মালেমগী ওইবা লাইচৎ অসিগী লাঞ্জংদা ভারতবা শীংথানিংঙাই ওইনা মাই পাকপা ঙমখ্রে।

শুপ্নগী নুমিৎ ১৯ খক্তদা বেনিফিসরী মিলিয়ন ৪.৫গী ময়াদা (৪৪,৪৯,৫৫২) কোবিদ১৯গী বেক্সিন কাপখ্রে।

ভারতনা শুপ্নগী নুমিৎ ১৮গী মনুংদা কোবিদ১৯গী বেক্সিন কাপ্পা মিলিয়ন ৮ য়ৌখিবা খ্বাইদগী খোঙজেল য়াংবা লৈবাক ওইখ্রে। অতোপ্পা লৈবাক কয়ানা নুমিৎ ৬৫কী মমাংদগী হৌখ্রবনি। ভারতনা লৈবাক শিনবা থুংনা জনুৱারী ১৬, ২০২১দা কোবিদ১৯ বেক্সিনেসন দ্রাইভ হৌদোকখি।

নুমিৎ খুদিংগী বেক্সিন কাপ্পা বেনিফিসরীশিংগী মশিং অসি লেপ্পা লৈতনা হেনগৎলক্লি।

হৌখিবা পুং ২৪দা সেসন ৮,০৪১দা মীওই ৩,১০,৬০৪ বেক্সিন কাপখ্রে। হৌজিক ফাওবদা সেসন ৮৪,৬১৭ পাঙথোকখ্রে।

হৌজিক ফাওবদা কোবিদ১৯গী মায়োক্তা বেক্সিন কাপখিবা অপুনবা বেনিফিসরীগী ৫৪.৮৭%দি রাজ্য তরেৎতগী ওইখ্রে।

ভারতকী অপুনবা এক্তিব কেসলোদ অসি ঙসি লাখ ১.৫৫ (১,৫৫,০২৫) হন্থখ্রে।

ভারতকী এক্তিব কেসলোদ অসি হৌজিক অপুনবা পোজিতিব কেসশিংগী ১.৪৪% খক্তা ওইরি।

হৌখিবা চয়োলশিংদা নুমিৎ অমমমদা হোংলক্লিবা এক্তিব কেসশিংগী মশিং অসিনা এক্তিব কেসশিংদা লেপ্পা লৈতনা হন্থরক্লি হায়বা উৎখ্রে।

ভারতকী পোজিতিব ওইবগী চাং অসি ঙসি ১.৮২% ওইখ্রে। উৎলিবা অসিগী মতুং ইন্না ভারতনা হৌখিবা চয়োল খরা (নুমিৎ ১৯) অসিদা নুংতিগী ওইনা লৈরিবা পোজিতিব ওইবগী চাং অসি ২%গী মখাদা থম্বা ঙমখ্রে।

পুন্না নাবা ফগৎখিবা অসি ১,০৪,৮০,৪৫৫ শুখ্রে।

অনৌবা কেসশিংদগী নৌনা নাবা ফগৎলকপনা মশিং হেনগৎলকপনা খেন্নবা লৈরকপা অসিনা নাবা ফগৎলকপগী চাং ঙসি ৯৭.১৩% য়ৌহনখ্রে। পুন্না নাবা ফগৎখিবা কেসশিংনা এক্তিব কেসশিংগী শরুক ৬৭.৬ ওইখ্রে।

নৌনা নাবা ফগৎখিবা কেসশিংগী ৮৬.০৪%দি রাজ্য অমসুং য়ু.তি. ৬ দগী ওইখ্রে।

নৌনা ফগৎখিবা কেস ৭,০৩০গা লোইননা মহারাস্ত্রনা নোংমা খক্তদা মশিং খ্বাইদগী য়াম্না ফগৎলকপগী রিপোর্ত তৌরকখ্রে। হৌখিবা পুং ২৪দা মীওই ৬,৩৮০ ফগৎতুনা কেরেলানা মতুংদা লৈখ্রে অদুগা তামিল নাদুদা ৫৩৩ ফগৎতুনা মতুং ইন্নখ্রে।

অনৌবা কেসশিংগী ৮৪.৬৭% দি রাজ্য অমসুং য়ু.তি. ৬দগী ওইখ্রে।

কেস ৬,৩৫৬কা লোইননা কেরেলানা মশিং খ্বাইদগী রিপোর্ত তৌরকখ্রে। মমসিগী মতুংদা মহারস্ত্রদা  ২,৯৯২, অমসুং তামিল নাদুদা অনৌবা কেস ৫১৪  রিপোর্ত তৌখ্রে।

নৌনা শীখিবা অসিগী ৭১.০৩% দি রাজ্য/য়ু.তি. তরুক্তগী ওইখ্রে।  মহারাস্ত্রদা শীখিবা খ্বাইদগী য়ামখি (৩০)। ৱেস্ত বেঙ্গল অমসুং ছত্তিসগর অনিমক্তগী শীখিবা ৭ রিপোর্ত তৌরকখ্রে।

****