ప్రపంచాన్ని వణికించిన కోవిడ్ మహమ్మారి మీద పోరులో భారతదేశం గణనీయమైన పురోగతి సాధించింది. ఇప్పటివరకు దాదాపు 45 లక్షలమంది (44,49,552) కోవిడ్ టీకాలు అందుకున్నారు. ఈ సంఖ్య చేరుకోవటానికి కేవలం 19 రోజుకు పట్టింది.  18 రోజుల్లో 40 లక్షలమందికి టీకాలివ్వటం ద్వారా భారతదేశం అత్యంత వేగంగా ఈ లక్ష్యం చేరుకున్న దేశంగా నిలిచింది. చాలా దేశాలకు ఇలాంటి ఆరంభాన్ని అందుకోవటానికి 65 రోజులు పట్టింది. భారతదేశం 2021 జనవరి 16న  దేశవ్యాప్త కోవిడ్ టీకాల కార్యక్రమం ప్రారంభించిన సంగతి తెలిసిందే.    

ప్రతి రోజూ టీకాలు తీసుకుంటున్నవారి సంఖ్య  పురోగతి కనబరుస్తూనే ఉంది.

గత 24 గంటలలో 3,10,604  మంది 8,041 శిబిరాలలో టీకాలు తీసుకున్నారు. ఇప్పటివరకు 84,617 శిబిరాలు నిర్వహించారు.

ఇప్పటివరకు టీకాలు వేయించుకున్నవారిలో 54.87% మంది కేవలం 7 రాష్ట్రాలకు చెందినవారే.

భారత్ లో చికిత్సపొందుతూ ఉన్న కోవిడ్ బాధితుల సంఖ్య క్రమంగా తగ్గుతూ నేటికి  1,55,025 కు చేరింది. దేశమంతటా ఇప్పటివరకు నమోదైన మొత్తం కోవిడ్ పాజిటివ్ లలో వీరు కేవలం 1.44%. ప్రతి రోజూ అంతకుముందు రోజుకంటే కోవిడ్ చికిత్స పొందుతున్నవారి సంఖ్య క్రమంగా తగ్గుతూ రావటం స్పష్టంగా కనబడుతోంది.

భారతదేశపు రోజువారీ పాజిటివ్ శాతం నేటికి 1.82% అయింది. గడిచిన 19 రోజులుగా పాజిటివ్ శాతం 2% లోపే ఉంటూ వస్తోంది.

ఇప్పటివరకు మొత్తం కోలుకున్నవారి సంఖ్య 1,04,80,455 కాగా,  కొత్త  కేసులకంటే కోలుకున్నవారి సంఖ్య పెరుగుతూ వస్తోంది. ప్రస్తుతం కోలుకున్నవారి శాతం  97.13% కి చేరింది.  చికిత్సలో ఉన్నవారికంటే కోలుకున్నవారు 67.6 రెట్లు ఎక్కువ. గత 24 గంటలలో కోలుకున్నవారిలో  86.04% మంది కేవలం 6 రాష్ట్రాల్లోనే నమొదయ్యారు. గత 24 గంటలలో మహారాష్ట్రలో అత్యధికంగా 7,030 మంది, కేరళలో  6,380 మంది, తమిళనాడులో  మంది కోలుకున్నారు.  

కొత్తగా పాజిటివ్ గా నిర్థారణ అయినవారిలో 84.67% మంది ఆరు రాష్ట్రాలకు చెందినవారు కాగా  కేరళలో అత్యధికంగా  6,356 కేసులు, మహారాష్ట్రలో 2,992, తమిళనాడులో  514 కేసులు నమోదయ్యాయి.

గత 24 గంటలలో నమోదైన మరణాలలో 71.03% ఆరు రాష్టాలలోనే సంభవించాయి. మహారాష్ట్రలో అత్యధికంగా 30 మంది మరణించగా కేరళలో 20 మంది, చత్తీస్ గఢ్ లో ఏడుగురు చనిపోయారు..

***