প্রধানমন্ত্রীগী লোইশঙ
প্রধান মন্ত্রীনা ওক্সীজেন অমসুং হিদাক-লাংথকশিং শিজিন্ননবা অমসুং য়েন্থোক্নবা লৈরিবশিং য়েংশিনখ্রে
জি.ও.আই.না হিদাক-লাংথক হেন্না পুথোক্নবা অমসুং তঙাইফদবা মতমদা মতেং পীনবা মেনুফেকচরশিংগা তোইনা পাউ ফাওনরি
রেমদেসিবির য়াওনা দ্রগশিং পুথোকপা চয়োল খর অসিদা হায়নিঙাই লৈতনা হেনগৎলক্লি
হৌজিক ওক্সীজেন ফংহল্লিবা অসিনা অহানবা ৱেব মনুংদা পীখিবা অদুদগী শরুক ৩ হেল্লি
Posted On:
12 MAY 2021 9:14PM by PIB Imphal
প্রধান মন্ত্রী শ্রী নরেন্দ্র মোদীনা ওক্সীজেন অমসুং হিদাক-লাংথকশিংগী শিজিন্ননবা অমসুং য়েন্থোক্নবা লৈরিবশিং য়েংশিন্নবা অৱাংবা থাক্কী মীফমদা সভাপতি ওইনা ফমখ্রে।
সরকার অসিনা হকথেংননা কোবিদ মেনেজমেন্ত অমদি মুকোর্মাইকোসিসদা শিজিন্নগদবা দ্রগশিং য়েন্থোক্লিবা অসি য়েংশিল্লি হায়না প্রধান মন্ত্রীদা পাউদমখি। হিদাক-লাংথক হেন্না পুথোক্নবা অমসুং তঙাইফদবা মতমদা মতেং পীনবা মেনুফেকচরশিংগা তোইনা পাউ ফাওনরি হায়না মিনিস্তরনা পি.এম.দা পাউদমখি। হৌজিক-হৌজিক ওইরিবা এ.পি.আই.গী অসিগুম্বা দ্রগকী পোৎথোক অমসুং লৈরিবা স্তোক্কী মতাংদসু প্রধান মন্ত্রীদা খঙহনখি। স্তেতশিং অসিদা অফবা মখলগী হিদাক-লাংথক পীনবগী ৱাসু খন্নখি। রেমদেসিবির য়াওনা দ্রগশিং পুথোকপা চয়োল খর অসিদা হায়নিঙাই লৈতনা হেনগৎলক্লি হায়নসু প্রধান মন্ত্রীদা পাউদমখি। ভারত অসি য়াম্না লিংবা ফার্মাগী সেক্তর লৈজৈ অমসুং সরকারনা হিদাক-লাংথক পুম্বা মরাং কাইনা ফংননবা লেপ্পা লৈতনা থবক তৌমিন্নরি হায়না প্রধান মন্ত্রীনা হায়খি।
পি.এম.না লৈবাক অসিদা ওক্সীজেন অমসুং হিদাক-লাংথক্কী শিজিন্ননবা অমসুং য়েন্থোক্নবা লৈরিবশিংগী ফিভমসু য়েংশিনখি। হৌজিক ওক্সীজেন ফংহল্লিবা অসিনা অহানবা ৱেব মনুংদা পীখিবা অদুদগী শরুক ৩ হেল্লি হায়বা ৱাফম অসিদসু খন্ন নৈনখি। রেলশিং অমসুং আই.এ.এফ.কী প্লেনশিংনা ওক্সীজেন হোল্লিবা অসিগী মতাংদা পি.এম.দা পাউদমখি। লৈবাক অসিদা ওক্সীজেন কন্সেন্ত্রেতর, ওক্সীজেন সিলিন্দর লৈরিবা লোয়ননা পি.এস.এ.প্লান্তশিং লিংখৎলিবা অসিগী মরমদসু প্রধান মন্ত্রীদা পাউদমখি।
স্তেতশিংনা ভেন্তিলেতরশিং অসি মতম চানা শিজিন্নবা অমসুং তেক্নিকেল অমসুং ত্রেনিংগী মতাংদা মেনুফেকচরশিংদগী মতেং লৌনবসু প্রধান মন্ত্রীনা হায়খি।
*****
(Release ID: 1718186)
Visitor Counter : 188
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam