লৈবাক অসিগী হেল্থকেয়র অমসুং ফ্রন্তলাইন ৱার্কর পুম্নমক্না থৱাই য়াওনা কৎথোক্তুনা অমসুং চোকথবা নাইদুনা হোৎনদুনা ফংলিবা লেন্দৱার্ক এচিবমেন্ত অমা ওইনা, লৈবাক অসিদা ইহান হানবা ওইনা নোংমদা মীওই লাখ ৪ হেন্না কোবিদ-১৯ লাইচৎ অসিদগী ফবা ঙমখ্রে৷

হৌখিবা পুং ২৪ অসিদা লাইচৎ অসিদগী মীওই ৪,২২,৪৩৬ ফবা ঙমখি৷

হৌখিবা নুমিৎ ১৪নি অসিদা চাংচৎতা নোংমদা কেস ৩,৫৫,৯৪৪ হেন্না লাইচৎ অসিদগী ফবা ঙমখ্রে৷ মখাদা পীরিবা গ্রাফ অসিনা হৌখিবা নুমিৎ ১৪নি অসিদা নুংতি নুমিৎ খুদিংগী লাইচৎ অসিদগী ফখিবা কেস মশিং অদু উৎলি৷

হৌখিবা পুং ২৪ অসিদা অনৌবা কেস ২,৬৩,৫৩৩ লাকখি৷

থংননা অনিরকশুবা নুমিৎকি ওইনা নোংমদা অনৌবা কোবিদ কেস লাখ ৩দগী হেন্না তানা লাক্লি৷ হৌখিবা পুং ২৪ অসিদা এক্তিব কেসলোদতা ১,৬৩,২৩২ তারকখ্রে৷

২০২১গী মার্চ ১৩দগী হৌদুনা ভারতকি ওইনা নোংমদা লাকখিবা অনৌবা কেসশিংগী ত্রাজেক্তরী অমসুং লাইচৎ অসিদগী ফখিবগী কেস মশিং অদু মখাদা উৎলি৷

ভারতকি ওইনা লাইচৎ অসিদগী ফখিবগী মশিং অসি ঙসি পুন্না ২,১৫,৯৬,৫১২ য়ৌখ্রে৷ নেস্নেল রিকোভরী রেত অসি মখাতানা ৮৫.৬০% য়ৌবা ঙমখ্রে৷

লাইচৎ অসিদগী নৌনা ফরকখিবগী ৭৫.৭৭%দি রাজ্য তরাগী ওইরি৷

অমরোমদা, ভারতকি অপুনবা এক্তিব কেস মশিং অসি ঙসি ৩৩,৫৩,৭৬৫দা তারকখ্রে৷ হায়রিবা মশিং অসি ভারতকি পোজিতিব ওইখিবা অপুনবা কেস মশিংগী ১৩.২৯%নি৷

ভারতকি অপুনবা এক্তিব কেসকি ৬৯.০১%দি রাজ্য তরাগী ওইরি৷

নেসনৱাইদ ভেক্সিনেসন দ্রাইবকি ফেস-৩গী মখাদা লৈবাক অসিদা কাপখথিবা কোবিদ-১৯ ভেক্সিন দোজ মশিং অদু ঙসি পুন্না কোতি ১৮.৪৪রোম য়ৌখ্রে৷

ঙসি অয়ুক পুং ৭ ফাওবগী মনুংদা ফংখিবা প্রোভিজনেল রিপোর্তকী মতুং ইন্না, সেসন ২৬,৮৭,৬৩৮দা ভেক্সিন দোজ পুন্না ১৮,৪৪,৫৩,১৪৯ কাপখ্রে৷ মসিগী মনুংদা অহানবা দোজ কাপখ্রবা ঐচ.সি.দবল্যু. ৯৬,৫৯,৪৪১ অমসুং অনিশুবা দোজ কাপখ্রবা ঐচ.সি.দবল্যু. ৬৬,৫২,৩৮৯, এফ.এল.দবল্যু. ১,৪৫,০০,৩০৩(অহানবা দোজ), এফ.এল.দবল্যু. ৮২,১৭,০৭৫ (অনিশুবা দোজ), চহি কাংলুপ ১৮-৪৪ ফাওবগী মনুংদা লৈরিবা বেনিফিসরী ৫৯,৩৯,২৯০ (অহানবা দোজ), চহি কাংলুপ ৪৫-৬০ ফাওবগী মনুংদা লৈরিবা বেনিফিসরী ৫,৭৬,৬৪,৬১৬ (অহানবা দোজ) অমসুং ৯২,৪৩,১০৪না(অনিশুবা দোজ)কাপখি৷ চহি ৬০গী মথক্তা লৈরিবা বেনিফিসরী ৫,৪৬,৬৪,৫৭৭না অহানবা দোজ অমসুং ১,৭৯,১২,৩৫৪না অনিশুবা দোজ কাপখ্রে৷

হৌজিক ফাওবদা লৈবাক অসিদা কাপখিবা অপুনবা ভেক্সিন দোজকি ৬৬.৭০%দি রাজ্য তরাদা ওইরি৷

হৌখিবা পুং ২৪ অসিদা চহি কাংলুপ ১৮-৪৪ ফাওবগী মনুংদা লৈরিবা বেনিফিসরী ৬,৬৯,৮৮৪না কোবিদ ভেক্সিনগী অহানবা দোজ কাপখ্রে অমসুং ভেক্সিনেসন দ্রেইবকি ফেস-৩ অসি হেক হৌরকপদগী রাজ্য/য়ু.তি. ৩৬তা ভেক্সিন পুন্না ৫৯,৩৯,২৯০ কাপখ্রে৷

ভেক্সিনেসন দ্রাইবকি ১২২শুবা নুমিৎ ফাওবদা (২০২১গী মে ১৭), ভেক্সিন দোজ ১৫,১০,৪১৮ কাপখ্রে৷ সেসন ১৪,৪৪৭তা, বেনিফিসরী ১২,৬৭,২০১না অহানবা দোজ কাপখ্রে অমসুং বেনিফিসরী ২,৪৩,২১৭না অনিশুবা দোজ কাপখ্রে৷

হৌখিবা পুং ২৪ অসিদা লাকখিবা অনৌবা কেসকি ৭৪.৫৪%দি রাজ্য তরাদা ওইরি৷ কর্নতাকানা নোংমদা অনৌবা কেস খ্বাইদগী য়াম্না কেস ৩৮,৬০৩, তামিল নাদুনা মতুং ইন্দুনা অনৌবা কেস ৩৩,০৭৫ লাকখি৷

নেস্নেল মোর্তেলিতী রেত অসি হৌজিক ১.১০% ওই৷

হৌখিবা পুং ২৪ অসিদা মীওই ৪,৩২৯ লাইচৎ অসিনা মরম ওইদুনা শিখি৷

লাইচৎ অসিনা মরম ওইদুনা নৌনা শিখিবগী ৭৫.৯৮%দি রাজ্য তরাদা ওইরি৷ মহারাস্ত্রনা খ্বাইদগী য়াম্না (১০০০) শিখি৷ কর্নতাকানা মতুং ইন্দুনা নোংমদা মীওই ৪৭৬ শিখি৷

অসিগীসু মথক্তা, মালেমগী লৈবাকশিংনা মতেং ওইনা পীরক্লিবা পোৎলমশিং অদু কোবিদ-১৯ লাইনা-লাইচৎ অসি লান্থেংননবগীদমক রাজ্যশিং/য়ু.তি.শিংদা থাখ্রে৷ হৌজিক ফাওবদা রোদ অমসুং এয়রগী খুৎথাংদা ওক্সিজেন কন্সেন্ত্রেতর ১১,৩২১; ওক্সিজেন সিলিন্দর ১৫,৮০১; ওক্সিজেন জেনেরেসন প্লান্ত ১৯; ভেন্তিলেতর/বাই পাপ ৭,৪৭০; রেমদেসিভির লাখ~৫.৫রোম পুরকখ্রে৷

 ******