হৌখিবা পুং ২৪ অসিদা ভারততা অনৌবা কেস ৮৪,৩৩২ লাকখ্রে৷ হৌজিক্তি থংননা ৫শুবা নুমিৎকী ওইনা লৈবাক অসিদা নোংমদা অনৌবা কেস লাখ ১গী মখাদা লাকখ্রে৷ মসিগী ফিভম অসি কেন্দ্র অমসুং রাজ্যশিং/য়ু.তি.শিংনা য়াম্না কন্না হোৎনবগী মহৈনি৷

ভারতকী এক্তিব কেসলোদ লেপ্পা-লৈতনা তারক্লি৷ লৈবাক অসিগী এক্তিব কেসলোদ ঙসি ১০,৮০,৬৯০ ওইখ্রে৷ থংননা ১২শুবা নুমিৎকী ওইনা কেসলোদ লাখ ২০গী মখাদা লৈহনখ্রে৷

হৌখিবা পুং ২৪ অসিদা কেস ৪০,৯৮১ হন্থরকখি অমসুং হৌজিক লৈরিবা এক্তিব কেস মশিং অসি লৈবাক অসিগী অপুনবা পোজিতিব কেস মশিং অদুগী ৩.৬৮% খক্তনি৷

কোবিদ লাইনা-লাইচৎ অসিদগী মীওই কয়া অমা লেপ্পা-লৈতনা ফরকপনা, থংননা ৩০শুবা নুমিৎকী ওইনা ভারততা নোংমদা লাক্লিবা অনৌবা কেস মশিংদগী নোংমদা লাইনা-লাইচৎ অসিদগী ফরক্লিবা মশিংনা হেনখ্রে৷ হৌখিবা পুং ২৪ অসিদা লাইনা-লাইচৎ অসিদগী মীওই ১,২১,৩১১ নাবা ফখি৷

নোংমদা লাক্লিবা অনৌবা কেসশিং অসিগা য়েংনবা মতমদা হৌখিবা পুং ২৪ অসিদা লাইনা-লাইচৎ অসিদগী মীওই ৩৬,৯৭৯ হেন্না নাবা ফখ্রে৷

লাইনা-লাইচৎ অসি হেক শন্দোরকপা মতমদগী হৌদুনা হৌজিক ফাওবদা মীওই ২,৭৯,১১,৩৮৪ লাইচৎ অসিদগী নাবা ফখ্রে অমসুং হৌখিবা পুং ২৪ অসিদা মীওই ১,২১,৩১১ লাইচৎ অসিদগী নাবা ফখ্রে৷ মসিনা লৈবাক অসিগী রিকোভরী রেত অসি ৯৫.০৭% ওইহন্দুনা লেপ্পা লৈতনা হেনগৎলক্লি৷

লৈবাক অসিদা তেস্ত তৌবগী চাং কা-হেন্না হেনগৎলক্তুনা, হৌখিবা পুং ২৪ অসিদা লৈবাক অসিদা তেস্ত পুন্না ১৯,২০,৪৭৭ তৌখ্রে৷ হৌজিক ফাওবদা ভারততা তেস্ত পুন্না কোতি ৩৭.৬২(৩৭,৬২,৩২,১৬২) হেন্না তৌখ্রে৷

নাকল অমদা লৈবাক অসিদা তেস্ত তৌবগী চাং অসি হেনগৎলকখিবা অসিদা মরী লৈননা চয়োলগী ওইনা পোজিতিব ওইখিবগী চাংসু লেপ্পা-লৈতনা হন্থরকখ্রে৷ চয়োলগী ওইনা পোজিতিব ওইখিবগী চাং অসি হৌজিক হৌজিক ৪.৯৪% ওই অদুগা নোংমদা পোজিতিব ওইখিবগী চাং অসি ঙসি ৪.৩৯% ওইখ্রে৷ থংননা ১৯শুবা নুমিৎকী ওইনা পোজিতিব ওইখিবগী মশিং অসি হৌজিক্তি ১০%গী মখাদা লৈখ্রে৷

নেসনৱাইদ ভেক্সিন দ্রাইবকী মখাদা কাপখিবা কোবিদ-১৯ ভেক্সিন মশিং অদু ঙসি কোতি ২৫রোমগী চাং য়ৌখ্রে৷ হৌখিবা পুং ২৪ অসিদা ভেক্সিন দোজ ৩৪,৩৩,৭৬৩ কাপখ্রে৷

ঙসি অয়ুক পুং ৭ ফাওবদা ফংখিবা প্রোভিজনেল রিপোর্তকী মতুং ইন্না সেসন ৩৪,৬৪,২২৮দা ভেক্সিন দোজ পুন্না ২৪,৯৬,০০,৩০৪ কাপখ্রে৷

মসিগী মনুং চল্লিবশিং অদুদি:

 *****