ভারতকী অপুনবা এক্তিব কেসলোদ ঙসি লাখ ১.৩৬ (১,৩৬,৫৪৯) শুখ্রে। হৌজিক লৈরিবা এক্তিব কেসলোদ অসি ভারতকী অপুনবা পোজিতিব কেসশিংগী শুপ্নগী ১.২৫% ওইরি।

শীংথানিংঙাই ওইবা দিবেলমেন্ত অমদা, রাজ্য/য়ু.তি. পুম্নমক্তা হৌখিবা থাদা এক্তিব কেসশিং অসি হন্থরকপগী রিপোর্ত তৌরকখ্রে। মহারাস্ত্রদা ২০২১গী জনুৱারী ১৭তা  ৫৩,১৬৩ লৈরম্বদগী ২০২১গী ফেব্রুৱারী ১৭তা ৩৮,৩০৭ হন্থদুনা এক্তিব কেসশিংদা চাউনা হন্থরকপা উবা ফংখ্রে।

হৌখিবা পুং ২৪দা রাজ্য/য়ু.তি. ১৮দা লৈখিদবগী রিপোর্ত তৌরকখিদে। মখোয় অদুদা উত্তর প্রদেশ, রাজস্থান, অন্ধ্র প্রদেশ, জে অমসুং কে (য়ু.তি.), ঝার্খন্দ,  পুদুচেরী, হিমাচল প্রদেশ, লক্ষদীপ, মনিপুর, লদাখ (য়ু.তি.), অসাম, এ অমসুং এন ইথৎশিং, সিক্কিম, মেঘালয়, ত্রিপুরা, মিজোরাম, অরুনাচল প্রদেশ অমসুং দি অমসুং দি অমদি দি অমসুং এন অসিনি।

ভারতকী অপুনবা নাবা ফগৎলকখিবশিং অসি নুমিৎ খুদিংগী ওইনা লেপ্পা লৈতনা হেনগৎপা ফংবা ফংলি। ঙসি করোর ১.০৬ (১,০৬,৪৪,৮৫৮) শুখ্রে। নাবা ফগৎলকপগী চাং অসি ৯৭.৩৩% ওইরি। হৌখিবা পুং ২৪দা অনাবা মীওই ১১,৮৩৩ নাবা ফগৎতুনা দিসচার্জ তৌখ্রে। নাবা ফগৎলকখিবশিং ৱাংখৎলকপগা লোইননা অনৌবা কেসশিং হন্থরকপনা এক্তিব কেসলোদ হন্থহনবা ঙমখ্রে।

হৌখিবা পুং ২৪দা অনৌবা কেস ১১,৬১০ রেকোর্দ তৌখ্রে।

ফেব্রুৱারী ১৭, ২০২১ ফাওবগী অয়ুক্কী পুং ৮:০০ ফাওবদা লৈবাক শিনবা থুংনা কোবিদ১৯দগী ঙাকথোক্নবা হেল্থকিয়র অমসুং ফ্রন্তলাইন ৱার্করশিংদা কাপখিবা অপুনবা বেক্সিনেসনগী কভরেজ অসি লাখ ৯০গী ময়া য়ৌখ্রে।

প্রোবিজনেল রিপোর্তকী মতুং ইন্না ঙসি অয়ুক্কী পুং ৮:০০ ফাওবা সেসন ১,৯১,৩৭৩গী খুত্থাংদা বেক্সিন দোজ ৮৯,৯৯,২৩০ বেনিফিসরীশিংদা কাপখ্রে। মসিদা ঐচ.সি.দবল্যু. ৬১,৫০,৯২২ (অহানবা দোজ), ঐচ.সি.দবল্যু. ২,৭৬,৩৭৭ (অনিশুবা দোজ) অমসুং এফ.এল.দবল্যু ২৫,৭১,৯৩১ (অহানবা দোজ) য়াওখি।

অহানবা দোজ কাপখিবা নুমিৎ ২৮শুরবা বেনিফিসরীশিংগী কোবিদ১৯ বেক্সিনেসনগী অনিশুবা দোজ কাপ্পা ফেব্রুৱারী ১৩, ২০২১দগী হৌখি।

বেক্সিনেসন দ্রাইভকী ৩২নি শুবা নুমিৎ (ফেব্রুৱারী ১৬, ২০২১) অসিদা সেসন ৭,০০১গী খুত্থাংদা পুন্না বেক্সিন দোজ ২,৭৬,৯৪৩ কাপখ্রে। মসিগী মনুংদা বেনিফিসরী ১,৬০,৬৯১দা অহানবা দোজ অমসুং ঐচ.সি.দবল্যু. ১,১৬,২৫২ দা অনিশুবা দোজ কাপখ্রে।

ভারত্তা কাপখিবা অপুনবা বেক্সিনগী দোকশিংগী ৫৭.৮% দি রাজ্য ৮দগী ওইখ্রে। উত্তর প্রদেশ খক্তদা ১০.৪% (৯,৩৪,৯৬২) ওইখ্রে।

ফেব্রুৱারী ১৬, ২০২১গী নুমিদাং পুং ৮ ফাওবদা অপুনবা কেস ৩৬ হোস্পিতালদা পুখৎখ্রে অমসুং বেক্সিন কাপখিবা মীওইশিংদগী লৈখিদবগী কেস ২৯ রিপোর্ত তৌরকখ্রে। হোস্পিতালদা পুখৎলকখিবা কেস ৩৬গী মনুংদা ২২ লায়েং চত্থরবা মতুং দিসচার্জ তৌখ্রে। হৌজিক ২না লায়েং মখা চত্থরি। লৈখিদবা মীওই ২৯ অসিগী মনুংদা মীওই ১৭ হোস্পিতালগী মপান্দা লৈখিদবা ওইখি অমরোমদা লৈখিদবা ১২না হোস্পিতালদা লৈখিদবা ওইখি।

নৌনা ফগৎলকখিবা কেসশিংগী ৮১.১৫%দি রাজ্য ৬তগী ওইখ্রে।

নৌনা ফগৎখিবা কেস ৫,৪৩৯গা লোইননা কেরেলানা নোংমদা খ্বাইদগী মশিং ৱাংনা ফগৎলকপগী রিপোর্ত তৌরকখ্রে। হৌখিবা পুং ২৪দা মহারাস্ত্রদা মীওই ২,৭০০ অমসুং তামিল নাদুদা ৪৭০ ফগৎতুনা মতুং ইন্নখ্রে।

অনৌবা কেসশিংগী ৮৬.১৫%দি রাজ্য অমসুং য়ু.তি. ৬দগী ওইখ্রে।

কেস ৪,৯৩৭কা লোইননা কেরেলানা মশিং খ্বাইদগী য়াম্না রিপোর্ত তৌরকখ্রে। মসিগী মতুংদা   মহারাস্ত্রদা ৩,৬৬৩ অমসুং তামিল নাদুদা অনৌবা কেস ৪৫১ রিপোর্ত তৌদুনা মতুং ইন্নখ্রে।

হৌখিবা পুং ২৪দা লৈখিদবা ১০০ রিপোর্ত তৌরকখ্রে।

নৌনা লৈখিদবগী ৮১.০০%দি রাজ্য তরুক্তগী ওইখ্রে। মহারাস্ত্রদা মশিং খ্বাইদগী য়াম্না লৈখিদে (৩৯)। কেরেলাদানা লৈখিদবা ১৮ অমসুং পঞ্জাবতা নৌবা লৈখিদবা ৭ রিপোর্ত তৌরকখ্রে।

****