ামগী মথৌ তাবা অমসুং খুদোংচাগদবগী মতুং ইন্না ফংগনি। এপ্লিকেসন অসিগী ৱেব ভর্জন অসি লিঙ্ক অসিদা এক্সেস তৌবা য়াগনি http://findmybank.gov.in.

এপ অসিনা বেঙ্কিং তচপোইন্তশিংনা কি.মি. ৫কী মনুংদা লৈবা খুদোংচাবা ফংদ্রিবা খুঙ্গংশিং খঙদোকপদসু শীজিন্নরি। খঙদোক্লবা খুঙ্গংশিং অসিদা বেঙ্কিং আউতলেতশিং হাংনবা মরী লৈনবা এস.এল.বি.শিংনা তোঙান-তোঙানবা বেঙ্কশিংদা এল্লোকেৎ তৌখি। খোঙথাংশিং অসিনা অসিগুম্বা খুঙ্গংশিংগী মশিং চাওনা হন্থহনবা ঙমখি।

৯.    পি.এম.জে.দি.ৱাই. নুপী বেনিফিসিয়রীশিংগীদমক্তা প্রধান মন্ত্রী গরিব কল্যান পেকেজ (পি.এম.জি.কে.পি.)

ইকাই খুম্নরবী শেল-থুম মন্ত্রীনা ২৬.২.২০২০দা লাউথোকখিবগী মতুং ইন্না পি.এম.গরিব কল্যান য়োজনাগী মখাদা পি.এম. গরিব কল্যান য়োজনাগী মখাদা থা অহুমগী (এপ্রিল ২০২০দগী জুন ২০২০) ওইনা থা অমদা লুপা ৫০০/-গী শেনফম অমা প্রধান মন্ত্রী জন ধন য়োজনা (পি.এম.জে.দি.ৱাই.)গী মখাদা লৈরিবা নুপী একাউন্ত হোল্দরশিংগী একাউন্তশিংদা হাপখি। কোবিদ লোকদাউন মনুংদা পি.এম.জে.দি.ৱাই.গী মখাদা লৈরিবা নুপী একাউন্ত হোল্দরশিংগী একাউন্তশিংদা পুন্না লুপা করোর ৩০,৯৪৫ হাপখি।

১০.   দি.বি.তি. ত্রাঞ্জেকসনশিং নীংথিনা তৌবা ঙম্নবা মাইকৈ অমদা:

বেঙ্কশিংনা খঙহল্লকপগী মতুং ইন্না পি.এম.জে.দি.ৱাই. একাউন্ত হোল্দর করোর ৫রোমনা তোঙান তোঙানবা স্কীমশিংগী মখাদা সরকারদগী দাইরেক্ত বেনিফিত ত্রান্সফর (দি.বি.তি.) ফংখি। ইলিজিবল ওইবা বেনিফিসিয়রীশিংনা মখোয়গী দি.বি.তি. মতম চানা ফংনবা বিভাগশিংনা দি.বি.তি. মিদন, বেঙ্কশিং অমসুং তোঙান-তোঙানবা অতৈ মন্ত্রালয়শিংগা লোইননা তান্নদুনা দি.বি.তি.দা অশোইবশিং থোকহনদবা য়াবা মরমশিং খঙদোকপদা অচৌবা থৌদাং লৌরি। বেঙ্কশিং অমসুং এন.পি.সি.আই.গা লোইননা চাং নাইনা ভি.সি.শিং পাঙথোক্তুনা হীরম অসিগী মতাংদা কুপ্না য়েংশিনবগা লোইননা থোকহনদবা য়াবা মরমশিংনা থোকহনবা দি.বি.তি.গী অশোইবশিংগী অপুনবা পর্সেন্তেজ ওইনা লৈরিবা দি.বি.তি. শোইবগী চাং অসি ১৩.৫% (এফ.ৱাই. ১৯-২০)দগী ৫.৭% (এফ.ৱাই. ২০-২১)দা হন্থহনখি।

১১.   মাংদা লৈরিবা লম্বেল:

i.      মাইক্রো ইন্সুরেন্স স্কীমশিংগী মখাদা পি.এম.জে.দি.ৱাই. একাউন্ত হোল্দরশিংগী কভরেজ হেনগৎহন্নবা হোৎনবা। ইলিজিবল ওইবা পি.এম.জে.দি.ৱাই. একাউন্ত হোল্দরশিং পি.এম.জে.জে.বি.ৱাই. অমসুং পি.এম.এস.বি.ৱাই.গী মখাদা কভর তৌনবা হোৎনবা। হীরম অসিগী মতাংদা বেঙ্কশিংদা মমাংদা খঙহনখ্রে।

ii.     ভারত শিনবা থুংবদা এসেপ্তেন্স ইনফ্রাস্ত্রকচর শেমদুনা পি.এম.জে.দি.ৱাই. একাউন্ত হোল্দরশিংগী মরক্তা রুপে দেবিত কার্দ শীজিন্নবা য়াওনা দিজিতেল পেমেন্তশিং পুক্নীং থৌগৎপা।

iii.    পি.এম.জে.দি.ৱাই. একাউন্ত হোল্দরশিংবু ফ্লেক্সি-রিকিং দিপোজিত অসিগুম্বা মাইক্রো-ক্রেদিত অমসুং মাইক্রো ইনভেস্তমেন্তগী এক্সেস ফংবা হেনগৎহল্লি।

***