କୋଭିଡ-୧୯ ମୁକାବିଲାରେ ଏକ ଗୁରୁତ୍ୱପୂର୍ଣ୍ଣ ସଫଳତା କ୍ରମରେ ଭାରତରେ ମୋଟ ଟିକାକରଣ ଆଜି ୭.୯ କୋଟିକୁ ଅତିକ୍ରମ କରିଯାଇଛି ।

ଆଜି ସକାଳ ୭ଟା ସୁଦ୍ଧା ୧୨,୩୧,୧୪୮ ସେସନରେ ୭,୯୧,୦୫,୧୬୩ ଡୋଜ୍ ଟିକା ପ୍ରଦାନ କରାଯାଇସାରିଛି । ଏହା ମଧ୍ୟରେ ୯୦,୦୯,୩୫୩ ଏଚସିଡବ୍ଲୁଙ୍କୁ ପ୍ରଥମ ଡୋଜ୍, ୫୩,୪୩,୪୯୩ ଏଚସିଡବ୍ଲୁଙ୍କୁ ଦ୍ୱିତୀୟ ଡୋଜ୍, ୯୭,୩୭,୮୫୦ ଏଫଏଲଡବ୍ଲୁଙ୍କୁ ପ୍ରଥମ ଡୋଜ୍, ୪୧,୩୩,୯୬୧ ଏଫଏଲଡବ୍ଲୁଙ୍କୁ ଦ୍ୱିତୀୟ ଡୋଜ୍ ଏବଂ ୪୫ ବର୍ଷରୁ ଅଧିକ ବୟସର ଦୁରାରୋଗ୍ୟରେ ପୀଡ଼ିତ ୪,୯୯,୩୧,୬୩୫ ଜଣ ହିତାଧିକାରୀଙ୍କୁ ପ୍ରଥମ ଡୋଜ୍ ଓ ୯,୪୮,୮୭୧ ଜଣ ହିତାଧିକାରୀଙ୍କୁ ଦ୍ୱିତୀୟ ଡୋଜ୍ ।

ଟିକାକରଣ ଅଭିଯାନର ୭୯ତମ ଦିବସ (୪ ଏପ୍ରିଲ ୨୦୨୧)ରେ ୧୬,୩୮,୪୬୪ ଡୋଜ୍ ଟିକା ଦିଆଯାଇଛି । ଏହା ମଧ୍ୟରେ ୨୧,୫୦୮ ସେସନରେ ୧୫,୪୦,୬୭୬ ହିତାଧିକାରୀଙ୍କୁ ପ୍ରଥମ ଡୋଜ୍ ଏବଂ ୯୭,୭୮୮ ହିତାଧିକାରୀଙ୍କୁ ଦ୍ୱିତୀୟ ଡୋଜ୍ ରହିଛି ।

ଦେଶରେ ମୋଟ ଟିକାକରଣର ୬୦% ଦିଆଯାଇଛି ଆଠଟି ରାଜ୍ୟରେ ।

ଭାରତରେ ଏବେ ଦୈନିକ କରୋନା ମାମଲା ବୃଦ୍ଧି ପାଇବାରେ ଲାଗିଛି । ଗତ ୨୪ ଘଣ୍ଟା ମଧ୍ୟରେ ଏକ ଲକ୍ଷ(୧,୦୩,୫୫୮)ରୁ ଅଧିକ ମାମଲା ଚିହ୍ନଟ ହୋଇଛି ।

ଆଠଟି ରାଜ୍ୟ; ମହାରାଷ୍ଟ୍ର, ଛତିଶଗଡ଼, କର୍ଣ୍ଣାଟକ, ଉତ୍ତର ପ୍ରଦେଶ, ଦିଲ୍ଲୀ, ତାମିଲନାଡ଼ୁ, ମଧ୍ୟପ୍ରଦେଶ ଏବଂ ପଞ୍ଜାବରେ ଦୈନିକ କୋଭିଡ ମାମଲା ବୃଦ୍ଧି ପାଇ ଚାଲିଛି । ନୂଆ ମାମଲାରୁ ୮୧.୯୦% ଆସିଛି ଆଠଟି ରାଜ୍ୟରୁ ।

ମହାରାଷ୍ଟ୍ରରେ ଗୋଟିଏ ଦିନରେ ସର୍ବାଧିକ ୫୭,୦୭୪ (୫୫.୧୧%) ମାମଲା ଆସିଛି । ଏହା ପଛକୁ ଛତିଶଗଡ଼ରେ ୫୨୫୦ ଏବଂ କର୍ଣ୍ଣାଟକରେ ୪୫୫୩ ମାମଲା ଚିହ୍ନଟ ହୋଇଛି ।

ନିମ୍ନ ଗ୍ରାଫରେ ସୂଚିତ ୧୨ଟି ରାଜ୍ୟରେ ଦୈନିକ କରୋନା ମାମଲା ବୃଦ୍ଧି ପାଉଛି ।

ଭାରତରେ ମୋଟ ସକ୍ରିୟ ମାମଲା ୭,୪୧,୮୩୦ରେ ପହଞ୍ଚିଛି । ଏହା ଦେଶରେ ଥିବା ମୋଟ ପଜିଟିଭ୍ ମାମଲାର ୫.୮୯% । ଗତ ୨୪ ଘଣ୍ଟା ମଧ୍ୟରେ ଦେଶରେ କରୋନା ସକ୍ରିୟ ମାମଲାରେ ସିଧାସଳଖ ୫୦,୨୨୩ ମାମଲା ବୃଦ୍ଧି ଘଟିଛି ।

ନିମ୍ନରେ ଥିବା ଗ୍ରାଫ ଭାରତରେ କରୋନା ସକ୍ରିୟ ମାମଲାର ବୃଦ୍ଧିକୁ ସୂଚାଉଛି ।

ପାଞ୍ଚଟି ରାଜ୍ୟ; ମହାରାଷ୍ଟ୍ର, କର୍ଣ୍ଣାଟକ, ଛତିଶଗଡ଼, କେରଳ ଏବଂ ପଞ୍ଜାବରେ ଦେଶର ମୋଟ ସକ୍ରିୟ ମାମଲାର ୭୫.୮୮% ମାମଲା ରହିଛି । ଦେଶର ମୋଟ ସକ୍ରିୟ ମାମଲାର ୫୮.୨୩% ମାମଲା କେବଳ ମହାରାଷ୍ଟ୍ରରେ ରହିଛି ।

ପ୍ରତି ଦଶ ଲକ୍ଷ ଜନସଂଖ୍ୟାରେ ଟେଷ୍ଟ କ୍ଷେତ୍ରରେ ଜାତୀୟ ହାରାହାରି ୧,୮୦,୪୪୯ ଥିବା ବେଳେ ୧୫ ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ଏହାଠାରୁ କମ୍ ଟେଷ୍ଟ ହେଉଛି ।

ଭାରତରେ ମୋଟ ସୁସ୍ଥଙ୍କ ସଂଖ୍ୟା ଆଜି ୧,୧୬,୮୨,୧୩୬ରେ ପହଞ୍ଚିଛି । ଜାତୀୟ ସୁସ୍ଥତା ହାର ଏବେ ରହିଛି ୯୨.୮% ।

ଗତ ୨୪ ଘଣ୍ଟା ମଧ୍ୟରେ ଦେଶରେ ୫୨,୮୪୭ ଜଣ ସୁସ୍ଥ ହୋଇଛନ୍ତି ।

ଗତ ୨୪ ଘଣ୍ଟା ମଧ୍ୟରେ ଦେଶରେ କରୋନାରେ ୪୭୮ ଜଣଙ୍କ ମୃତୁ୍ୟ ହୋଇଛି ।

ଏହି ନୂତନ ମୃତୁ୍ୟ ମଧ୍ୟରୁ ୮୪.୫୨% ମୃତୁ୍ୟ ହୋଇଛି ଆଠଟି ରାଜ୍ୟରେ । ମହାରାଷ୍ଟ୍ରରେ ସର୍ବାଧିକ ୨୨୨ ଜଣଙ୍କ ମୃତୁ୍ୟ ହୋଇଥିବା ବେଳେ ପଞ୍ଜାବରେ ପ୍ରାଣ ହରାଇଛନ୍ତି ୫୧ ଜଣ ।

୧୨ ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ଗତ ୨୪ ଘଣ୍ଟା ମଧ୍ୟରେ କୌଣସି କୋଭିଡ-୧୯ ମୃତୁ୍ୟ ହୋଇନାହିଁ । ଏସବୁ ହେଲା ପୁଡୁଚେରୀ, ଲଦାଖ (କେନ୍ଦ୍ରଶାସିତ ଅଞ୍ଚଳ), ଦାମନ ଓ ଡିଉ ଏବଂ ଦାଦ୍ରା ଓ ନଗର ହାବେଲି, ନାଗାଲାଣ୍ଡ, ମେଘାଳୟ, ମଣିପୁର, ତ୍ରିପୁରା, ସିକିମ, ଲାକ୍ଷାଦ୍ୱୀପ, ମିଜୋରାମ, ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜ ଏବଂ ଅରୁଣାଚଳ ପ୍ରଦେଶ । 

SR