नवी दिल्ली/मुंबई 7 मे 2021

आरोग्य मंत्रालयाची कोविड-19  घडामोडींवरील माहिती

कोविड-19 महामारीच्या दुसऱ्या लाटेत रुग्णसंख्येतील अभूतपूर्व वाढीची आव्हाने आणि गरजा पूर्ण करण्यासाठी भारताच्या  प्रयत्नांना मदत करण्यासाठी जागतिक समुदायाने मदतीचा हात पुढे केला आहे. भारत सरकारने  सुनिश्चित केले आहे की  राज्ये आणि केंद्रशासित प्रदेशांना जागतिक मदत प्रभावीपणे आणि त्वरित वितरित केली जाईल. या महत्वपूर्ण  टप्प्यात राज्ये आणि केंद्रशासित प्रदेशांच्या प्रयत्नांना बळ देण्यासाठी  विविध माध्ममे  आणि उपाययोजनांद्वारे सर्व मदत  आणि सहाय्य पुरवणे  हे उद्दिष्ट  आहे.

तर दुसरीकडे, देशव्यापी  लसीकरण मोहिमेच्या टप्पा  -3 मध्ये आणखी विस्तार होत असल्याने देशभरात देण्यात आलेल्या लसींच्या  मात्रांची  एकूण संख्या आज 16.49  कोटीच्या पुढे गेली आहे.

30 राज्ये आणि केंद्रशासित प्रदेशांमध्ये 18-44  वर्षे वयोगटातील 11,80,798 लाभार्थ्यांना कोविड प्रतिबंधक लसींची पहिली मात्रा देण्यात आली.  ही राज्ये आहेत- अंदमान आणि निकोबार बेटे  (330), आंध्र प्रदेश (16), आसाम  (220), बिहार (284)  छत्तीसगड (2), दिल्ली (1,83,679) , गोवा (741) , गुजरात (2,24,109)  हरियाणा (1,69,409),हिमाचल प्रदेश  (14), जम्मू-काश्मीर  (21,249 ),झारखंड (77) ,  कर्नाटक (7,068), केरळ (22), लडाख  (86),मध्य प्रदेश (9,823), महाराष्ट्र (2,15,274), मेघालय (2), नागालँड  (2)ओडिशा  (28,327), पुदुच्चेरी (1) पंजाब (2,187) , राजस्थान (2,18,795),  तामिळनाडू (8,419 ) , तेलंगण  (440), त्रिपुरा  (2), उत्तर प्रदेश  (86,420), उत्तराखंड (17) आणि प बंगाल  (2,757).

आज सकाळी 7 वाजेपर्यंत मिळालेल्या  अहवालानुसार एकूण  24,11,300  सत्रांद्वारे एकूण 16,49,73,058  लसीच्या मात्रा देण्यात आल्या  आहेत. यामध्ये 95,01,643 आरोग्य कर्मचारी (पहिली मात्रा),63,92,248 आरोग्य कर्मचारी (दुसरी मात्रा),  1,37,64,363 आघाडीवरील  कर्मचारी (पहिली मात्रा),  75,39,007 आघाडीवरील  कर्मचारी(दुसरी मात्रा),  18-44 वयोगटातील  11,80,798  (पहिली मात्रा ) , 60 वर्षावरील ,5,33,28,112  लाभार्थी (पहिली मात्रा), 1,35,91,594 (दुसरी मात्रा) आणि 45 ते 60 वयोगटातल्या  5,43,12,908   (पहिली मात्रा), आणि 53,62,385 लाभार्थी (दुसरी मात्रा) यांचा समावेश आहे.

देशात आतापर्यंत देण्यात आलेल्या एकूण मात्रांपैकी 66.84 टक्के  मात्रा दहा राज्यात देण्यात आल्या आहेत.

गेल्या 24 तासांत 23  लाखाहून अधिक लसींच्या मात्रा  देण्यात आल्या.

लसीकरण अभियानाच्या -111 व्या दिवशी ( 6 मे  2021) 23,70,298 लसीच्या  मात्रा देण्यात आल्या.

10,60,064   लाभार्थींना 18,938 सत्रात पहिली मात्रा  आणि  13,10,234  लाभार्थींना लसीची दुसरी मात्रा  देण्यात आली.

देशात बरे झालेल्या रुग्णांची एकूण संख्या 1,76,12,351 इतकी आहे.

रुग्ण बरे होण्याचा राष्ट्रीय दर 81.95  टक्के आहे.

गेल्या 24 तासांत  3,31,507 रुग्ण बरे झाले

बरे झालेल्या नवीन रुग्णांपैकी 72.47 % रुग्ण   दहा राज्यांमधील आहेत.

गेल्या 24 तासात 4,14,188  नव्या रुग्णांची नोंद झाली.

नव्या रुग्णांपैकी 71.81  रुग्ण, महाराष्ट्र, उत्तर प्रदेश, दिल्ली, कर्नाटक, केरळ, बिहार,  प . बंगाल,  तामिळनाडू , आंध्र प्रदेश,आणि राजस्थान  या दहा राज्यांमध्ये आहेत.

महाराष्ट्रात सर्वात जास्त म्हणजे 62,194  नव्या दैनंदिन रुग्णांची नोंद झाली. त्याखालोखाल कर्नाटकात 49,058  तर  केरळमध्ये 42,464  नव्या रुग्णांची नोंद झाली

भारतात आज उपचाराधीन  रुग्णांची एकूण  संख्या 36,45,164  आहे. ही देशातल्या एकूण पॉझीटीव्ह रुग्णांच्या 16.96 % आहे.

देशातल्या एकूण उपचाराधीन रुग्णसंख्येपैकी 81.04 रुग्ण  बारा  राज्यांमध्ये आहेत.

देशातील एकूण उपचाराधीन रुग्णसंख्येत  दहा जिल्ह्यांचा वाटा  25 टक्के  आहे.

एकूण बाधित रुग्णांपैकी उपचाराधीन रुग्ण 16.96 टक्के आहेत तर बरे झालेले रुग्ण  81.95 टक्क्यांपेक्षा  जास्त आहे.

राष्ट्रीय मृत्यू दरात घट होत असून हा दर सध्या 1.09 टक्के आहे.

गेल्या 24 तासात 3,915  रुग्णांचा मृत्यू झाला

यापैकी  74.48 टक्के  मृत्यू दहा राज्यातले  आहेत. महाराष्ट्रात सर्वाधिक 853 जणांचा मृत्यू झाला, तर  उत्तर प्रदेशात  350  जणांचा मृत्यू झाला.

चार  राज्ये / केंद्र शासित प्रदेशात गेल्या 24 तासात कोविड -19 मुळे एकही मृत्यू झालेला नाही. यामध्ये  दमण आणि दीव आणि दादरा नगर हवेली,  अरुणाचल प्रदेश , लडाख आणि मिझोरम यांचा समावेश आहे.

इतर अपडेट्स :

• केंद्र सरकारने आतापर्यंत कोविड प्रतिबंधक लसीच्या 17 कोटी 35 लाखांहून जास्त (17,35,07,770)  मात्रा राज्ये आणि केंद्रशासित प्रदेशांना मोफत पुरविल्या आहेत. आज सकाळी 8 वाजता मिळालेल्या आकडेवारीनुसार वाया गेलेल्या मात्रांसह आतापर्यंत एकूण 16,44,77,100 मात्रांचा वापर झाला आहे.
• भारतीय हवाई दल  आणि भारतीय नौदलाने  ऑक्सिजन कंटेनर आणि वैद्यकीय उपकरणे यांची वाहतूक करून सध्याच्या कोविड 19 परिस्थितीचा सामना करण्यासाठी नागरी प्रशासनाला मदत  करण्यासाठी आपले प्रयत्न अधिक तीव्र केले आहेत. 7  मे, 2021 रोजी भारतीय हवाई दलाच्या सी -17 विमानाने देशभरात 400 उड्डाणे केली.
• रेमडेसीवीर इंजेक्शनची सर्व राज्यांमध्ये असलेली गरज लक्षात घेऊन, त्याची पुरेशी उपलब्धता असावी, या हेतूने, सरकारने रेमडेसीवीर इंजेक्शनच्या कुप्यांचे 16 मे 2021 पर्यंतचे वितरण पूर्ण केले आहे, अशी माहिती केंद्रीय रसायने आणि खते मंत्री डी वी संदानंद गौडा यांनी आज दिली.
• कुशल मनुष्यबळाची  क्षमता वाढवण्यासाठी  आणि कोविड महामारी  विरूद्ध लढा अधिक तीव्र करण्यासाठी पश्चिम नौदल कमांडमधील वैद्यकीय अधिकारी, नर्सिंग अधिकारी, निमवैद्यकीय  आणि सहाय्यक कर्मचारी यांचा समावेश असलेली 41 नौदल कर्मचाऱ्यांची तुकडी पीएम केअर कोविड रुग्णालय (धनवंतरी) अहमदाबाद येथे 06 मे 21 रोजी तैनात करण्यात आली आहे. 
• भारतीय विमानतळ प्राधिकरण, गोवा आंतरराष्ट्रीय विमानतळ आणि त्यांच्याशी संबंधित कोविड योद्धे अत्यावश्यक वैद्यकीय सामानाची वाहतूक सुरळीत आणि अखंडितपणे सुरु ठेवून कोविड-19 आजाराविरुद्धच्या लढ्यात सक्रीय भूमिका निभावत आहेत.
• देशातील काही नागरिकांनी कोविन पोर्टलच्या माध्यमातून कोविड प्रतिबंधक लस घेण्यासाठीची दिवस, वेळ निश्चित केली होती मात्र ठरलेल्या दिवशी ते प्रत्यक्ष लस घेण्यासाठी गेलेच नाहीत, तरीही त्यांनी ठरलेल्या दिवशी लस घेतली आहे असा लघुसंदेश  त्यांच्या मोबाईलवर आला असे निदर्शनास आले आहे.याबाबतीतल्या परीक्षणाअंती असे दिसून आले की लसीकरण करणाऱ्यांनी त्या नागरिकांनी लस घेतली आहे अशी चुकीची माहिती संगणक प्रणालीत नोंदली होती, म्हणजेच यात लसीकरण करणाऱ्या संस्थेच्या माहिती भरण्याच्या प्रक्रियेत काही त्रुटी होत्या.अशा त्रुटी कमी करण्यासाठी आणि त्यामुळे नागरिकांची होणारी गैरसोय टाळण्यासाठी, कोविन प्रणालीमध्ये 8 मे 2021 पासून  “चार अंकी सुरक्षा कोड” असलेल्या नव्या वैशिष्ट्याचा समावेश करण्यात येणार आहे.
• देशातील कोविड -19 संसर्गाच्या दुसऱ्या लाटेला सामोरे जाताना आयुष मंत्रालयाने आज रुग्णालयाबाहेरील बहुसंख्य  कोविड रुग्णांच्या  हितासाठी आयुष 64 आणि काबासुरा  कुडीनीर ही बहु -वनौषधीयुक्त आयुर्वेदिक औषधे  वितरीत करण्यासाठी मोठ्या प्रमाणात देशव्यापी मोहीम सुरु केली आहे. 
• कोविड विरोधातील कठोर लढ्यात सहभागी होत रेल्वे मंत्रालय संबंधित राज्यांच्या मागणीला प्रतिसाद देत त्या त्या ठिकाणी विलगीकरण सुविधा असलेले रेल्वेचे डबे तातडीने पोहोचविण्यासाठी तसेच या सुविधेशी संबंधित कर्मचारीवर्ग आणि सामान यांची तरतूद करीत जलदगतीने कृती करीत आहे. रेल्वे विभागाने विलगीकरण कक्षाची सोय उपलब्ध करून देण्यासाठी 70,000 खाटांची सोय असलेला 4,400 विलगीकरण डब्यांचा ताफा वापरासाठी उपलब्ध करून ठेवला आहे.
• सर्व अडचणींवर मात करत आणि समस्यांवर नवनवीन उपाययोजना शोधत भारतीय रेल्वे देशभरातील विविध राज्यांमध्ये ऑक्सिजन एक्सप्रेसच्या माध्यमातून द्रवरूप ऑक्सिजन एक्सप्रेसचा पुरवठा करत आहे. आतपर्यंत रेल्वेने 185 टँकर्समधून एकूण 2960 मेट्रिक टन ऑक्सिजन पुरवठा केला आहे.
• कोविड-19 च्या दुसऱ्या लाटेवर मात करण्यासाठी भारताचे प्रयत्न सुरु असतांनाच, टपाल विभागाने सीमाशुल्क विभागाशी समन्वय साधत, कोविड संबंधित, ऑक्सिजन काँसंट्रेटर, उपकरणे आणि औषधांच्या परदेशातून होणारा पुरवठा जलद गतीने व्हावा, याची व्यवस्था केली आहे.  या संदर्भात एक सार्वजनिक सूचनाही टपाल विभागाने जारी केली आहे. या सार्वजनिक सूचनेनुसार, भारतातील कोविड रुग्णांना मदत व्हावी म्हणून परदेशातून पाठवलेल्या अशा स्वरुपाच्या सामानाचा पुरवठा टपाल विभागाच्या ग्राहकांना आणि इतर सार्वजनिक संस्थांना लवकरात लवकर व्हावा, या उद्देशाने, टपाल विभागाने एक हेल्पलाईन सुरु केली आहे.

Soon after its arrival from Italy an oxygen plant was installed at ITBP REFERRAL Hospital in Greater Noida, UP. The plant can support around 100 beds at a time for COVID-19 patients admitted at the centre.@HMOIndia @ITBP_official @PIB_India@ANI pic.twitter.com/7xi91aIMpq

— Spokesperson, Ministry of Home Affairs (@PIBHomeAffairs) May 7, 2021

Loaded up in Tel Aviv !! C17 of IAF with 3 Cryogenic -containers and additional respirators will be flying back to Hindan Airbase. MHA and IAF are working in co-ordination to upscale oxygen supplies and medical eqpt amidst the 2nd wave of Covid-19. pic.twitter.com/Ud9Il8oIGs

— Spokesperson, Ministry of Home Affairs (@PIBHomeAffairs) May 7, 2021

Importing covid related equipments or medicaments through courier!

Track status of consignments by HAWB no. and Courier name on the link ➡️https://t.co/ECBJjA8ZGe#Unite2FightCorona pic.twitter.com/GAmgqNRS43

— CBIC (@cbic_india) May 7, 2021

Union Minister @DVSadanandGowda announces the allocation of #Remdesivir made upto 16th May 2021

States/UTs asked to monitor proper distribution within the State/UT covering government & private hospitals as appropriate and in line with judicious use

Read:https://t.co/ZJPXSE1vza pic.twitter.com/8rCQCTLATI

— PIB in Tamil Nadu 🇮🇳 (@pibchennai) May 7, 2021

#Unite2FightCorona
💠Help a child!
💠Please inform at the #NationalChildHelpline (1098) if you know any child who needs counselling or any other assistance. pic.twitter.com/CO2y3g19RE

— PIB WCD (@PIBWCD) May 7, 2021

महाराष्ट्र अपडेट्स :-

महाराष्ट्राने कोविड लसीकरणात 1.67 लसींच्या मात्रा देण्याचा टप्पा पूर्ण केला आहे. तसेच, लसींच्या दोन्ही मात्रा अधिकाधिक लोकांना देणारेही ते पहिले राज्य ठरले आहे. मुंबईला ऑक्सिजन पुरवठा करण्यासाठी भाभा अणुऊर्जा संशोधन केंद्राने (BARC) विशेष ऑक्सिजन प्लांट तयार केला आहे. पहिल्या टप्प्यात या प्लांटमधून प्रत्येकी 50 लिटर्सचा एक असे 10 सिलेंडर्स उपलब्ध होणार आहेत. या सिलेंडर्सचा पुरवठा दक्षिण मध्य मुंबईतली सरकारी रुग्णालये आणि कोविड केअर केंद्रांमध्ये केला जाईल. मागणीनुसार ऑक्सिजनचा पुरवठा करण्याची तयारी BARC ने दर्शवली आहे. राष्ट्रीय केमिकल्स फर्टिलायझर्स (RCF) ने देखील गोवंडी इथल्या शताब्दी रुग्णालयात ऑक्सिजन प्लांट उभारला आहे.

गोवा अपडेट्‌स:-

कोरोना वाढता संसर्ग रोखण्यासाठी गोव्यात टाळेबंदी करावी लागू शकेल, असे संकेत गोव्याचे मुख्यमंत्री प्रमोद सावंत यांनी दिले आहेत. गोव्यात सध्या कोरोना प्रतिबंधात्मक कठोर निर्बंध लागू करण्यात आले आहेत. ज्या अंतर्गत, अत्यावश्यक सेवेत समाविष्ट न होणारी सर्व दुकाने बंद करण्यात आली आहेत. तसेच, चित्रपट, टीव्ही मालिका यांचे चित्रीकरण करण्याची परवानगीही रद्द करण्यात आली आहे. गोव्याची मनोरंजन विषयक संस्था- ESG ने चित्रीकरण करणाऱ्या चमूंना आपले चित्रीकरण थांबवण्यास सांगितले आहे.

एक वीडियो में दावा किया जा रहा है कि फिटकरी के पानी का सेवन करने से #Covid19 से बचा जा सकता है व इससे संक्रमित व्यक्ति भी स्वस्थ हो सकता है।#PIBFactCheck: यह दावा #फर्जी है। #कोरोनावायरस से संक्रमित होने पर सही इलाज के लिए विश्वसनीय डॉक्टर से सलाह ज़रूर लें। pic.twitter.com/VMnpgMO7cT

— PIB Fact Check (@PIBFactCheck) May 6, 2021

 

MC/PM

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 1716925) अभ्यागत कक्ष : 198