বৈশ্বিক মহামাৰীটোৰ বিৰুদ্ধে যুঁজখনত ভাৰতে লক্ষ্যণীয় সফলতা অৰ্জন কৰিছে।

মাত্ৰ ১৯ দিনত প্ৰায় ৪.৫ নিযুত (৪৪,৪৯,৫৫২) হিতাধিকাৰীয়ে ক’ভিড-১৯ ৰ টিকা লাভ কৰে।

ভাৰত হৈছে মাত্ৰ ১৮ দিনত ৪ নিযুত ক’ভিড-১৯ ৰ টিকাদান সম্পন্ন কৰা দ্ৰুততম দেশ। আন বহু ৰাষ্ট্ৰই প্ৰায় ৬৫ দিন পূৰ্বেই আৰম্ভ কৰিছিল। ভাৰতে ২০২১ ৰ ১৬ জানুৱাৰীত দেশজোৰা ক’ভিড-১৯ ৰ টিকাদান কাৰ্যক্ৰম আৰম্ভ কৰিছিল।

প্ৰতি দিনে টিকাদান কৰা হিতাধিকাৰীৰ সংখ্যাও ক্ৰমান্বয়ে বৃদ্ধি পাই আহিছে।

যোৱা ২৪ ঘন্টাত, সমগ্ৰ ৮,০৪১ ছেচনত ৩,১০,৬০৪ লোকক টিকাদান কৰা হয়। এতিয়ালৈকে ৮৪,৬১৭ ছেচন সম্পন্ন কৰা হৈছে।

ক’ভিড-১৯ ৰ টিকাদান কৰা মুঠ হিতাধিকাৰীৰ ৫৪.৮৭% হৈছে সাত ৰাজ্যৰ।

আজি ভাৰতৰ মুঠ সক্ৰিয় কেছল’ড ১.৫৫ লাখ (১,৫৫,০২৫) লৈ অৱনমিত হয়।

ভাৰতৰ বৰ্তমান সক্ৰিয় কেছল’ড হৈছে ভাৰতৰ মুঠ পজিটিভ ঘটনাৰ মাত্ৰ ১.৪৪%।

যোৱা কেইটামান সপ্তাহত সক্ৰিয় ঘটনাৰ সংখ্যাৰ দৈনিক পৰিৱৰ্তনে সক্ৰিয় ঘটনাৰ নিৰৱচ্ছিন্ন হ্ৰাস প্ৰদৰ্শন কৰিছে।

আজি ভাৰতৰ দৈনিক পজিটিভিটি হাৰ হৈছে ১.৮২%। যোৱা কেইটামান সপ্তাহ (১৯ দিন) ত ভাৰতৰ দৈনিক পজিটিভিটি হাৰ ২% ৰ নিম্ন হৈ ৰৈছে।

মুঠ আৰোগ্য লাভৰ ঘটনা হৈছে ১,০৪,৮০,৪৫৫ টা।

নতুন ঘটনাক নতুন আৰোগ্য লাভে অতিক্ৰম কৰাত আজি আৰোগ্য লাভৰ হাৰ ৯৭.১৩% লৈ বৃদ্ধি পালে। মুঠ আৰোগ্য লাভৰ ঘটনা সক্ৰিয় ঘটনাৰ ৬৭.৬ গুণ।

নতুন আৰোগ্য লাভৰ ঘটনাৰ ৮৬.০৪% হৈছে ৬ ৰাজ্য/কেন্দ্ৰীয় শাসিত অঞ্চলৰ।

৭,০৩০ টা নতুন আৰোগ্য লাভৰ ঘটনাৰে মহাৰাষ্ট্ৰত এদিনত আৰোগ্য লাভৰ সংখ্যা সৰ্বাধিক। যোৱা ২৪ ঘন্টাত কেৰালাত ৬,৩৮০ লোকে আৰোগ্য লাভ কৰে। ইয়াৰ পাছতেই তামিল নাডুত আৰোগ্য লাভ কৰে ৫৩৩ জনে।

নতুন ঘটনাৰ ৮৪.৬৭% হৈছে ৬ ৰাজ্য আৰু কেন্দ্ৰীয় শাসিত অঞ্চলৰ।

কেৰালাত দৈনিক নতুন ঘটনা সৰ্বাধিক ৬,৩৫৬ টা। ইয়াৰ পাছতেই মহাৰাষ্ট্ৰত ২,৯৯২ টাৰ সমান্তৰালভাৱে তামিল নাডুত নতুন ঘটনা ৫১৪ টা।

নতুন মৃত্যুৰ ঘটনাৰ ৭১.০৩% ছয় ৰাজ্য/কেন্দ্ৰীয় শাসিত অঞ্চলত লাভ কৰা হৈছে। মহাৰাষ্ট্ৰত মৃত্যুৰ ঘটনা সৰ্বাধিক (৩০)। ইয়াৰ পাছতেই কেৰালাত ২০ টা দৈনিক মৃত্যুৰ ঘটনা সংঘটিত হৈছে। পশ্চিম বংগ আৰু চত্তীশগড় উভয়তে ৭ টাকৈ মৃত্যুৰ ঘটনা সংঘটিত হৈছে।

*********

MV/SJ/SB