প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং পোর্তুগুইস রিপব্লিক্কী প্রধান মন্ত্রী ঐচ.ই. এন্তোনিয়ো লুইস সন্তোস দা কোস্তা অনিনা ফোন্দা ৱারি শানখ্রে
Posted On:
16 MAR 2021 7:17PM by PIB Imphal
ঙসি প্রধান মন্ত্রী শ্রী নরেন্দ্র মোদী অমসুং পোর্তুগুইস রিপব্লিক্কী প্রধান মন্ত্রী ঐচ.ই. এন্তোনিয়ো লুইস সন্তোস দা কোস্তা অনিনা ফোন্দা ৱারি শানখ্রে৷
লিদর অনি অসিনা লৈবাক অনি অসিদা লৈরিবা কোবিদ-১৯ লাইনা-লাইচৎ অসিগী ফিভম অসি য়েংশিনখ্রে৷ লাইনা-লাইচৎ অসি লোইশিন্নবগীদমক ভেক্সিনশিং অসি অথুবা মতমদা য়েন্থোক্নবগী তঙাই ফদবা অদুগী মতাংদা মখোয়না খন্নখ্রে৷
ভারতকী ভেক্সিনেসন দ্রাইব অমসুং হৌজিক ফাওবদা ভারত লৈবাক অসিনা লৈবাক ৭০ হেনবদা মতেং পীরিবা অসিগী মতাংদা পি.এম. কোস্তা অসিদা প্রধান মন্ত্রী মোদীনা তেল্লপনা ফোংদোকখ্রে৷ ভারতনা লেপ্পা লৈতনা মখাতানা অতোপ্পা লৈবাকশিং অসিদা ভেক্সিনশিং ফংহল্লগনি হায়না মহাক্না থাজবা পীখি৷
লিদর অনি অসিনা লৈবাক অনি অসিগী লৈরিবা বাইলেতরেল রিলেসনশিং য়েংশিনখ্রে অমসুং হৌখিবা চহী খরা অসিদা ইন্দিয়া-পোর্তুগল পার্তনরশিপ অসিদা পোজিতিব ওইবা মোমেন্তম ফংবা ঙমখিবা অসিদা অপেনবা ফোংদোকখি৷
২০২১গী মে থাদা পোর্তোদা ই.য়ু.গী পোর্তুগুইস প্রসিদেন্সীগী লুচিং মখাদা পাংথোক্নবা মতম লেপ্তুনা লৈরিবা ইহান হানবা ইন্দিয়া-ই.য়ু. লিদরশিংগী মীফম অদুগীদমক শেম-শারিবা অদু মখোয়নসু য়েংশিনখ্রে৷ ইন্দিয়া-ই.য়ু. স্ত্রাতিজিক পার্তনরশিপ অসি হেন্না মপাঙ্গল লৈন্নবগীদমক প্রধান মন্ত্রী কোস্তানা লৌরিবা থৌদাং অদু প্রধান মন্ত্রী মোদীনা থাগৎখ্রে অমসুং মহাকপু পোর্তোদা উন্নবা মহাক্না য়াম্না কন্না হোৎনরি হায়না ফোংদোকখ্রে৷
******
(Release ID: 1705292)
Visitor Counter : 135
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam