ঙসি ভারতনা কোবিদ-১৯ লাইনা-লাইচৎ অসিগী মাইয়োক্তা লান্থেংনবদা অচৌবা লেন্দমার্ক অমা লানবা ঙমখ্রে৷ লৈবাক অসিনা ভেক্সিনেসন দ্রাইব ফেস-৩গী মখাদা চহি কাংলুপ ১৮-৪৪ ফাওবগী মনুংদা লৈরিবা মীওইশিংদা ভেক্সিন দোজ কোতি ১ হেন্না(১,০৬,২১,২৩৫) কাপখ্রে৷ লাইচৎ অসি তেস্ত, ত্রেক, ত্রিত অমসুং কোবিদ এপ্রোপ্রিয়েত বিহেবিয়র ইন্দুনা থেংননবা অমসুং লাকশিন্ননবগীদমক ভেক্সিন কাপথোকপা অসি ভারত সরকারগী কমপ্রিহেন্সিব স্ত্রাতিজিগী য়াম্না মরু ওইবা পিল্লর অমনি৷ কোবিদ-১৯ ভেক্সিনেসনগী লিবরেলাইজ অমসুং এসিলিরেতেদ ফেস-৩ স্ত্রাতিজি ২০২১গী মে ১দগী চৎনবা হৌখ্রে৷

নেসনৱাইদ ভেক্সিনেসন দ্রাইব ফেস-৩গী মখাদা লৈবাক অসিদা কাপখিবা কোবিদ-১৯ ভেক্সিনগী অপুনবা মশিং অদু ঙসি কোতি ১৯.৬০ হেনখ্রে৷

ঙসি অয়ুক পুং ৭ ফাওবগী মনুংদা ফংখিবা প্রোভিজনেল রিপোর্তকী মতুং ইন্না, সেসন ২৮,১৬,৭২৫দা ভেক্সিন দোজ পুন্না ১৯,৬০,৫১,৯৬২ কাপখ্রে৷ মসিগী মনুংদা অহানবা দোজ কাপখ্রবা ঐচ.সি.দবল্যু. ৯৭,৬০,৪৪৪ অমসুং অনিশুবা দোজ কাপখ্রবা ঐচ.সি.দবল্যু. ৬৭,০৬,৮৯০, এফ.এল.দবল্যু. ১,৪৯,৯১,৩৫৭(অহানবা দোজ), এফ.এল.দবল্যু. ৮৩,৩৩,৭৭৪ (অনিশুবা দোজ), চহি কাংলুপ ১৮-৪৪ ফাওবগী মনুংদা লৈরিবা বেনিফিসরী ১,০৬,২১,২৩৫ (অহানবা দোজ), চহি কাংলুপ ৪৫-৬০ ফাওবগী মনুংদা লৈরিবা বেনিফিসরী ৬,০৯,১১,৭৫৬ (অহানবা দোজ)অমসুং ৯৮,১৮,৩৮৪(অনিশুবা দোজ)৷ চহি ৬০গী মথক্তা লৈরিবা বেনিফিসরী ৫,৬৬,৪৫,৪৫৭না অহানবা দোজ অমসুং ১,৮২,৬২,৬৬৫না অনিশুবা দোজ কাপখ্রে৷

হৌজিক ফাওবদা লৈবাক অসিদা কাপখিবা অপুনবা ভেক্সিন দোজকি ৬৬.৩০%দি রাজ্য তরাগী ওইরি৷

থংননা ১১শুবা নুমিৎকি ওইনা নুংতি নুমিৎ খুদিংগী লাইনা-লাইচৎ অসিদগী ফরকখিবগী মশিংনা নৌনা নুংতি নুমিৎ খুদিংগী লাকখিবা অনৌবা কেস মশিংদগী হেনখ্রে৷ হৌখিবা পুং ২৪ অসিদা নৌনা মীওই ৩,০২,৫৪৪ লাইচৎ অসিদগী নাবা ফখি৷

ভারতকি ওইনা লাইচৎ অসিদগী ফগৎলকখিবগী অপুনবা মশিং অসি ঙসি ২,৩৭,২৮,০১১ য়ৌখ্রে৷ নেস্নেল রিকোভরী রেতসু মখাতানা ফগৎলক্তুনা ৮৮.৬৯% য়ৌবা ঙমখ্রে৷

নৌনা লাইচৎ অসিদগী ফগৎলকখিবগী ৭২.২৩%দি রাজ্য তরাগী ওইরি৷

পোজিতিব দিবলপমেন্ত অমদা, হৌজিক্তি থংননা ৮শুবা নুমিৎকি ওইনা নুংতি নুমিৎ খুদিংগী অনৌবা কেস লাখ ৩দগী হেন্না তানা লাকখ্রে৷ নুংতি-নুমিৎ খুদিংগী লাকখিবা অনৌবা কেস মশিং অমসুং নুংতি-নুমিৎ খুদিংগী লাইচৎ অসিদগী ফগৎলকখিবগী মরক্তা লৈরিবা গেপ অদু ঙসি ৮০,২২৯দা হন্থখ্রে৷

ভারতকি ওইনা নুংতি-নুমিৎ খুদিংগী লাকখিবা অনৌবা কেসশিং অমসুং ফগৎলকখিবগী কেসশিংগী ত্রাজেক্তরী অদু মখাদা উৎলি৷

হৌখিবা পুং ২৪দা অনৌবা কেস ২,২২,৩১৫ লাকখি৷

হৌখিবা পুং ২৪দা লাকখিবা অনৌবা কেসশিংগী ৮১.০৮%দি রাজ্য তরাদা ওইরি৷ তামিল নাদুনা খ্বাইদগী য়াম্না নোংমদা অনৌবা কেস ৩৫,৪৮৩, মহারাস্ত্রনা মতুং ইন্দুনা অনৌবা কেস ২৬,৬৭২ লাকখি৷

ভারতকি এক্তিব কেসলোদ ত্রাজেক্তরী অদু মখাদা পীরি৷ ২০২১গী মে ১০দা খ্বাইদগী য়াম্না ৱাংখিবদগী এক্তিব কেসকি মশিং হন্থরকখ্রে৷

ভারতকি অপুনবা এক্তিব কেসলোদ ঙসি ২৭,২০,৭১৬তা হন্থখ্রে৷

হৌখিবা পুং ২৪দা কেস মশিং পুন্না ৮৪,৬৮৩ হন্থরকখ্রে৷ হৌজিক্তি মসি লৈবাক অসিগী অপুনবা পোজিতিব কেস মশিংগী ১০.১৭%নি৷

ভারতকি অপুনবা এক্তিব কেস মশিংগী ৭১.৬২%দি রাজ্য নিপানগী ওইরি৷

হৌখিবা পুং ২৪ অসিদা লৈবাক অসিদা তেস্ত মশিং পুন্না ১৯,২৮,১২৭ পাংথোকখ্রে অমসুং হৌজিক ফাওবদা তেস্ত পুন্না ৩৩,০৫,৩৬,০৬৪ পাংথোকখ্রে৷ অপুনবা পোজিতিব ওইখিবগী চাং অসি ঙসি ৮.০৯% ওইখ্রে৷ চয়োলগী ওইনা পোজিতিব ওইবগী চাং ১২.৬৬%দা হন্থরকখ্রে৷

হৌজিক হৌজিক ওইরিবা নেস্নেল মোর্তেলিতী রেত অসি ১.১৪%নি৷

হৌখিবা পুং ২৪ অসিদা লাইচৎ অসিনা মরম ওইদুনা মীওই ৪,৪৫৪ শিখি৷

হৌখিবা পুং ২৪ অসিদা নৌনা শিখিবা মশিংগী ৭৯.৫২%দি রাজ্য তরাগী ওইরি৷ মহারাস্ত্রনা খ্বাইদগী ৱাংনা(১,৩২০) শিখি৷ কর্নতাকানা নোংমদা মীওই ৬২৪ শিখিদুনা মতুং ইল্লি৷

রাজ্য/য়ু.তি. ১৮না নেস্নেল এভেরেজতগী হেন্না তানা কেস ফেতেলিতী রেত লৈ(১.১৪%)৷

রাজ্য/য়ু.তি. ১৮না নেস্নেল এভেরেজতগী হেন্না ৱাংনা কেস ফেতেলিতী রেত লৈ৷

*****