• লৈবাক্কী এক্তিব কেসলোদ অসি ঙসি লাখ ১.৮১ (১,৪১,৫১১) দা হন্থখ্রে
• হৌখিবা পুং ২৪দা অনৌবা কেস ১১,০৬৭ রেকোর্দ তৌখি অমরোমদনা হায়রিবা মতম অসিগী মনুংদা মীওই ১৩,০৮৭ নাবা ফগৎতুনা দিসচার্জ তৌখ্রে
• নাবা ফগৎলকপগী চাংনা ৯৭.২৭% ওইরি
• ফেব্রুৱারী ১০, ২০২১গী অয়ুক পুং ৮:০০ ফাওবদা বেনিফিসরী লাখ ৬৬ (৬৬,১১,৫৬১) হেন্না বেক্সিন কাপখ্রে
• রাজ্য/য়ু.তি. ১৯দা হৌখিবা পুং ২৪দা শিখিবা লৈতে
• কোবিদ-১৯ লাইচৎ মনুংদা গঙ্গাগী ঈশিংদা হেভী মেতলগী পোল্যুসন থোকপা চাউনা হন্থখি হায়না স্তদীনা উৎখ্রে

#Unite2FightCorona

#IndiaFightsCorona

 

লেপ্পা লৈতনা হায়থরক্তুনা ভারতকী এক্তিব কেসলোদ অসি লাখ ১.৪১দা হন্থখ্রে, রাজ্য/য়ু.তি. ৩৩দা এক্তিব কেস ৫,০০০দগী তানা লৈখ্রে, হৌখিবা পুং ২৪দা রাজ্য/য়ু.তি. ১৯দা লৈখিদবা য়াওখিদ্রে, কোবিদ১৯গী মায়োক্তা বেনিফিসরী লাখ ৬৬ হেন্না বেক্সিন কাপখ্রে

ভারতনা এক্তিব কেসশিং লেপ্পা লৈতনা হায়থরকপগী খোঙচৎ অসি মখা তানা চংশিনখ্রে। লৈবাক্কী এক্তিব কেসলোদ অসি ঙসি লাখ ১.৮১ (১,৪১,৫১১) দা হন্থখ্রে। হৌজিক লৈরিবা এক্তিব কেসশিং অসি ভারতকী অপুনবা পোজিতিব কেসশিংগী শুপ্নগী ১.৩০% ওইরি। লৈবাক্কী চৎলিবা খোঙচৎ অসি তুং ইনদুনা রাজ্য অমসুং য়ু.তি. ৩৩না হৌখিবা পুং ২৪দা এক্তিব কেসশিং ৫০০০দগী তানা রিপোর্ত তৌরকখি। দমন অমসুং দিয়ু অমদি দদ্রা অমসুং নাগর হবেলিদা হৌজিক এক্তিব কেস ০দা লৈরে। হৌখিবা পুং ২৪দা অনৌবা কেস ১১,০৬৭ রেকোর্দ তৌখি অমরোমদনা হায়রিবা মতম অসিগী মনুংদা মীওই ১৩,০৮৭ নাবা ফগৎতুনা দিসচার্জ তৌখ্রে।মসিনা অপুনবা এক্তিব কেসলোদতগী পুন্না কেস ২,১১৪ হন্থহনবা ঙমখ্রে।

রাজ্য অনি – কেরেলা অমসুং মহারাস্ত্র – অসিদা লৈবাক অসিগী অপুনবা এক্তিব কেসশিং ৭১% লৈরি। রাজ্য/য়ু.তি. তরা মাপনদগী হৌখিবা পুং ২৪দা লৈখিদবগী রিপোর্ত অমত্তা লাকখিদে। মখোয় অদুদি উত্তর প্রদেশ, দিল্লী, রাজস্থান, ওরিশা, অন্ধ্র প্রদেশ, জে অমসুং কে, ঝার্খন্দ, পুদুচেরী, মনিপুর, নাগালেন্দ, লক্ষদীপ, মেঘালয়, সিক্কিম, এন অমসুং এন ইথৎশিং, লদাখ, মিজোরাম, অরুনাচ প্রদেশ, ত্রিপুরা অমসুং দি অমসুং দি অমদি দি অমসুং এন হায়রিবশিং অসিনি। ভারতকী পুন্না ফগৎখিবা অসি ঙসি ১,০৫,৬১,৬০৮ শুখ্রে। নাবা ফগৎলকপগী চাংনা ৯৭.২৭% ওইরি। ফেব্রুৱারী ১০, ২০২১গী অয়ুক পুং ৮:০০ ফাওবদা লৈবাক শিনবা থুংনা পাঙথোকপা কোবিদ ১৯ বেক্সিনেসনগী থৌরম অসিগী মখাদা বেনিফিসরী লাখ ৬৬ (৬৬,১১,৫৬১) হেন্না বেক্সিন কাপখ্রে পুন্না বেক্সিন কাপখিবা ৬৬,১১,৫৬১ অসিদা ৫৬,১০,১৩৪ না হেলথকিয়র ৱার্করশিংনি অমসুং ১০,০১,৪২৭না ফ্রন্তলাইন ৱার্করশিং ওইখি। হৌজিক ফাওবদা সেসন ১,৩৪,৭৪৬ পাঙথোকখ্রে। বেক্সিনেসন দ্রাইভকী ২৪নি শুবা নুমিৎ অসিদা সেসন ৭,৯৯০ পাঙথোক্তুনা বেক্সিন কাপখিবা মীওইগী অরোইবগী মশিং অসিদা বেনিফিসরী ৩,৫২,৫৫৩ (ঐচ.সি.দবল্যু.-১,২৮,০৩২ অমসুং এফ.এল.দবল্যিু.- ২,২৪,৫২১) বেক্সিন কাপখ্রে। নুমিৎ খুদিংগী বেক্সিন কাপখিবা বেনিফিসরীশিংগী মশিং অসি লেপ্পা লৈতনা হেনগৎলক্লি। নৌনা নাবা ফগৎখিবা কেসশিংগী ৮১.৬৮% দি রাজ্য অমসুং য়ু.তি. ৬দগী ওইখ্রে। নৌনা ফগৎখিবা কেস ৬,৪৭৫গা লোইননা কেরেলানা নোংমা খক্তদা মশিং খ্বাইদগী য়াম্না ফগৎলকপগী রিপোর্ত তৌরকখ্রে। হৌখিবা পুং ২৪দা মহারাস্ত্রদা মীওই ২,৫৫৪ অমসুং কর্নাতকাদা মীওই ৫১৩ ফগৎতুনা মতুং ইন্নখ্রে। অনৌবা কেসশিংগী ৮১.৩১%দি রাজ্য অমসুং য়ু.তি. ৬তগী ওইখি। কেস ৫,২১৪গা লোইননা কেরেলানা মশিং খ্বাইদগী রিপোর্ত তৌরকখ্রে। মসিগী মতুংদা মহারাস্ত্রদা ২,৫১৫ অমসুং তামিল নাদুদা অনৌবা কেস ৪৬৯ রিপোর্ত তৌদুনা মতুং ইন্নখ্রে। হৌখিবা পুং ২৪দা লৈখিবা ৯৪ রিপোর্ত তৌরকখি। নৌনা লৈখিদবগী ৮০.৮৫%দি রাজ্য তরুক্তগী ওইখি। কেরেলাদা মশিং খ্বাইদগী য়াম্না লৈখিদে (১৬)। মহারাস্ত্রদা ১৫ অমরোমদা পঞ্জাবতা ৮ লৈখিদবগী রিপোর্ত তৌখি।

অকুপ্পা ৱারোলগীদমক :

কেন্দ্রগী হকশেল সেক্রেতরীনা রাজ্যশিং/য়ু.তি.শিংগা লোইননা কোবিদ বেক্সিনেসনগী ফীভম অমসুং থবক্কী খোঙজেল য়েংশিনখ্রে, রাজ্যশিং/য়ু.তি.শিংনা বেক্সিনেসনগী খোঙজেল চাউনা হেনগৎহন্নবা খঙহনখ্রে, বেক্সিন কাপ্পা হৌখিবা নুমিৎকী বেনিফিসরীশিংগী অনিশুবা দোজ ফেব্রুৱারী ১৩, ২০২১দগী হৌরগনি

কেন্দ্রগী হকশেল সেক্রেতরী শ্রী রাজেশ ভুশন্না ঙসি ভিদিও কনফরেন্সকী থোংদা রাজ্যশিং অমসুং য়ু.তি.শিংগী হকশেল সেক্রেতরীশিং অমসুং এন.ঐচ.এম.গী এম.দি.শিংগা লোইননা কোবিদ বেক্সিনেসনগী ফীভম অমসুং থবক্কী খোঙজেল য়েংশিনখ্রে। মালেমগী ওইনা খ্বাইদগী অচৌবা এক্সর্সাইস অমা ওইরিবা কোবিদ১৯ বেক্সিনেসন লৈবাক শিনবা থুংনা ইকাই খুম্নরবা প্রধান মন্ত্রীনা চয়োল অহুমগী মমাং, জনুৱারী ১৬, ২০২১দা হৌদোকখি। অহৌবদা কেন্দ্রগী হকশেল সেক্রেতরীনা রাজ্য অমসুং য়ু.তি.না থোইদোক হেন্দোক্না অমদি শিংথানিংঙাই ওইনা কোবিদ১৯ বেক্সিনেসন পাঙথোকখিবা অসিবু থাগৎখ্রে। ভারতনা মালেমগী ওইনা পন্দুপ অমা লানখিবা অসিদা মহাক্না হায় ভারতনা কোবিদ১৯ বেক্সিনেসন অসি শুপ্নগী নুমিৎ ২১দা মশিং মিলিয়ন ৫ য়ৌদুনা খ্বাইদগী খোঙজেল য়াংবা লৈবাক ওইখ্রে। নুমিৎ ৬০গী মমাংদগী হৌখিবা অতোপ্পা লৈবাক কয়ানা তার্গেৎশিং অসি য়ৌবদা মতম শাংনা লৌখি, হায়না মহাক্না ফোঙদোকখ্রে। কেন্দ্রগী হকশেল মন্ত্রীনা রাজ্যশিং অমসুং য়ু.তি.শিংদা বেক্সিনেসনগী খোঙজেল চাউনা য়াংখৎনবা হায়খ্রে। লৈবাক অসিনা বেক্সিনেসন দ্রাইভকা লোইননা মাংদা চংশিনদুনা কভরেজ হেনগৎহন্নবা রাজ্যশিং/য়ু.তি.শিংদা হায়খ্রে।

অকপর্রা ৱারোলগীদমক :

দাঃ হার্শ বর্ধন্না নই দিল্লীগী এ.আই.আই.এম.এস., বিশ্রাম সদান্দা লৈরিবা কা-হেন্না লায়ররবশিংদা শাম্তুগী কম্পোর, মাস্ক অমসুং সাপোন য়েন্থোকখ্রে

হেলথ অমসুং ফেমিলি ৱেলফিয়রগী য়ুনিয়ন মিনিস্তর দাঃ হার্শ বর্ধন্না ২০২১গী ফেব্রুৱারী ৮দা নই দিল্লীগী এ.আই.আই.এম.এস., বিশ্রাম সদান্দা লৈরিবা কা-হেন্না লায়ররবশিংদা শাম্তুগী কম্পোর, মাস্ক অমসুং সাপোন য়েন্থোকখ্রে। রেদ ক্রোস সোসাইতিগী সেক্রেতরী জেনেরেল শ্রী আর.কে. জেইন, এ.আই.আই.এম.এস.কী দাইরেক্তর, প্রোফেসর আর. গুলেরিয়া অমসুং এ.আই.আই.এম.এস.কী মকোক থোংবা ওফিসিএলশিংনা থৌরম অসিদা শরুক য়াখি। কোবিদ-১৯ অসিগী লান্থেংনবা অসিগী মরমদা হায়রদুনা, য়ুনিয়ন মিনিস্তরনা উৎখি মদুদি কোবিদ-১৯গী ঙাকথোক্নবা বেক্সিন অসি মায় পাক্না পুথোক্লে অমসুং ভারত সরকারনা মালেম অসিদা খ্বায়দগী চাওবা বেক্সিনেসন হৌখ্রে। মহাক্না অমুকসু হায়খি মদুদি, শেংনা হায়রবদা বেক্সিন অসি ইরমদম অসিদা পুথোকপনি, “ঐখোয়গী লৈবাক্কী তৌবা ঙম্বা অমসুং প্রধান মন্ত্রীগী ‘আত্মানির্ভর ভারত’ অসিগী খোঙথাং উৎলি”। কোবিদ-১৯গী শাফু অসি হন্থনবা আই.আর.সি.এস.না লৌরিবা থৌদাং অসি থাগৎলদুনা দাঃ হার্শ বর্ধন্না হায়খি মদুদি, “কোবিদ-১৯গী শাফু অসি হন্থনবা আই.আর.সি.এস.না লৌরিবা থৌদাং অসিদা ঐহাক্না য়াম্না চাওথোকচবা ফাওই।

অকুপ্পা ৱারোলগীদমক :

প্রধান মন্ত্রীনা খা অফ্রিকাগী রাস্ত্রপতি হিজ এক্সিলেন্সী মাতেমেলা সিরিল রামফোসাগা ৱারি শানখ্রে

ঙসি প্রধান শ্রী নরেন্দ্র মোদীনা শগোলশেল নুমিৎতা খা অফ্রিকাগী রাস্ত্রপতি মাতেমেলা সিরিল রামফোসাগা তেলিফোন্দা ৱারি শানখ্রে। কোবিদ-১৯ লাইচৎনা মরম ওইদুনা মখা তানা থেংনরিবা অৱাবশিং অমসুং মখোয় মখোয়গী লৈবাকশিংদা পায়খৎলিবা তিকা থাবগী থবকশিংগী মতাংদা লুচিংবা অসিনা ৱারি শানখি। খা অফ্রিকা য়াওনা দরকার লৈবা লৈবাক খুদিংমক্তা মখা তানা হিদাক-লাংথকশিং অমসুং তিকাশিং পীনবা ভারতনা হায়রিবা পোৎথোকশিং অসি পুথোকপা ঙম্বগী ফিবম অদু খা অফ্রিকাগী রাস্ত্রপতিদা প্রধান মন্ত্রীনা অমুক হন্না ফোঙদোকখি। মালেমগী তোঙান-তোঙানবা থবক থৌরমশিং, য়াম্না লাইনা মমল হোংবা হিদাক-লাংথকশিং অমসুং তিকাশিং ফংনবা ভারত অমসুং খা অফ্রিকাগী মরক্তা মতেং পাংনবগী খুদোংচাবশিংগী মতাংদশু লুচিংবা অনিনা খন্নখি। লাইচৎ অসি থেংন্নবা মতেং পীন্নবা খুদোংচাবশিং মশক খঙদোক্নবা অমসুং লৌশিং কয়া পীথোক-পীশিন তৌন্নবা লাক্লিবা নুমিৎ খরনি অসিদা লৈবাক অনিমক্কী ওফিসিএলশিং পাউ ফাউনবা হায়না লুচিংবশিংনা য়ানখি।

অকুপ্পা ৱারোলগীদমক :

প্রধান মন্ত্রীনা ‘অসোম মালা’ হৌদোকখ্রে অমসুং অসামদা হোস্পিতাল অনিগী উরেপ উয়ুং তমখ্রে

প্রধান মন্ত্রী শ্রী নরেন্দ্র মোদীনা অসামদা হোস্পিতাল অনিগী উরেপ উয়ুং তমখ্র অমসুং ‘অসোম মালা’ হৌদোকখ্রে, হায়রিবা অসি অসামগী সোনিৎপুর দিস্ত্রীক্তকী মনুং চন্না লৈবা ধেকিয়াজুলিগী স্তেত হায়ৱেজ অমসুং মপুং ওইবা দিস্ত্রীক্তকী লম্বীশিংগী থৌরম্নি। অসামগী মুখ্য মন্ত্রী শ্রী সার্বানন্দা সোনোৱাল, য়ুনিয়ন মিনিস্তর শ্রী রামেস্বর তেলি, অসাম সরকাকরগী মিনিস্তরশিং অমসুং বোদোলেন্দ তেরিতোরিএল রিজনগী চীফ শ্রী প্রমোদ বোরোশু থৌরম অসিদা শরুক য়াখি।

অকুপ্পা ৱারোলগীদমক :

কোবিদ-১৯ লায়চৎ অসিনা মালেম অসিদা তম্বীরি মদুদি অতোপ্পা অমনা অৱাবা তাদুনা লৈবদা কনা অমত্তা শাফবা ওইদে: রাস্ত্রপতি কোবিন্দ

কোবিদ-১৯ লায়চৎ অসিনা মালেম অসিদা তম্বীরি মদুদি অতোপ্পা অমনা অৱাবা তাদুনা লৈবদা কনা অমত্তা শাফবা ওইদে হায়না ভারতকী রাস্ত্রপতি রাম নাথ কোবিন্দনা হায়খি। মহাক্না কর্নাতকাগী বেঙ্গালুরুদা ফেব্রুৱারী ৭, ২০২১দা রজিব গান্ধী য়ুনিভর্সিতি ওফ হেলথ সাইন্সকী ২৩শুবা চহিগী ওইবা থৌরমদা ৱা ঙাংখি। রাস্ত্রপতিনা হায় মদুদি অহানবা মপুং ওইনা চহি চাম্মগী মতুংদা লাকপা লায়চৎ অসিনা লৈবাক অসিদা উবা ফংদবা মীয়ামগী ওইবা হকশেলগী ওইবা অৱাবা থেংনবা মতমদা শেম-শাবগী খুদোংচাবা অমা ফংহল্লি। অদুবু কোবিদ-১৯ অসি য়াম্না তাংনা থোকপা থৌদোক অমনি, সাইন্তিস্ত খর অমনদি তুংদসু অসিগুম্বা ময়াম অমা থোকলকপা য়াবা মরম্না চেকশিন্নবা হায়রি। মহাক্না ফোংদোকখি মদুদি মালেম অসি ঙসিদি পারা অমা তম্লে। মহাক্না হায় মদুদি কোবিদ মতুং অসিনা মালেম অসিনা হেন্না চেকশিনগদবনি। গ্রেজুএৎ ছাত্রশিং অসিদা ৱা ঙাংলদুনা, রাস্ত্রপতিনা হায় মদুদি মখোয়না শিংথানিঙাই ওইরবা শিনফম অসিদা চংলকপা অসিনা মখোয়না উবা ফংদবা অমসুং অমুক্তা থোকখিদ্রিবা মওংদা মীওইবা জাতি অসিদা সেবা তৌবা ফংনবগী খুদোংচাবা অমা ফংলি।

অকুপ্পা ৱারোলগীদমক :

ইন্তিগ্রেতেদ চাইল্দ দিবেলপমেন্ত সর্বিসশিংদা কোবিদ-১৯গী শাফু

কোবিদ-১৯ মনুংদা, মতম-মতমগী ওইনা সরকারনা ইশু তৌবা গাইদলাইনশিংগী মতুং ইন্না অঙ্গনৱাদি সেন্তরশিং মথৌ তৌবা য়াহনখি। মদুগী মতুং ইন্না অঙ্গনৱাদি ৱার্করশিংনা ফুদ আইতেমশিং অমসুং ন্যুত্রিসন সপোর্ত য়েন্থোকপগী থবক বেনেফিসরীশিং হায়বদি অঙাংশিং, নুপীশিং অমসুং খোম পিথক্লিবা নুপীশিংগী থোংজিন্দা নুমিৎ ১৫গী মনুংদা অমুকতং পাংথোকখি। অঙ্গনৱাদি ৱার্করশিং অমসুং হেল্পরশিংবু কোবিদ-১৯ এৱারনেস দ্রাইবতা শিজিন্নখি অমদি অখন্ননা অঙাংশিং অমসুং মখোয়গী মমা-মপাশিংদা প্রোপর সেনিতেসন অমসুং হেল্থ এজুকেসনগী মতাংদা এৱারনেস জেনরেৎ তৌনবা, কমুনিতী সর্ভিলেন্সনচিংবা পাংথোক্নবা থৌদাং শিন্নখি।

অকুপ্পা ৱারোলগীদমক :

কোবিদ বেক্সিন লোঞ্চ তৌবা

কোবিদ-১৯ বেক্সিনেসন লৈবাক অসিদা থেঙ্খাং নাইবা মওং অমদা হেল্থ কিয়র ৱার্করশিং অমসুং ফ্রন্ত লাইন ৱার্করশিংগী প্রাইওরিতাইজ গ্রুপশিংদগী হৌদুনা জনুৱারী ১৬, ২০২১দা রোল আউৎ তৌখ্রে। কোবিদ-১৯ বেক্সিনগী রোল-আউৎ অসি অমুক্তদা রাজ্য অমসুং য়ু.তি. পুম্নমক্তা তৌখি। লৈবাক শিনবা থুংনা হৌজিক চত্থরিবা থেঙ্খাং নাইবা কোবিদ-১৯ বেক্সিনেসন অসিগীদমক সরকারদা কোবিদ-১৯ বেক্সিনগী দোজ মরাং কাইনা লৈ। য়ুনিভর্সেল ইম্ম্যুনাইজেসন প্রোগ্রামগী মখাদা হৌজিক লৈরিবা কোল্দ স্তোএজ অসি মপাঙ্গল হাপখ্রে অমসুং মসি কোবিদ-১৯ বেক্সিন থম্বদা শিজিন্নরি। লৈরিবা স্তোরেজ স্পেস অসি রাজ্যশিং/য়ু.তি.শিংদা সপ্লাই তৌখ্রবা কোবিদ-১৯ বেক্সিনশিং থম্নবা মরাং কাইনা লৈ।

অকুপ্পা ৱারোলগীদমক :

কোবিদ-১৯ লাইচৎ মনুংদা ওনলাইন এজুকেসন ফংহন্নবা লৌখৎখিবা খোঙথাংশিং

কোবিদ-১৯ লাইচৎ মনুংদা সরকারনা ওনলাইন এজুকেসন ফংহন্নবা খোঙথাং কয়া লৌখৎখি। মসিদা দিজিতেল এজুকেসনগীদা প্রগ্যাতাগী গাইদলাইনশিং, ভারত নেৎ স্কীমগী মখাদা ইন্তর্নেৎ এক্সেস ফংহনবা অসিনচিংবা য়াওখি। দিজিতেল এজুকেসনগীদা প্রগ্যাতাগী গাইদলাইনশিং: লৈরিবা দিজিতেল ইনফ্রাস্ত্রকচর অসি য়েংলগা ইন্তর্নেৎ ফংবদা হেন্না মখা পোনবা ওনলাইন মোদ, দিজিতেল তেক্নোলোজী অমসুং অতোপ্পা ওফলাইনগী এক্তিবিতীশিংগী পুনশিন্নবা এপ্রোচ শিজিন্নবা পর্সিএল্লী ওনলাইন মোদ, মহৈ মশিং তাকপগী মরু ওইবা মীদিয়ম তেলিবিজন অমসুং রেদিওনা ওইনা শিজিন্নবা পর্সিএল অমসুং ওফলাইন মোদ য়াওনা মখল কয়াগী দিজিতেল এজুকেসনগী মোদশিংগী গাইদলাইন পীখি। গাইদলাইনশিং অসি মসিদা ফংগনি: https://mhrd.gov.in/sites/upload_files/mhrd/files/pragyata-guidelines_0.pdf ভারত নেৎ স্কীমগী মখাদা ইন্তর্নেৎ এক্সেস সরকারগী ইন্সতিত্যুসনশিংদা ফংহনখি অমসুং খুঙ্গংগী মফমশিংদা ইন্তর্নেৎ কন্নেক্তিবিতী ফগৎহন্নবা এম.ই.আই.তি.ৱাই.গী সি.এস.সি. ই-গভর্নান্স সর্ভিসেস ইন্দিয়া লিমিতেদ (সি.এস.আই.-এস.পি.ভি.)দা স্কুলশিং য়াওনা সরকারগী ইন্সতিত্যুসনশিংদা ফাইবর তু দি হোম (এফ.তি.তি.ঐচ) কন্নেক্তিবিতী ফংহন্নবা থবক শিন্নখি। প্রোজেক্ত অসি গ্রাম পঞ্চায়ৎ খুদিংদা লৈবা সরকারগী স্কুলশিংদা ইন্তর্নেৎ কন্নেক্সন ফংহন্নবনি।

অকুপ্পা ৱারোলগীদমক :

আই. এন্দ বি.গী মন্ত্রী প্রকাশ জাবদেকরনা পুনেদা রাজ্য শিনবা থুংনা চত্থগদবা কোবিদ১৯ বেক্সিনেসন অমসুং আত্মানির্ভর ভারতকী এৱের্নেস কেম্পেন হৌদোকখ্রে

ইনফোর্মেসন এন্দ বোর্দকাস্তিংগী কেন্দ্রগী মন্ত্রী শ্রী প্রকাশ জাবদেকরনা ঙসি পুনেদা কোবিদ বেক্সিনেসন অমসুং আত্মানির্ভর ভারতকী মোবাইল একজিবিসন এৱের্নেস কেম্পেন অমা লমথাখ্রে। কেম্পেন অসিগী মখাদা অখন্ননা শেম্বা ভেন ১৬না মীয়ামদা এৱের্নেস পীনবা মহারাস্ত্রগী জিলা ৩৬তা কোইনা চৎকনি। কেম্পেন অসি ৱর্ল্দ হেল্থ ওর্গনাইজেসন, য়ুনিসেফ অমসুং মহারাস্ত্রগী হকশেল বিভাগকী আই.ই.সি. দিবিজনগা লোইননা খুৎশম্নদুনা আই এন্দ বি মন্ত্রালয়গী পুনেগী রিজনেল আউৎরীচ ব্যুরোনা দিজাইন অমদি ইমপ্লিমেন্ত তৌখিবনি। ভেনশিং অসিনা এল.ই.দি স্ক্রীনশিংগী খুত্থাংদা পাউজেলশিং দিস্প্লে তৌগনি অমসুং ভেনশং অসি জি.পি.এস.কী খুত্থাংদা লাইফ ওইনা ত্রেক তৌগনি। থৌরম অসিদা ৱা ঙাংলদুনা শ্রী জাবদেকরনা হায়, “মালেম পুম্বনা কোরোনাগা লান্থেংনরি। অদুম ওইনমক মীশিং করোর ১৩০ লৈবগা লোইননা ভারতনা মসিগী চৈথেং অসি লেতিন অমেরিকা, য়ুরোপ নত্ত্রগা অেরিকাদগী হন্থহনবা ঙমখি।” মন্ত্রীনা মখা তারদুনা হায় কোবিদকী বেক্সিন কাপ্পা হৌখিবগা লোইননা ঐখোয়না অনৌবা ই-পাউ ফাওনবগী তাঙ্কক অমদা চংশিল্লক্লে। "ভারতকী বেক্সিন রোল আউৎ হৌখ্রে। কোবিদ বেক্সিন কাপ্পগী থৌরম অসি হৌদোকখিবদগী লৈবাক অসিগী হেল্থ অমসুং ফ্রন্তলাইন ৱার্কর লাখ। ৫০ হেন্না বেক্সিন কাপখ্রে। ফ্রন্তলাইন হেল্থ ৱার্করশিংগী মতুংদা চহি ৫০গী মথক্তা লৈবা মীওইশিং বেক্সিন কাপকনি মখা তারকপদা মীয়াম পুম্বা বেক্সিন কাপকনি" হায়না জাবদেকরনা ফোঙদোকখ্রে। কেম্পেন অসিনা মহারাস্ত্রগী কাচিন-কোয়া শিনবা থুংনা বেক্সিনেসন প্লানগী মতাংদা অমসুং কোবিদকা চুনবা চৎন-লোনচৎ ঙাক্না চৎনবা পাউজেল পুদুনা চৎকনি। সোঙ্গ এন্দ দ্রামা দিবিজনগী কলচরেল আর্তিস্তশিংনা মহারাস্ত্রগী রিজন অমমমগী মমিং লৈবা নাৎকী ওইবা শগোই-ঈশৈগী খুত্থাংদা পাউজেল পীগনি।

অকুপ্পা ৱারোলগীদমক :

কোবিদ-১৯ লাইচৎ মনুংদা গঙ্গাগী ঈশিংদা হেভী মেতলগী পোল্যুসন থোকপা চাউনা হন্থখি হায়না স্তদীনা উৎখ্রে

কোবিদ-১৯ লাইচৎ মনুংদা পাঙথোকপা স্তদী অমনা ইন্দস্ত্রীদগী থাদোরকপা ফত্তবা ঈশিং হন্থহন্নবা হোৎবনা গঙ্গগী ঈশিংদা হেভী মেতলগী পুোল্যুসন থোকহল্লিবা অসি থা খরগী অতেনবা মতমগী মনুংদা চাউনা হন্থহনবা ঙমগনি হায়না উৎখ্রে। কোবিদ-১৯ লাইচৎকী লোকদাউন অসিনা কানপুরগী ইন্দিয়ন ইন্সতিত্যুত ওফ তেক্নোলোজীদগী সাইন্তিস্তশিংগী তীম অমদা অচৌবা তুরেলশিংগী ৱাতর কেমিস্ত্রী রেজিলিয়ন্সতা রেস্ত্রিক্তেদ এনথ্রোপোজেনিক এক্তিবিতীশিংগী চৈথেং ক্বান্তিফাই তৌনবা অতাংবা খুদোংচাবা অমা পীখি। মখোয়না গঙ্গা তুরেলগী জিওকেমিকেল রেকোর্দ নুংতিগী লৌদুনা এনলাইজ তৌখি অমসুং লৈবাক শিনবা থুংনা থমখিবা লোকদাউনগী নুমিৎ ৫১নিগী মনুংদা ইন্দস্ত্রীদগী অমোৎপা থাদোরকপা হন্থবনা দিজোলব হেভী মেতল কনসেন্ত্রসনশিং অসি য়ামদ্রবদা চাদা ৫০ হন্থহনবা ঙমখি হায়না উৎখ্রে। মসিগী ওন্নতৈনবদা, লৌউ-শিংউদগী চেন্থরকপা মচুমশিং অমসুং নাইত্রেৎ অমসুং ফোসফেৎকুম্বা দোমেস্তিক সিৱেজ অসিদা অদুমক চপ মান্ননা লৈখি মরমদি হায়রিবা সোর্সশিং অসি লৈবাক শিনবা থুংনা থমখিবা লোকদাউন অসুনা অকাইবা থোকহনখিদে।

অকুপ্পা ৱারোলগীদমক :

কোবিদ-১৯ লাইচৎ মনুংদা কম্পেনীশিংগীদমক সরকারনা হৌদোকখিবা তোঙান-তোঙানবা স্কিমশিং

অকুপ্পা ৱারোলগীদমক :

কোবিদ-১৯ মনুংদা পায়খৎখিবা অশা ৱর্করশিংগী ঙাকশেলগী থৌরাংশিং

নেসনেল হেল্থ মিসনগী মখাদা অশাশিংবু কম্ম্যুনিতী হেল্থ ভোলুন্তিয়র ওইনা কোনশিল্লি অমদি শুপ্নতগী থবক্কী মতুং ইন্না ইন্সেন্তিব পী‍। শেন্বা চহী ২০১৮-১৯দা কেন্দ্রগী মন্ত্রী মন্দলনা অশাশিংগী ইন্সেন্তিবকী শেন্ফম থাদা লুপা ১০০০দগী লুপা ২০০০দা হেনগৎখি‍। মতম অমদি চাং নাইনা ফংলিবা ইন্সেন্তিবশিংগী মথক্তা স্তেত/য়ু.তি. কয়ানসু মখোয় মখোয়গী স্তেত/য়ু.তি. বদজেত্তগী অকক্নবা থাগী ওনরেরিয়ম পীবা হৌদোকখি‍। মতম মতমগী মতুং ইন্না ভারত লৈঙাক্না অশাশিং মপাঙ্গল কলহন্নবা অমদি মখোয়গী থবক্তা ঙাকশেল পীননবা তোঙান তোঙানবা থৌরাং কয়া লৌখত্তুনা লাক্লি‍। মসিগী মথক্তা, প্রধান মন্ত্রী গরিব কল্য়ান পেকেজ, ইন্সুরেন্স স্কিম অশা য়াওনা হেল্থ ৱর্কর পুম্নমক্কী ওইনা হন্দক্তা হৌদোকখ্রে‍। ইন্সুরেন্স স্কিম অসিনা কোবিদকা মরী লৈনবা থৌদাং পাঙথোকপদা লৈখিদবা য়াওরকপদা লুপা লাখ ৫০গী ইন্সুরেন্স কভর পীরি‍।

অকুপ্পা ৱারোলগীদমক :

 

পি.আই.বি. ফিল্দ ওফিসশিংদগী ফংবা পাউ

• অসাম: অসামদা লৈবাকপোকপা নুমিৎতা অনৌবা কেস মশিং ২৭ লাক্তুনা অপুনবা কোবিদ-১৯ কেস মশিং ২,১৭,২৫৬ য়ৌখ্রে, পুন্না পেসেন্ত ২,১৪,৪৯০ দিসচার্জ তৌখ্রে অমসুং পুন্না মীওই ১০৮৬ শিখ্রে৷ এক্তিব কেস মশিং ৩৩৩ লৈরি৷
• নগালেন্দ: নগালেন্দদা লৈবাকপোকপা নুমিৎতা অনৌবা কেস ০৬ লাকখ্রে৷ অপুনবা কেস মশিং ১২১১৬ য়ৌখ্রে৷
• কেরলা: কোবিদ-১৯ অসিদগী ঙাকথোকপা য়াবা থবকশিং হেন্না পাংথোক্নবা ইন্দিয়ন কাউন্সিল ওফ মেদিকেল রিসর্চনা কেরলাদা খঙহনখ্রে৷ ঙরাং লৈবাক অসিদা রিপোর্ত তৌরকখিবা কেস ১৩,০৮৮গী মনুংদা ৬৪৭৫দি কেরলাদগীনি৷ লৈবাক অসিদা হৌজিক হৌজিক পেসেন্ত ১,৪১,৫১১ লাইয়েং চৎথরি৷ মসিগী মনুংদা ৬৪,৩৯০দি কেরলাদগীনি৷ হৌজিক ফাওবদা ভেক্সিন কাপ্নবা রেজিস্তর তৌরিবা মীশিং লাখ ৫ হেনবা অসিগী মনুংদা হেল্থ ৱার্কর পুন্না লাখ ৩.২৬ ভেক্সিন কাপখ্রে৷
• তামিল নাদু: ইন্দিয়ন মেদিকেল এসোসিয়েসন্না ফোংবা দাতাগী মনুংদা ইন্না তামিল নাদুদা কোবিদ-১৯না মরম ওইদুনা শিখিবা দোক্তর মশিং অসি পুন্না ৮৯ শুখ্রে৷ কেন্দ্রনা ভেক্সিন কাপ্নবা অয়াবা পীরক্লবা মতমদা রাজ্য অসিগী সেনিয়র সিতিজনশিং অসিদা সরকার অসিনা ভেক্সিন কাপ্পা হৌরগনি হায়না তামিল নাদু হেল্থ দিপার্তমেন্তগী ওফিসিয়েলশিং অসিনা ফোংদোরকখ্রে৷ লৈবাকপোকপা নুমিৎতা রাজ্য অসিদা কেল ৪৬৯ লাকখি৷  মতম অমদা কোবিদ-১৯গী ফিভম অসি ৩১.৬% হন্থহনবা ঙমখ্রে হায়না সেরোপ্রিবেলেন্স দাতানা উৎলি৷ হৌজিক ফাওবদা মীওই ১,৭৪,৭৪৯ ভেক্সিন কাপখ্রে৷
• কর্নতকা:  ঙসি ফাওবদা, কর্নতকাদা অপুনবা কেস ৯,৪৩,২১২, শিখিবা ১২,২৪১, এক্তিব কেস ৫৭৮৫ অমসুং ৯,২৫,১৬৭ দিসচার্জ তৌখ্রে৷অচৌবা ৱারেপ অমা ওইনা কর্নতকা রাজ্যনা ধর্মগী ওইবা কুহ্মৈশিং, জত্রা অমসুং অতোপ্পা থৌরমশিং অসিদা থম্লম্বা অথিংবশিং অদু লৌথোকখ্রে৷ কোবিদ-১৯না মরম ওইদুনা ধর্মগী ওইবা কুহ্মৈশিং অসিদা অথিংবা থম্লিবা ২০২০গী মার্চ ২০গী ওর্দর অদু রিলিজিয়র্স এন্দোমেন্ত দিপার্তমেন্তনা লৌথোকখ্রে৷ বেনিফিসরি লাখ ৪.৪১ ভেক্সিন কাপখ্রে৷
• আন্ধ্র প্রদেশ: লৈবাকপোকপা নুমিৎতা পঞ্চয়তি ইলেক্সনগী অহানবা ফেস শান্তি লৈনা পাংথোকখ্রে৷ আন্ধ্র প্রদেশতা পঞ্চয়ত ২,৭২৩গী অহানবা ফেস্কী মীখল পুন্না চাদা ৮১.৭৮ থাদদুনা শান্তি লৈনা পাংথোকখ্রে৷ মতম অসিদা আন্ধ্র প্রদেশতা কোবিদ-১৯ কেস ৭০ লাকখি অমসুং লৌখিবা পুং ২৪ অসিদা অনৌবা মীওই অমতা শিখিদ্রে৷ অনৌবা কেসশিং লাকপা অসিনা অপুনবা কেস মশিং অসি ৮,৮৮,৫৫৫ য়ৌখ্রে৷ এক্তিব কেস মশিং অসি ৭,১৬০ ওই অমসুং হৌখিবা নুমিৎ অসিদা অনৌবা মীওই ১১৫ ফগৎলক্তুনা লাইনা অসিদগী ফগৎলকখিবা মীশিং অসি ৮,৮০,৪৭৮ য়ৌখ্রে৷ ফগৎলকপগী চাং অসি চাদা ৯৯.০৯নি৷ হৌখিবা চযোল অসিদা নুমিৎ অমদা কোবিদকী অনৌবা কেস ১০০দগী তানা রিপোর্ত তৌরকখ্রে৷
• তেলঙ্গনা: রাজ্য অসিদা ফ্রন্তলাইন ৱারিয়রশিং অসিগী কোবিদ ভেক্সিনেসন প্রোগ্রাম থা অসিগী ৬তগী হৌখ্রে৷ সরকারশিংগী হেল্থ ৱার্করশিং, প্রাইভেৎ হেল্থ ৱার্করশিং অমসুং অতোপ্পা ফ্রন্তলাইন ৱার্করশিং য়াওনা অপুনবা ভেক্সিন কাপখিবা মীশিং অসি ২,৪৩,৪৮৩ য়ৌরে৷ রাজ্য অসিদা রিপোর্ত তৌরকখিবা কোবিদকী অপুনবা কেস মশিং অসি ২,৯৫,৯৮৮নি অমসুং শিখিবগী অপুনবা মশিংনা ১৬১৩নি৷ পেসেন্ত ২,৯২,৫৭৮(চাদা ৯৮.৮৪) লাইনা অসিদগী ফবা ঙমখ্রে৷ হৌজিক লৈরিবা এক্তিব কেস মশিং অসি পুন্না ১,৭৯৭নি অমসুং মসিগী মনুংদা ৭২৯দি হোম/ইন্সতিত্যুস্নেল আইসোলেসন তৌদুনা থম্লি৷
• মহারাস্ত্র: লৈবাকপোকপা নুমিৎতা মহারাস্ত্রদা কোবিদ-১৯গী অনৌবা কেস মশিং ২,৫১৫ লাকখি৷ খ্বাইদগী রিপোর্তকী মতুং ইন্না রাজ্য অসিদা এক্তিব কেস ৩৪,৬৪০ লৈরি অমসুং পেসেন্ত ১৯,৬১,৫২৫ লাইনা অসিদগী পুংফ ফরদুনা দিসচার্জ তৌখ্রে৷ লৈবাকপোকপা নুমিৎতা রাজ্য অসিদা কোবিদ-১৯ অসিনা মরম ওইদুনা মীওই ৩৫ শিখি৷ রাজ্য অসিদা লাইনা অসিদগী ফগৎলকপগী চাং অসি ৯৫.৭৪%নি অমসুং রাজ্য অসিদা লাইনা অসিনা মরম ওইদুনা শিখিবগী চাং অসি ২.৫১%নি৷ লৈবাকপোকপা নুমিৎ ফাওবদা রাজ্য অসিদা কোরোনা ভাইরস অসিগীদমক ফ্রন্তলাইন ৱার্কর অমসুং হেল্থ ৱার্কর লাখ ৫ হেন্না ভেক্সিন কাপখ্রে৷
• গুজরাত: লৈবাকপোকপা নুমিৎতা গুজরাততা অনৌবা কোবিদ-১৯ কেস ২৩৪ লাকখি৷ মতম অসিদা লাইনা অসিদগী মীওই ২,৫৭,৪৭৩ ফবা ঙমখ্রে অমসুং মসিগী মনুংদা লৈবাকপোকপা নুমিৎতা মীওই ৩৫৩ লাইনা অসিদগী ফবা ঙমখ্রে৷ হৌজিক হৌজিক্কী ওইনা রাজ্য অসিদা লৈরিবা অপুনবা এক্তিব কেস মশিং অসি ২০৪০নি৷ রাজ্য অসিদা লাইনা অসিদগী ফগৎলকপগী চাং অসি চাদা ৯৭.৫৬ য়ৌরে৷ লৈবাকপোকপা নুমিৎ ফাওবদা রাজ্য অসিদা কোবিদ-১৯ অসিগীদমক মীওই পুন্না লাখ ৬ লিশিং ৬০ অমসুং মীওই ৫১৬ ভেক্সিন কাপখ্রে৷
• মধ্য প্রদেশ: লৈবাকপোকপা নুমিৎতা রাজ্য অসিদা অনৌবা কোবিদ-১৯ কেস ১৬৭, লাইনা অসিদগী ফগৎলপা মশিং ২১৯ অমসুং মীওই ২ শিখি৷ মসিগা লোইননা অপুনবা কেস অসি ২,৫৬,৭৫৮ য়ৌখ্রে অমসুং পুন্না মীওই ২,৫০,৯৪৬ য়ৌনা ফখ্রে অমসুং শিখিবা মশিং পুন্না ৩৮২৫ য়ৌরে৷ হৌজিক হৌজিক্কী ওইনা এক্তিব কেস মশিং ১৯৮৭ ওইরি৷ লৈবাকপোকপা নুমিৎতা অয়াম্বা কেস মশিংশিং ভোপাল(৪৪), ইন্দোর(৩৩) অমসুং জপালপুর(১১)না রিপোর্ত তৌরকখি৷
• ছত্তিশগর: লৈবাকপোকপা নুমিৎতা রাজ্য অসিদা অনৌবা কোবিদ কেস ২০৬, লাইনা অসিদগী ফখিবা ২২ অমসুং মীওই ১ শিখি হায়না রিপোর্ত তৌরকখি৷ মসিগা লোইননা অপুনবা কেস মশিং অসি ৩,০৭,৯৯৬ য়ৌরে অমসুং লাইনা অসিদগী ফগৎলকখিবগী মশিং অসি পুন্না ৩,০০,০৭৮ য়ৌরে অমসুং শিখিবা মশিংনা ৩৭৪৬ য়ৌরে৷ হৌজিক হৌজিক এক্তিব কেস মশিং ৪১৭২ লৈরি৷ লৈবাকপোকপা নুমিৎতা অয়াম্বা কেস মশিংশিং রাইপুর(৫৯), দুর্গ(২৯) অমসুং রাইগর্হ(২৫) রিপোর্ত তৌরকখি৷
• রাজস্থান: লৈবাকপোকপা নুমিৎতা রাজ্য অসিদা লাকখিবা অনৌবা কোবিদ কেস অসি ৯০নি৷ মসিগা লোইননা অপুনবা কেস অসি ৩,১৮,৩৮৪ য়ৌরে অমসুং লাইনা অসিদগী ফগৎলকখিবা মশিংনা পুন্না ৩,১৪,১৭৫নি অমসুং শিখিবা মশিংনা ২৭৭৪নি৷ লৈবাকপোকপা নুমিৎ ফাওবদা খোমগৎলকখিবা অপুনবা সেম্পল মশিং অসি পুন্না ৫৯,৯২,৫০১নি৷
• গোৱা - লৈবাকপোকপা নুমিৎতা গোৱাদা কোবিদকী অনৌবা কেস ৫৯ লাকখ্রে৷ লৈবাকপোকপা নুমিৎতা ফাওবদা এক্তিব কেস ৬৯২ লৈরি অমসুং লাইনা অসিদগী মপুং ফানা ফরদুনা কোবিদ-১৯ পেসেন্ত ৫২,৫৩০ দিসচার্জ তৌখ্রে৷ রাজ্য অসিদা ফগৎলকপগী চাং অসি ৯৭.২৮%নি৷

 

ফেক্ত চেক

*****

 

(Release ID: 1697032) Visitor Counter : 174