ভাৰতত চিকিৎসাধীন ৰোগী সংখ্যা দ্ৰুতগতিত হ্ৰাস পাই আজি ১,৩৫,৯২৬ জন হৈছে৷

আজি মুঠ আক্ৰান্তৰ ৰোগীৰ বিপৰীতে ১.২৫% ৰোগী চিকিৎসাধীন হৈ আছে৷ বিগত কেইটামান সপ্তাহত আক্ৰান্ত ৰোগী ধাৰাবাহিকভাৱে হ্ৰাস পাইছে৷

বিগত ২৪ ঘণ্টাত নতুন ৰোগীৰ ছবিখন চালে এক ইতিবাচক দিশ প্ৰতিফলিত হয়, কিয়নো এখন ৰাজ্যক বাদ দি বাকী ৰাজ্যত ১,০০০তকৈ কম লোক আক্ৰান্ত হৈছে৷ বিগত ২৪ ঘণ্টাত ৪খন ৰাজ্য/কেন্দ্ৰীয় শাসিত অঞ্চলত এজনো লোক নতুনকৈ আক্ৰান্ত হোৱা নাই৷ সেইবোৰ হৈছে-দমন আৰু দিউ, লাডাখ, ত্ৰিপুৰা আৰু আন্দামান আৰু নিকোবৰ দীপপু্ঞ্জ৷

ইফালে, বিগত ২৪ ঘণ্টাত ৰাজ্য/কেন্দ্ৰীয় শাসিত অঞ্চলসমূহৰ দৈনিক মৃত্যুৰ সংখ্যাও গুৰুত্বপূৰ্ণভাৱে হ্ৰাস পাইছে৷ ১৮ খন ৰাজ্য/কেন্দ্ৰীয় শাসিত অঞ্চলত বিগত ২৪ ঘণ্টাত এজনো ৰোগীৰ মৃত্যু হোৱা নাই৷ ১৩ ৰাজ্য/কেন্দ্ৰীয় শাসিত অঞ্চলত ১-৫জন ৰোগীৰ মৃত্যু হৈছে৷

বিগত ২৪ ঘণ্টাত ৯,৩০৯গৰাকী লোক নতুনকৈ আক্ৰান্ত হোৱাৰ বিপৰীতে ১৫,৮৫৮জন ৰোগী আৰোগ্য হৈছে৷

ৰাষ্ট্ৰীয় আৰোগ্যৰ হাৰ ৯৭.৩২% হৈছে, যিটো বিশ্বৰ ভিতৰতে সৰ্বাধিক হৈছে৷ ধাৰাবাহিকভাৱে বৃদ্ধি পোৱা আৰোগ্য সংখ্যাই ৰাষ্ট্ৰীয় আৰোগ্যৰ হাৰ বৃদ্ধিত অৰিহণা যোগাইছে৷

ভাৰতৰ মুঠ আৰোগ্য লোকৰ সংখ্যা আজি ১,০৫,৮৯,২৩০জন হৈছে৷

২০২১ৰ ১২ ফেব্ৰুৱাৰীৰ পুৱা ৮ বজালৈকে দেশজোৰা ক’ভিড-১৯ টিকাকৰণৰ অধীনত ৭৫,০৫,০১০জন হিতাধিকাৰীক টিকাকৰণ কৰা হৈছে৷

দেশৰ সামগ্ৰিক টিকাকৰণ কৰা ৭৫,০৫,০১০জনক সামৰি লৈছে৷ ইয়াৰে ৫৮,১৪,৯৭৬জন স্বাস্থ্য কৰ্মী আৰু ১৬,৯০,০৩৪জন অগ্ৰণী কৰ্মী আছে৷ ভাৰতে দ্ৰুতগতিত ৭০লাখ লোকক টিকাকৰণ সম্পন্ন কৰিছে৷ এতিয়ালৈকে ১,৫৪,৩৭০টা পৰ্ব সম্পন্ন কৰা হৈছে৷

বিগত ২৪ ঘণ্টা(১১ ফেব্ৰুৱাৰী, ২০২১)ত ১১,৩১৪টা পৰ্বত ৪,৮৭,৮৯৬গৰাকী লোকক টিকাকৰণ কৰা হৈছে৷  টিকাকৰণ কৰা হিতাধিকাৰীৰ সংখ্যা প্ৰতিদিনে বৃদ্ধি পাই আহিছে৷

মুঠ হিতাধিকাৰীৰ ৬৯%ই ১০খন ৰাজ্য/কেন্দ্ৰীয় শাসিত অঞ্চলৰ৷ উত্তৰপ্ৰদেশতে মুঠ হিতাধিকাৰীৰ ১০.২% আছে৷

নতুনকৈ আৰোগ্য হোৱা ৰোগীৰ ৮৬.৮৯ শতাংশই ৬খন ৰাজ্য/কেন্দ্ৰীয় শাসিত অঞ্চলৰ৷

মহাৰাষ্ট্ৰত সৰ্বাধিক ৬,১০৭গৰাকী ৰোগী নতুনকৈ আৰোগ্য হোৱাৰ বিপৰীতে কেৰালাত ৫,৬৯২ আৰু চত্তীশগড়ত ৮৪৮গৰাকী ৰোগী আৰোগ্য হৈছে৷

নতুন আক্ৰান্তৰ ৭৯.৮৭%ই ৬খন ৰাজ্য/কেন্দ্ৰীয় শাসিত অঞ্চলৰ৷

কেৰালাত সৰ্বাধিক ৫,২৮১গৰাকীৰ বিপৰীতে মহাৰাষ্ট্ৰত ৬৫২ আৰু তামিলনাডুত ৪৮১গৰাকী লোক আক্ৰান্ত হৈছে৷

বিগত ২৪ ঘণ্টাত ৮৭জন ৰোগীৰ মৃত্যু হৈছে৷

নতুনকৈ মৃত্যু হোৱা ক’ভিড ৰোগীৰ ৭৫.৮৬% ৬খন ৰাজ্য আৰু কেন্দ্ৰীয় শাসিত অঞ্চলৰ৷

মহাৰাষ্ট্ৰত সৰ্বাধিক ২৫জনৰ বিপৰীতে কেৰালাত ১৬জন ৰোগীৰ মৃত্যু হৈছে৷

****

MV/SJ/DB